Nasepte

SAWLTAKTE

NASEPTE

Nasepte 1

Theophila aw:

1 Ka laibu masa ah Jesu silbawl le thuhilh patchily thu jousiah thu ka gelh ahi. 2  Khasiangthou panpihna in sawltak a telte kiang a thu apikakhit a laktouh a aom ni tan thu. 3 Akiang uah gentheihna a thuak nungin theipihna tampi-in hing-in aki musak a, nisawmli sungin a kiang auh tamveipi a kilak a. Pasiam gam thu agen genhi.

Khasiangthou chiamna

            4 Tualeh amauh tawh kipawl jel in, “Jerusalem khua paisan kei unla, hinanleh Pa silchiam ka gen najak uh hua nangak un, chia’n thu a piah hi.  5 Ajiak Johan in tuiin hung baptist ngut a, hinahleh noun i sotlou nungin Khasiangthou in baptisma natang ding uh,” achi hi.

Jesu van a laktouh a omna

            6 Tuajiakin, amauh a hung kikhop un, a kiangah, “Toupa tuin maw Israelte kiangah kumpi gam uh napiak kik ding?” chi”n adong uah.

                7 Tualeh aman akiang uah, “Pa in a hun le a ni ama thuthu a om ding a guat, nou natheih ding uh ahi  kei, achi hi. ⁸. Hinanleh na tung uah Khasiangthou a hungtung chiangin silbawltheihna na nei ding auh; tuachia’n  Jerusalem khua a zong, Judea gam tualeh Samaria gam jousiah ah zong, tualeh leitawp tanpha in zong ka thu theihpihte na hi ding uhi.” achi hi. 9. Tualeh hi thu te agen zoh in, amuhlaipi un laktouh in aom a, meiin amuhphak louhna uah ala mangta hi.

            10 Tualeh a paitouh lai a amau”n van lam a ete te lai un, ngaiin minih puankang silh in a kiang uah a hubg ding uh, 11 Huate’n, “Galili gam a mi te aw, bang ding a van lam en a ding ding na hi ua? Hih Jesu na kiang uah pat laktouh a om namuh mahbang un, a mahmah a hung paikik ding hi.”

Judas tang ding guatna

            12 Tuachi’n Olive mual a chi ua pat in jerusalam khau aj a hing kilehkik ta ua, Olive mual pen jerusalam khaugei ahi a, khawlni a vaphak theihna ahi. 13 Tualah inn a tung un, Peter leh Johan, Jakob leh Andru, Philip leh Thoma, Bartholomai leh Mathai, Alphai tapa Simon zealot leh Jakob a sanggampa Juda omna indan tung ah a paitou ua. 14 Hihte tengteng numeite leh Jesu nu Mari tawh, Jesu sanggamte tawh mun khat a omkhawmin lungsim munkhat a phattuam ngaitakin a thum thumn ua.

            15 Tualeh huani in Peter nungjuite laiah addinga, aun un za leh sawmnih bang uh a hi ua. 16 “sanggamte aw Khasingthiu in David  kam a, Jesu  mante lamkaipa Judathu ana genkholh, hia Pasian laisianghtoun pen ahung tung ding mawng ahi. 17 Ajak amah eite lak a simtel ahi a, hih nasepna ah tan anei hi.”

            18 Tualeh hihpan a khialna man in a mun a lei a, abungbu in akia a, alai ah a pokkek a agil jousiah alawt khiata hi. 19 Tualeh hihthu Jerusalem khua a pen amuah ham in Akheldema, achi ua, tuapen “Sisan mun” chihna ahi.

  20. “Psam Laibu ah hihthu gelh ahi:

          ‘A tenna mun sukgam in om   henla,

           Asubg ah kuamah tengkei hen.’

Hichi’n zong akigelh hi,

      ‘Tualeh a lamkai hihnamidang in tang hen,’ chih.”

  21. Tuajiakin, “Toupa Jesu ilak ua lutjel pawtjel a aom sung a, ^22. Johan baptisma a kipan, alak au kipan van a laktouha a omni tanpah ahung thipihtu dingin aom ngeingei ding ahi,” achi hi.

  23. tuachi’n minih aguat ua, khat a hihleh Joseph Barsabas, ( amin khem Justa a chih uh,) tualeh khat a hih leh Matthia ahi. ^24. . Tualeh thumna anei uah, “Nang aw Toupa mihing jousiah lungtang theitu, hih nihte lak a kuapen ahia natel, hung theisak in.^25.. Juda in ama omna a pai dingin hih nasep leh sawltak hihna khialhna a apuksan muh luah ding,” achi ua. ²⁶. Tualeh ai asansak ua, a aisan uh Matthia tungah atu a; tuachi’n amah sawltaksawm leh khat tetawh simkhawm ahita hi.

Nasepte 1

Khasiangthou piakna

1 Tualeh Pentikost ni a hung tung in, a unpi in munkhat ah a omkhawm ua. ^2. Tualeh thakhat in van a kipan in thawmging, huihpi lang bangin a hung om a, tuachi’n a touna inn uh ahung luahdim sang a.³. Tuachi’n leite amah leh amah kihawm in mel bangin a kiang uah a hung kilang a. tualeh a tungchiat uah ahung omta hi.^4.. Tuachi’n aun un Khasiangthou in adimta ua, Kha in aham sak bang jelin hamdang in ahung hamta uhi.

            5. Tualeh vananuai a nam jousiah lak a kipan Pasian ngaihsak Judate Jerusalem khua ah a om uh. 6. Tualeh hua thawmging ahung om takin mipi ahung kikhawm ua, tualeh aham uh miaham uh mi jousianin amauh hiam chiat ajak jiak un ahung buai ta ua. ^6. Tuachi’n aun un lamdang saseng sengin, “Ensin ua hua hamte jousiah Galili gam a mi ngen hilou ahi imaw! ^8. Bang  chidan ahia I un ua ipanpih ham ua ijakchiat uh? ^9. Khenkhatte Parthiate, Medeste, Elammite tualeh khankhat Mesopotamia gam a teng, Pontas gam a teng, Asia gam a teng, 10. Phirgia gam a teng, Izipt gam a teng tualeh Kurini khuagei lak Libia gam a teng ua; tualeh khenkhat rom khua a mikhual, Judate leh abiak dan uh juite ihi ua, ^11. Khenkhat Krit gam leh Arab gammi bang ihi ua, hinanleh Pasian silbawl thupite a gen uh eima ham chiat in ija uhi!” achi ua. ^12. Tuachi’n aun un lamdang sa sengseng in abuaita ua, “Hih bang chidan ahia le?” chi’n khat le khat a kihou ua.

13. Khenkhat in anuihsan ua, “Uain thak kham ahi uh!” achi uhi.

Penticost ni a Peter thugen

14. Hiahleh Peter sawm leh khatte tawh adibg khawm a, “Nou Judea gam a tengte lah Jerusalem khua  a teng jousiahte aw, hihthu thei unla ka thu zong ngai un. ¹⁵ Hihteh na gingtat bang un akham kei uh, tu in jingsang dakkum tuam ahi pan hi. 16. Hinanleh hihte Jawlnei Joel in ana gen ahi hi:

^{17 ‘} Pasain in, ni nunungte ah hichi ahung hi ding;

Mi jousiah tungah ka Kha ka buakkhum ding a.

            Na tapa na tanute un ka thu agen ding ua,

          Na khanglakte un kilakna amu ding ua,

         Na teksiate un manga man ding uh.

  ¹⁸ Tualeh tuani chiangin ka silapate ka silanute tung ah,

Ka Kha kabuak ding a,

                Ka thu agen ding uh.

     ^19. Tualeh tunglam van ah

              Sillamdangte tualeh nuailam

             leiah chiamtenate ka musak

ding.

      Sisan leh mei tawh meikhu tawh;

     ^20. Toupa ni thupi leh minthang tak

ahung tanma in

Nimial asuak ding a,

    Kha sisan asuak ding a.

      ^21. Tualeh hichi a hung hiding a,

          Kuahileh Toupa min lou taphot

             hundam in a aom ding uh.’

achi hi, achih.

  22. “ Nou Israelte, hihthute ngaiun! Nazareth Jesu Pasian in amah jang analak ua sillamdangte, sil thupite leh chiamtehnate abawlte a pat in zong na thei uhi. ^23. Amah pen Pasian lemguat mawng leh theihkholh bangin piakkhiat a om in na paipih ua, migoilou khut in Kross ah na kilhden ua, na thatlumta uhi. ^24. Amah Pasian in sihna gaknate a phel sak a; a kaithouta hi; sihna tukdet gual ahihlouh jiakin. ^25.  Ajiak David in atung thu agen a:

‘Kamai ah bangchiklai peuhin

      Toupa ka mujing a;

 Hihli’ng a ka om louna dingin

   Ka jiatlam ah a om hi.

                ^26.  Tuajiakin ka lungtang anuam a,

        Ka leijong a kipak a.

        Ka taksa zong kinem takin a om

               Nalaii ding hi.

    ^27.  ka Kha miskhua ah na nusia kei

              ding a;

            Na misiangthou zong muatna

                Na  musak kei ding hi.

     ^28.  Nangman hinna lampi nung

                    theisak a,

           Nangman namel in kipahna in

               Nung dimsak ding.’

chi in.

   29. “Sanggamte aw, chisuangtu David thupen laulouin na kianh uah ka gen thei hi, amah pen asi a, vuizong avuita ua, a han zong ikiang uah aom nalai hi.^30. Tuajiakin aman Jawlnei a hi a, sa  dan a akhal akipanin a Laltouna a tou ding, Kris kung tungdok ding chih athei a. ³¹ Aman hipen ana theihkholsa ahih jiakin, Kris thoki ding thu agen hi,

         ‘Aman misikhua ah nusiat in

                   aom kei a;

           Aluang zong amuat eki hi,’ chi in.

^32.  Hih Jesu Pasian in a kaithou ta-ngut a, hih thudik I un ua theipihtute ihi uhi.^33. Tuajiakin Pasian khut jiatlam aj pahtawiin aom a, tualeh Khasiangthou chimpen Pasian kiang a pat in amu a, namuh uleh najak uh ahungbuak ahi. ^34.  David van ah a kahyou kei a; hinanleh  amahmah in,

                ‘Toupa’n Ka Toupa kiangah:

              Ka jiatlam ah tou gige in

  ^35. Na galte na kenphang ngakna a 

                  ka bawl masiah achi hi,’

a chijaw hi.

    ^36. “Tuajiakin Jesu na kilhdenpa uh pen Pasian in Toupa leh Krist hikawm in a bawlta hi chih, Israel nam jousiahin chimatakin thei uhen!” achi hi.

     ^37. Tualeh hihthu ajak tak un a lungtang uah sut bang ahung hita ua, tualeh Peter leh sawltak dangte kiangah, sanggamte aw, “bang ahia ka bawl ding uh?” achi ua.

     ³⁸_. Tuachi’n Perter in akiang uah, “Kisik unla, na khialna uh ngaihdam ahih theihna dingin Jessu Krist min in baptisma tangchiat un, tuachi’n Khasiangthou piak un na tang ding uhi. ^39. Achima pen nou a ding zong, na tate ua ding zong, gamlatak a omm  jousiah a dingin zong Toupa I Pasian in asap taphot a dingin zong ahi,” achi hi.

^40. Tualeh thudang tamtakin a hilhchian a, “Tulai khangthak giloute lak ah ki humbitun!” chi’n a hantahwn hi. ^41.  Tuachi’n athu pom jousiahin baptisma a tang ua; tuani in mi sangthum vel behlap in aom uhi. ^42. Tualeh sawltakte thugin ah leh kipawlna aj, tanghou balkham in thum in phattuam ngaitakin a omjing hi.

            Kristian masate lak a hinna

43. Tuachi’n lauhna mi jousiah tung ah ahung omta a, sawltakte’n sillamdang leh chiamtehnate tamtak a bawl uhi. ^44. Tualeh a gingta jousiah a kipunkhawm ua, sil bangkim aki kopkhawmta uhi. ^45. Tualeh a thilnei jousiah uh a juakua, a kisapna bangin aun ua lak ah a hawm jel uhi. ^46. Tuachi’n niteng in lungsim munkhat in tempul ah phattuam ngaitakin aom jel ua, a inn a inn a kipan in tanghou balkham in kipaktak leh lungkim takin a ante uh anejel uhi. ^47. Pasian aphat ua, mi jousiah deihsakna bangin a omjel ua; tualeh hundamna hungmu taphot Toupa’n niteng in akiang uah a behlah sakjel hi.

             Peter in khutdawh

              kengnai adamsakna

Nasepte 3

1 Tualeh Peter leh Johan dakkakua in thumna hun ahih in tempul ah apaitou ua. ^2. Tualeh kuahiam pasal khat apianchil a pat kengbai khat ahung jawng ua, tuapa pen tempul a lute kiang a silpiak negn dingin tempul kawngkhak kilawm achuh uh bul ah niteng in a lumsak jel uhi. ^3. Tuachi’n Peter leh Johan tempul a lutding amu a, silpak ana ngen a. ^4. Tualeh Peter leh Johan in tangtakin amah a en ua, “Kou hung en in!” achi a. ^5. Tuachi’n aman amauh a pan bang hiam khau muh a ki lam-en a. ^6.  Tualeh Pater in , “Dangka leh kham  bangmah ka neikei a, hinanleh ka neihsun kung pia ding Nazareth Jesu min in thou inla vakta in!” achi a. ^7. Tuachi’n a kut jiatlam a tu-in a keitho a, tahkhat in a keng le a siatmit guhte a hung hattaa; ^8. tuachi’n amah a tawmdawk a, ading a, akeng in apaita a, amauh toh tempul sung ah a lutta hi. ^9. Tualeh kheng a apai leh Pasian aphat mi jousiahin amu ua,^10.tuachi’n amau’n, tempul kawngkhak kilawm bul a mikiang a silapak ngen a toujelpa ahi chih achi ua, tualeh atung a silting lamdang asa mahmah uhi.

Tempul a Peter thugen

11. tualeh kengbai  hung dampa in Solomon innlim a Peter leh Johan atuklai in, mi jousiah in  lamdang asa mahmah ua, akiang ua ahung taikhawm uhi. ^12. Tuachi’n Peter in hua amuh in, mipite kiang ah, “Israel mite aw, banghading a hih lamdang sa nahi ua? Ahikeileh, kou silbawl theihna leh Pasian ka ngaihsak jiak ua amah ka paisak bang hial a kou huhg guh-et na hi ua? ^13. Abrahamte, isakte, Jakobte Pasain, ipu leh pate Pasian in a sila Jesu a tawisangta ahi, amah naman sak ua, Pilat in khah atup in zong na awikei uhi. 14. Hinanaleh misiangthou leh mi dattat pen na deih kei ua, tualthatpa pen na kiang ua piak na ngenjawta hu. 15. Tualeh hinna lengpa na that ua, hinanaleh Pasian in amah sihna a pan a keithou kit a, tua theipihtute ka hi uhi. 16. Tualeh amah min gingtat jiakin, ama min in hehpa na muh uleh natheih uh oeb a hatsakpa hi; ahi amah jiak a ginna hung om in, na un na mitmuh in adamsak sitsetta hi.

            17. “ Tuin sanggamte aw na lamkaite un zong ana bawl bangin, na theihlouh jiak un hih nabawl uh chih ka thei hi. 18. Hinanleh Pasian in a Jawlnei jousiah kam a, Krist in a thuak ding ahi chih ana genkholhsa pen teachiang pen a tungsak ta hi. 19. Tuajiakin, kisik unla, na khialnate uh nawtmang ahihtheihna ding in. Ki heikik un, tuachi’n Toupa kiang a pat halhthakna hung ahung tungthei ding a, 20. tualeh Jesu Kris nou a dinga aguatsa pen ahung sawl ding hi. 21. Bangkim bawlhoih hun ahungtung masih manhpen van in akem tadih ding hi, tua bawlhoih ding pen Pasian in leitung pianchil a pat a Jawlnei siangthou diktakin Misi-in ipu leh pate kiangah, “Toupa na Pasian in keimah ahung siam bangin na sanggamte lak ah Jawlnei khat ahung siamsak ding; aman  na kiangah thu agen na ngaihkhiak sak ding uhi. 23. Tualeh hichi ahung hiding a, mi kuapeuh tua Jawlneu thu ngaihsak lou pen mipa laka kipan suk mangthang ahi ding uh,’ achi hi. ^24. Ahi Samuel om a kipat Jawlnei jousiah, taule anung uate tawh thu anagen taphot in tuachi bangin tulai tanchinana genkholh uhi. ^25. Nou Jawlneite leh thukhum tate na hi uhi. Pasian in abraham kiangah, ‘ Nasuan nakhak jalin leitung a nam jousiah ka gualjawl ding hi,’chi’n Ipu leh pate kiangah achiam hi. ^26. Pasian in a tapa Jesu kaithou in na khialnate uh kiheihsan sak ding leh vang hung pia ding in nou kiangah ahung sawl masapen hi,” achih hi.

