Back To Top
ROMMITE
KIANG A SAWLTAK PAUL LAIKHAK
Romite 1
Chibai bukna
1 Paul, Jesu Krist sila, sawltak hiding a sehtuam, a tangthupha gending a Pasian sap in.
2 Hua tangthupha aman tannglai pek a, a Jawlneite tungtawn a Laisiangthou a ana chiamsa. 3 Taksa dan a David suan a piang, a Tapa Jesu Krist I Toupauh; 4 tualeh siangthouna kha lam ah, misi lak a thohkikna in silbawltheihna tawh Pasian Tapa ahih a suklat tungtang thu. 5 Amin jiak a namchin lak a, mi ginna lam a thumang sak dingin hehpina leh sawltak hihna itangta uhi. 6 Huate lak ah nou zong Jesu Krist a kipan sapte na hi uhi.
7 Pasian itta’k misiangthou hiding a sap, Rom khua a om jousiahte kianga: Pasian I Toupa Jesu Krist a kipan hehpina leh khamuanna na kiang uah om hen.
Kipak thu genna thumna
8 Leitung pumpi a na tanchin uh a kithang suak jiakin ka Pasian kiangah ka gen hi. 9 Ajiak ka thumna teng ah tawplouin naming uh kalou gige hi, chi a Tapa Jesu Krist tangthupha a ka kha a a nna kasepsak jing Pasian ahung theihpitu ahi. 10 Tu beek a na kiang uakung pai theihna ding Pasian lemsak a jinhun lemtang ka muh teitei theihna ding a ngen in. 11 Ajiak naetna ding ua khalam silpiak bang hiam kung piaktheihna dingin nou kung mu ut mahmah hi. 12 Tuapen na ginna uleh ka ginna a, nou leh kei iki khamuan tuah theihna dingin kachihna ahi.
13 Tualeh unaute, Jentel dangte kiang a ka sepgimna gah ka muh tak mahbang a nou lak ua zong ka muh theihna dingin na kiang uah tamvei hungpai ka tumta hi, hinanleh tu dongin dal in ka om jing chih ;na theih louh uh ka deihkei hi. 14 Grikte leh melmate kiangah bat kanei hi, mipil leh mipilloute kiang ah zong. 15 Tuachi’n nou Rom khua a omte kiang ah zong tangthupha ka theihtawp a gen dingin ka kiman jing hi.
Tangthopha sil bawltheihna
16 Tangthupha ka jumpih kei hi, ajiak agingta jousiah a dingin hihpen hundamna ding a Pasian sil bawltheihna ahi, Judate dingin ahi masa a, tualeh Grikte dingin zong ahi. 17 Ajiak ahihleh gintatna dingin ginna in Pasian diktatna siklat in aom a, “Mi diktat ginna in ahing ding,” chih gelh bang inn.
Mihingte gitlouhna
18 Ajiak, thutak diktatlouhna a dal mite Pasian ngaihsak louhna leh diktatlouhna jousiah tung ah Pasianngaihsak louhna leh diktatlouhna jousiah tung ah Pasian thangpaihna van a pat in ahung kilangta hi. 19 Pasian in atheihsak tak jiakin Pasian tanchin theihding pen amau uah suklat in aom ta hi. 20 Ajiak pen leiting siamchil a pat a, sil muhtheihlouhte a tangtawn sil bawltheihna leh a Pasian jia natan chiang silsiam ah chiantakin akilanlg a, chiantak amuh I a aom hi! 21 Pasian theihgal in Pasian bangin a pahtawi kei ua, kipathu zong agen kei uh, hinanleh sil thulimlou pouh a ngaihtuah jawta ua, tualeh a lulngtang maw uh ahung mialta hi. 22 Pil kisa in mimaw ahing suakta ua; 23 Sithei loun Pasian thupina pen sithei mihingte, vasate, keng li nei ganhingte leh abok a vak ganhingte lllllllim in a suaksakt uhi.
24 Tuajiakin Pasianin anauh pen a sapum uh jumhuai tak a dibawl tuah ding leh a lungtang uh deihlam bang a silnin abawl uh phal in a omsanta hi. 25 Huate’n Pasian thutakjuau tang sakin, asiamtu sangin, a silsiamtu bia in a nna aspsak jawta uhi, asiamtu pen tangtawn a phattak ahi, Amen.
26 Huathu jiakin Pasian in humhuaipi a ahuk uh phal alehlam a ngatsanta hi; ahuaj a bumeite nasan in zong apianpih omdan ngaina uh danlou bang a om dingin a kibawl lamdang jel uhi. 27 Tuachimah bangin pasalte’n zong numei zatdan ngaina tawpsanin, huk in aki enlah ua, pasal leh pasal kilawmlou takin aom ua, agitlouh man muh ding uh pen a satung uah amu uhi.
28 Tualeh a lungsim ua Pasian atheih utlouh man un Pasian in sil kilawnloute bawl ding a adeihlouh lam lungsim neih phal in a omsanta hi. 29 Diktat louhna jousiah, kingaihna jousia, gitlouhna jousiah, duh amna jousiah, ki muhdahna jousiah a dim in; thangsiatnate, tealthahnate, kinialnate, kikhemnate. Mi siatna ding ngaihtuah in a dim ua 30 thugu’k gen hatte, migensiathatte, Pasian huatlamte, simmoh hatte, kiliansakte, kisatheite, sil gilou npankhiatute, nu leh pa thu mangloute; 31 theihsiamna neiloute, thuchiam botsiate, pianpih lungsiatna neiloute, ngaihdamna neiloute, zahngaihna neiloute ahi uhi. 32 Huachibang sil lbawlte pen sitak ahi chi Pasian vaihawmna theingal in, amauh guak bawl zong hilou in, midang bawl zong a kipahpih uhi.
Romite 2
Pasian vaihawmna
1 Tuajiakin mihing aw, midang na thukhensakna tak ah nangmah siamlouh na kitan hi, nang thukhenpan zong huabang silte nabawl veve jiakin ngaihdamtheih na hitakei hi. 2 Hinanleh huachidbang silte na bawljelte tung a Pasian vaihawmna pen thutak dungjuiin ahi chi ithei uhi. 3 Tualeh huachibang silbawlte gensia a nang zong huate bawl veve, hihing aw! Pasian vaihawmna pel ding a kigingta na hi hiam? 4 Ahihkeilelh Pasian hoihna in kisik dingin nang ahung makaih chih theilou in, ahoihna hauhdan leh dohzawh dan leh thuaktheihnate simmoh nahi hiam. 5 Hinanaleh na lungtang khauhjiak leh na kisik nuamlouh jiakin Pasian thangpaihna ni leh vaihawmna diktak hung kilakni chiangin natung ah thangpaihna naki khawlkhawm hi. 6 Aman michih asilbawl bang jel un athukkik ding hi. 7 Silhoih bawl a kuhkal tak a pang a, thupina, leh pahtawina, leh manthai theihlouhna zong mite kiangah tangtawn henna apia ding a, 8 hinanleh genhak a, thutak juilou a, diktatlouhna juijawte tungah hehna leh thangpaihnate a om ding. 9 Thuakgimna leh lungkhamna thupitak sil gilou bawlte kha tungah a om ding hi; Judate kha tungah a om masa ding a, Grikte ka tungah zong a om ding hi. 10 Hinanleh silhoih bawl jousiahte kiangah pen thupinate, pahtawinate tualeh khamuaannate piak ahi ding; Judate kiangah piak masak ahi ding a, tualeh Grikte kiangah zong piak ahi ding hi. 11 Ajiak Pasian in mi deihsak tuam aneikei hi.
12 Kuapeuh dan neilou a sil bawlkhial pen dam louin a mangthang ding a, kuapeuh dan nei a sil bawlkhial pen dan a vaihawmsak in a om ding hi. 13 Ajiak dan ajami guak hih pen Pasian mitmuh in midik ahi kei a, hinanleh dan juite pen midik ahi a, hinanleh dan juite pen midik ahijaw ding uhi. 14 Ajiak dan neilou Jentelte’n amauh pianpih dan silte abawl ua, dan neikei nanle uh hihte dan in a kineih tawm uhi. 15 A lungtang uah dan silbawl gelh ahi chih a ensak ua, tuapen asia leh pha theihna un theihpih a, a lungsimte uh kisel in khatvei siam, khatvei siamlouh aki tangsak lehleh uhi. 16 Ka Tangthupha gen dungjui a Pasian in Jesu Kris zang a mihingte thugu’k vai ahawmni chiangin.
Judate leh Dan
17 Ngai in, Nangpen Judami kichi nahi a, dan namuang a; 18 tualeh adeihlam nathei a, dan hilh in na om a, sil hoihjawte na khen thei a, dan hilh in na om a, sil hoihjawte na khen thei a; 19 tualeh nang mahmah mittawte lamkaitu leh mial a omte a dingin vak hi in nakithei a. 20 Dan a pilna leh thutak omdan naneih jiakin mimawte hilhtu leh naungekte hilhtu hi in na ki gingta hi. 21 Tuajiakin, nang, midangte hilhtu, nang leh nang kihilhlou na hi maw, “Nang, guktatlouh ding chia thugenpa’n nangin na gujel maw?” 22 Nang, angkawm louhding chia heiltu’n- nang ang nakawmjel maw? Nang, milim kidakpa, milim biakna tempul a silte nagu jel maw? 23 Nang, dan suangpa, dan na bohsiat jiakin Pasian min na hihminsia jel maw? 24 “Ajiak Pasian min pen nou jiakin Jentelte lak ah gensiat in a omta hi,” chia gelh bangin.