Nasepte 4

Peter leh Johan vaihawmte mai ah

1 Tualeh Peter leh Johan in mi kiang a thu agen laiin, siampite, lamkaite leh Sadukaite a hungpai ua. ^2. Mi ahilh uleh Jesu jiaka misi lak a kipan a thokikna thu a tangkoupih jiak un buaina thupitak a piangta hi.^3. Tualeh a tungah khut a kha ua, ajingni matan thong sungah akhumta hi.^4. Hinanleh, thu ngaihkhia lak a tamtak in ataksan ua; atam dan uh pasal ngen zong sangnga banga hi uhi.

Juda vaihawmte lak a Peter Thugen

^5. Tualeh hichi ahung hi a, ajingni in a lamkaite uleh a upate leh Laigelhmite.^6. Tualeh siampi Anna leh Kaiapha leh Johan leh Alekksandar leh siampi chipih jousiahte Jerusalem ah aki khawm ua. ^7. Tualeh Peter leh Johan alai uah a dingsak uah, “Bang thuneina in ahia, ahihkeileh kua min in ahia hihbang nabawl uh?” chi in ading ua.

          8 Tuachi’n Peterpen, Khasiangthou in ahung dimta a, akiang uah, “Nou mipi lamkaite leh Israel upate aw:^9. Kou tunia mi hatlou khat hatsakna thu ah, ama bangchi ahongdam ahi hiam, chi a nung phul uleh, ^10. na-unpi un thei un, tualeh israelmi jousiahin zong theu in, Nazareth Jesu Kross a na kilhlup uh, Pasian in misi lak a pat akaithou kik a, amah min in hihpa na-un ua mai ah dam in adingta ahi.

^11. Hih suang ahi,

        Nou inn bawlten na suang

            Deihlouh uh,

          aning a suang poimoh pen

               ahung hita hi.’

^12. Midang kuamah kiangah huhsamna a om kei; vannuai a mihingte kiang a kipia min lak ah hung hundam ding ming dang mawng mawng aom kei hi,” achi hi.

Jesu min a thugen akham uh

13. Tualeh Peter leh Johan hangsan dan amu ua, tualeh laisim lou leh mimawl taka hi uh chih atheih un, lamdang asa mahmah ua. Jesu kiangah aom ta uh chih a theichianta uhi.^14. Tualeh a mi damsakpa uh akiang ua ding amuh un, bangamah a genthei takei uhi.^15. “Hih mite bang ilawh ding ua le? Sillamdang kitahng taka bawl uh Jerusalem khua a om jousiahin kichiantakin a thei ua; enzong inial thei tuan kei uhi. ^17. Hinanleh, mi kiang a aki tahngsem louhna dingin tubansiah hih min a kuamah kiang a thu agen nawnlouh na ding un khuahtakin ivau ding uhi,” achi ua.

18. Tuachi’n amau asam ua, Jesu min a thu genkik nawnlou leh hilhkik nawn mawng mawng lou dingin thu apia uhi^19. Hinanleh Peter leh Johan in akiang uah, “ Pasiam mitmuh in Pasian thu man sangin nou thu man ahoihjaw dial le, ngaihtuah un.^20. Kaoujaw ka silmuh uleh kajak uh genlouin ka omthei kei ding uhi,” achi ua.^21. Tuachi’n amauh ahah vau semsem ua, a paisakta uhi. Ajiak asil bawlte uh jiakin mi jousiah in Paian a pahtawi man un, mipi jiakin gawtna lemtang amukei uhi.^22. Sillamdang aadamsakpa uh kum sawmli sang a tamjaw ahi.

Hangsanna dinga gingtute thumna

23. Tualeh Peter leh Johan a pawt un a lawite uh kiangah apai ua; siampite leh upate’n agen jousiah uh ahilh uhi.^24. Tualeh amau’n ajaktak un, kituaktak leh aw ngaihtak in, Pasian kiangah, “Toupa, Nang van leh leite, tualeh tuipi leh a sung a om jousiahte siamtu Pasian na hi.

^25. Nang na silpa David kam in hih thu na gen hi,

           ‘Bang chidan a Jentelte heh uh

           ahia; tualeh miten bang

           chidan ahia sil phatuam lou a

              ngaituah uh?

  ^26. Leitung kumpipate ading ua,

              vaihawmte zong a kikhawm

           uh Toupa leh Krist kalh in,’

            chi in.

^27. Na sila na thaunuh Jesu tung ah, Herod leh Pontia Pilat tawh Jentelte leh Israelmite aki khawm takpi uhi.^28. Na khut leh na lungsim ahung tung ding a an guatkholh taphot bawl ding in.^29. Tualeh, tuin Toupa ahung galkik dan uh en in; tualeh na silate’n hangsan tak a na thu agentheihna ding un pia in.^30. Mite damask dinga nakhut jan in; na sila sinagthou Jesu min jal a chiamtehnate leh sillamdangte bawlin,” achi un.

^31. Tualeh a thum zoh un a omkhawmna mun uh ahung kilang a; tualeh aunpi un Khasiangthou in ahung dimisiangta ua, tuachi’n Pasian thu hangsan takin agengta uhi.

Gingtute asilneih uh akikop uh

^32. Tualeh a gungta mipite lungsim khat leh ngaihtuah mun khat in a om ua; alak a khat in zong a silneih jousiah a kikopjel uhi.^33. Tualeh Sawltakte’n sil bawltheihna thupi tak tawh Toupa Jesu thohkikna thu ahilh ua, a un ua tungah hehpihna thupitak aom hi^34. Alak a zong tasam kuamah aom kei uhi. Gamteh akihkei leh inn neite’n ajuak ua, a siljuakte uh man a huntawi ua,^35. sawltakte kengbul ah  koihjel uhi; tualeh michih kiangah apoimoh uh ching hun chiat in a hawm jel uhi.

^36. Tualeh, Jesu saltakte’n Barnabas achuih uh (hua min omdan pen, “Khamuanna ta chihna ahi”), Levi chi Kupra gammi ahi a,^37. agam neihpen ajuak a, aman ahung tawi a, sawltakte’ kiangah akpoihta hi.

Nasepte 5

Anania leh Sapphir

1 Hinanleh nikhat amin anania in azi Saphira tawh aneih uh ajuak a.^2. Tualeh azi thiehpih in aman kimkhat a imta a, tualeh a kimkhat hung tawihin sawltakte kengbulh ah akoih a. ^3. Hinanleh Perter in, “Anania, Khasiangthou khem ding leh gam man kimkhat koihkhen ding in bangdinga a setan in na lungsim dimsak ahiam?⁴ A om sungteng nang a hihjinglou amaw? Na juak nung in jong na thuthu in a omkei ama? Bangding a hih thute na lungsim a ngaihtuah? Mihinh khem an hihkei apasiam khem nahijaw hi.! achi hi.^5. Tualeh, Anania in hih thu ajaktak in, a puka, a sita a, tualeh huathu ajajousiah alau mahmah uhi.^6. Tualeh tangvalte ahung pai ua atuam un, azawngkhia ua, avuita hi.

 ^7. Tualeh dakkal thum ding vel zoh in azi, sil omdan theilou pi in a hung lut a.^8. Tualeh Peter in akiang ah; “Hung hilhin, gam hihzah in ahi maw najuak uh?” achi a

Tualeh amah nu’n, “ Hi, hihzah in ahi,” achi a

          9^. Tuchi’n Peter in amah nu kiang ah,“Bangding a Pasian Khasiangthou ze-et na ding in ki thutuak na hi ua? Ngaiin na pasal vuite keng kongkhat ahung geita, nang zong ahung jongkhia ding uhi!” achi a^10. Tuachi’n thakhat in akengbul ah apuk pai a, a sita hi; tuachi’n tangvalte ahung lut ua, amanuhpen sihin ahung muh ua, a zawngkhai ua, a pasal kiangah avuita uhi.^11. Tuachi’n saptuam jousiah leh huathu zakha jousiahte kiangah luan thupitak ahung omta hi.

Chiamtehnate leh Sillamdangte

^12. Tuaelh sawltakte khut in mi lak ah chiamtehna le sillamdang tamtak abawl jel hi. Tualeh amau un un lungsim munkhat in Solomon innlim ah a om uhi.^13. Midang kuamah alak uah ajuangam takei uhi, hinanleh mi’n amauh nagihsang mahmah uhi.

^14. Tualeh gingthak numei leh pasal tampi tak Toupa kiangah ahung ki behlap deuh deuh uhi.^15. Tuachi’n mi damloute kongjing a hing piapih in lupnate, phekte ah alumsak ua, Peter apaikawm a alimbek , khenkhat bek aliah theihna dingin achi ua.^16. Tualeh Jerusalem kim a khuate a kipan mipite zong damloute leh dawiinin bawlgimte hung paipih in ahung kikhawm ua; huate zong ahung damsiangta uhi.

Sawltakte bawlgentheih na

17^. Tuachi’n simpite leh alawite pen Sadukai pawl a hi uhi! A thangsia mahmah ua.^18. Tualeh sawltakte aman ua, vantang khmuna thong ah akhamta uhi.^19. Hinanleh Toupa vantungmi in janin thong kongkhatte hung hong in amauhte apaikkhait pih a;^20. “Pai unla, tempul ah ding unla, mikiangah hih hinna thu jousiah vagen un,” achi a.^21. Tualeh huathu ajak un jingsang matakin tempul ah ava lut ua; thu ava hilh ua.

            Hunanleh simapite leh lawite ahubg pia ua; vaihawmte leh Israel suam upare tengteng asam khawm ua, sawltakte vapui dingin thong a sawl uhi.

^22. Hinaleh lamkaite avapai ua, thonga ah mamuh ava muta kei ua, ahung ki nungkleh kik ua,^23. “Thong bittak a kikhak in leh avengtute zong a paulam ah kongkhak bul ah ding in kamu ua, hinanleh ka hong uleh asung ah kuamah kamu keiuhi!” chi’n agen ua.^24. Temple lamkai leh siampite’n hua thu hua thu a theih un hih bangzah takin ahung thang tazen diam aw, chi’n lamdang asa uhi.^25. Tuachi’n, mi khat ahung pai a akiang uah, “En un1 Thong a na mi khumte un tempul ah dingin mi thu ahilh uh!” chi’n ahung gen a.^26. Tuachi’n lamkaipa upate tawh avapai ua, mipite alau jiak unbawlsialou in ahung paipih ua, atuachilou hileh suang a den in aom ding ahi.

27 Tualeh amauh ahung puitung tak un, vaihawmte maiah thusit ding in a dingsak ua, tuatak in siampi in a kiang uah^28. “ Hihmin a thu hikhkik nawnlou thu kungpiata uh hilou maw,” tualeh, “En un na thugin un jerusalem khau na dimsuak saktauh, tualeh hihpa siasan ka tung ua hung khusak tum na hi uh hiam, chi’n adong un!”

             29. Hinanleh Peter leh sawltal dangte’n, mihing thu sangin Pasian thu Kaman jawk ding uh ahi. ^30. Jesu, nou singdawn a khai a na thahpa uh, Ipu leh pate Pasian in a kaithouh hi.

^31. Amah Pasian in kumpipa leh hundampa a om dingin a jiatlam ah a tawisangta a, Israelte kiang a kisikan leh khial ngaihdamna pia ding in.^32. Tualeh, kou hih thute theihpihtute ka hi uhi; tuachimah bangin Khasiangthou, Pasian in athujui jousiahte kiang a apiak zong theihpihtute ahi nalai ua.

33. Tualeh amau’n hihthu  ajaktak un  aheh mahmah ua, that asawmta uhi..^34. Tuachi’n vihawmtute lak a mi khat amin Gamaliel, Pharisai, dan lam a saipa a minthang tak khat ahung ding a, hua sawltakte paikhait pi phot dingin thu apia a.^35. Tuachi’n a kiang uah, “Nou Israelte aw, hih mite hung tung a na silbawl sawm uh pilvang un.^36. Tuma in zong Theoda, milain ka hi chi’n ahung om a, mi tamtak zali vel bangin amah anazom ua, amah thahlup in a omta a,  tualeh amah zomteng zong aki theihthangta ua, bangmah ahita kei uhi.^37. Hihpa nungin minkhum laiin, Galili gammi Juda ahung omkik a, a kiang ah mi tamtak ala a, hinanleh amah zong a sita a, tualeh a thu juite jousiah zong   aki thehjakta uhi ^38. Tualeh tuin kung hilh ahi, hih mite khoihdah unla, hichi’n ommai uheh! Hih asiltup uleh asilbawl uh mihing a kipan ahihleh ahung mang ding hi, ^39. hinanleh Pasiam bawl ahihleh, amauh na hihmang thei kei ding uhi. Atuachih keileh Pasian dou nahi kha laizang ding uhi!” achi hi. ^40. Tualeh agenpen lem asa ua, tuachi’n sawltakte asam ua, azep ua, azep zoh un Jesu min a thu gennawn mawng mawng lou dingin thu apia ua, akhakta uhi.^41. Tuachi’n amauh vaihawmte lak amahmah a guat ahihjiak un akipak mahmah uhi.^42. Tualeh nitengin tempul leh innchin ah Jesu Krsit ahi chia thuhilh leh tangkou tawpkei uhi.

Nasepte 6

Panpihtu sagih telna

1 Tualeh huahun lai a nungjuite atam semsem lai un, a niteng silhawm uah mtithaite a ngaihsak louh gige jiak un Grik ham jang Judate Hebraite tungah aphunta ua. 2 Tuachi’n sawm leh nihte’n nungjui mipite asam ua, “Pasian nasep ka tawpsan ua dohkan tung a nek ding na kasep uh ahoihkei ding hi. 3 Tuajiakin sanggamte aw, nalak ua Khasiangthou leh pilna a kidim, mihoih ngen sagih tel un, amauhte hih sil ngaihtuah dingin I bawl ding uhi. 4 Hinanleh kou pen thumna leh thu na sem ding in kung ki pumpiak jing ding uhi,” achi ua.

            5 Tualeh huathu in mijousiah aki paksak a, tuachi’n Stephen, ginna leh Khasiangthou a dim tawh, Phillip tawh, Prokoras tawh, Nikanor tawh, Timon tawh, Parmenas tawh, Judate biak dan jui, Antiok khua a mi Nikolas tawh atel ua. 6 Amauhte sawltakte mai ah adingsak ua, athum ua, atung uah akhut uh akoih uhi.

            7 Tuachi’n Pasian thu ahung kithehjak deuhdeuh a, Jerusalem ah nungjuite ahung tam mahmahta uhi. Tualeh siampute lak ah zong mi tamtak ginna lam ah a thumangta uhi.

                                               

Stephen thong lutna

8 Tualeh, Stephen, ginna leh sil bawltheihna a dim in mi lak ah sillamdang leh chiamtehna thupitakte a bawljel hi. 9 Tuachi’n sal a pat suahtakna ngahmite, Kurini khua-ate, Aleksandria khua a mite kikhopna inn achih ua mi khenkhat leh Silisia gam a leh Asia gamete kikhopna inn a mi khenkhatte ahung kisa ua, Stephen ahung kinialpih uhi. 10 Hinanleh apilna leh a genpihtu Khasiangthou tuh anialkhia thei takei uhi. 11 Tuachi’n mi agu’k in athuzoh ua, huate’n, “Mosi leh Pasian agensiat uh kaja uh!” achi ua. 12 Tuachiah mipi, upate, Laigelhmite a tokthou ua, tuachi’n amauh ahung pai ua, Stephen aman ua, vaihawmmite kiangah apaipih uhi. 13 Tualeh theihpihtu dikloute abawl ua, huate’n, “Hihpa’n, hih mun siangthou leh Mosi dan agensia gige, 14 Ajiak, hih Nazareth Jesu’n hih mun siangthou a hihsia ding a, Mosi-in dan ahung piakte akhek lamdang ding chia agen kaja uh!” achi ua. 15 Tualeh vaihawmna a toute jousiah in Stephen a ensal chiat ua, amel vantungmite mel bangin amu uhi.

Nasepte 7

                                                            Stephen thugen

1 Tuachi’n siampi in, “Hih thute adik hina hiam?” achi a. 2 Tualeh Stephen in, “Sanggamte leh pate aw, Ngai um! Ipu uh Abraham Haran khua a atenma a, Mesopotamia gam a atenlai in, thupina Pasian a kiangah ahung kilak a 3’na gam a kipat leh nachite a kipat pawtkhia inla, gam kung etsak ding lam ah hungpai in,’ achi hi. 4 Tuachi’n amah Kaldaite gam a kipat apaikhia a Haran ah avatengta hi. Tualeh apa asih nungin Pasian in hua a pat in hih tu a antenna gam uah a pemlut sakta hi. 5 Tualeh hihsan ah mun luah ding bangmah, akeng ngakna ding khop zong apiakei a, hinanleh ta aneihma pek in amah leh anung a asuante gou ding tanpha in achiam hi. 6 Hinanleh Pasian in hichi bangin agen a: ‘Asuante mi gam ah ata’m ding ua, suak in akhoi ding ua, tualeh kum zali abawl genthei ding uhi. 7 Tualeh, Pasian in suak a aom na ding nam keiman ka ngaihtua ding a, tuazoh chiangin ahung pawt ding ua hihmun ah kana asem ding uh,’ achi hi. 8 Tuachi’n Pasian in akiang uah teptan thukhun apia hi. Tuachi’n Abraham in Isak asuang a, tualeh in Jakob asuang a, tualeh Jakob in chikhahtu sawmlehnihte asuang hi.

            9 “Tualeh chikhahtute thangsiatna in hungdim in Joseph pen Izipt gam lam ah ajuakta ua, hinanleh Pasian akiang ah aom a, 10 a gimthuaknate jousiah a pat ahunkhia jel a. Izipt gam kumpipa angsung ah deihsakna leh pilna apia a, tuachi’n amah Izipt gam leh a Inn a mi jousiah tung ah gam ukpa in abawlta hi. 11 Tuachi’n Izipt gam leh Kanan gam ah kial a hungtung a, gimthuakna thupitak ahung omta a, Ipu Ipate un nek ding mawng mawng amu nawn takei uhi. 12 Hinanleh Jakob in Izipt gam ah buh aom chih ajak takin Ipu Ipate uh asawl a, huapen apai masakna uh ahi. 13 Tualeh anihvei paina uah Joseph sanggamte Pharaoh atheisakta uhi. 14 Tuachi’n Joseph in apa Jakob leh a sanggamte jousiah a samsak a, aun un sawm sagih leh nga ahi uhi. 15 Tuachi’n Jakob Izipt gam ah apaisuk a, tualeh amah asita a, amah leh Ipate uh. 16 Tualeh aluang uh Sekem khua a puatung ua, Abraham in Sekempa Hamor tapate kiang a sum a alei han ah avuita uhi. 17 “Hinanleh Pasian in Abraham kiang a athuchiam atun hun ahungnai takin, amauh Izipt gam ah hung khang in ahung tam deuhdeuhta ua. 18 Atawp in Joseph theilou kumpi dangin vai ahung hawm a. 19 Aman ichi leh namte a jekhem a, Ipu leh pate tung ah akhansia a, a naungekte uh hinglou dingin a paikhiasak jel hi. 20 Hih hun lain Mosi a hungpiang a, amel ahoih mahmah a, apa inn ah khathum avak ua, 21 tualeh amah inn a pat a paihkhiat un, Pharaoh tanu in ala a, ama tapa dingin avakta hi. 22 Tuachi’n amah Izipt gam pilna jousiah ahilhta ua, tuachi’n thu leh silbawl ah a thupi mah mahta hi. 23 “Tualeh Mosi kum sawmli ahung hih in, achileh nam Israelte bangin aki enkol a chih kana hung utta a. 24 Tualeh alak ua mikhat diklou tak a sukgim a om amu a, apai a ava hun a, a phuba a laksak a, Izipt gam mipa a thatta hi. 25 Ajiak aman ama khut in Pasian in amauh hunkhia ding ahi, chih a sanggamte’n theiding asa a; hinanleh amau’n a theikei uhi. 26 Tualeh ajingni-in Israelmi nih kihau amu a, aman kilemsak asawm a akiang uah, ‘Ngai un, nou Israelmi tuak hilou nahi uh maw, bangding a hichibang a kihau nahi ua? Achi a. 27 Hinanleh khatpa tung a sil gilou bawljawpa in Mosi asawn khia a. ‘Kuan nang ka tung ua vaihawm ding leh lamkaitu dingin ahung bawl a? 28’Jani a Iziptmi na thah bang a hung thahsawm na maw?’ achi a. 29 Hih thu Mosi-in ajak takin Izipt a pat a taimangta a, Midian gam ah ateng a, huasan ah tapa nih avanei hi.

            30 “Tualeh kum sawmli abei nungin, Sinai mualgei gamdai ah sawlbawk ah meikuang lek ah Pasian vangtungmi khat akiang ah ahung kilak a. 31 Mosi-in hih amuh takin, asil muh lamdang sa in en ding in avanaih lain Toupa aw in akiang ah: 32 ‘Kei napu napate uh Pasian ka hi, Abraham Pasian, Isak Pasian, Jakob Pasian,’ achi a. Tuatakin Mosi a kithing a, a enngam takei hi. 33 Tuachi’n Toupa’n akiang ah, “Na khedap sut in, nadinna munsiangthou ahi. 34 Izipt gam a kami omte gentheihna ka mujing a. Tualeh a thumna uh zong kajata a, amauh hunkhia ding a hung paisuk ka hi. Hungpai in, Izipt gam ah kung sawl ding,’ achi hi. 35 “Hih Mosi, ‘lamkaitu leh vaihawmtu dingin kuan ahung bawl a?’ chia ahuat uh sawlbawk lak a akiang a hung kilak vantungmi ki thuahpih sakin Pasian in amah lamkaitu leh hunkhiatu kikawm dingin a sawlta ah, tualeh gamdai ah sillamdang leh chiamtehnate amuhsak nungin amauh a puikhiata hi. 37 Israel suante kiang a ‘Toupa na Pasian un keimah ahung sawl mahbang in, na sanggamte ah mikhat ahung sawlsak ding a, ama thu na ngaikhia ding uhi, chitu tua Mosi pen hih ahi.’ 38 Sinai mual a amah tawh kihou vantungmi leh Ipu leh pate tawh gamdai a saptuamte lak a om, ikiang ua piaksawm ding a thuhing latu hihpa ahi.

            39 “Hinanleh Ipu leh pate’n athu ajui ut kei ua; ahua ua, tualeh Izipt gam a lunggulh kik ua. 40 Aaron kiangah, ‘I makai dingin pasiante hung bawlsak in, ajiak hih Mosi Izipt gam a hung puikhiapa lah a tanchin ka theikha nawn kei uh,’ achi ua. 41 Tualeh hualaiin bangnou lima bawl ua, alim pen gan that in abia ua, tuachi’n amauh khutsuak tungah a kipak mahmah uhi. 42 Tuachi’n Pasian in aki heisan a, van a aksite abiak theihna ding un amauh a nusiata hi. Jawlnei laibu a:

            ‘Israel namte aw! Gamdai ah kum sawmli sungin sa leh gan that in kei nung biangai uh maw. 43 Molok puanbuk leh na pasian uh Remphan aksi biak ding a na bawlte uh na zongjaw ua, amauhte milim ahi uhi. Tualeh ken nou Babilon khuakhen lam ah kung puimang ding chih gelh bangin.’

            44 “Alim amuh bang a bawl ding a Mosi hilhtu in aguat bangin, Ipu leh pate un hua gamdai ah theihsakna puanbuk anei ua. 45 Tuamah ahi Ipu leh pate khaksawmte’n Pasian in Ipu leh pate, maia Jentel ahawlkhiatte gam aluah laiun Joshua lut bangin alutpih ua, David hung om tain huasan ah aom jingta hi. 46 Tua David pen Pasian mitmuh in deihsakna amu a, Jakob Pasian dingin biak inn bawlsak a ut a. 47 Hinanleh Solomon in tua inn alam jawta hi. 48 “Hinanleh tungnung pen Pasian ahihleh khut a bawl inn peuh ah aom kei hi. Jawlnei in, 49 ‘Toupa’n van ka touna ahi a, lei kakeng ngakna ahi, inn bang chibangin nung bawlsak ding uai? Ka khawlna mun zong bang ahiai? 50 Ka khut in hih sil jousiah abawl hilou maw?’ achi a, chia agen bangin.

            51 “Mi genhak, lungtang leh bil teptanloute aw!” Khasiangthou na doudal jing uhi! “Na pu leh pate bawl bangin nabawl jing uhi! 52 Na pu leh pate un Jawlneite lak ah kua ahia abawl gentheih louh uh a om? Tualeh midiktak hungpai ding thu genkholhte athat ua, hua midiktak mansaktu, thattute tuin noumah ngei na hi uhi. 53 Dan vantungmite piaksawn munapi a juingailoute aw!” achi hi.

                                                Stephen suanga denlupna

            54 Hih thute ajaktak un alungtang uah sattan abangta ua, a hagawtkhumta uhi 55 Hinanleh amahpen Khasiangthou a dim in vanlam a ensaal a, Pasian thupina leh Pasian jiatlam a tou Jesu amu a. 56 “En in! van kihong a, tualeh Pasian jiatlam a mihing Tapa ding zong kamu hi!” achi a.

            57 Tuachi’n amauh aw ngaihtakin akikou ua, abil uh ahum ua, thakhat a pang in adelh ua, 58 tualeh khua a pat in ahawlkhia ua suang in adeng ua, tualeh a theihpihtute’n tangval khat amin Saul kengbul ah apuante uh akoih uhi. 59 Tualeh Stephen in, “Toupa Jesu kakha la in!” chia Pasian asap lain suang in adeng loulou uhi. 60 Tuachi’n amah akhupdin a, aw ngaihtakin akikou a, “Toupa! Hih akhialhna uah moh puasak ken!” achi a. Tualeh hihthu agenzoh in a ihmuta hi.

Nasepte 8

            1 Tualeh Saul in zong Stephen sih pen lem asa hi. Huahun lain Jerusalem khua a saptuam omte nasiatakin a bawlgenthei panta ua. Tuachi’n sawltakte chihlouh ngal Judea leh Samaria gam khuachin ah a kithehjak siangta uhi. 2 Tualeh Pasian ngaihsak kuate hiam in Stephen luang puain avui ua, nasatak in asu’n uhi.

            3 Saul in ahihleh saptuam pawlte a bawlgenthei mahmah a, innchin ah alut a, numei pasal akaikhia a, thong ah akhum hi.

Samaria gam a tangthupha genna

            4 Tualeh aki theihjakte khuachin ah apai ua, thu a genta uhi. 5 Tuachi’n Philip pen Samaria khuapi ah apaisuk a, akiang uah Krist thu agen hi, 6 Tualeh a sillamdang bawlte amuh uleh ajak un mipite’n Philip thugen lungsim munkhat in a ngaihsak mahmah uhi. 7 Dawininte, aw ngaihtak a kikou a mi tampi amatte uh sung a kipat ahung pawt ua, tualeh jeng leh kengbaite zong ahung damtak jiak un. 8 Tua khuapi ah kipakna thupitak ahung omta hi.

            9 Hinanleh amin Simon kichi mi khat aom a. Aman ahihleh milian ka hi chi’n tu masangin hua khuapi ah mitphialdawi zang in Samariamite lamdang satakin akoihjel a, 10 mi jousiahin aneupen a pat alainpen tanpha in, “hihmi pen ‘Pasian silbawl theihna thupi ahi achih uh ahi,’” chi’n athu a ngaihsak jel uhi. 11 Tualeh mitphial dawia hun sawttak lamdang taktak ana bawltak jiakin amah angaihsak mahmah uhi. 12 Hinanleh amau’n Pasian gam leh Jesu Krist tangthupha Philip thugen agintat tak un, anumei apasal in baptisma atangta uhi. 13 Tuachi’n Simon amah ngeiin zong ahung gingta ta a, tualeh baptisma atan nungin Philip kiangzh a omjing a, chiamtehna leh sillamdang thupi taktak kibawlte amuh in lamdang asathei mahmah hi.

Peter leh Johan  Samaria gam ah

            14 Tualeh sawltakte Jerusalem a omten Sarariate’n Pasian thu a awita uh chih atheih un, akiang uah Peter leh Johan asawl ua. 15 Amauh ava tunsak un Khasiangthou atan theihna ding un a thumsak ua. 16 Hua masang in ahihleh alak ua kuamah tung ah atung naikei a, Toupa Jesu min a baptisma atan maimai uh ahi nalai hi. 17 Tuachi’n sawltakte’n atung uah akhut uh anga ua, Khasiangthou atangta uhi. 18 Tualeh Simon in sawltakte khut ngak jiak a Khasiangthou piak ahi chih atheih takin, 19 ”Hichibang thuneihna hungpia un, kuatung hitaleh zong khut ka ngakna phot in Khasiangthou amuh theihna ding un,” chi’n dangka piak asawm a.

            20 Hinanleh Peter in akiang ah, “Na dangka nang mah tawh mangkhawm heh, Pasian silpiak dangka tawh lei nasawm jiak in! 21 Hih thua ka nasep na uah nang panna nanei kei a, tan zong na neikei hi, na lungtang Pasian mitmuh a adiklouh jiak in. 22 Tuajiakin, na khialhna kisik inla, Pasian kiangah thum in, tuachi’n na lungtang a na ngaihtuah ahung ngaihdam khamoh kei ding hi. 23 Ajiak, nang pen gu khatak leh khialhna sal a tang na hi chih kung thei hi.”

            24 Tuachi’n Simon in adawng a, “Na silgente uh ka tung a atunlouhna dingin Pasian kiangah hung thumsak un,” achi a.

            25 Tuachi’n amau’n Toupa thu atheihsak zoh uh leh agenzoh nung un Jerusalem khua ah apaikikta ua, Samariate khua tamtak ah tangthupha a genta uhi.

Philip leh Ethiopia mipa

            26 Tualeh Toupa vantungmi in Philip ahoupih a, “Thou inla simlam a kipan Gaza khua sunsuk lampi, tua gamdai ah pain,” achi hi. 27 Tualeh amah athou a, apaita a. Tualeh ngaiin, Ethiopia gam a mi khat, Ethiopia kumpinu Kandake nuai a michilgeh lamkai liantak, agou jousiah kemtu Jerusalem khua ah Pasian bia dingin avapai a. 28 A kilehlam in a sakolleng a toukawm in Jawlnei Isaiah laibu asim a, 29 Tuachi’n Khasiangthou in Philip kiangah, “Tua sakolleng vanaih inla, va kithuahpih in,” achi hi. 30 Tualeh aman, “Kuahiam in ahung hilhchian kei leh bang kachi theihsiam dia?” achi a.

            31 Tualeh aman, “Kuahiam in ahung hilhchian kei leh bang kachi theihsiam dia?” achi a. Tuachiah Philip kahtou a akiang a tou dingin achial a. 32 Pasian Laisiangthou asimna mun ahihleh hih ahi:

            “Thahding belam bangin amah apaipih ua, tualeh belamnou amulmetpa maia a daihdide bangin. Aman zong akam akak kei hi.

            33 A kingiamkhat lain a thudikna lakmangin a om a. Asuante tanchin kuan ahia hung gen ding, leitung a panin ahinna laksak ahih jiakin,” chih.

            34 Tualeh michilgeh in Philip ahoupih a, akiang ah, “Hung hilh in, hih thu Jawlneiin kua thu agenna ahia?” achi a. 35 Tuachi’n Philip in akam akak a, tua Pasian Laisiangthou a panin akiang ah Jesu tanchin a genta hi. 36 Tualeh lampi a apai laiun tui omna munkhat a hung tung ua, tuatakin michilgeh in, “En in, hihsan ah tui aom. Baptisma katanna dingin bangin ahung dal a?” achi a. 37 Tuachi’n Philip in, “Na lungtang tengteng a na gintak leh na tangthei hi,” achi a. Tuachiah aman adawng a, “Jesu Krist hih Pasian Tapa ahi chih ka gingta hi,” achi a.

            38 Tuachi’n sakolleng khawlsak in anih un, Philip leh michilgeh tuilak ah apaisuk khawm ua, Philip in amah a baptista hi. 39 Tualeh tui a pat apawtkhiat tak un, Toupa Khasiangthou in Philip a lamangta a, michilgeh in a mukik takei hi. Tualeh a lampi ah nuamtak in apaijel ta hi. 40 Hinanleh Philip Azota khua ah amukik ta ua, tualeh pai suaksuak in Kaisaria khua atun masiah khuachin ah tangthupha a genta hi.

Nasepte 9

Saul pianthakna

1 Tuachi’n Saul in Toupa nungjuite avau thu leh thah atup thu genkhia kawm kawm in siampi kiangah avapai a. 2 Tualeh Damaska khua a kikhopna innte a dingin lai a ngen a, lampi a mi kuapeuh pasal hi’n numei hitaleh amuh muh kansa a Jerusalem khua a ahung paipih theihna ding in.

            3 Tualeh khualzin a Damaska khuagei a hungtun in, thakhat in van a kipan in vak akim ah ahung tang a. 4 Tuachi’n leiah apuk a, “Saul, Saul! Nang bangding a hung bawlgenthei na hia?” chi’n  aw aja a.

            5 Tuachi’n aman, “Toupa kua na hiam?” achi a. Tuachi’n Toupa’n, “Na bawlgentheih, Jesu ka hi,” chiangjumte pekjing nang a dingin ahaksa hi, achi a. 6 Tuachi’n aman kithing kawm leh lamdang satakin, Toupa bang bawl dingin nungdeih a? achi a. Tuachi’n Toupa’n akiang ah, “Thou inla khuapi sung ah lut in, tuachi’n nabawl ding ahung nahilh ding uh,” achi hi.

            7 Tualeh amah tawh zinkhawmte gen ding beiin adding ua, aw aja ua, hinanleh kuamah amukei uhi. 8 Tuachi’n Saul leia kipan in athou a, ahung hak a hinanleh bangmah amuthei kei a, tuachi’n akhut in akai ua, Damaska khua ah apuilut uhi. 9 Tuachi’n khua mulou in nithum aom a, bangmah ane in adawn kei hi. 10 Tualeh Damaska ah amin Anania kichi nungjui khat aom a, Toupa’n mangmu bangin akiang ah, “Anania!” achi a, tualeh aman, “Toupa hiah ka om,” achi a.