25 Ajiak dan juite nahihleh teptan a phatuam a, hinanleh dan botsiatu nahih leh na teptan pen tanlouh mahbang ahita hi. 26 Tuajiakin tep tanlou min dan thusehte ajuih leh a teptanlouh pen tan bang a sim ahi kei ding maw? 27 Tualeh puandan a teptan mi’n dan a juihkim leh, nang, dan thugelh leh teptandan neingal a dan botsiatu pen ahung mohpaih kei ding uh maw? 28 Ajiakpen pualam guak a Judami hihpen Judami taktak ahikei, akilang a a pualam guak a teptanmi pen teptanmi pen teptan ahikei hi. 29 Hinanlleh a sungtawng a judami hihpen Judami taktak ahi, tualeh teptan taktak ahihleh lungsim lan a tan ahi, lai the guak a hilou in, kha ah ahi, amah pahtat lawh pen mihing a ahi kei a,
Romite 3
Pasian a pat ahijaw hi.
1 Ahihleh Judami in bang ahia hamphatna aneih tuan? Ahihkeileh teptan zong bang ahia a phattuam na? 2 Lam jousiah ah, aphatuam hi! Pasian kamsuakte akiang ua kepsak a aom jiak uhi ahi pen hi. 3 Ajiak mi khenkhat in gingta kei mahle uh bang ahituan dia? Agintat louhna un Pasian gin-omna bangmah lou asuaksak diai le? 4 Suaksak baih lou e! Pasian pen midiktat hi henla, hinanleh mi jousiah pen juauthei hijaw hen.
“Na thugen a siamtang a na om a;
Vaihawmsak a na om chiang a
Zong na zohtheihna dingin,”
chia gelh bang in.
5 Hinnnanleh I diktatlouhna in Pasian diktatna a suklat sem leh bang igen tadia? Pasianin mi agawt chiangin mi diktatlou ahi diai? (Mihing bangin ka gen hi) 6 Hihbaihlou! Ajiak huachi hitaleh Pasian in leitung vai bangchi’n ahawm tadia?
7 Hinanleh ka juau genjiak a Pasian thu dikdan ama thupina khop hial a alatsem leh? Bangding a kei zong mikhial bang a siamlouh tansak a omlai ka hia? 8 Tualeh bangding a, khenkhat in nunghek ua, ka gen louhpi nung gensak bang a, “Silhoih ahung pawt theihna dingin sil hoihlou i bawlding uh”? chia genjawlou ihi ua! Hichi bang mite’n siamlouh atan uh adik hi.
Kuamah adik omlou
9 Ahihtakleh bang? Amauh sangin ihoihjaw tuan maw le? Hoihjaw tuan baihbaih lou! Ajiak Judate leh Jentelte anih un khialhna nuai a omsiang ahi uh chih masang in a ngawh tave vua le.
10 Hichia gelh bangin:
“Kuamah midiktat mawng mawng
aom kei uh,
khat mah zong a om kei.
11 kuamah theisiam mawng mawng
aom kei kuamah Pasian zong zong
mawng mawng aom kei.
12 Pasian a pan ahilou lam ah apial
mangta uh;
bang mah phatuamlou ahung
suak mangta uh,
kuamah silhoih bawl a om kei uh,
khat mah zong a om kei hi.
13 A lawl uh han kihong bang ahi a,
alei un khemna thu agen a,
amuk uah gulgu a om hi;
14 akamte uh hamsia lawhna leh
khaatna in adim a,
15 akalte uh sisan uah dingin akinsuan
uhi;
16 manthaina leh gentheihna a lampi
uah aom a.
17 Tualeh khamuanna lampi zong
athei kei uhi,
18 amit hah uah Pasian lauhna mawng
mawng a om kei hi.”
19 Tunin dan sil khatpeuh agen taphot kan jousiah hum ahihtheihna ding leh, leitung jousiah Pasian mai a mohtang a a omtheihna ding un, dan nuai a omte kiang a agen ahi, chih ithei uhi. 20 Tuajiakin dan silbawlte jiakin kuamah Pasian mitmuh in siam tangin a om kei ding uhi, dan jiakin khial kitheihna hung om ahih jiakin.
Bang chi’n Pasian tawh dik tansak a om ihi ua
21 Hinanleh tuin dan leh Jawlneite’n atheihsak bang un dan panglou in Pasian diktatna suklat in aomta hi. 22 Tuapen Jesu Krist gintat a, agingtate tengteng a ding a Pasian diktatna ahi, lamdanna mawng mawng a om kei hi. 23 Ajiak mi tengteng in sil a bawlkhialta ua, Pasian thupina atan zohlouh nung un. 24 Krist Jesu a om tatna jiakin, a hehpihna a athawn a siamtansak in a om uhi. 25 Pasian dawhzohna jiak a nidanglai a khialnate uh kitheih mawh bawl a aom jiakin adiktatna etsakna dingin Krist Jesu pen a sisan a ginna jiak a khialhna thupha twain hi dingin Pasian in abawlta hi. 26 Aman midiktat ahihtheihna ding leh, Jesu gingta jousiahte siam tangsaktu a hitheihna ding a tulaia adiktatna itsakna ding ahi.
27 Ahihleh kisaktheihna ding khoi ah a om a? A om thei mawng mawng kei hi! Bang dan in ahia? Sil bawl dan in maw? Hilou in, ginna dan in ahijaw hi. 28 Tuajiakin, mi’n dan silbawlte jiak hilou in, ginna jiakin siamtangin i ngai uhi. 29 Pasian Judate Pasian guak adiai le? Jentelte Pasian zong ahi hi. 30 Teptante agintat jiak ua siam tangsak ding leh, tep tanloute agintat jiak ua siam tangsak ding Pasian khat guak ahi. 31 Tuachi ahihleh ginna jiakin dan pen bangmah louin ibawl uh adiam? Bawl lou e, dan pen i hihkipjaw lehbung uhi.
Romite 4
Abraham a pat etsakna
1 Ahihleh taksa dan a Ipu Abraham in amauh bang ahia igen ding uh? 2 Nasep jiak a Abraham siam tangsak a aom leh suan ding anei hi, hinanleh Pasian lam ah hilou in. 3 Laisiangthou in bang chi’n agen a, “Abraham in Pasian agingta a, hua ginna pen amah a dingin diktatna a sim ahi,” achi hi. 4 Tuin amah a pan nassemtu thaman pen hehpihna a sim ahi kei a, bat a sim ahijaw hi. 5 Hinanleh nna semlou a Pasian ngaihsak loute siam tangsakpa gingtajaw mi ginna pen diktatna a sim ahi. 6 Mi, nasep panglou a Pasian in diktat a asim a gual ajawl sak thu David in zongnnnnnn:
7 “A khialnate uh ngaihdam a omte leh,
a khialhnate uh khuh a omte ahampha uhi!
8 Toupa’n khilhna neilou a asehte a hampha uhi,” a chi hi.
9 Ahihleh hua hamphatna teptante tung guak a om ahi dian ahikeileh teptanloute tung a ah zong? “Abraham ginna pen adiktatna a sim ahi achi nga a” 10 Ahihleh hia bangdan a sim ahia le? A teptan nungin ahi kei a, a teptan masang in ahijaw hi. 11 Tualeh tep tanlou ahihlai a ginna a amuh diktatna theihna teptan chiamtehna amu ak tep tanlou hinanleh uh agingta jousiah pa ahih theihna dingin, diktatna pen amauh ding a zong seh ahihtheihna dingin. 12 Tualeh tep tanloute a ding a tep tanloute a ding a tep tante pa guak ahi kei a, hinanlehl Ipu uh Abraham tep tanlouh a a omlai a aginna neih bang a ginna neite pa zong ahi.
Ginna a Pasian thuchiam ngahna
13 Ajiak Abraham hiam ahihkeileh asuante kiang a leitung gouluahtu a hi ding chi thu dan jiak a chiam ahi kei a, ginna a diktatna jiakin ahijaw hi. 14 Ajiak dan a mite gou luahtu ahih ding uleh ginna bangmahlou asuak ding a, thuchiam zong bangmahlou asuakta ding hi. 15 Ajiak pen dan in thangpaihna asiam a, hinanleh dam omlouhna ah khialhna zong a om kei hi.
16 Tuajiakin hehpihna jiak a ahihtheihna dingin, ginna jiakin ahi, suante jousiahin zong thuchiam pen pellou a muhtheihna ding un. Dan nei mite guak hilou in, i un ua Ipa uh Abrahambang a ginna nei jousiahin zong amu ding uhi; 17 Nam tampite pa in kung bawl hi,” chia gelh bang in. Misite hingsaktu leh a omloute aom bang a gentu agintat Pasian mitmuh ah. 18 Kinep-huai a a omlouh in zong aman kinem takin agingta a, “nam tampite pa” ahung hihtheihna dingin. “Huachibang in nasuante ahung hi ding,” chia kigen dungjui in. 19 Tualeh ginna a hatlou hilouin, ataksa sisa bang a om leh, amah pen kum jakhat vel ding mi ahi a, Sarah chiin zong angaihtuah kei hi. 20 Ginlahna jiakin Pasian thuchiam taksanlou in aom kei a, ginna ah ahat a, Pasian apahtawi hi.
21 Tualeh thu aman achiam taphot pen a tangtung sak thei ahi chih theiin a gingta tinten hi. 22 Tuajiakin aginna pen, adiktatna a sim ahita hi.” 23 Tualeh “aginna pen adiktatna a seh ahita,” chih amah jiak guak a gelh ahikei a. 24Hinanleh misi lak a kipan a I toupa Jesu kaihthoupa igintat ua ahihleh eite a dingin zong diktatna a sim ahi ding hi. 25 Hua Jesu pen I khialhnate uh jiakin piakkhiat in a om a, tualeh siam itanna dingin kaihthoh in a om hi.
Romite 5
Pasian a dikna
1 Tuajiakin ginna jiak a siamtansak a om in, I toupa Jesu Krist jiakin Pasian tawh kilem in i om uhi. 2 Amah jiak mah in hih i dinkipna hehpihna huang ah ginna a luttheihna ineita uhi. Tualeh Pasian thupina a kinem in kipak in zong i om uhi. 3 Tualeh hua guak hilou in, gimthuakna in kuhkalna a hungtun chih thei in gimthuakna ah zong ikipak uhi. 4 Tualeh kuhkalna in theihchianna a hungtun a, theihchianna in kinepna a hungtun hi. 5 Tualeh kinepna in a zahlaksak kei a, hua Khasiangthou ikiang ua ahung piak in Pasian itna i lungtang ua asundim tak jiak in.
6 Ajiak ihatlouh laiin, ahuntak in Krist pen Pasian ngaihsakloute dingin ahung sita hi. 7 Midik tang a sih mi a ut khaw kei ding a. Hinanleh mihoih tang a sih mi khenkhat in a ngap maithei hi. 8 Hinanleh mikhialte ihihlai a Krist itang a ahung sihna ah Pasian in ahung itna alangsak hi! 9 Huaban ah, a sisan a siamtansak a i om nungin amah jiakin Pasian thangpaihna panin hundam in i omta uhi! 10 Ajiak pen melma ihihlai a bawn a Tapa sihna jiak a Pasian tawh kilem a i om tak uleh, killem a i om zoh nung un ahinna jiakin hundam in i omsem ding uhi! 11 Tua guak zong hilou in, hinanleh tu a tatna imuhna I toupa uh Jesu Krist jiakin Pasian kiang ah zong ikipak uhi.
Adam leh Krist
12 Tuajiakin, mi khat jiakin leitung ah khialhna ahung lut a, khialhna jiakin sihna a hunglut mahbang in mi jousiah ana khialh khittak jiakin sihna in mi jousiah ajelsuakta hi. 13 Ajiak dan omma in khialna leitung ah a om khinta a, hinanleh dan omlouh laiin khialhna pen khialhna a sim ahi kei hi. 14 Hinanleh Adam a kipan a Mosi tanpha in Adam khialhna bang a sil bawlkhial loute tungah sihna in vai ahawm hi.
Adam pen ahung paidingpa etsakna ahi. 15 Hinanleh sil thawnpiak pen gitlouhna tawh kibang ahi kei hi. Ajiak mikhat gitlouhna gitlouh jiak a bawn mi tampi asih ua ahihleh, Pasian hehpihna leh, mi khat Jesu Krist hehpihna jiak a silthawnpiak pen mi tampi tung ah piak in a om jawsem ngei ding hi. 16 Tualeh sil thawnpiak pen mikhat khialh jiak a sil hung om tawh kei hi. Ajiak ahihleh siamlouh tansakna vaihawmna pen mikhat “khialhna” jiakin ahung om a, hinanleh silthawn silthawnpiak pen gilou tampite jiakin “Siamtansakna!” dingin ahung om hi. 17 Ajiak pen mikhat khialh jiak a sihna in hua mikhat jiak mah a thuneitak a vai ahawm leh, hehpihna thupitak leh silthawnpiak mute’n mikhat Jesu Krist jiakin hinna ah vai a hawm jawsem ding uhi.
18 Tuajiakin mikhat gitlouh jiak a siamlouh tansakna vaihawmna mi jousiah tung ah ahung om a, tuachimah bangin mikhat diktatna silbawl jiakin henna muhna dingin siam tansakna silthawnpiak pen mi jousiah tung ah ahung om hi. 19 Ajiak mikhat thumanlou jiak ami tampi mikhial a bawl ahih bang un, mikhat thuman jiakin mi tampi midiktat hihsak ahi ding hi.
20 Tualeh gitlouhna atamsem na dingin dan ahung om behlap nalai a, hinanleh khialhna apunna ah hehpihna zong apung jawsem hi. 21 Khialhna in sihna a vai ahawm mahbang in, hehpihna in dikdtatna jiak a tangtawn henna tuna ding khop a I Toupa uh Jesu Krist jiakin vai ahawm hi.
Romite 6
Khialhna ah sihna Jesu Krist ah henna
1 Ahihlleh bang igen tading ua le? Hehpihna a khansemna dingin khialhna ah i omjing ding uh adiam? 2 Omjing lou e! Eite khialhna lam a sisate bang chi’n khialhna lam ah ihing thei nalai diai? 3 Ahihleh eite Jesu Krist a baptis a om jousiahte asihna ah Baptist in i om uh ahi chih theilou na hi umaw? 4 Tuajiakin a Pa thupina in misi lak a kipan Krist akaihthoh bang a eite zong henna thak a ihintheihna dingin asihna ah baptisma in amah tawh vuiin i om hi.
5 Ajiak asihna kibakpih a amah tawh ina kizoptak uleh athohkikna kibakpih in zong ikizop ding uhi. 6 Hih ithei uhi, khialhna pumpi hih mangthang a a omtheihna dingin, tu a kipat a khialhna sila a i om nawnlouhna dingin i mihing lui uh amah tawh kilhden in a omta hi, chih. 7 Ajiak kuapeuh sitasa pen khialhna a pat in a suakta ta hi. 8 Tualeh Krist tawh isihtak a ahihleh, amah tawh hing zong ihing ding uhi, chih igingta uhi. 9 Krist tuh misi lak a kipat kaithoh in aom a, a sinawn kei ding chi theiin, sihna in atung ah thu anei nawn kei hi. 10 Asihna pen khialhna lam thu ah khatvei si ahi a, hinanleh ahin ahihleh, Pasian lam ah ahing ahi. 11 Tuachimah bangin nou zong khkialhna lam thu ah sisa in kingai unla, hinanleh Pasian lam thu ah i Toupa Jesu Krist jiakin hing in kingai un.
12 Tujiakin, duhgawlna thu mang ding in na pumpi sithei uah khialhna vaihawmsak kei un. 13 Na pumpi hiangte uh zong diktatlouhna vanzak dingin khialhna kiangah piaphal kei un, ahihhang in misi lak a kipan a hingkik bangin Pasian kiangah kipia unla, na pumpi hiangte uh zong diktatna vanzak dingin Pasian kiangah piaphaljaw un. 14 Ajiak khiahna in natung uah thu aneinawn kei ding hi, ajiak, dan nuaia om na hikei ua, hehpihna nuai a om na hi uhi.
Diktatna silate hihna
15 Ahihleh bang chita ding? Dan nuai a om hilou a, hehpihna nuai a om ihih jiak un ikhial ding uh ahi diam? Khiallou ding! 16 Sihna ding a khialhna sila hi in, diktatna ding a thumanna sila hitaleh, kuakiang peuh ah zong thumang ding a sila a nakipiak nal uleh athu namanpa uh sila na hi uh chih theilou na hi uh maw? 17 Hinanleh Pasian kiangah kipahthu tung hen! Khialhna sila ana himahle uchin zong, nou hung kipia thugin pen lungtang taktak in na juita uhi. 18 Tualeh khialhna a kipan suahtaksak a om in, diktatna silate nung hita uhi. 19 (Na taksa uh hatlouhna leh gitlouhna hiang a sila ding a na napiak bang un, tu in na pumpi hiangte uh siangthouna dingin diktatna kiangah sila dingin pia un.
20 Ajiak khialhna sila nahihlai un dikktatna lam a pat nana suakta uhi. 21 Ahihleh tu a nasil jumpihte uah, hualaiin gah bang ahia le naneih uh? Hua silte tawpna lah sihna ahi ngal a! 22 Hinanleh tuin khialhna a pat suahtaksak a om a, Pasian silate na hung hih nung un sianthouna mukhop in nagah uh nanei ua, tualeh atawpna ah tangtawn henna tawh. 23 Ajiak pen khialhna sihna ahi a, hinanleh Pasian silthawnpiak pen I Toupa Jesu Krist jiakin tangtawn a henna ahi.