            11 Toupa’n akiang ah, “Thou inla, lamlian tang achih uah pai inla, tualeh Juda inn a om Tarsa khua a mi amin Saul kichi kankhia in, ajiak ngaiin, athum laitak ahi, achi a, 12 tualeh mangmu bangin mikhat amin Anania kichi lut a, amit vaksak ding a atung a akhut ngain amuta hi.” 13 Tuachi’n  Anania in, “Toupa, hihpa in Jerusalem khua a na misiangthoute tung a sil hoihlou abawl dante mi tampi kam ah kija hi. 14 Tualeh hihsan ah zong na min lou jousiahte mattheihna dingin siampite kiang a kipan in thu amu hi,” achi a.

            15 Hinanleh Toupa’n akiang ah, “Pai main, ajiak amah pen Jentelte leh kumpipate leh Israelte kiang a Ka thu pualut ding a ka belseh ahi. 16 Tualeh kamin jiak a bang zahta a thupi ahia athuak ding, akiang ah theisak ding ka hi,” achi hi.

            17 Tuachi’n Anania avapai a, inn ah alut a, atung ah khut nga in, “Sanggampa Saul, namit vakna ding leh Khasiangthou na dimtheihna dingin, Toupa, nung paina lampi a na kiang a kilak Jesu ngeiin a hungsawl ahi,” achi hi. 18 Thakhat in lip tawh kibang banghiam khat amit a kipan akiata a, tualeh thakhat in amit ahung vakta a, tuachi’n a thou a, baptisma atangta hi; 19 tuachi’n an ane a, a halhta hi. Tuachi’n Saul Damaska a nungjui omte kiang ah ni bangzah hiam atam hi.

Saul in  Damaska ah thu agen

            20 Tualeh kikhopna innte ah Jesu pen Pasian Tapa ahihdan thu atang koupihpai ngal hi. 21 Tuachi’n athu jate jousiahin lamdang amahmah ua, “Hihpa Jerusalem khua a, hih min loute bawlgenthei jelpa hilou amaw? Tualeh kansa a siampite kiang a pui tum a hihsan a hungpai hilou amaw?” achi ua.

            22 Hinanleh Saul pen ahung hat semsem a, Jesu hi Krista hi taktak hi chih hilhchian in Damaska khua a Juda omte angaihna theilouin akoih hi.

            23 Tualeh ni tamtak nungin amah thah tum in Judate akihou ua, 24 hinanleh Saul in athiltup uh ana thei a. Tualeh amau’n amah thah tum in kulh kongkhak sun leh janin ata’ng uhi. 25 Tuachi’n nungjuite’n amah janin apui ua, kulhbang ah bawm in a khaikhiata uhi.

                                   

Saul Jerusalem leh Tarsa ah

            26 Tualeh Saul Jerusalem atun in nungjuite kithuahpih asawm a. Hinanleh amau’n nungjui ahih a gintatlouh jiak un alau mahmah uhi. 27 Hinanleh Barnaba in amah apui a, sawltakte kiang ah ahung paipih a. Lampi a Toupa amuh a, ahoupih bang, tualeh Damaska khua a Jesu min a hangsantak a thu agendante bang a genta a. 28 Tuachi’n amah Jerusalem khua ah akiang uah lutjel pawtjel in aomta hi. 29 Toupa Jesu min in hangsan takin thu agen jel a, tualeh Grik Judate anial a, hinanleh amau’n amah thah atum uhi. 30 Tuachi’n a sanggamte’n atheih tak un Kaisaria khua ah apaipih suk ua, Tarsa khua ah asawl mangta uhi. 31 Tuachi’n saptuamte Judea gam vel, Galili gam vel, Samaria gam vel ah adet deuhdeuh ua, muangtak in aomta uhi. Tualeh Toupa laudan siam in, Khasiangthou khamuan in aom ua, ahung tam deuhdeuhta uhi.

                                                Peter Lidda leh Joppa ah

            32 Tualeh hichi ahung hi a, Peter pen gam jousiah tuan in apai a, Lidda khua a misiangthou tengte kiang ah ahung paisuk a. 33 Tualeh huasan ah amin Aenia kichi, ajeng jiak a kum giat lupna a lumjing khat amu a. 34 Tualeh Peter in akiang ah, “Aenia, Jesu Krist in ahung damask hi, thou inla napuan phah jial in,” achi a, tuachi’n amah athou pai a. 35 Tuachi’n Lidda leh Saron a om jousiahin amah amu ua, Toupa lam angata uhi.

            36 Tualeh Joppa khua ah amin Tabitha kichi nungjui khat aom a. (Tabitha Grik ham in Dorka ahi) Hih numeiin sil bawlhoih leh silpiak ahau mahmah hi. 37 Tualeh hichi ahung hi a, hualaiin achi ana a, asita a, asilzoh un inndan tungtung ah alumsak uhi. 38 Tualeh Lidda khua hi Joppa khua gei ahihjiak in nungjuite’n Peter huasan ah aom chih aja ua, “Sawt hallou a akiang ua hungpai ding a va-ngen dingin akiang ah minih asawl ua.” 39 Tuachi’n Peter athou a amauhgel tawh akitonta a. A hungtun in amah inndan tungnung ah apaipih ua, tualeh meithai jousiah akiang a dingin Dorka akiang ua adamlai a apuan ak bawlte apuan bawlte lak pum in akap ua. 40 Hinanleh Peter in aun un apawtsak a, akhupdin a athumta a; tualeh aluanglam nga in, “Tabitha thou in!” achi a, tualeh amahnu’n amit ahung hah a, Peter amuhtak in ahung touta hi. 41 Tuachi’n Peter in akhut apia a, akaithouta a, tualeh misiangthoute, meithaite asam a, dam in apiata hi. 42 Tualeh huathu Joppa khua mi jousiahin atheisuak ua, tuachi’n mi tampi in Toupa agingta uhi. 43 Tualeh hichi ahung hi a, Peter pen Joppa khua ah savun bawlpa Simon inn ah ni tampi atamta hi.

Nasepte 10

                                                            Peter leh Kolnelia

1 Tualeh, Kaisaria khua ah amin Kolnelia kichi mi khat aom a, “Itali galkap pawl a jalamkai ahi a.” 2 Pasian ngaihsakmi ahi a, a innkuante jousiah tawh Pasian laudan asiam ua, mi kiang ah sil tampi apia a, tualeh Pasian kiang ah zong a thum jing hi. 3 Aman sun dakkua ding vel in mangmu bangin, chiantakin Pasian vantungmi khat akiang a lut a, “Kolnelia!” chi’n amu a.

            4 Tuachi’n Kolnelia in, amah a etleh, alau a, “Toupa, bang ahita a?” achi a. Tuachi’n vantungmi in akiang ah, “Na thumnate leh na silpiakte theihjing dingin Pasian maiah ahung tungtouta hi. 5 Tualeh tuin Joppa khua ah mi sawl inla, mi khat amin Simon, amin khem Peter kichi va samsak in. 6 Amah ahihleh tuipi gei a om, savun bawlpa Simon inn a tung ahi,” achi a. 7 Tuachi’n vantungmi Kolnelia houpih pen apaikhit tak in Kolnelia in asilate lak a mi nih leh amah na sepsak jingte lak a Pasian ngaihsak galkap mi khat asam a. 8 Tuachia thu jousiah akiang ua a hilhkhit takin Joppa khua ah asawlta hi. 9 Ajingni aapai laiun, tualeh khuapi atunkuan un, Peter thum dingin intung ah akahtou a, sun dakkal gukna ding vela hi a. 10 Tuachi’n agil ahung kial mahmah a, annek a ut a, hinanleh nek ding a bawllai un ana haitu man a. 11 Tualeh, van kihong in, banghiam bawm liantak khat aningli a kikhih a, leia hung ki khaikhiasuk in amu a. 12 Huasung ah leitung a kengli nei ganhing chichin teng leh gamsate leh ganhing bokvakte leh tungleng vasate aom a. 13 Tualeh akiang ah aw khat in, “Peter, thou inla, tualeh that inla ne in!” achi a.

            14 Hinanleh Peter in, hilou e, “Toupa! Ajiak sil sianglou leh anin kichi mawng mawng ka nengai kei hi,” achi a.

            15 Tualeh aw in anihveina in, “Pasian in a suksiangthousa nang siangthoulou chiken,” achi hi. 16 Tuachibang in thumvei ahung om a, tuachi’n asil bawm pen van ah khaitouh in aom kikta hi. 17 Tualeh Peter in mangmu bang a asilmuh angaihna theilou a abuai lain, ngaiin Kolnelia misawlte’n Simon inn a kankhiata ua, kelkot bul ah ana ding ua. 18 Tualeh asam ua, “Simon, aminkhem Peter achih uh atun leh atun lou ana dong ua?”

            19 Peter in mangmu bang a asilmuh pen angaihtuah lain, Khasiangthou in akiang ah, “Ngaiin! Mi thum in ahung zong uhi. 20 Thou inla, tualeh kumsuk inla, bangmah ginglah louin amauh juiin, amauh kasawl ahi uh,” achi hi. 21 Tuachi’n Peter Kolnelia misawlte kiang ah apausuk a, akiang uah, “Kei ka hi nazon uh. Bang jiak a hungpai nahi ua?” achi a.

            22 Tualeh amau’n, Pasian a pat a vantungmi siangthou khat in, “Kolnelia galkap zalamkai midiktak, Pasian lauhdan siam, Judami jousiahin agenphat, kiang ah na thugen ajakna ding a a inn a nang samsak dingin ahilh hi,” achi ua. 23 Tuachi’n amauh asamlut a, agiak sakta a.

            Ajingni in Peter amauh tawh apai a, tualeh Joppa khua ah gingtu unau kuate hiam in amah a kitonpih uhi. 25 Tualeh ajingkik in Kaisaria khua ah alutta ua, tualeh Kolnelia in a sanggam ittakte leh alawm deihtakte samkhawm in amauh ana ngak jing a. 25 tualeh Peter ahung lut kuan in Kolnelia in ana lamtuah a, akeng bul ah khupbok in Pasian biak bangin ana bia hi. 26 Hinanleh Peter in amah akaithou a, “Ding in, kei zong mihing ka hi,” achi hi. 27 Tualeh, amauh tawh kihoulim kawm in, innsung ah alut ua, mi tamtak omkhawm amuta a. 28 Tualeh akiang ua, “Judami nam dang tawh kipawl a, akiang ua pai asian loudan nathei uh, hinanleh, kuamah sianglou leh nin kachih ding ahikei, chih Pasian in ahung theisak hi. 29 Tuajiakin nungsap tak un niallou in kungpai pai ahi. Tualeh nung sapna san uh bang ahiam?” achi hi.

            30 Tuachi’n Kolnelia in, “Ka anngawlna nili ahita hi, tualeh ka inn ah dakkua ding vel in kathum a, tualeh ngaiin, mikhat puanngou silh kamai ah ahung ding a 31 tualeh: ‘Kolnelia! Na thumna jak in a omta, tualeh mi kiang a na silpiak zong Pasian in atheijing hi. 32 Tuajiakin Joppa khua ah mi sawl inla Simon, amin khem Peter achih uh na kiangah sam in. Amah tuipi pang a savun bawlpa Simon inn a tung ahi,’ achi hi. 33 Tuajiakin na kiang ah mi kung sawl pai hi. Nung pai hi ahoih hi. Tuachi’n Pasian in na kiang a, ahung thupiak jousiah jading in tuin Pasian mitmuh in ka un un hihsan ah ka om uhi,” achi hi.

Kolnelia inn a Peter thugen

            34 Tuachi’n Peter in agen a, “Pasian in mi deihsak tuam anei kei hi, chih diktakin ka thei hi. 35 Hinanleh, namchin lak ah kuapeuh Amah lauhdan siam a, diktattak a gamtang peuhmah apahtatmi ahi hi. 36 Pasian in, khamuanna thu Jesu Krist min in agen a, Israel suante kiang a athak pen Jesu hih mijousiah Toupa ahi. 37 Johan in a tangkou pih baptisma nung in, thu Galili gam a panin ahung thang pan a, Judea gam jousiah ah a thangsuak a, nou nathei uhi. 38 Nazareth Jesu tungtang thu, Pasian in amah pen Khasiangthou leh silbawl theihna a athuam dan. Amah pen Pasian akiang a aom jiakin mi tung a silhoih bawl leh dawiin abawl gentheih jousiah damask in avak kawikawi a. 39 Tualeh Judate gam leh Jerusalem khua a asil bawl jousiah theihpihtu ka hi uhi, Amah pen singdawn a khai in athat lum tau a, 40 Amah pen Pasian in nithum nin a kaithou kik a, chiantak in amusak hi, 41 mijousiah kiang ah ahikei a, hinanleh Pasian in theihpihtu aguatkholhte kiang guak ah ahi, kou misi lak a pat athohkik nung a, akiang a ne a dawnte kiang ah. 42 Tualeh amah pen mihing leh misite tung a vaihawm ding a Pasian guat ahi chih, mi kiang a tangkoupih ding leh theisak dingin Pasian in thu ahung pia hi. 43 Kuapeuh amah gingta in amin jal a khialhnate ngaihdamna amu ding uh chih a tanchin pen Jawlnei jousiahin ana theihsaksa uh ahi,” achi hi.

Jentelte’n Khasiangthou atang uh

44 Peter in hih thute agen laitak in, athu jajousiah tung ah khasiangthou a hungtungta a. 45 Tualeh teptante lak a gingtute Peter tawh hung paite’n Khasiangthou piak pen Jentelte tung a zong buak ahih jiakin lamdang asa mahmah uhi. 46 Amau’n ham theihlou a thu gen in Pasian phat in aja ua, tuachi’n Peter in, 47 “Hih mite eimah bang a Khasiangthou tang ve in baptisma atan louhna ding un mi’n tui zak akham thei ding uh maw?” achi a. 48 Tuachi’n Toupa Jesu min a baptisma tang dingin thu apia a, tuateh ni bangjah hiam ta’m ding in akhouhta uhi.

Nasepte 11

Jerusalem saptuamte kiang a Peter thugen

1 Tualeh Judea gam a sawltakte leh gingtu omten Jentelte’n zong Pasian thu asangta uh chih, ajata ua. 2 Tualeh Peter Jerusalem khua atuntouh tak in teptanten akiang ah, 3”tep tanloute inn ah na lut a, akiang uah nane vial a chi’n akalh ua!” 4Hinanleh Peter in sil omdan abul a kipat in akizom jelin akiang uah a hilhchian a, hichi a chi in:

5 “Joppa khua a thum a ka om laitak in, mangmu bangin ka om a. Bang hiam bawm liantak khat ningli a khih van a kipat a kikhaikhia ka mu a, ka kiang mahmah ah a hungtung a. 6Tuapen ka enkil kel a, ka ngaihtuah a, tualeh lei a gamsa kengli neite, gamsate, ganhing bawkvakte leh tungleng vasate kamu a. 7Tualeh aw in, ‘Peter, thou inla; that inla ne in!’ hungchi’n kaja a. 8Hinanleh ken, “Toupa! Hilou e, ajiak pen sianglou leh nin mawng mawng bangmah ka kam ah alut ngaikei,” kachi a. 9Hinanleh van a kipanin aw in, ‘Pasian in a suksiangsa nang sianglou chiken,’ ahung chikik a. 10Tualeh hichi bang ngen in thumvei a hung om a, tuachi’n aun in van ah khitouh in aom kikta hi. 11Tualeh tuahun mahmah in mi thum Kaisaria a pat a ka kiang a ahung sawl uh ka omna inn ah ana tung uh a. 12Tuachi’n kha in ginglahlou leh kuamah khentuam neilou a amauh jui dingin ahung sawl a, hih gingtu mi gukten zong ahung jui ua, ka un un Kolnelia inn ah kalut uhi. 13Tualeh aman ka kiang ah, ‘Joppa khua ah mi sawl inla, Simon, aminkhem Peter achih uh vasam sak in. 14Aman thu ahung hilh ding a, tua thu in nang leh na innkuanpite hundam in na om ding uh, achih dan zong ahung hilh hi.’ 15Tualeh thu ka gen pat leh Khasiangthou itung a ahung tunchil lai mahbang in katung uah a hung tungta a. 16Tuachi’n Toupa thu: ‘Johan in tui in mi a baptis jel a, hinanleh noujaw Khasiangthou in baptisma nungtang ding uh,’ achih pen kung theikhia kikta hi. 17
Tuajiakin, ei Toupa Jesu gingtate kiang a Pasian in silpiak a hungpiak bang akiang ua a piaknung in keibang leltak Pasian nialgual ka hi ding maw!” achi hi.

18 Huathu ajak tak un adaita ua, “Tuachi ahihleh Pasian in Jentelte zong hing dingin akisik uh phal ahita ve!” chi’n Pasian aphatta uhi.

Antiok khua ah saptuam

19 Tualeh Stephen jiak a a bawlgentheih uh, ataijakte pen Phoinisia gamte, Kupra gamte, Antiok khua tanpha in ajin ua, Judate kiang guak chihlouh kuamah kiang ah agen kei uhi. 20Hinanleh alak ua khenkhat Kupra gam leh kurini khua a mi ahi ua, tua mite’n Antiok khua atun un Grikte zong ahoupih ua, Toupa Jesu tangthupha ahilhta uhi. 21Tualeh Toupa khut in amauh apanpih a,mi tamtakin agingta ua, Toupa lam ahung ngata uhi.