Romite 7
Kitenna a kipan etsakna
1 Unaute aw, dan in mi adamsung teng atung ah thu aneihkhum ahi chih theilou nahi uh hiam. Dan thei mite kiang a ka gen ahi. 2 Ajiak numei pasal nei pen apasal damsung teng dan a pasal a kan in a om hi. Hinanleh apasal asihleh lam thu ah dan a kipan in khahkhiat in a om hi. 3 Tuachi’n apasal damlai a midang a kitenpih leh pen, angkawmnu a kichi ding hi. Hinanleh apasal asihleh pen hua dan a pat a zalenta a, midang tawh kiteng nanleh angkawmnu a kichi kei ding hi. 4 Tuajiakin unaute aw, Pasian lam a gah isuah theihna ding a, mi dang, misi lak a kipan a kaihthoh a ompa ngei na kitengpih theihna ding un, Krist pumpi jiakin nou zong dan lam ah si nung hita uhi. 5 Ajiak taksa a i om laiin dan jiak a khialh utna hung suakkhiate’n i taksa hiangte ah sihna khop gah suang dingin asem taktak uhi. 6 Hinanleh tuin ahihleh ahung tu pa lah a sikhinta a, dan akipan in khahkhiat in i omta hi, laikhak gelhlui bang phet hilou a, kha thak nna isep theihna dingin.
Dan leh khialhna
7 Ahihleh bang igen tadiai le? Dan pen khialhna a diai? Hilou e! Hinanleh dan jiak a theih hikeileh khialhna kichi theilou ding hing a, “Ajiak dan in engken, chikei leh eng kichi theilou ding ka hi.” 8 Hinanleh khialhna in thupiak jiakin hun lemtang mu in kasung ah enna chinteng a omsak hi, dan louin pen khialhna asi ahi. 9 Tu masangin kei dan louin kana hing a, hinanleh thupiak ahung om takin khialhna ahung halhkhia a, kei kasita hi. 10 Tualeh hinna ding a thupiak pen sihna ding ahung hita chih kung theikhiata hi. 11 Ajiak khialhna in thupiak jiak a hun lemtang mu in ahung khem a, hua zangin ahung hihlumta hi.
12 Tujiakin dan pen asiangthou hi, thupiak zong a siangthou hi, thupiak zong a siangthoua, adik a, ahoih hi. 13 Ahihleh silhoih kei ding a sihna hung hita adiai le? Hibaih lou! Hinanleh khialhna pen khialhna a akilat theihna dingin khialhna a akilat theihna dingin khialhna in silhoih zangin keimah ah sihna ahung siamkhiata hi.
Eimah a om silnih kikalte
14 Ajiak dan pen khalam sil ahi chih ithei a, hinanleh kei sami khialhna sila a khausa ka hi. 15 Ajiak sil ka bawl pen adan ka thei kei hi, bang jiakin ahia ichihleh sil ka bawl ut pen ka bawl kei a, hinanleh kasil huatlam ka bawl kei a, hinanleh kasil huatlam ka bawl lehbung hi. 16 Ka bawl utlouh pen ka bawl ngal a ahihleh dan ahoih chia jui ka hita ding hi. 17 Hinanleh a bawltu pen kei ka hitakei a, khialhna keimah a om bawl ahijaw hi. 18 Ajiak keimah ah – chih in ka taksa ah, silhoih mawng mawng atengkei hi chi ka thei hi. Abawl utna pen keimah ah aom a, hinanleh hua ah ahoih bawltheihna ka mukei hi. 19 Ajiak silhoih ka bawl ut pen ka bawl kei a, hinanleh sil hoihlou ka bawl utlouh pen ka bawl jawsop hi. 20 Ka utlouh pen ka bawl tak a ahihleh, a bawltu keimah ka hitakei a, khialhna keimah a om bawl ahijaw hi.
21 Tuachi’n hih dan kungthei ta, silhoih ka bawl ut laiin gitlouhna ka kiang ah ahung om tinten hi. 22 Ajiak ka lungsim taktak in pen Pasian dan tung ah ka kipak hi. 23 Hinanleh ka taksa hiangte ah dan tuamkhat a om chih ka thei hi, huapen in ka lungsim dan adou a, tualeh ka taksa hiangte om khialhna dan kiangah sila in ahung pui chinten hi. 24 Aw genthei hina tazen e! Hih sihna pumpi a pat kua in ahia ahung suahtaksak ding ? 25 I Toupa Jesu Krist jiakin Pasian kiang ah kipahthu ka gen hi.
Tuachi’n kei mahmah in ka lunglsim in Pasian dan kasem a, hinanleh ka taksa in khialhna dan asem hi.
Romite 8
Kha a hinna
1 Tuajiakin, tuin Krist Jesu a om, taksa dan a omlou a kha dan a omjawte dingin siamlouh tansakna mawng mawng a om takei hi. 2 Bang jiak ahia ichihleh Krist Jesu a om hinna dan in khialhna leh sihna dan a kipan in ahung suaktasak ta hi. 3 Ajiak taksa hatlouh jiak a dan in a bawlguallouh Pasian in a Tapa in khialhna taksa gilou lim puain, tualeh khialhna ngaihddamna ding a hungsawl in taksa a khialhna om pen siamlouh a tangsakta hi. 4 Taksa dan a pailou a kha dan a paijaw eite dan diktatnate hih tangtung a a omtheihna ding in. 5 Ajiak, taksa dan a omten taksa lam silte a lunggulh ua, hinanleh kha dan a omten khalam silte a lunggulh uhi. 6 Ajiak, taksa lam lunggulh pen sihna ahi a, hinanleh khalam lunggulh pen henna leh khamuanna ahi. 7 Sa lam lunggulh pen Pasian tawh kidouna ahihjiak in, huapen Pasian dan nuai ah a om kei a, omzong a om theilou mawng ahi. 8 Tuachi’n taksa a omten Pasian a kipaksak theikei uhi.
9 Hinanleh Pasian kha nou kiang a aom taktak a ahihleh, taksa a om na hikei ua, kha a om na hizaw uhi. Hinanleh mi kuapeuh Krist kha neilou pen amah a ahikei hi. 10 Tualeh Krist nou a aom leh pumpi pen dikktatna jiakin asi ahi, hinanleh kha pen diktatna jiakin ahing ahi. 11 Hinanleh misi lak a Jesu kaithoupa kha nou mauh a aom leh misi lak a kipan a Krist kaithoupa’n noumah a om kha jiakin na pumpi uh sitheite zong ahingsak ding hi.
12 Tuajiakin unaute aw, bat inei hi, taksa dan a om ding in taksa dan a hilou in. 13 Ajiak taksa dan a na om uleh nasi ngeingei ding uhi. 14 Ajiak Pasian kha pui a om jousiahte pen Pasian Tate ahi uhi. 15 Lau omkik dingin sila hihna kha mu na hikei hi, hua kha jiakin “Abba Pa!” chi’n i kikou hi. 16 Pasian kha mahmah in eimah kha tawh Pasian tate ihi chih ahung theisak hi. 17 Tualeh tate ihihleh gouluahtute ihi uh, akiang a pahtawi a i omtheihna ding a amah ithuakpih taktak leh Pasian gouluahtute Krist lulahpihtute ihi uhi.
Thupina hungtung ding
18 Ajiak tulai a thuakgimnate pen denchiang a itung a thupina suklat a om ding tawh tehpih tham in ka ngaikei. 19 Silsiam jousiah in kinem mahmah in Pasian tate kilakna ding a ngakllah mahmah uhi. 20 Sialsiam jousiahte pen sil thulimlou thuthu a omsak in a omta uh. Amauh utthu hilou in kinepna nei a amauh omsakt jiakin ahijaw hi. 21 Ajiak silsiam jousiah zong siatna sila a pat suahtaksak a om in, Pasian tate noplenna thupi a lutding ahi uhi. 22 Ajiak silsiam jousiah tutan dongin maul eh nauveina thuak in a om uh chih ithei uhi. 23 Tualeh amauh guak zong ta hihna, ipumpi uh tatna muhna ding ngak in, eite tanpha lungsim in imau uhi. 24 Ajiak kinepna in ahi hundam a i om uh, hinanleh muhtheih gige kinepna ahi kei hi, mi’n amuh gige ah bangding in akinem lailai dia? 25 Hinanleh imuhlouh ikineppih leh kuhkal takin ingak teitei hi.
26 Tuachimah bangin kha in ihatlouh nate apanpih jel hi, ajiak bangchi bang a thum ding ihi ua chih ithei kei ua, hinanleh kha in mauna gen-guallouh in ahung ngetsak hi. 27 Tualeh Pasian deihlam bang a misiangthoute ding angetsak jiakin amah lungtang entu in kha deihlam bang ahia chih athei hi.
28 Tualeh Pasian itte, aman asseh bang a asapte dingin, sil jousiahin ahoihna ding un a semkhawm chiat hi chih ithei uhi. 29 Ajiak a theihkholhte ama tapa bang a om dingin asepkholh a, atate pen unau tampite lek a tamasa pen ahung hihtheihna dingin. 30 Tualeh asehkholhte pen sam zong asam a, tualeh asapte pen siam atangsak a, tualeh siam atansakte pen apahtawi hi.
Jesu Krist a Pasian itna
31 Ahihleh hihthute ah bang ign tadiai le? Pasian eilam a apan leh kuan ahia hung douthei ding? 32 Ama Tapa ngei zong khawilou a, i un ua hung piapa in bangding in sil jousiah athawn in amah tawh hung piakhawm lou ding ahia? 33 Pasian mitelte kuan ahia ahek ding? Siamtangsaktu Pasian lah ahia ngal a! 34 Kuan ahia siamlouh tangsak ding ? Asi pen Krist ahi ngal a, tuaban ah a thou kik jawta a, Pasian jiatlam ah a om a, hung ngetsaktu zong ahi! 35 Krist itna a kipan kuan ahia hung khen ding? Gimthuakna in maw, lungkhamna in maw, gawtna in ahia, kial in ahia, guaktang in ahia, lauhhuaina in ahia, namsau in ahia hung khen ding? 36 Laisiangthou a,
“Nang mah jiakin thah in ka om uh;
goh ding bellamte bang a sim ka
hi uh,”
chih gelh bang in.
37 Khen baih lou ding, hihte tengteng ah ahung ittu jiakin gualtung tuangte sang a tungtuangjaw ihi uhi! 38 Ajiak sihna hiam hinna hiam,vangtungmite ahiam, lalnate ahiam sil bawltheihnate ahiam, sil hung om dingte ahiam, 39 sanna hiam, thukna hiam, ahihkeileh silsiam dang mawng mawng in zong I Toupa Jesu Krist a om Pasiain itna a kipan ahung khenthei kei ding chih chiantak in ka thei hi.
Romite 9
Pasian leh amite
1 Krist a thutak ka gen ahi, Krist ah ka om, ka jua kei, Khasiangthou jiakin ka sia leh pha theihna in ahung theihpih hi 2 ka lungtang ah haksatna thupitak leh lungkhamna daitheilou nanei ahi 3 ajiak ka unaute aw, taksa lam a ka chipihte tang in keimah Krist kiang a pat bawltuam khop hial in hamsia thuak in omleng kachi hi. 4 Isarealmi ahi ua, ta hihnate, thupinate, thukhunte, danthu piaknate, Pasian nna senate leh thuchiamte bang amauh neih ahi a; 5 pu leh pate amauh ua ahi a, tualeh taksa lam thu ah Krist zong amauh lak a kipan a hung pawt ahi. Amah pen sil jousiah tung a am, tangtawn a pahtawitak Pasian ahi. Amen.
6 Hinanleh Pasian thu bangmah lou bang in a omta chih ahikei a, ajiak Isareal suante aun un Isarealmi ahi siang kei uhi. 7 Abraham suante ahihjiak un zong aun un tate ahisiang tuankei uhi, “Isask ah nasuan aki chi ding,” chih ahijaw hi. 8 Huapen, taksa tate Pasian tate ahi kei ua, hinanleh thuchiam tate pen Abraham tate a ngaih ahijaw uh chihna ahi. 9 Ajiak pen thuchiam hihmi ahi, “Tua-hun bang in kung pai ding a, Sarah in tapa anei ding chih.”
10 Tualeh huaguak ahi kei a, hinanleh Rebekka in zong, mikhat ipu uh Isak lak ah nau apai laiin. 11 Naupangte zong piang nailou in silhoih leh silsia zong bawl nailou in, tellam thu ah Pasian silguat a dettheihna dingin, silbawljiak hilouin, asamtu deihjiak hijaw in, 12 a kiangah, “A upajaw in anaujaw nna a sepsak ding,” Pasian in achi hi. 13 “Jacob ka it a, hinanleh Esau ka hua hi.” chih gelh bang in.
14 Ahihleh bang igen tadia le, Pasian ah diktatlouhna aom adiai? Om baihbaih lou. 15 Ajiak aman Mosi kiangah, “Ka khuatuah ut taphot ka khuatuah ding a; tualeh ka lungsiat ut taphot ka lungsiat ding,” chi’n ana genta hi. 16 Tuachi’n adeihpa jiakin ahikei a, ataipa jiakin zong ahituan kei a, hinanleh akhuatuahtu Pasian jiakin ahijaw hi. 17 Ajiak Laisiangthou in Pharoah kiangah, Hihjiak mah in kung tung ding a, nangmah a ka silbawltheihna ka etsak theihna ding leh leitung pumpi a kamin a thantheihna dingin,” achi hi. 18 Tuajiakin Pasian in a ut taphot a khuatuah a, a ut taphot zong agenhak sak jel hi.
Pasian hehna leshl zahngaihna
19 Tuachi’n nang ka kiangah, “Bangding a aman i diklouhna hungkawk ahia? Adeihlam kuan akalh a? nachi ding hi. 20 Hilou, hinanleh, aw mihing, nang Pasian dawng vialpa kua na hia? Silsiam in asiamtu kianga, “Bangding a hichibang a hungsiam nahia achi ding maw?” 21 Bel khengtu in bel leilom khat a pat belkhat deihhuaitak akheng ding leh, bel khat a pat bek khat thulimlou tak a kheng dingin bel leilom tungah thu neilou amaw?
22 Tualeh hehna bel, mangthang ding a kilawmte tung ah Pasian in a thangpaihna leh a silbawl theihna latsak a ut a, athuakzoh hamham leh bang akhok diai. 23 Tualeh khuatuahna bel thupina tang ding a tanglai a pat ana guakkholhte tung a a hehpihna hauhdan ahihlat theihna dingin. 24 Tua khuatuahna belte pen Judate guak a pat kipan hilou in, hinanleh Jentelte lak a pat sapte, eite tanpha ihi uhi. 25 Hosia laibu a,
“Ka mi hingailoute
‘kamite,’ kachi ding a.
it ngailouhnu zong
‘itnu,’ kachi ding
26 Tualeh hichi ahung hi a, akiang
uah, ‘kamite na hikei uh,’ chih mun ah,
Pasian hing tate chih a sap in
aom ding uh,”
anachih bang in.
27 Tualeh Isaih in zong Israelte tungtang thu ana tangloupih a: “Israeltate pen tuipi sehnel bangin tam nanle uh asimawk teng guak hundam in aom ding hi. 28 Toupa’n tomkhat leitung ah nasep abawl ding jiakin aman hua nasep ajou ding a, tualeh diktatna in atomsak ding hi.” 29 Tualeh Isaih mah in, “Mipite Toupa’n chi suangtu ding hung na khawisaklou hileh Sodom khua bangin itum tading a, tualeh Gomorrah bang a bawl in i om tading uhi,” chia anagenkholh bang in.
Israelte a ding tangthupha
30 Ahihleh bang igen tadiai le? Diktatna deihlou Jentelte’n diktatna a phata uhi, ginna jiak a diktatna pen; 31 hinanleh diktatna dan delh Israelte’n hua diktatna pen aphajou takei uhi. 32 Bang jiakin ahia? Ginna in adelh kei ua, dan silbawl a muhtheih dang a adelh jiak un ahi, “Ajiak pukna suang ah apukta uhi” 33 Laisiangthou a; “Ngaiin, Zion ah pukna suang leh,
Dalna suangpi kakoih hi.
Kuapeuh amah gingta pen
ajahlaksak kei ding hi,”
chia gelh bang in.
Romite 10
1 Unaute aw, Israelte ding a ka lunggulh pen leh Pasian kiang a ka thumna pen ahihleh, hundam a ahung omtheihna ding uh ahi! 2 Ajiak pen Pasian lam ah kuhkalna anei uh chih ka theih pih hi, hinanleh theihna dungjuiin pen ahikei uhi. 3 Ajiak Pasian diktatna theilou in amauh diktatna sukkip sawm in, Pasian diktatna ah aki tuhlut nuam kei uhi. 4 Ajiak agingta jousiahte adingin Krist pen diktatna muhna dingin dan suktawpna ahi.
Hundamna mi tengteng a ding ahi
5 Ajiak Mosi in: “Dan a diktatna juite pen hua diktatna in ahing ding,” chi’n agelh hi. 6 Hinanleh ginna a diktatna in hichi’n achi hi, “Na lungsim in van ah kua akahtou diai? (huapen tunglam a pat Krist puikhiat ding chihna ahi.) 7 “Ahihkeileh leinuai ah kua akumsuk diai? Chiken, (huapen misi lak a pat Krist puikhiat ding chihna ahi) chi in. 8 Hinanleh bang ahia agen: Pasian thu in a hungnaih hi, nakam leh na lungtang ah a om hi,” huapen, ginna thu ka gen pen uh ahi. 9 Na kam a Jesu pen Toupa ahi chia naphuan a, misi lak a kipat Pasian in a kaithou chih na lungtang a nagintat leh hundam in na om ding hi, chih. 10 Ajiak pen mi’n lulngtang in agingta ua, hundamna atang jel uhi. 11 Ajiak Pasian Laisiangthou in, “Kuapeuh amah gingta tuh azahlak kei ding,” achi hi. 12 Ajiak Judate leh Grikte ki lamdanna bangmah a om kei hi. A un ua tung ah Toupa khat hi a, tualeh amah samjousiahte tung ah hoihna ahau hi. 13 “Kuapeuh Toupa min lou taphot hundam in aom ding uhi.”