22 Tuachi’n hihthute Jerusalem khua a saptuam omte bil ah alutta a, tualeh Antiok khua tung ding in Barnaba asawl khia ua. 23Tualeh amah avatun a, Pasian hehpih dan avamuh in akipak mahmah a, phattuamngai tak a Toupa tujing dingin aun un a hanthawnta hi. 24Amah pen mihoitak ahihjiak in, Khasiangthou leh ginna adim ahi a, tualeh mi tamtak Toupa kiangah atelbehta uhi.

25 Tuachi’n Barnaba pen Saul zong ding in Tarsa khua ah apaita hi. 26Tualeh amah amuhtakin Antiok khua ah ahung paipih a, tualeh hichi ahung hi a, kumkhat sung pumpi kikhopna ah ajau ua, mi tampi thu ahilh uhi. Tualeh Antiok khua ah nungjuite Kristian a kichi masapen uhi.

27 Tualeh tualaiin Jerusalem ah Jawlnei kuate hiam Jerusalem khua akipat in Antiok khua ah a hungpai ua. 28Tuachi’n alak ua mikhat amin Agaba, adding a, leitung pumpi ah kial thupitak tung ding ahi, chih Khasiangthou in amusak a. (Tua kial pen Klaudia Kaisar lallai in a hungtung hi.) 29Tuachi’n nungjuite’n a ngap dan chiat un Judea gam a gingtu omte kiang ah panpihna khak asawm ua. 30Tuapen abawlta ngei ua, Barnaba leh Saul khut ah upate kiang ah akhakta uhi.

Nasepte 12

Peter mat a omna

1 Tualeh huahun lain kumpipa Herod in saptuamte lak a kuate ahiam bawlgentheih sawm in akhut alek ta a. 2Tualeh Johan sanggampa Jakob pen namsau in asat lum a. 3Tualeh hih in Judate akipaksak chih amuh in. Peter zong mat a sawm a(Hualai pen tanghou tol sawhlouh nite ahi a.) 4Tualeh amah amattak un thong ah akhumta ua, galkap hawnli li in aveng aki khelsak jel a. Paikan kut zoh in mite kiang ah paikiat pih asawm hi. 5Tuajiakin Peter pen thong sung ah akoih tadih a, hinanleh saptuamte’n amah dingin phattuamngai takin Pasian kiang ah ana thumsak uhi.

Thong a pat Peter a pawtkhiatna

6 Tualeh Herod in a paikhiatpih dingni, huajan ngeiin Peter pen galkap nih kikal ah sikkol nih bulh in a ihmu a, tualeh avengtute’n zong kongkhak bul ah om in thong aveng uhi. 7Tualeh ngaiin, Toupa vangtungmi khat akiang ah ahungpai a, thong sung ah vak ahung tangta a, tualeh Peter apang bengin aphong a, “Thoukin in!” achi a, tualeh kolte akhut a pat akiata hi. 8Tuachi’n vangtungmi in akiang ah, “na kawng gak inla na khedap bulh in,” achi a. Tualeh aman tuachibang in abawl a, tuakhit in vantungmi in akiang ah, “Na puan silh inla hungjui in,” achi a. 9Tuachi’n Peter apaawt a ajuita a, vangtungmi silbawl pen atak ahih atheikei a, manglam a amuh asajaw hi. 10Vengtu masa leh anihna apelh nung un, khuapi lutna sikkot a tungta ua, tuapen amauh a dingin amah leh amah ahung kihongta a, tualeh apawt ua, kongpi khat akhen ua, tuachi’n vantungmi in a paisanta hi.

11 Tualeh Peter ahalhtak in, Toupa’n vantungmi ahung sawl a! Herod khut leh Judamite kinepna jousiah a kipanin ahung hunkhiata chih tuin chiantak in ka theikhiata,” achi a.

12 Tualeh hua sil angaihtuah zoh in Johan amin dang Marka achih uh nu Mari inn ah avapai a, tuasan ah thumna nei in mi tampi ana omkhawm uhi. 13Tualeh Peter in kot akiuh takin, amin Rhoda kichi nungak khat adawng dingin ahung pai a. 14Tualeh Peter aw ahih atheihtak in, a kipak jiakin kot honglou in atailut kik jawta a, Peter kotkhak bul ah adding chi’n avagen a. 15 Amau’n akiang ah, “Amaw hiteh,” achi ua. Hinanleh aman, thudik ahi chi’n apang teitei a. Tuachi’n amau’n, “Vangtungmi ahi,” achi uhi.

16 Hinanleh Peter in kot akiu kiu a, tualeh kot ahon tak un amah amu ua, lamdang asa mahmah uhi. 17 Hinanleh aman adaihna ding un akhut in ajap a, Pasian in thong apat amah apaikhiat pih dan ahilhta a, “Hih thute Jakob leh gingtu dangte kiang ah vahilh un,” achia. Tuachi’n apawt a mun dang ah apaita hi.

18 Tuachi’n ni asuah takin, galkapte pen Peter khoia om ahia? Chi’n buai chihtak in abuaita ua. 19Tualeh Herod in azong a, amuhlouh takin avengtute a enchian a, thah ding in thu apiata hi.

Tuachi’n Herod pen Judea gam a kipan Kaisaria khua ah apaisuk a, huasan ah aom denta hi.

Herod sihna

20 Tualeh Herod Tura leh Sidon mite tung ah along kim mahmah kei a, hinanleh amau’n Blasta kumpipa innsung vaipuapa a kijolhpih ua. Thukhat a luangkhawm in akiang uah a hungpai ua. A khualamte uh kumpipa khualam a puk tawjel ahihjiak un kilemna a ngen ua.

21 Tualeh ani chiamni in Herod in a Leng puan asilh a, aleng jtouna tunga ah atou a, akiang uah thu agen a. 22Tualeh mipite kikou in, “Hihpen Pasian aw ahi, mihing a ahi kei!” achi ua. 23Tualeh Pasian kiang a pahtawina apiaklouh jiakin, Toua vantungmi in amah aman paingal a. Hut in ane a, asita hi.

24 Hinanleh Pasian thu pen akhang a, apung semsem hi.

25 Tualeh Barnaba leh Saul pen a nasep azoh un, Jerusalem khua a kipat akik kikta ua, Johan aminkhem Marka pen akiang uah azohpih uhi.

Nasepte 13

Barnaba leh Saul telna leh sawlna

1 Tualeh Antiok khua a saptuam omte lak a Jawlnei leh siate aom ua: tuate ahihleh Barnaba, Simeon, (NIgar kichipa,) (Kurini khua a om Lusia kumpipa Herod tawh khangkhawm) Manaen, leh Saulte ahi uhi. 2 Tualeh Toupa na sem a an a ngawl laiun, Khasiangthou in, “Barnaba leh Saul keima na sem dingin hung khenkhiat sak un,” achi hi.

3 Tuachi’n an a ngawl ua, athum zoh un, atung uah khut anga ua, a paisakta uhi.

Kupra khua ah

4 Tuachi’n Khasiangthou sawlkhiat in Seleusia khua ah apaisuk ua, hua a kipan in Kupra lam juanin  gunkuang in apaita uhi. 5Tualeh Salami khua a aom laiun, Judate kikhkopna innte ah Pasian thu agen ua, tualeh Johan zong ana uh semsak ding in azoh pih uhi.

6 Tualeh Kupra tuikulh gam tawnsuak in Paphos khua ah atung ua, huasan ah mitphial dawisiam, jawlnei taklou Juda mikhat amu ua, amin Bar-Jesu ahi. 7Hihpa pen gam uktu Sergia Paulas mipiltak kiang a om hi a. Tua gam uktu in Saul leh Barnaba a sam a, Pasian thu jak a ut jiakin. 8Hinanleh Elima (grik ham a Bar-Jesu min dang khat ahi) dawisiam pa’n ginglouh sak teitei sawm in amauh ana khak hi. 9 Tuachi’n Saul, Paul zong a kichi pen Khasiangthou a dim a, amah a ensaal a 10 tuachi’n, aw nang mikhem leh hoihlouhna chinteng a dimpa, “Nang dawi tapa! Nang diktatna jousiah melmapa. Toupa lam diktakte suksiat tawplou ding nahi maw! 11 Tuin ngaiin, Toupa khut na tungah atu hi, namit ahung taw ding a, bangtan hiam nisa vak mulou in na om ding,” achi hi.

Tuachi’n thakhat in tuimei mial khat a tungah ahung kia a, khut a kaitu ding zongin avak kawikawita hi. 12 Tuachi’n gam ukte in tua sil kibawl pen amu a, Toupa thuhilh lamdang asa mahmah a, agingta ta hi.

Pisidia gam a Antiok khua ah

13 Tuachi’n Paul pen alawite tawh Paphos khua a pat in apai ua, Pamphilia gam a Gerga khua atung ua, tualeh Johan in amauh paisan in Jerusalem khua ah a kikta hi. 14 Hinanleh amauh Perga khua a pat apaijel ua Pisidia gam a Antiok khua atung ua, tualeh khawlni-in kikhopna inn ah alut ua, avatou ua. 15 Tualeh dan laibu leh Jawlneite laibu asim zoh un kikhopna inn upate’n akiang uah mi asawl ua: “Unaute aw, mi hasotna thu gen ding naneih uleh gen un,” achi ua. 16 Tuachi’n Paul adding a, khut jap in agen a:

“Israel mite leh Pasian lauhdan siam mite aw: ngaiun! 17 Hih Israel namte Pasian in Ipu leh pate uh atel a, Izipt gam a gamdangmi bang a aomlai un abawl thupi a, tualeh asil bawltheihna thupitak tawh huasan a kipan in apuikhiata hi, 18 tualeh kum sawmli sung vel gamdai a asil bawlte uh athuak teitei a. 19 Tualeh Kanan gam a Nam sagihte asukmang zoh in agam uh akiang uah ahawmsak hi. 20 Huanung in kum zali leh kum sawmnga vaihawmtute apia a,

“Jawlnei Samuel tan chiang in. 21 Tualeh hua nungin kumpi a ngen ua, tuachi’n Pasian in Saul, Kis tapa Benjamin phung a mi amauh apia a, kum sawmli sung ding in. 22 Tualeh amah a suanmang nung in a kumpipa ua pang dingin David aatung khia kikta a. Pasian in huapa thu theisak in, ‘David, Jessai tapa, ka lungtang bang pua mi ka mukhiate hi,’ aman ka deihlam abawl ding hi, achi hi. 23 HIh mipa suangte lak ah Pasian in achiam dungjuiin Israelte kiang ah hundampa Jesu ahung dingkhia sakta hi. 24 A hung paima in Johan in kisikna baptisma thu Israel mi jousiah kiang ah anahilh masa hi. 25 Tualeh Johan in a nasep azohkuan in, ‘Nou kua hiding in nung gingta ua? Amah tuh hilou ka hi. Hinanleh ngaiun, ka nung ah mi khat hung pai ding ahi, kei pen a khedap khau sut ding a zong chinglou ka hi,’ achi hi.

26 “Unaute aw, Abraham suan a tate aw, nalak ua Pasian laudan siamte tengteng aw: na kiang uah hih hundamna thu hung kikhak ahi! 27 Jerusalem khua a omte leh a lamkaite un ana theihlouh jiak un. Tualeh khawlni teng a kisim Jawlneite thu ana theihlouh jiak un amah siamlouh tangsak in hua thute ana tangtung sakta uhi. 28 Asihna ding khop atung a bangmah amuhlouh un zong, Pilat kiang ah hihlum dingin a ngen ua. 29 Tualeh a tungtang thu a kigelhsa jousiah asuk tangtung zoh un, sing a kipan in a lakhia ua han ah asialta uhi. 30 Hinanleh amah pen Pasian in misi lak a kipat akaithou kikta a. 31 Tualeh amah tawh Galili gam a kipat a Jerusalem khua a paitoute kiang ah ni tampi sung akilak a. Hua mite pen tuin mi kiang a athu theihpihtute ahi uhi. 32 Tualeh kouzong Ipu leh pate kiang a chiamsa: hua thuchiam tanchin kipah huai kung hilh uhi. 33 Pasian in Jesu akaihthoh kikna ah, tuapen ei atate kiangah a tangtungsak hi. Psam, nihna a, ‘Nang, ka Tapa na hi a: tuni a kung hin na hi, chih gelh bang in.

34 Tualeh muatna mun a paikik talou ding a Pasian in amah misi lak a kipat akaihthoh ding dan thu hichin a gen hi:

‘David kiang a om hehpihna thawnloute Nangmah kung pia ding hi,’ chi in.

35 Tuajiakin aman psalm dang ah, ‘Na misiangthou muatmang naphal kei ding hi,’ a chihbeh lai hi.

36 Ajiak David in Pasian vaihawmsak bang a amah khang a mite na asepsak zoh in, a ihmu a, tualeh Ipu leh pate kiang ah asialta ua, amuat mangta hi. 37 Hinanleh Pasian kaihthohte injaw muatna amu kei ding uhi. 38 Tuajiakin hihthu theiun unaute aw, amah jiakin khialh ngaihdamna thu na kiang ua kigen ahi hi. 39 Tualeh kuapeuh agingta jousiah Mosi dan a siam natan zohlouhna uh sil jousiah ah siamtansak in aom hi. 40 Tuajiakin pilvang un, atuachih keileh Jawlneite laibu a kigen natung uah a hungtung kha ding hi.

41’Nou, simmohtute! En un, tualeh lamdang sa unla, mangthang un!

Ajiak na damsung un na khat kasem hi,

Tua na pen mi’n nou hunghilh nanleh na gingtabaih kei ding uhi!’

chih achi hi.

42 Tualeh Judate kikhkopna inn apat apawt un, Jentelte’n khawlni kik chiang a huathu gen dingin a ngen ua. 43 Tualeh kikhawmte a kikhenjak tak un Judate tamtak leh Judate biak dan jui Pasian ngaihsak la a mi tamtak in Paul leh Barnaba ajui ua, amau’n amauh ana houpih ua, Pasian hehpihna a om gige dingin ana hasuan uhi.

44 Khawlni kik in a khuajang phial un Pasian thu ngaiding in ahung kikhawm ua. 45 Hinanleh Judate’n mipite amuh tak un, a thangsia mahmah ua, Paul thugen akalh ua, agensia uhi. 46 Tuachi’n Paul leh Barnaba in hangsan takin agen ua: “Pasian thu jpen nou kiang a gen masak ding mawng ahi a, hinanleh na nial ua, tangtawn a hingtaklou a na kibawl jiak un, Jentelte lam ka ngata uhi. 47 Ajiak Toupa’n kou hichibang in thu ahung pia hi:

‘Jentelte vak hi dingin kungguat ahi,

Leitawp tanpha a hundamna hi dingin, chih gelh bangin,’ ”

achi hi.

48 Tualeh Jentelte’n huathu ajak un akipak ua, Toupa thu apahtawi ua, tu leh tangtawn a hingding a she leh guat taphot in agingta uhi.

49 Tualeh Toupa thu tuagam pumpi ah a kithehjakta hi. 50 Hinanleh Judate’n Pasian ngaihsak numei zahtak huaite leh khuasung upate achial ua. Paul leh Barnaba a thuaksa ua, agam ua pat a delhmangta uhi. 51 Tuachi’n amaute mohsakna in a kengphang ua leivuite athinkhum ua, Ikonium khua ah apaita uhi. 52 Tualeh nungjuite kipakna leh Khasiangthou in a dimta uhi.

Nasepte 14

Ikonium ah

1 Tualeh Ikonium khua ah hichi ahung hi a, Judate kikhopna inn ah alut khawm ua, thu agen ua, tuachi’n  Judate leh Grikte tamtak in agingta tau hi. 2 Hinanleh agingta lou Judate’n Jentelte achilsia ua, unaute a mudahsak tau hi. 3 Tuajiakin Toupa ah hangsan tak a thu genin huasan ah sawttak a om ua, amau’n chiamtehnate leh sillamdangte akhut ua bawlsakin, a hehpih thu a theisak jel uhi. 4 Hinanleh khuapi sung a mipite aki langkhen ua, khenkhat in Judate agum ua, khenkhat in sawltakte agum uhi.

5 Tualeh Jentelte leh Judate’n alamkai te utawh kithuah a sawltakte jumhuaitak a bawl leh suang a den sawm a a buailai un. 6 Amau’n hihthu ana thei ua, Likaunia gam a Listra leh Derbe hua tualeh akimvel gam ah ataimang uhi. 7 Huasan ah tangthupha a genta uhi.