14 Ahihleh agintaklouh pi uh bangchi’n asamthei ding ua? Tualrh athu ajaklouhpi uh bangchi’n agingta ding ua, tualeh agentu omloupi’n bangchi’n ajathei ding ua? 15 Tualeh sawl ahihkeileh bangchi’n agenthei ding ua, khamuanna “Tangthupha leh silhoih kipak huai hung tutte keng kilawm hina tazen e!” chia gelh bang in. 16 Hinanleh tangthupha aun un a ngaikhia kei uhi, ajiak Isaiah in, “Toupan ka thugen uh kuan ahia agintat?” anachi hi. 17 Tuachi’n ginna pen jakna jiakin ahung om a, tualeh jakna pen Pasian thu jiakin ahung om hi.
18 Hinanleh kachi ahi: Ammau’n jalou ahi ding uai le? Jatham e!
“Athawm uh leitung pumpi
athawn suak a;
athu uh kawlmong tan dongin
athangta hi.”
19 Hinanleh kachi ahi, Israelte’n theilou ahi ding uai? Amasa in Mosi in,
“Nam a gentham louhte zang in
Kung thangsiasak ding a;
tualeh nam mawlte zang in kung hehsak ding hi,”
ana chi hi.
20 Tualeh Isaiah in, hangsan takin,
“Ahung zongloute kiangah
mukhiat in ka om a;
ahung samloute kiang ah hihlat
in ka omta hi,,”
achi hi.
21 Hinanleh Israelte kiangah, “Mi thumangloute leh nialhatte dingi sun nitum in kaban kajak hi,” chi’n agen hi.
Romite 11
Israelte tung a Pasian zahngaihna
1 Ahih leh Pasian in amite paikhiata ahi diai le? Paikhe baihlou! Ajiak kei zong Israelmi Abraham suan, Benjamin phung a mi ka hi. 2 Pasian in ami a theihkholhte a paikhia kei hi, Pasian Laisiangthou in Elijah thu agen theilou nahi uh maw. Aman Israelte tungthu Pasian kiangah atut a: 3 “Toupa, na Jawlneite athat ua, na maitamte a suchim ua, tualeh keimah tang in ka om, keizong thah ahung sawm uhi,” chi in. 4 Hinanleh Pasian in adawnna ah bangchi’n agen ei? “Baal lim mai a khupdin ngailou mi dang sagih keimah a dingin ka sitlai hi,” chi’n adawng a. 5 Tuachimah bangin tulaiin zong hehpihna dungjui a tel amawk aom nalai hi. 6 Tualeh hehpihna jiak ahihtak a ahihleh, nasep jiak ahita kei hi, atuachih keileh, hehpihna pen hehpihna ahitakei ding hi. Hinanleh nasep jiak ahihleh pen, hehpihna jiak ahitakei ding, atuachih keileh nasepna zong nasepna ahita kei ding hi.
7 Ahihleh bangchi ahita diai le? Isaraelte’n a zon uh amuta kei ua, hihnanleh telten amu uh, adang tengteng mit tawtsak in a omta uhi. 8 Tuni mah mah in akiang uah, “Khuaphawklou a omna kha apia a, amuh theihlouhna ding uh mitte leh, ajak theihlouhna ding uh bilte tawh,” chih gelh bang in. 9 Tualeh David in
“A dohkante uh amauh a dingin
thang leh pial leh;
pukna phuba lakna hung hi
hen!
10 amuh theihlouhna ding un amitte
uh hung mial henla;
tualeh a ngum uh kundak jing in,”
achi hi.
11 Tuachi’n kachi ahi: A kipalpukna uh apukden nang uh ahi diai le? Hilou e! Hinanleh apuk jiakin amauh thangsiatsak na dingin Jentelte kiangah hundamna ahung tungjawta hi. 12 Tualeh apuk uh bawn leitung hihhauhsakna ahih a, tualeh akiamna uh zong Jentelte hauhsakna ahihleh, abukimna uh bangjahta a hauhsakna ahita diai le!
Jentelte a ding a hundamna
13 Nou Jentelte kiangah ka gen ahi: kei Jentelte sawltak ka hihjiak in ka nasepna ka pahtawi hi. 14 Bang chidan hiamkhat a ka chipihte ka thangsiatsak a, alak ua khenkhatte beek ka hutdam theihkhak leh chi in. 15 Ajiak amauh paihkhiatna bawn leitung tawh kituahkikna ahihleh, amauh deihkikna pen sihna a pat henna ahihkeileh bang ahi diai!
16 Ajiak gah masa asianthou leh alompi zong tuachihmah bangin asiangthou hi. Tualeh azung asianthou leh, abate zong tuachimah bang in asiangthou hi. 17 Tualeh aba khenkhatte suktan a aom a, nang olive sing a hoihna kikoppih nahih jiakin. 18 Tuachi’n ba dangte tung ah killiansak ken, hihnanleh kiliansak nanlechin azung vaktu ahijaw hi.
19 Tuachi’n nang, “Ahi, phuhlut a ka omtheihna dingin bate suktan a om ahi,” nachi ding hi. 20 Adik ahi, agintaklouh jiak un ahi suktan a aom uh, tualeh nang na ginna jiakin nading ahi, kisathei kenla, hinanleh laujaw in. 21 Ajiak Pasian in aba taktakte a khawikei leh, nang zong ahung khawi tuan kei ding hi. 22 Tuajiakin Pasian hoihdan leh thukhauhdan ngaihtuah in, apukte tung ah a thukhauh ahi, nang lam ah ahoih ahi, ahoihna a na omjing leh, atuachih keileh nang zong satkhiat in na om thou ding hi. 23 Tualeh amauh zong gingtalou a a omjing kei uleh, phuhlut in a om ding uhi, ajiak Pasian in amauh aphutlut thei hi. 24 Nang, piandan lou tak a olive singhoih a phuhlut a na omleh, hih aba takte pen bangzahta a phuhlut in aom tazen ding uai.
Mijousiah tung a Pasian zahngaihna
25 Ajiak unaute aw, na kipilsak louhna ding un, hih thugu’k, Jentelte bukimna a hungtun masiah Isarael tung ah theihsiam louhna bangtan hiam a hungtung tadih ahi, chih natheih louh ka deih kei hi. 26 Tualeh Isarael jousiah hundam in a om ding uhi. Laisiangthou a,
“Zion a kipan in hundampa a hung
pai ding a
Jacob a kipat Pasian ngaisak
louhna a hihmang ding hi.
27 Ajiak a khialhnate uh ka lakmang
tak chiangin akiang ua ka
tukhun ding pen hih ahi,,”
chih gelh bang in.
28 Tuathupha lamngaihtuah in pen nou jiakin melma ahi ua, hinanleh tel thu lam ngaihtuah in pen pu leh pate jiakin deihtakte ahi uhi. 29 Ajiak Pasian in a silthawn piak ah lelh lasapna ah lungsim akhek ngaikei hi. 30 Ajiak nidanglai in Pasian na gingta kei ua, hinanleh tuin amauh awilouh jiakin zahngaihna na muta uhi. 31 Tuachimah bangin nou ahung hehpihna jiak a zahngaihna a muhtheihna ding un, tuin hihten zong gingtalou ahita uhi. 32 Ajiak Pasian in ahehpih chiat theihna dingin mijousiah pen thuman louhna nuai ah a khumsiangta hi.
Pasian phat unnn
33 Pasian pilna leh theihna thuk hina lawm lawm e! A vaihawmnate zon guallouh leh alampite muhguallouh hina tazen e! 34 Ajiak Laisiangthou in hichi’n agen hi,
“Toupa lungsim kuan ahia athei?
ahihkeileh kua ahia a
lemguatpihtu a pang?
35 Ahihkeileh, adit kik ding a zong,
kuan ahia akiang a silpia masa
phot?
36 Ajiak amah a kipan leh, amah jiak leh, amah ding a sil jousiah om ahi, amah kiangah tangtawn in thupina om hen! Amen.
Romite 12
Pasian nasepna a hinkhua
1 Tuajiakin unaute aw, Pasian kiang a na pumpi uh kithoihna hing leh, siangthou leh, Pasian pomta’k ding a kilan dingin Pasian zahngaihna jiakin kung ngen hi. 2 Tualeh hih leitung dan bangin om kei unla, hinanleh Pasian deihlam hoih leh pomtak leh hoihbukim bang ahia chih na theihchian theihna ding un na lungsim uh athak a om in hung lamdang jawta un.
3 Ajiak pen ka kiang a hung kipia hehpihna jiakin, nalak ua mi kuamah in a kiletsak ding hun vak a kiliansaklou in, hinanleh Pasian in michih kiang a ginna apiak hun bang jel a diktak a ngaihtuah jaw dingin ka chi hi. 4 Pumpi khat ah hiang tampi inei ua, tualeh hiang jousiah nasep a kibaklouh mah bang in. 5 Eite tampi hinanlei zong Krist ah pumpi khat ihi a, khat leh khat iki hiangtuah chiat uhi. 6 I kiang a hehpihna hung kipia dungjuiin silthawnpiak tuamtuam inei a, thugen ding ahihleh iginna utoh kituak in igen ding uhi; 7 nasep ding ahihleh isem ding uh, thuhilh dingin zong hilh hen; 8 hasottu in zong hasot hen, sil piatu in zong itlouin pia hen, vaihawmtu in zong taima takin hawm hen, mi khuatuahtu in zong kipak takin khuatuah hen.