Listra leh Derbe khua ah

8 Tualeh Listra khua ah kengjaw kuahiam mi khat atou a, apiantung a pat kengbai mawng ahi a, keng in apaikha ngaikei hi. 9 Hihpa’n Paul thugen angaikhia a, tualeh Paul in limtak in a en a, a damna dingin ginna anei chih athei a 10 aw ngaihtak in, “Na keng in dingtang in!” achi a, tuachi’n amah akitawm a, akeng in apaita hi. 11 Tualeh mipite’n Paul silbawl amuh tak un, aw ngaihtakin akikou ua, Likaunia ham in, “Pasiante pen mihing bang a ikiang ua hungpai ahi uh!” achi ua. 12 Tualeh Barnaba pen Jupiter achi ua, Pual pen thugenpen ahih jiakin Markuria achi uhi. 13 Tuachi’n, khuapi kong mai a om Jupite siampipa’n bawngtalte leh pakvui kongpi bul ah ahung tawi a, mipite tawh amauh gel biakna dingin thah atum hi.

14 Hinanleh sawltakte, Paul leh Barnaba in hua atheih tak un apuan uh a botkek ua mipi lak ah atawmlut ua, akikou ua, 15 “Pute bang ding a hih silte bawl nahi uhiam? Kou zong noutawh thuak kibang ka hi uhi! Tualeh hih sil thulim loute na kiheisan ua, van leh lei tui khanglian tualeh a sung a silo m jousiah bawlpa Pasian kiang ah nung kihei theihna ding un tangthupha kung tut u ahi. 16 Hua Pasian in nidanglai in namchin amauh lampi chiat a apai aphal a. 17 Ahihhang in amah theihsakna bawllou in ama thuin a omsak kei hi: tuachi’n silhoih abawl jel a, van a pat guatui leh gahpha bangkim ahung pia a, ilungtang uh nek ding leh kipakna in adimsak jing hi,” achi ua. 18 Tualeh hihthute genin mipite’n amauh biakna diang a gan agoh ding uh a kham jou hamham uhi.

19 Tuachi’n Antiok khua leh Ikonium khua a pat Juda kuate hiam huasan ah ahung pai ua, mipite akhem jou ua, tuachi’n Paul suang in a deng ua, si a agintat jiak un khuapi geilam ah akaikhia uhi. 20 Hinanle gingtute aki’m a adin laiun, ahung thou a, khuapi sung ah ahung lutkikta a, tualeh ajing in Barnaba tawh Derbe khua ah apaita uhi.

Suria gam Antiok khua a kilehkikna

21 Tualeh amau’n hua khuapi ah tangthupha agen ua. Nungjui tampi asiam khit un Listra leh Ikonium leh Antiok khua ah akileh kikta uhi. 22 “ Gimna tampi thuakin Pasian gam ah ilut ding mawng uh ahi,” chi’n nungjuite lungsim a kipaksak ua. Ginna a omgige dingin a hanthawn uhi. 23 Tualeh saptuam chin a upate a namdet ua, an ngawla athum zoh un amauh aginna uh Toupa kiang ah akemsakta uhi.

24 Tualeh Pisidia gam atawnsuk ua, Pamphilia gam atung ua. 25 Tualeh Perga khua a thu agenzoh un Attalia khua ah apaisuk ua, 26 Huasan a kipanin gunkuang in apai ua, a na sepsa uh sem ding a unauten Pasian hehpihna kemsak a apawtna uh Antiok khua ahung tungta uhi.

27 Tualeh a hungtun un saptuamte asam khawm ua, Pasian in amauh zang a sil abawl jousiah leh Jentelte ding a ginna kongkhak ahonsak dangte ahilh uhi. 28 Tuachi’n nungjuite tawh sawtpi a om khawmta uhi.

Nasepte 15

Jerusalem khawmpi

1 Tualeh mi kuate hiam Judea gam a pat Antiok ah ahung paisuk ua, “Mosi dan bang a tep natan kei uleh hundam na hithei kei ding uh,” chi’n unaute ahunghilh ua. 2 Tualeh Paul leh Barnaba amauh tawh hahsel in akisel ua, a kikhing jiak un, Paul leh Barnaba pen alak ua kuate hiam tawh hua thubuai tung ah Jerusalem khua a sawltakte leh upate kiang a hawhtou dingin asawl ua.

3 Tuachi’n sasptuamte’n avakha ua, amau’n Jentelte lunghei kik dan thu genjel in Phoinisia leh Samaria gam a tawnsuak ua, tuachi’n unaute nasatak in a kipaksak uhi. 4 Tualeh Jerusalem khua atun un saptuamte leh sawltakte leh upate’n ana kipahpih ua, tualeh Pasian in amauh zang a a silbawlte jousiah agen uhi. 5 Hinanleh Pharisai pawl a gingtu kuate hiam a kipan ua, “Jentelte’n tep atan ua, tualeh Mosi dan zong hilh ding mah ahi,” achi uhi.

6 Tuachi’n sawltakte leh upate huathu ngaihtuah dingin akikawm ua. 7 Tualeh hahnial a akinial nung un Peter akipan a, akiang uah, “Unaute aw, Jentelte’n keimah kam a tangthupha ja a, agintat na ding ua, Pasian in nidanglai a ilak uapat ahung guatdan nathei uhi. 8 Tualeh lungsim theitu Pasian in eite ahung piak bang mah in Khasiangthou akiang uah apia a, atheihpihta hi. 9 Tualeh eite leh amauh khentuam neilou in, ginna in alungsim ahih siangthou hi. 10 Tualeh Ipu leh pate leh eite’n zong izohlouh sa uh hakkol pen tuin nungjuite ngawng a bat tum a bangdin Pasian ze-et sawm na hi ua? 11 Hinanleh amauhte bangin eite zong Toupa Jesu Krist hehpina jiak a hundam ding hi in iki gingta uhi,” achi hi.

12 Tuachi’n mipi jousiah adaita ua, Barnaba leh Paul in, Pasian in amauh zang a, Jentelte lak a chiamtehna leh sillamdang abawl thu agen uh a ngaikhia uhi. 13 Tualeh agenzoh un Jakob in agen a, “Unaute aw, ka thu ngai un! 14 Pasian in Amah min puading a alak ua honkhat lakhia dingin amasa in Jentelte aveh chih thu Simon in a genta hi. 15 Tualeh hih thu leh Jawlneite thu aki tuak hi,

16 ‘Hih zoh chiangin kung paikik ding a, David biak inn puksa ka bawl kik ding.

Asiatnate ka bawlkik ding a tuachi’n ka tungding ding hi.

17 tuachia midangten Toupa a zontheihna ding un, Jentel ka min a kisam jousiahte nangawn in zong, hih silte jousiah bawlpa Toupa’n achi hi, chih gelh bang in.

18 A silbawlte jousiah pen tanglai a pat in Pasian theihpih ahi.’

19 “Tuajiakin, Jentelte lak a Pasian lam a kiheinate pen sukbuai dahlei chih ka ngaihdan ahi. 20 Milim biakna; silnin nekte, kingaihte; sa heklup leh sisan nekte tawpsan dingin akiang uah gelhlei ka chijaw hi. 21 Ajiak nidanglai a pat in Mosi in khuachin ah athuhilhtu anei a, kikhopna inn ah khawlni tengin athu sim jeljel ahi,” achi hi.

Jentel Kristiante kiang a laikhak

22 Tuachi’n sawltakte leh upate, saptuamte jousiah tawh, alak ua mi tel a, Paul leh Barnaba tawh Antiok khua a paisak hoih asa ua. Atelte uh min ahihleh Juda, amindang Barsaba, leh Sila ahi ua, amuah unaute lak a lamkai ahi uhi. 23 Hih laikhak pen hihbang in a gelh uhi:

“Sawltakte, upate leh unaute leh uanute’n, Antiok khua leh Suria leh Silisia gam a om Jentel unaute chibai abuk uhi. 24 Kalak ua mi kuate hiam in tep natan ua tualeh dan zong najuih ding uh ahi chia thu genin nou ahung buaisak ua, na lulngsim uh a mangbang sak uh chih ka thei ua, akiang uah lah thu bangmah kapia ngal kei ua. 25 Tuajiakin lungsim munkhat pua a ka kikhop un, mi telkhia a ka deihtak uh Barnaba leh Paul, 26 Toupa Jesu Krist jiak a sih khawk salou a om tegel tawh na kiang ua hungsawl ldingin hoih kasa uhi. 27 Tuachi’n Juda leh  Sila kung sawl uhi, amau’n zong hihthu kam in a hunghilh ding uhi. 28 Ajiak Khasiangthou leh kou, hih thupoimohte chihlouh puakgik dang bangmah na tung uah ka ngaklouh uh hoih kasa uhi. 29 Milim biakna sanekte; sa heklup nekte, sisan nekte leh kingaih hatnate hihte natan uleh na bawlhoih ding uhi; mangpha chi in.”

30 Tuachi’n a sawlkhiata ua, Antiok khua atung ua, tualeh mipi asam khawm ua, laikhak pen apiata uhi. 31 Hua asim zoh un khamuanna thu ajak jiak un akipak mahmahta uhi. 32 Tualeh Juda leh Sila zong Jawlnei ahi ua, tuamun a sanggamte thu tamtak in a hanthawn ua ahahkip sem uhi. 33 Tualeh huasan a sawttak a om nung un amauh khamuang takin unaute lak a pat sawltakte kiang ah apaisakta uhi. 34 Sila in huasan a om takdih hoih asa hi. 35 Paul leh Barnaba jpen Antiok khua ah midang tamtakte tawh Toupa thu hilh leh gen in aom jing uhi.

Paul leh Barnaba kikhenna

36 Tualeh ni bangzah hiam nungin Paul in Barnaba kiang ah, “Ipai kik ding a khuachin a Toupa thu igenna jousiah a unaute vavehni, bangchi’n a om uai chih iva en ding,” achi a. 37 Tualeh Barnaba in Johan, aminkhem Marka pen akiang ua tonpih atum a, 38 hinanleh amah, Pamphilia gam a amauh kiksan a, a nasepna a amauh tawh pailoupi akiang ua tonpih ding pen Paul in hoih asakei hi. 39 Tuachi’n hahnial in akinialta ua, tualeh akikhen ua: Barnaba in Marka apui a, Kupra gam ah gunkuangin apaita hi, 40 tualeh Paul in Sila atel a, unaute’n Pasian hehpihna akepsak nung un a paikhiata uhi. 41 Tualeh saptuam detsakjel in Suria leh Silisia gam atawnsuak uhi.

Nasepte 16

Timothi in Paul leh Sila ajui

1 Tuachi’n amah Derbe leh Listra khua a hungtunga, tualeh ngaiin, huasan ah Timothi kichi nungjui khat aom a. amahpen gingtu Juda numei kuahiam tapa ahi a, hinanleh apa Grikmi ahi. 2amah pen Listra leh Ikonium khua a om gingtute’n agen phat mahmah uh ahi. 3 Paul in amahtonpih dingin adeih a, tualeh apiapih a hualak a Juda omte jiakin atep atansak a, amau’n apa Grikmi ahi chih atheih jiak un. 4 Tualeh khuapite tawn a apaikawmun amau’n Jerusalem khua a om sawltakte leh upaten juihding a anamdet uh thupuknate akiang uah apiakhia uhi. 5 Tuachi’n saptuamte ginna ah adetta ua, niteng in apung deuh deuhta uhi.

Troas a Paul mangmuhna

6 Tualeh, amau’n Phirgia gam leh Galatia gam atotsuak zoh un Khaisiangthou in Asia gam thugen akham a. 7 Misisa gam kiang atun un, Bitinia gam ah lut atum ua, hinanleh Khiasiangthou in aphal kei hi. 8 Tuachi’n Misia gam akhen ua Troas khua ah apaita uhi. 9 Tualeh janlai in Paul in mangmu bangin Mesidonia gam a mikhat dingin, “Mesidonia gam ah hung galkai inla, hung panpih in!” chiagenin amu a. 10 Tualeh Paul in mangmu bang a sil amuh zoh in Mesidonia gam a gen dingin Pasian in ahung sap ahi chih chiantak in kathei uhi.

Philippi khua a Lidia pianthakna

11 Tuachi’n Troas khua a pat gunkuang in kapai ua,tangtakin Samothrakia ah kapai ua, ajingin Neipoli ah kapai jel ahi. 12 Tualeh hua khua pat Philippi khua ah kapai ua, huapen Mesidonia gam a khua poimoh pen khat ahi a,Rom khua a mipemte khua ahi. Hua khua ah ni tamdeuh katam uhi.13 Tualeh khawlni in khuapi pualam ah luipang ah thuman mun hi a ka gintatna mun uah kapai ua, ka tou ua, numei hung paikhawmte kiang ah thu ka gen ua. 14 Tualeh numei khat amin Lidia, puan sandup juak Thiatira khau a om Pasian biami in ka thu uh aja a, Paul thugen juiding in Pasian in luntang ahonsak a.15 Tualeh amah leh a innkunaten baptisma atanzoh un, “Toupa a gin-om a nungseh uhleh, ka inn ah hungpaiunla huntung un,” chi’n ahung ngen a. Tuachi’n ahng khouhtang teitei ta hi.

Philippi a koltanna

16 Tualeh hichi ahun hi a, thumna mun a ka pailai un, sila nungak kuahiam dawi aisan siam khat in ahung kituah pih a. Aman a aisan jiakin apute sum tamtak amuhsak jeh hi.17Hihnu’n Paul leh kei ahung jui a, kikou in, “hih mite hundamna lampi hunghilhte ahi! Tungnung pen Pasian silate ahi uh!” achi a. 18 Tualeh hichi’n ni sawttak abawl a, tuaci’n Paul a lunghimoh a, akihei a dawi kiang ah, “Jesu Krist min in asung a kipat pawt thu kungpia ahi!” achi a. Tauleh amah hualaitak in apawtpai hi.19 Hinanleh, apute’n asum muhna uh abei chih athietakun, Paul leh Sila aman ua, mipilak a lamkaite mai ah akailut uh a. 20 Tualeh thukhentute kiang ah apaiapih ua, “Hihte Jdami ahi ua, ka khua uh ahah sukbuai mahmah uhi. 21 Tualeh ei Rommi in ilak leh izop sianglou dante juihsak ahung sawm uhi,” achi ua. 22 Tuachi’n mipite amauh vuading in ahung kisa ua.

Tualeh thukhentute;n apuan uh a bohkeksak ua, chiang a jepding inthu apia uhi. 23Tualeh tamveipi ajep zoh un thong ah akhum aua, aventu kiang ah bittak a veng dingin thu apia a. 24Huachitak a thu apiak jiak un aman tanna inn sungnungjaw ah akhum akengte uah sikkol a bulhsak hi.

25 Hinanleh jankhang laiin Paul elh Sila in thumna anei ua, Pasian kiang ha phatna la asa ua, tualeh midangte in a ngaikhia uhi. 26Thakhat in jin thupitak ahung kiling a, tuachi’n thong khuambulte akiling jak a, tualeh kongkhak jousiahaki hawng a, kol kibulh jousiah akipehl siangta hi. 27 Tuaci’n thong vengtu ihmi ahung halh a, tualeh thong kot kihong a mu h in thong a tangte tiamangta uh asa a, a namsau adok a akithoh sawmta hi. 28 Hinanleh Paul aw ngaihtakin akikou a, “Bangmah kilawh ken ka un un hiah ka om uhi!” achi hi.

29 Tuaci’n avengtu in mei tangin ajong a,atawmlut a, kithong kawm a hungpaiin, Paul leh sila kiang ah a khupbokta hi. 30 Tualeh amauh ahung paikhiatpih a, “siate, hutdam a ka om ningin bng ka bawl diam?” achi a. 31Tuachi’n amau’n “Toupa Jesu gingta in, tuachi’n hundamin an om ding, nang leh na innkukante tawh ,” achi ua.32 Tuachi’n amau’n akiang leh a inn a om jousiahte kiang ah Toupa thu a genta uhi. 33Tualeh aman amauh tuajan in, huahun laitak mahmah in apaipih a, ajepna maliamte asilsiang sak a, tualeh amah leh ainnkunate jousiahin baptisma paingal uhi. 34Tualeh amauh a innsung ah apaipih a, amai uah an alui a, Pasian agintat jiak un a innkuante  utawh akipak uhi.

35 Tualeh nisuah in, thukhentute’n , “Hua mite khah in,; chi’n mimantute asawl ua. 36Tualeh thong vengtu in Paul kiang ah huathu ahilh a, “Thukhentute’n nou khah ding in mi ahungsawl uhi. Tuajiakin, tu in pawt unla, khamuang takin pai un,” achi a.

37 Hinanleh Paul in akiang uah, “Rommite ka hi ngal ua, kasiam na uh leh kasaim louhna uh theilou in vantang mitmuh in a hungsat ua, thong ah ahung khum ua! Tualeh tu in aguk a hung hawlkhiat sawm uh ahi uh maw? Hithei ngailou di! Amauh mahmah hungpai uh henla, hung puidok uhen,” achi hi.

38 Tualeh mi mantute’n hua thu thukhentut kiang ah ahilh ua, tualeh Rommite ahi uh chih ajaktak un, alau mahmah ta ua. 39Tuachi’n amauh ahung paikhiatpih ua, ajawl ua, apiakhiat pih ua, khupi pualam a paimang dingin a ngen uhi. 40Tualeh amauh thong a pat apawt ua, Lidia inn ah alut ua, unaute amuhtak un ahanthawn ua, a paetta uhi.