9 Itna ahihleh lepchiahna panglou in hi hen, gitlouhna mawng mawng hua unla, hoihna jousiah tu tinten un. 10 Sanggam ki itna in khat leh khat ki lainat tuah chiat unla, ki zahbawl na lam ah kideihsak tuah chiat un. 11 Taimak lam ah thadah kei unla, khalam ah phattuam ngai un, Pasian nna sem un. 12 Kinepna lam ah kipak jingin, gimthuakna lam ah thuak teitei un, thumna lam ah kuhkal jing un. 13 Misiangthoute taksap awng hu unla, jindou nasiam un.
14 Ahung gawtte gualjawl unla, gual jawl un, hamsiat kei un. 15 Kipakte kipahpih unla, kapte kapte kahpih un. 16 Khat leh khat ngaihtuah kibang in om un. Kingaihtuah sang talua kenla, mineu nou noute tawh kipawl jaw un, kipilsak kei un.
17 Kua gitlouh gitlouh in thuk kei un, mijousia mitmu ah sil kilawm bawl ding sawm un. 18 Ahihtheih liaileh natung a ki-nga zah zah ah ki-nga in, mijousiah tawh kilem in om in. 19 Deihtakte, phuba kilatuah kei un, ajiak hichi banga gelh ahi, “Phulak him him keimah a ahi, keiman kathuk na ding, Toupa, Toupa’n achi hi.” 20 Tuajiakin, “Na melma agil akial leh nek ding pia in, adang atak leh dawnding pia in, ajiak tuachibang a nabawl leh a lutung ah mei-am na sekhawm ahi ding hi.” 21 Gitlouh zoh in omkenla, hoihna tawh gilou joujaw in.
Romite 13
Leitung vaihawmte thu man ding
1 Michih a tung a vaihawmtute thu thu im om hen, ajiak Pasian thu louin kuamah vaihawm a om kei hi, vaihawmtu a omte Pasian guat ahi. 2 Tuajiakin kuapeuh vaihawmtu nial pen Pasian silguat kalh ahi. Tualeh akalhtuten amauh tung ah siamlou tansakna amu ding uhi. 3 Vaihawmtute pen silhoih bawlte a dingin lauhuai ahi kei ua, hinanleh mligiloute a dingin lauhuai ahi uhi. Ahihleh vaihawmtu laulou a om na ut ei? Silhoih bawl in, tuachi’n apahtak nalawh ding hi. 4 Ajiak amah pen na hoihna ding a Pasian nasemtu ahi. Hinanleh sil gilou na bawl leh lau in, ajiak aman a namsau a mawktawi kei hi, amah pen Pasian nasemtu sil gilou bawlte tung a hehna phuba latu ahi. 5 Tuajiakin Pasian gawtna laujiak guak hilouin, na sia leh pha theihna jiakin zong vaiawmtute thu thu a na om ding mawng ahi.
6 Hih jiakin siah zong na pia uhi, amauh pen hih silte bawl ding a Pasian nasem ahi uhi. 7 Tuaziakin mijousiah kiangah atan ding lawm uh pia un, leiman piakna dingpa kiangah leiman, siah piakna dingpa kiangah siah, tualeh amauhte zahtak un.
Khat leh khat kingaihsak tuah ding
8 Ki it tuahna loungal kuamah bangmah bakei un, ajiak midang itpa in dam ahih bukim hi. 9 Ajiak hih thupiakte, “Ang na kawmlouh ding ahi, na guklouh ding ahi, theihpitu diklou a napanlouh ding ahi, na englouh ding ahi,” tualeh hihlou thupiak dang mawng mawng aom leh, huate, “Nangmah na ki it bangin na innvengte it in,” chih in a khaikhawm siang hi. 10 Itna in a innvengte a bawlsia ngaikei a, tuajiakin itna hi dan juihkimna ahi.
11 Tualeh igintat tunglai sang un i hundamna ni anaijawk taak jiakin ihmutna a pat khanlawh ahum mahmahta hi chih hun omdan ah nathei uhi.12 Jan abei dekdekta a, khau vak ding ahi ta, tuajiakin mial nasepte ipaikhia ding ua, vak thuam in iki thuam ding uhi. 13 Sun a om bangin, hoihtak in i om ding uhi, omdan valseng leh uain kham buai a omlou in, huk leh kingaihhat a om louin, tualeh kihau leh ki thangsiat a omlou in, 14
Tuasang in Toupa Jesu Krist in kithuam unla, na taksa utna uh tangtung sak dingin bangin bangmah kibawl kei un.
Romite 14
Midangte thu khenlouh ding
1 Ginna a hatloumite, aginlahnate kiselpih kei unla, ngai un. 2 Mi khat in bangkim nethei in aki gingta a, hinanleh mi khat in anteh louhing guak ane hi. 3 An nete’n aneloute simmawh kei henla, tualeh aneloute’n zong anete gensia kei uhen, ajiak Pasian in amah a kipahpihta hi. 4 Midang sila gensiatu nang kua na hia? Adin leh apuk apu a ding ahi. Tualeh amah pen dinsak in a om ding hi, ajiak Pasian in amah a dingsakthei hi.
5 Mi khat in ni khat nidang sangin angai thupijaw tuam a, mi dangin ni tengteng aki bangin angai hi. Michih amauh lungsim chiat ah ki theichian uhen. 6 Ni tangpa in Pasian zahna in atang a, tualeh ni tangloupa’n Toupa thupina ding a tanglou ahi. Bangkim nepa’n Pasian kiangahkipahthu agen a, Toupa pahtawina dingin ane a, tualeh aneloupa’n zong Pasian kiangah kipahthu gen in anelou ahi. 7 Ajiak kuamah eimah a ding a hing i om kei ua, tualeh kuamah ei a ding a si zong ihi kei uhi.8 Ajiak peh ihin leh Toupa a ding a hing ihi ua, isih un zongToupa a dingin isi uh ahi. 9 Ajiak misite leh mihingte Toupa a ahihtheihna dingin Krist asi a athoukik a, tualeh hinsak in a omhi. 10 Hinanleh nang bangding a na sanggam gensia nahia? Ahihkeileh nang bangding a na sanggam simmoh na hia? I un ua Krist vaihawmna touna mai a dingchiat ding ihi uhi. 11 Laisiangthou a,
“Keimah ahing tawntung Pasian
ka hi, Toupa’n achi hi,
Toupa’n khup tengteng ka maiah
akun ding ua,
lei tengteng zong Pasian mai ah
kiphuang ding uh,”
chih gelh bang in.
12 Tuachi’n i unpi un Pasian kiangah itanchin chiat uh igen ding uhi.
Midangte piknang bawl ken
13 Tuajiakin khat leh khat iki gensia nawn kei ding ua, hinanleh kuapeuh in a sanggam kisuikhak nang hiam ahihkeileh kipuk nang bangmah bawllouhna ding ngaihtuahjaw hen. 14 Sil amah a sianglou mawng mawng aom kei chih, Toupa ah ka theichian a, ka taksan mahmah hi, hinanleh banghiam khat sianglou a ngaisuntu dingin, huapen amah a dingin sianglou ahi. 15 Hinanleh na annek jiak a na sanggam adahsak leh itna dan in na gamtang kei a ahi. Asih tang a Krist in asihsakpa pen na annek in hihmang ken! 16 Tuajiakin na hoihna uh pen gilou a gen in omkei hen. 17 Pasian gam pen nek leh dawn thu ahi kei a, hinanleh diktatnate, kilepnate, tualeh Khasiangthou a kipaknate ahizaw hi. 18 Ajiak kuapeuh hih silte a Krist nasem tuh Pasian kipahpih leh mihing pahtat in a om jel uhi.
19 Tuajiak kilepna ding leh kisukhalhna ding silte idelh ding uhi. 20 Na annek in Pasian nasep susia ken, sil tengteng asiangthou ngei ahi, hinanleh asilnek in mi ahihpuk leh anepa dingin silsia ahi. 21 Na sanggam pukna ding hiam ahihkeileh hehna ding hiam ahihkeileh hatlouhna ding hiam ahihleh sa neklouh, uain dawnlouh, tualeh sil bangmah bawllouh ahoih hi. 22 Ginna nanei ei? Pasian mai ah nangmah guak in kineih in. Amah hoihsak lam a siamlouh kitangsak lou mi pen ahampha hi! 23 Hinanleh ginglahmi in anek
leh ginna a anek louh jiakin siamlouh tang in a om hi. Silk hat peuh ginna lou a bawl pen khialhna ahi.
Romite 15
Nangmah hilouin midang kipaksak in
1 Tuachi’n ei ahatten eimah nopna ding bawllou in, ahatloute hatlouhna i thuakpih ding uhi. 2 Michih in i innvengte khantouhna ding a, ahoihna ding un iki paksak ding uhi. 3 Ajiak Krist in zong ama kipahna ding a ngaihtuah kei a, “Hinanleh nang hung sialphoute sialphouna pen ka tung ah atuta hi,” chia gelh bangin. 4 Ajiak nidanglai a kigelh jousiah Pasian Laisiangthou a, kuhkalnate leh khamuanna jiak a eaten kinepna i neihtheihna ding a, eite kihilhna ding a gelh ahi. 5 Tuachi’n kuhkalna leh khamuanna Pasian in, Krist Jesu mahbang in khat leh khat lungsim kibang in hung omsak hen, 6 Pasian I Toupa uh Jesu Krist Pa ngeiin lungsim munkhat pua in leh aw khat suah a na pahtawi theihna ding un.