Nasepte 17

Thessalonika khua ah

1 Tualeh amphipoli khua leh Apollonia khua tuan in apai suak ua, Thessalonika khua atung ua,huasan ah Judate kikhopna inn a on hi. 2Tuachi’n Paul in amau dan ngaina bungin akiang uah a lut a. Khawlni thumvei Pasian Laisiangthou a pat kichiantak a pat kichiantak in asutpih a 3Krist pen gimthuak ding mawng ahihdan, tualeh misi lak a pat thoukik ding ahihdan bang leh, “Hih na kiang ua ka gen Jesu pen, Krist ahi, chih ahilhchian a,” alangsak hi. 4Tuachi’n alak ua khenkhat in agingta ua, Paul leh sila ajuita ua, Pasian ngaihsak Grik mipi thupitak leh numei lamkai tamtakte tawh.

5 Hilnanleh ginglou Judate’n a huphulh ua, van juakna mun a migilou thadah kuate hiam akinag uah apaipih ua, mipi asam khawm ua, khuapi sung teng atokbuaita uhi. tualeh Jason inn aluh ua, amauh mipi lak ah puikhiat a sawm uhi. 6 Tualeh amauh amuhlouh tak un, Jason leh unau dang kuate hiam khuapi sung lamkaite kiang ah akai lut ua, a kikou ua, “hih leitung hihbuitute! Hihsan ah zong ahung pai ua, 7 Jason in ana jintun sak a, hihte jousiahin amin Jesu kumpipa dang aom hi chi’n Kaisar thu kalh in aom uhi,” ahi ua. 8 Tualeh mipite leh khuapi sung a lamkaite’n hua thu ajaktak un abuaita ua. 9 tualeh amau’n Jason leh midangte kiang a pat in atang ua hen ding bang ahiam ala ua, amauh akhahta uhi.

Beria khua ah

10 Tualeh amauhte’n Paul leh Sila ajan ajan in Beria khua ah asawlkhia pai ua, huasan avalut ua. 11Huasan a mite Thessalonika khua a mite sang in ana hoihjaw ua. Lungsim kipaktakin thu ana pom ua, athugen uh adik leh diklouh theihna dinginniteng in Pasian Laisiangthou sung ah azong jel uhi. 12Tuajiakin alak ua mi tamtakin agingta ua, Grik numei zah omte leh pasalten zong agingta uhi. 13Hinanleh Thessalonika khua a Judate’n Paul in Beria khua ah Pasian thu a genta chih atheihtak un huasan ah zong a hungpai ua, mipite ahung tokbuaita uhi. 14Tuachi’n kintakin unauten Paul pen tuipi lam a paiding in a sawlkhia ua, hinanleh Sila leh Timothi pen huaan ah a omdenta uhi.15Tualeh Paul paipihtute’n Athen tanin apiapih ua, tualeh Sila leh Timothi pen akinthei la a akiang a paiding a athukhak pen puain apaita uhi.

Athen khua ah

16 Tualeh Paul in athen khua a amauh ana ngak laiin, hua khua pen milim  pasian lim a dimin amu a, tuachi’n ahehta hi. 17Tuajiakin kikhopna inn ah Judate leh Pasian ngaihsakte anial jel a, a van juakna mun ua nan omte niteng in anialjel hi. 18Tuachi’n Epikuriamite leh Stoikmite lah a mipil kuate hiam in zong amah ahung nial a. Tualh khenkhat in, “Hih mikamtam in bang ahia agen sawm” achi ua.

Adangte’n, “Jesu thu leh thohkikna thu agen jiakin gamdang pasiane thu gen ahihtuak hi,” achi uhi. 19Tualeh amauh apaipih ua Areopaga ah atut ua, akiang ah, “Hih thuhilhna thak nagen pen nung theisak thei diai. 20Sillamdang banghiam khat kabil uah nung tut hi, tuajiakin hih sil omjia ka thei ut uhi.” 21 Ajiak Athen mite jousiah leh akhua ua inn omte zong amankal sung in thuthak genin hiam hikeileh a ngaikhia in ahiam aom jel uhi.

22 Tuachi’n Paul Areopaga laitak ah ading a, agen a, “Nou, Athen khua mite aw, bngkim ah sah khua ngaihsaktak nahi uh chih kungthei hi. 23 ajiak kavak kawm a na biakte uh ka et leh maitam khat atung a, ‘THEIHLOUH PASIAN A DIING,’ chia kigelh kamu hi. Tuajiakin theilou pia nabiak uh tuapen kung hilh ahi. 24 Pasian leitung leh asung a sil jousiah siamtu pen, van leh lei Toupa ahihjiak in khut abawl inn ah aom ngai kei hi. 25 Sil tasam bangin mihing khut a nna sepsak in zong aom ngai kei, amah mah tuh bangkim kiang ahinna, nakna leh siljousiah piapa hijaw hi. 26 Tualeh leitung pumpi luahsuak a om dingin sisan bul munkhat a pat in namchin mi asiam, amauh dingin hun aguat a, a tenna gii uh zong a khunsak ho. 27 Amau’n Toupa azong ua, kinemtak in amai amai ua amuh teitei na dig un, hinaleh aman eite ahung gamlat kei hi;

28 midaang khenkhat in,

            ‘Ajiak amah ah ihing ua, I on uh

            Ahi ngal a.

Nou mauh laphuak siam kuate hiam in zong,

            ‘Ei zong asuante ihi ua,”

Chia agen bang un.

29 Tuajiakin, Pasian suante ihih jiak un, mihing khutsiam leh suktuah a khen milim tawh kibang ahi, ichih ding uh ahikei hi. 30 Adiktak in, Pasian in itheihlouh laite uh aki theihmoh bawl a, hinanleh  tuin gamchin a mijousiah kisik dingin thu apiata hi. 31 Ni achiam jiakin, tuani chiangin amiguat pen lei a mite diktat takin angaihtuah dak din, huapen Pasian in amah m,isi lak a kiapat a kaithou in, mijousiah kiang ah atheisakta hi!”chi in.

32 Tualeh, amau;n misi lak a kipat a thohkik na thu ajaktak un, kimtkhat in anuihsan ua, adangte’n, “Hih thu na kiang ah kung ngaikhia kik ding kipat in a pawtkhiata hi. 34 Hinanleh mi kuate amah lam ah abelh tinten ua, agingta ta ua, tualeh akhen khat ahihleh Areopaagami diaonisia leh numei khat amin Damari leh akiang ua midangte tawh ahi uhi.

Nasepte 18

Korin khua ah

1 Hih silte zohin Paul Athen khua a pat apawt a, Korin khua ah apaita hi. 2 tualeh amin Aquuila Judami khat amu a, a mah Pontas gam a piang ahi a, Klaudia in Judate jousiah pawt thu apiak jiak a azi Prisila tawh Itali gam a kipat hung tungopan phet ahi ua. Tualeh Paul akianguah ahung pai a, 3 tualeh a nasep uh a kibang hihijiak in akiang uah atung a, a sem khawmta ua, a nasep uh ahihleh puan inn bawl ahi. 4 Tualeh khawlni tengin kikhopna inn ah thu asutpih a, Judate leh Grikte agingta dingin  achial jel hi.

5 tualeh sila leh Timothi Masidonia gam a kipat a hungtung un, Paul pen kha phut in thu maimai gen in aomta a, Jesu hih Krist ahi chih Judate kiang ah ahilhchian jel hi. 6Hinanleh akalh un agensia ua, Paul in apuante athing a akiang uah, “na mohna siasan uh natung uah kituk hih, kei kasiang ahi, tubansiah Jentelte kiang ah ka paita ding hi,” achi hi. 7 Tualeh hua a pat in apai a, mikhat amin Tita Jasta achih uh inn ah alut a, huapan {asoam a biajel a, a inn zong kikhopna inn tawh kizom ahi. 8Tualeh Krispa, kikhopna inn vaihawmpa a innkuante jousiah tawh Toupa agingta ua, Korin khua a mi tam tak in zong ja in agingta ua, baptisma a tangta uhi.

9 Tuachi’n janin Toupa’n Paul kiang ah mangmu bangin, :Laukenla, dailouin thu genjel in, 10 kei na kiang ah ka om gige hi. Tualeh hihliam dingin kuaman natung ah khuta  akha kei ding hi, hih khua ah mi tampi kanei ngal a,” achi hi. 11Tualeh Paul huasan ah, alak uah Pasian thu hilh in kumkhat leh akim a mota hi.

12 Tualeh Gallio, Akhaia gam uktu ahihlai in, Judate’n ki thutuak takin  Paul asual ua, vaihawmna touna mai ah atut ua. 13 “Hihpa’n, dan kalh in Pasian biahing in mi akhempuk jel hi!” achi ua. 14 Tualeh Paul in dawng ding a akisak laitakin, Galliao in Judate kiang ah, “Aw nou Judate, hihte hih sil dklou thu hiam, sil bawlhial thu hiam bek hileh pellouin kung ngaihsak ding a. 15 HInanleh, thute, minte nou dan tung thu leh ahihelh nou kingaih tuahjaw un, ajiak kenjaw hichibang thu ka ngaihtuah utkei hi!” achi a.16 Tualeh  vaihawmna touna mai a pat amauh adelh mangta hi. 17 Tuachi’n Grikmi jousiahin kikopnainn vawihawmtu Sostheine aman ua, vaihawmna touna mai ah avua au. Tualeh Gallio in tua asil bawlte uh khawk asa kei hi.

Antiok a kilehkikna

18 Tualeh hua nungin Pual sawtak atam nalai a, tuazoh in unaute kampha in akhen a, huasan a kipan in Suria gamlam ah gunkuang in apaita a, Prisila leh Akuila tawh zong ajawk uhi. kichiaman aneihjiakin Kendria khua ah Paul in asam aheu hi.19 Tuachi’n Ephesa khua atung a, amauh huasan ah anusiata a, hinanleh amah pen kikopna inn ah alut a, Judate tawh thu a sutkhawmta ua. 20 Tualeh amau;n akiang ua sawtdeuh tam dingin akhouhta ua, amah a utkei hi. 21 Hinanleh kampha in akhen a, Jerusalem a ankuang luina on ding ah jauh teitei kasawm a, “Pasian in pha askleh na kiang uah kung paikik ding hi.” chi in. tuachi’n Ephesa khua a pat in gunkuang in apaita hi.

22 Tyualeh Kaisaria khua ah a hungtung a, Jerusalem khua ah apia tou a, saptuamte chi bai abuk a, tuakhit in antiok khua ah apaisukta hi. 23 Huasan a bangtan hiam aom nungin apaita a, nungjuite jousiah kipsak dingin Galatia gam leh Phrigia gam jousiah atuansuak hi.

Apollo Ephesa leh Korin khua ah

24 Tualeh Judami khat amin Apollo, aleksandria khua a piang, mipiltak Pasian Laisiangthou theisiammi Ephesa khua ah apai a. 25 Tuapa pen Pasian lampi thu jijlsa ahi a, khalam ah lunglut takin Toupa tanchin pilvangtak a ginin ahilhjel a, Johan baptis guak athei hi. 26 Tualeh kikhopna inn ah hangsan takin thu agen panta a, Prisila leh Akuila in a thugen ajak un a inn uah apaipih ua, akiang ah pasian lampi kichian takin ahilhchianta uhi. 27 Tualeh aman Akhaia gam a paisuak atup takin, unaute’n a hasuan ua, amah ana kipahip na ding un nungjuite kiang ah lai akhakta uhi. amah atun takin Pasian tkhuatuahna jal a gingtate nasatakin apanpih hi. 28 ajiak, aman vanta’ng theih in Judate a silthal a, Pasian Laisiangthou zang in Jesu hih Krist ahi chih atheisak hi.

Nasepte 19

Paul Ephesa khua ah

1 Tualeh hichi ahung hi a, Apollo Korin khua a aom sunin Paul in khuasak lam tuansuak jouin Ephesa khua a huntung a, tualeh nungjuikuate hiam amu a, amu a 2 ama akiang uah, “na hintata tu’nglai un Khasiangthou natang uai?” achi a.

3 Tuachi’n, aman akiang uah, “Ahihleh nou bang baptisma hia natan uh?” achi a,

Amau’n, “Johan baptisma,” achi uhi. 4 Tuachi’n Paul in, Johan in mi kiang ah anung a hungpai ding Jesu Krist na gintat ding  uh ahi, chi’n kisikna baptisma in a baptisma jel hi,” achi hi.

5 Amau’n hih thu ajaktak un, Toupa Jesu min in baptisma atangta uhi. 6Tualeh Paul in atung uah akhut a nga a, Khasiangthou atung uah a hungtungta a, ham theihlouh in ahung hamta ua, thu a genta uhi. 7 Tualeh aun un mi sawm leh nih ahi uhi.

8 Tualeh Paul kikhopna inn ah alut a, khathum sung ding hangsantkain thu agen a, Pasian gam lam thu ngaihsun in, mi kun in athuzohjel hi. 9 Hinanleh khankhat aphengphi ua, aginta ut kei ua, mipi mai ahua lam agensiat tak un, amuah apaisana, nungjuite apaipih tuam a, Tairanna kichi siamsinna inn ah niten in a houlim pihta hi. 10 Tualeh hichi bangin kumni sung a om jousiah Judate leh Grikte’n zong Toupa Jesu thu ajata uhi.

Skeva tate

11 Tualeh Pasian in Paul khut in sillamdang taktakte abawldak a. 12 Tuachi’n a satung a kipat in kinawtna puan hiam, puantualte hiam damloute kiang ah ahung tawi ua, a natnate uh adam je a, tualeh asung ua dawite zong apawt jel hi. 13 Tuachi’n Judami khualjin kawikawi dawithu thei kuate hiam in, “Paul in athu atang koupihjel Jesu min in kung vau uhi, chi’n dawipaite tungah Toupa Jesu min alou vial ua.” 14 Tualeh Judami siampi khat skeva in huachibang bawl tapa sagih anei hi.

15 Hinanleh dawiin adawng a, “Jesu ka thei hi, Paul zong ka thei hi, hinanleh nou kuate nahi ua?” achi hi.

16 Tuachi’n dawipaiin amauh ahung bawh a, ajou a, anuaisiahta a, tuachi’n hua inn a pat guaktang leh liam in a taikhiata hi. 17 Tualeh hihthu Ephesa khua a teng jousiah, Judate leh Grikte kiangah zong athangta a, tuleh aun un alau ua, Toupa Jesu min alianta hi. 18 Tualeh agingtate zong tamtak ahungpai ua, a silbawlte uh thupha atawi ua, aki phuangta uhi. 19 Mitphial dawi tawi tampi’n zong abaibute uh ahung tawikhawm ua, mijousiah mitmuh in ahalta ua, tualeh aman atuat ua, daan dangka tang sang sawmnga bang a phasak uhi. 20 Tuachi’n thupitakin Toupa thu ajaakta a, agualjou jel hi.

Ephesa khua a buaina

21 Hua silte nungin Paul in a lungsim in, Mesidonia gam leh Akhaia gam a tawtsuak zoh chiang a Jerusalem khua a pai asawm a, “Huasan a ka paizoh chiangin, Rom khua zong kava mu teitei ding,” achi hi. 22 Tuachi’n a sepkhawmpih minih Timothi leh Erasta pen Mesidonia gam ah asawl a, hinanleh amah Asia gam ah hun tomkhat aom tadih hi.

23 Tualeh hualai velin Toupa lampi thu in mi ahahbuai mahmah ua. 24 Ajiak mikhat amin Demetria, dangka sk khangtu, dann dngka sk a Diana lim bawltu in khutsiamte kiang ah kilawhna tampi apiajel hi. 25 Huapa’n amauh asam khawm a, anasep bang uh semte tawh, tuachi’n akiang uah, “Pute aw, hih nasepna pen ihauhna uh ahi, chih nathei uhi. 26 Hih Ephesa khua guak ah hilou, Asia gam pumpi ah zong hih Paul in khut a bawlte pen Pasian ahi kei uh chi’n mi tampi athuzoh a, aki heisak jouta hi chih noumah ngeiin na mu un na ja uhi. 27 Tuachi’n, ikivaina uh bang mahlou ahung suak ding guak lauhuai hilou in, pasiannu thupi Diana biak inn zong ahung ki ngaineu ding a. Tualeh Asia gam pumpi leh leitung pumpi a mi’n abiak uh amahnu ngei zong athupina suksiat in ahung om kha ding chih alauhhuai hi!” achi hi. 28 Tualeh hua thute ajaktak un aheh mahmah ua. “Ephesamite Diana athupi hi!” chi’n aki kou uhi. 29 Tuachi’n akhua pumpi in a buaisiangta ua, Gaia leh ARistarkha, Mesidonia gam a mi, Paul in a khualzinna a azohpih tegel aman ua, kituak takin etnop bawlna inn ah atei lutpihta uhi. 30 Tuachi’n Paul in mipi lak a lut atup leh anungjuite’n aphal kei ua. 31 Tualeh Asia gam lamkai liante lak a paul lawmte khenkhat in akiang ah mi asawla, etnawp inn a lut mawng mawng lou dingin a ngen ngen uhi. 32 Khenkhat thukhat in aki kou ua, khenkhat thudang in akikou ua, khenkhat thudang in aki kou ua, kikhawmte abuai ua, mi tamjaw in aki khopna san uh zong athei kei uhi. 33 Tualeh mipi lak a pat Aleksander akai khia ua, Judate’n amah mi mailam ah asawn ua, tualeh Aleksander in akhut in ajap a, mi jousiah kiang ah adkna thu gen asawm hi. 34 Hinaleh amah Jedami ahi chih atheihtak un, dakkal nih sung ding bang aw kituak takin, “Ephesamite Diana thupi hi!” chi’n aki koukou uhi. 35 Tualeh khuasung laigelhtu in mipi adaihsak zoh in, “Nou Ephesa khuaa mite!” “Ephesate hih pasiannu Diana thupi leh jupiter a pat hung kia milim bia ahi uh, chih theilou kua aom a. 36 Tuachi’n hihthu nialgual ahihlouh nungin, nadaih khinkhian ding uih ahi, kinoh hehu a bangmah na bawllouh ding uh ahi. 37 Ajiak hih nung mipuite uh baik inn luhmi lah ahi kei ua, na pasiante uh gensiate zong ahi kei uhi. 39 Demetria leh azohpih khutsiamten mi kua tung hiam a thubuai aneih uleh, thubuai genna inn honsa in a om hi, tualeh gam uktute zong aom uhi, kihek uh hen. 39 Hinanleh, sildang buaina naneih mawng uh ahihleh dan bang a kikhopna inn ah lepding ahi. 40 Tunia buaina jiakin itung ua thu ahung om ding lauhuaihi, I kikhopna san pen leh hih ahi chihding lah aom ngal kei a.” achi hi. 41 Tualeh aman huachi a thu agen zoh in kikhawmte atawptsak hi.