Jentelte a ding a tangthupha
7 Tuajiakin, Krist in zong, Pasian thupina ding a ahung kipahpih mahbang in, khat leh khat ki pakta chiat un. 8 Tuin huate ahi ka gen, pu leh pate kiang a thuchiamte hihkip dingin, Jesu Krist pen Pasian thudik theihsakna dingin teptante sila ahung hita hi, 9 ahehpihna jiak a Jentelte’n Pasian apahtawi theihna ding un,
“Hihjiakin Jentelte lak ah kung
pahtawi ding a,
namin phat in la kasa ding hi,”
chih gelh bang in.
10 Tualeh,
“Nou Jentelte, kamite tawh kipak
un, achi kik a!,
11 Tualeh,
“Nou Jentelte jousiah, Toupa
pahtawi un,
mi tengteng in zong amah phat
un!
achi kik hi. 12 Tualeh Isaih in,
“Jessai jungjam a om ding a;
Jentelte tung a vaihawm ding a
hung paidingpa,
amah ah Jentelte a kinem ding uhi,”
achi kik hi.
13 Khasiangthou silbawltheihna jiak a kinepna na hauhtheihna ding un, kinepna Pasian un ginna a kipakna leh khamuanna chinteng in hung hihdim hen.
Paul in ahihna hangsantak in agelh
14 Tualeh ka unaute aw, noupen pilna in nadim ua, pilna kin neiin naki hasuan tuah thei uh chih keimah ngeiin zong ka thei hi. 15 Hitalehzong unaute aw, Pasian in ahung piak hehpihna jiakin nou hung theihsak kikna tawbang in akal laklak ah hangsantak in kagelh ahi. 16 Jentelte lak a Krist nasem ka hihtheihna ding leh ka Jentel latte Khasiangthou suksiangthou ahih ua, kipahpih taak a hihtheihna ding un Pasian tangthupha nna kasem hi. 17 Tuajiakin Pasian lam silte ah Jesu Krist ah ki thupisakna ding kanei hi. 18 Ajiak Krist in Jentelte thumang sak ding a asil bawlte loungal bangmah ka gen ngam kei hi, 19 chiamtehna thupi taktakte leh sillamdangte in, Pasian Khasiangthou silbawltheihna in. Tuachi’n Jerusalem khua leh akimvel gam a kipan Illirikam gam tanpha in Krist tangthupha kimtak in ka gen jouta hi. 20 Tualeh midang phuhda tung a innlam ka hihlouhna dingin, tangthupa pen Krist min kilawhna sa mun a genlou in. 21 Laisiangthou a,
“Hinanleh a tanchin gen
ngailouhnate’n amu ding a,
aja ngai nailoute’n a hungthei ‘
ding uh chih gelh bangin,
gen katum jaw hi.”
Paul in Rom phak asawm
22 Hih jiakin na kiang ua hung paiding tamveipi dal in ka omta hi. 23 Hinanleh tuinjaw hihgam kimvel ah mun kanei takei a, tualeh kum tampi na kiang ua hungpai nuam unzong ka omta hi, 24 Spain gam a kapai hunhun ah na kiang uah kungpai ding hi; ajiak ka zinna a nou hung muh leh nou tomkhat hung kithuahpih a, hualam ka paina a nung khak uh zong ka kinem hi. 25 Hihnanleh tuin misiangthoute nna sepsak dingin Jerusalem a paiphote nna sepsak dingin Jerusalem a paiphot ding ka hi hi. 26 Ajiak, Mesidonia leh Akhaia gammite’n Jerusalem khua a tagahte a ding a dangka tuakkhawm pha asata uhi. 27 Hih pen amauh utna mah tawh abawl uh ahi, tualeh aleiba uh zong ahi. Ajiak Jentelte’n khalam silte a kikoppih uleh, taksa lam silte a amauh a panpih uh ahih ding mawng uh ahi. 28 Tuajiakin hih ka bawlzoh a, agah zong chiantak a ka muhsak zoh chiangin nou hung tawn in Spain gam ah kapai ding hi. 29 Tualeh na kiang ua kungai chiangin Krist tangthupha gualjawlna kim tawh kung paiding chih ka thei hi.
30 Tuachi’n unaute aw, Pasian kiang a nung thumsakna uah chihtak hung suah dingin Toupa Jesu min leh Khasiangthou itna in kung ngen hi. 31 Judea gam a gingloute lak a ka suahtak theiha ding leh Jerusalem khua a ding a ka nasepna pen misiangthoute kipakna ding zong ahih theihna dingin, 32 Pasian deihdan bang a, kipaktak a na kiang ua kung pai a, iki suk-halh khawm theihna ding un. 33 Lemna Pasian na kiang uah om hen. Amen.
Romite 16
Mimal chibai bukna
1 Kenkria khua a saptuam nasemtu, i sanggamnu uh Phoibi na kiang uah kung melthiehsak ahi. 2 Toupa min a misiangthoute bang a napom ua, na panpih uh a ngaihna teng a na panpih ding un, ajiak aman zong mi tampi ana panpihta a, keimah ngei zong ahung panpihta hi.
3 Krist Jesu a hung panpihte Prisila leh Akuila chibai hung buksak un; 4 amau’n ka henna a dingin a ngawng uh adawh ua. Amau tung guak ah hilouun, Jentel saptuam jousiahte tungah zong kipahthu ka gen ahi. 5 Tuachimah bangin a inn ua saptuam kikhawmte zong chibai hung buksak un.
Akhaia gam a Krist a gah masapen, ittak Epaneta chibai hung buksak un. 6 Na lak ua semgim Mari zong chibai hung bukdak un. 7 Ka chipihte lak a ka thong tangpih, sawltakte lak a zong a minthangtak, Krist a zong keisang a om masajaw Andronika leh Junia chibai hung buksak un.
8 Toupa a ka ittak Amphliata chibai hung buksak un. 9 Krist a i naseppih Urbana leh, ka ittak Staki chibai hung buksak un. 10 Krist a mi ahih kichian Apelle chibai hung buksak un. Aristobalta inkuan a mite chibai hung buksak un. 11 Ka chipih Herodion chibai hung buksak un. Toupa a om Norkissa inkuante chibai hung buksak un.
12 Toupa a om Triphena leh Triphisa chibai hung buksak un. Toupa nna hahsep mahmah, ittak Persi chibai hung buksak un. 13 Toupa a telsa Rufa leh anu, keinu zong hi, chibai hung buksak un. 14 Asinkrita, Phlegon, Hermi, Petroba, Hermas tualeh akiang ua om unaute chibai hung buksak un. 15 Philologa leh Julia, Neria leh a sanggamnu, tualeh Olimpa leh akiang ua misiangthou omte jousiah chibai hung buksak un.
16 Kitawpna siangthou in chibai ki buktuah un, Krist a saptuamten chibai a hungbuk uhl.
Thuhilh tawpna
17 Tualeh unaute aw: kihilhna dan nou ahung kihilh nasan uh kalh lam a kikhenna leh pukna siamkhiatute chiamteh dindg leh kiheisan dingin kung ngen hi! 18 Ajiak pen huachibang mitten I Toupa uh Jesu Krist nna asem kei ua, amauh gilpi nna asemjaw uhi. Tualeh kampha leh kamsiam in mimawlte akhem nak uhi. 19 Ajiak na thuman dan uh mijousiah lak ah akithang a, tuajiakin natung uah ka kipak hi. Hinanleh silhoih lam a napil ua, sil gilou lam a namawl uh ka deih hi. 20 Tualeh lemna Pasian in setan pen tomkhat zoh chiangin nakeng nuaiah ahung tuamdensak ding hi.
I Toupa Jesu hehpihna na kiang uah om hen.
21 Ka naseppih Timothi leh ka chipihte Lusia, Jason tualeh Sosipater in chibai kung buk hi. 22 Keimah, Tertia, hih laikhak gelhpa in, Toupa min in chibai kung buk hi.
23 Gai, keileh saptuam jousiah jintunnapa in chibai a hung buk hi. Khuasung dangka kemtu Erasta leh unaupa Kuarta in chibai ahung buk hi.
Gualjawlna
24 I Toupa uh Jesu Krist hehpihna na tung ua om hen. Amen.
Kipahthu genna thumna
25 Tuni amah ka tangthupha gen bang leh thugu’k kilakna bangbang a noute ana ginna ua hung dingkipsak theipa, hua thugu’k pen tanglai sawtpi sung phualgu’k a na om. 26 Hinanleh tu a tangtawn Pasian thupiak dungjui a Jawlneite laibu in, ginna thumanna dingin nam jousiah kiangah theihsak in a omta hi.
27 Apil Pasian guak kiangah Jesu Krist jiakin tangtawn in thupina om hen. Amen.