Nasepte 20

Mesidonia leh akhaia ah

1 Tualeh buaina adaih nungin Paul in nungjuite akiang ah asam a, amauh ahasawt a, kampha in akha a, Mesidonia gam a dingin apaita hi. 2 Tualeh hua gam teng atotsuak a, akiang ua hanthawnna thu tampi agen zoh in Grik gam a hungtungta a, 3tualeh huasan ah khathum atam a, tualeh Judate’n amah atangdap jiak un Suria gam lam a gunkuang a apai ding laiin Mesidonia gam leh phak kik atumta hi. 4 Tualeh Beria khua a Sopater, Thssalonika khuate; Aristarkha leh Sakundate; DErbe khua a Gaia leh Timothi; tualeh Asia gam a TAkika leh Trophima in Asia gam dongin atonpih uhi. 5Hihte kamai uah anapai ua, Troas khua ah ahung nangak uhi. 6 Hinanleh kou, tanghou tal sawhlouh nite zoh in Philippi khua a pat gunkuang in kapai ua, ninga nin akiang uah, Troas khua ah ka tung ua, huasan ah ni sagih katam uhi.

Paul in troas khua aphak nunung na

7 Tualeh nipi kal ni mas ni in nungjuite tanghou balkek ding a ahung kikhop laiun, Paul in ajingni a pai asawm jiakin akiang uah thu agen a, tualeh jankim dongin agen jawm hi. 8 Tualeh inndan tungnung a akikhopna uah meivak tampi aom a. 9 Tualeh amin Eutika kichi tangvalnou khat kotta ah atou a, a ihmut asuak sengseng a, Paul ina thu asaw gen jiakina ihmutsan a, Innsawng thumna a pat akiasuk a, asisa in atwm uhi. 10 Hinanleh Paul akumsuk a, atung ah abok  a, apom a, “Patau kei un, ahinna amah ah a om analai hi!” ACHI HI. 11 Tuachi’n pindan tungung a akahtouh kik khit in, tanghou abalkkek a, ane a, sawtpi khuavak dongin akinag uah thu genin ahoulim a, tuachi;n apaita hi. 12 Tualeh amau’n tangvalpa pen ahing in ahung paituhpih ua, alung muang mahmah uhi.

Troas a pat Mileta ah

13 Tuachi’n kou gunkuang lam ah kanapai masa ua, Assos juanin gunkuang in kapaita ua, Paul tunsak kasawm ua, aman keng a pai asawm jiakin, hichibang dingin agen mawng hi. 14 Tualeh Assos khua a ahung kituahpih takin ka tuangsakta ua, Mitilene khua ka tungta uhi. 15 Tualeh hua a pat in gunkuang in ka paikik ua, ajingni in Khios ka tung ua, ajing kik in Samos ka tung ua, Trogiliam ah ka t’m ua, ajingni MIleta ka tung uhi. 16 Ajiak Paul in Asia gam a omswt a utlouh man in, Ephesa khua gunkuang a piakhensuak atup mawng ahi a, ahihtheihleh Jerusalem khua ah pentikos ni a om atum a, akinpai hi.

Ephesa upate kiang a Paul vaikhak thugenna

17 Tualeh Mileta khua a pat Ephesa khua ah mi asawla, saptuam upate asamsak hi. 18 Tualeh amauh ahungtun un aman akiang uah, “Asia gam a kungpai masakni a pat na kiang ua ka om sungeng ka omdan na thei uhi. 19 Kingiamkhiat tak leh Judate’n ahung tup jiak ua mittui tampi leh sil jaksa ka tung ah hungtungte thuak kawm in Toupa nna kasem hi. 20 Tualeh nou phatttuamna ding sil bangmah ka im kei a, kung thei sak siang a, vantangleh inchin ah kung hilh jel hi. 21 Judate leh Grikete kiang ah zong Pasian lam a lungsim kisik thu leh I Toupa Jesu Krist lam a ginna thu ka theisak jel hi. 22 Tualeh tuin, ngaiun, Khasiangthou thunnunna pailou theilou a ka kithieh jiakin Jerusalem khua a pai ding kisa ka hi, hua mun a ka tung a sil hung tungdingte ka theikei hi. 23 Khasiangthou in henna leh haksatna a hung gak ahi chia khuachin a hung theihsakte guak ka thei hi. 24 Hinanleh ka taidemna kipak tak a ka taitung theihna ding leh Toupa Jesu a pat a ka muh Pasian hihpihna tangthupha theihsak ding nasepna ka sepzoh theihna dingin hih silte khat bek in ahung lingsak kei a, ka hinna zong itta’k in kasim kei hi. Tualeh tuin, Ngaiun,noute jousiah Pasian gam thu gen a ka vaklehnate;n kamel namu nawn kei ding uh chih ka thei hi. 26 Tuajiakin mijousiah sisan ah ka siang ahi chih tuni in kung theisak hi. 27 Ajiak Pasian in thu a hunghilh te jousiah na kiang ua phuankhiat louh a im kanei kei hi. 28 Tuajaikin, Pasian saptuam ama sisan a aleite vak dingin Kahsiangthou in lamkai a ahung bawlna pawlte jousiah leh noumauh tung ah pilvang un. 29 Ajiak ka painung chiangin ngia gilou nalak uah ahung vaklut ding a, pawlpite akhawi kei ding uh chih ka thei hi. 30 Noumauh lak mahmah ah zong nungjuite amauh lam a kaimang dingin thutuam gen nung om ding uhi. 31 Tuajiakin kiveng un, kum thum sung hial mittui luangpum a sun leh jan a miteng taihilh ka tawplouh dan theijing un.

32 “Tualeh tuin, unaute hung khangsakthei a, tualeh, mi siangthousate lak a agoutan piathei Pasian leh hihpihna thu kiang ah nou kung kemsak hi. 33 Kuamah dangka, kham, silh leh ten ka eng ngaikei hi. 34 Hih khutten keimah leh kalawite taksapte asemkhia jel chih nou mahmah in nathei uhi. 35 Bangkim ka bawl taphot na juihding un kung ensakta hi, huachibang asemgim leh Toupa Jesu thu theijing kawm in mi hatloute na panpih ding uh ahi. ‘Amah mah in lak sangin piakna in gualjawlna ahaujaw hi,’ achi hi.

36 Tualeh hichibang thu agen zoh in, akhupdin a, aun un athum khawm uhi. 37 Tualeh aun un hahkah in akap ua, Paul a ngawngkawi ua, atawp ua, 38 amel amuh nawn louh ding uh thu agenpen a lungkhawmpih diak uhi. Tualeh longkhawlna mun tanpha in avakhata uhi.

Nasepte 21

Paul Jerusalem ah apai

1 Tualeh hichi ahung hi a, amauh tawh ka kikhennung un gunkuang in kapai ua tangtak in Kos katung ua, tualeh ajingni in Rhode katung ua, hua a pat in Patara katung uhi. 2 Tualeh Phoinisia gam a paiding long khat ka mu ua, katuang ua, kapai jel uhi. 3. Tualeh Kupra gam ka muh un veilam pangah ka pel ua, Suria gam lam ah kapai jel ua, Tura khua ah ka ki-nga uhi, huamun a long van suahkhiat ding ahijiak in. 4 Tualeh nungjuite ka zongkhia ua, huasan ah nisagih ka ta’m uhi, amau’n kha hilh in Paul Jerusalem a apailouh ding ahi, chih agen uhi. 5 Tualeh anitawp lam ka hungtun un ka kipankhia ua, kapaina ding uh kajuanta ua, tualeh amau’n aun un azite atate utawh khuagei dongin ahung kha ua, tuachi’n tuipi piau ah kathum uhi. 6 Tualeh mangpha ka kikhak zoh un kou longah katuangta ua, amauh innlam ah apaikikta uhi.

7 Tualeh Tura khua a pat long a tuangin Tolemai khua katung ua, unaute chibai kabuk ua, akiang uah nikhat ka om uhi.

Paul Kaisaria ah

8 Tualeh ajingni in kou Paul lawite ka kipankhia ua, Kaisaria katung ua, sagihte lak a khat Philip inn ah ka lut ua, amah tawh ka om uhi. 9 Tualeh hihpa’n tanu nungak siangthou li anei a, Pasian thu agen jel uhi. 10 Tualeh huasan a ni tampi katam laiun, Judea gam a kipan amin Agabas kichi Jawlnei khat ahung paisuk hi. 11 Tuachi’n amah ka kiang uah a hungpai a, Paul kawnggak ala a, akhutte leh akengte akikan a: “Tualeh hih kawnggak neitu pen Jerusalem khua a Judate’n hichibang in akan ding ua, Jentelte khut ah apiakhi ding uhi, Khasiangthou in achi hi,” achi a. 12 Tualeh, hihthu ka jaktak un, kou leh huasan a omten Paul pen Jerusalem a pailou dingin ka ngen ua. 13 Tuachi’n Paul in, “Bangchi nahi ua, na kahkah ua, nung khasiat sak uh? Ajiak Jerusalem khua a kan guak hilou in, Toupa Jesu min dingin sihzong ka ngap hi,” chi’n adawng hi. 14 Tualeh khouhzoh gual ahihlouh takin katawp ua, “Toupa thuthu hihen,” ka chita uhi. 15 Tualeh huanite nungin ka vante uh kakan ua Jerusalem ah ka paitouta uhi. 16 Kaisaria a pat in nungjui kuate hiam in ahungjui ua, amauh amin Mnason, Kupra khua a nungjui masa khat tuna a kaneih dingpa uh ahung paipih uhi.

Paul in Jakob avehna

17 Tualeh Jerusalem khua kungtun tak un unaute’n kipak takin ahung nadawn uhi. 18 Ajingni in Paul kou tawh Jakob kiang ah alut a, huasan ah saptuam upate jousiah aom uhi. 19 Tualeh Paul in amauh chibai abuk zoh in, a nasepna zang a Pasian in jentelte lak a sil abawlsak jousiah abanban in agen hi. 20 Tualeh amau’n huathu a jaktak un Toupa apahtawi ua, tuachi’n Paul kiang ah, “Sanggampa Judate kiang ah gingtu tamtak namu a, tualeh aun un dan angai poimoh mahmah uhi. 21 Tualeh nang, Jentelte lak a Juda omte jousiah kiang a atate uh tep tanlouh ding leh dan bang a omlouh ding chi’n Mosi paihkhiat na ding na thuhilh jel chih mi tampi kam a kipan in na thu athei uhi. 22 Bang chihding ata le? Mipi ahung paikhawm ngeingei ding uhi, nang hungpai chihlah ja ngeingei ding ahi ua. 23 Tuajiakin, na kiang a ka genbang un bawl in, kichiamna nei pasal li kanei uh. 24 Tua mipite paipih inla, asam uh aheunang uh sum pia in, tuachi’n mijousiahin mi kam a nathu ajakteng uh bangmahlou ahi chih athei ding ua, nang pen dan juiin kichian takin na omjaw chih athei ding uhi. 25 Hinanleh Jentelte lak a gingtute tungtang thu pen milim biakna silnek lam ah, sa heklup nek lam ah, kingaih lam a aki hepkhiat uh chihlouh ngal sildang atangkei uhi,” achi ua.

26 Tuachi’n Paul in pasalte apaipih a amauhte tawh aki siansuah a. Pasian tempul ah alut a, ki siansuahna ni abei hun ding leh amauhchiat a ding a asillat hun ding uh siampu kiang ah avahilh hi.

27 Tualeh ni sagih achin ding kuan takin, Asia gam a Judate’n tempul sung a Paul amuh tak un, mipi jousiah atok thou ua, atung ah khut akha ua. 28 A kikou ua, “Israelmite! Hung panpih un! Hih mipa ahi gamchin a mi jousiah kiang a, Judamite, dante tualeh hihmun gensia, tuaban ah Pasian tempul ah Grikte alutpih a, hih inn siangthou abuahsak jouta hi!” achi ua. 29 Ajiak hua masang in khuapi ah Ephesa khua a mi Trophima, a kiang ah amu ua, Paul in amah Pasian tempul a ahung paipih takin agingta uhi.

30 Tuachi’n khuapi sung jousiah abuaita a, mipite ahung taikhawm ua, Paul aman ua, Pasian tempul a pat akaikhia ua, kotte akhak pai uhi. 31 Tualeh amah thah asawm laitak un Jerusalem khua a mi jousiah abuai uh chih thu galkap lamkai lian kiang atung a. 32 Aman galkapte leh galkap jalamkai apaipih pai a, akiang uah ataisuk a, tuachi’n amau’n lamkai lianpen leh galkapte amuh tak un, Paul avuak uh atawpta uhi. 33 Tuachi’n lamkai lainpen pan ahung naih a, Paul atu a sikkol nih khih ding thu a pia a; “Tualeh kua hi ahia, bang bawlsiat nei ahia?” chih adong hi. 34 Tualeh mipi lak ah akhen thu khat in a kikou ua, akhen thudang in a kikou uhi, tualeh buaijiakin thuchian bangmah atheikei ua, kulh sung a puilut dingin thu apia hi. 35 Tualeh Paul kalbi atun lain mipi’n aholhseng jiak un galkapte’n amah adomkang uhi. 36 Mipi jousiahin, “That un!” chia kikou in anung ajui huthut ua.

Paul in asiamtanna thu agen

37 Tualeh Paul giahbuk a apuilut ding kuan un, aman galkap lianpenpa kiangah, “Na kiang ah thu themkhat ka genthei diai?” achi a.

Tualeh aman, “Grik ham nathei ei?” 38 “tu ma a mite buaina bawl a hasuan a mithatte sangli gamdaia puikhiatu Izipt gammi hilou na maw?” achi a.

39 Hinanleh Paul in, “Kei Judami, Silisia gam a Tarsa khua a mi ka hi, khua na dan maimai a om hilou ka hi. Hung hehpih inla mipite kiangah thu hung gensak in,” achi hi.

40 Tualeh aman a phalsak takin Paul kalbi tung ah adding a, mipi lam akhut in ajap a, tualeh amauh adaihsiang tak un Hebrai ham in thu agen hi:

Nasepte 22

 “Unaute leh pate aw, tuin na kiang uah ka dikna thu ka gen ding hi, ngaiun!” achi a. 2 Tualeh aking ua Hebrai ham a thu a gentakin adaisem ua, tuachi’n aman:

3 “Kei Judami ka hi a, Silisia gam a Tarsa khua a piang ka hi. Hinanleh hih khua ah Gamaliel kengbul a khanglian a Ipu leh pate uh dan khauhtak dungjui a tunia noute bang a Pasian lam a kipumpiak ka nahi hi. 4 Tualeh hih lampi a mite ka’n in sihtan in ka bawlgenthei jel a. Tualeh numei pasal in thong ah ka khum jel hi. 5 Siampite leh upate jousiahin zong hua thu ahung theihpih uhi. Amauh kiang a pat unaute piak ding lai kamu a, Damaska khua a om jousiahte bawlgenthei dingin Jerusalem khua a ka’nsa a puiding in kapai hi.

Paul in apianthak dan thu agen

(Nst. 9.1-19; 26.12-18)

6 “Tualeh hichi ahung hi a, Ka pai a, Damaska khuagei katun in, sunkim laitak ahi a, thakhat in van a kipat vak thupitak ka kim ah ahung vakguih a. 7 Tualeh kei, tual ah ka puksuk a, tualeh aw khat in, ‘Saul, Saul! Nang bangding a hung bawlgenthei na hia?’ chi in kaja hi. 8 Tualeh ken, “Toupa, Nang kua na hia?’ chi’n ka dong a, tualeh aman ka kiangah, ‘Nazareth Jesu, na bawlgentheih ka hi,’ achi hi. 9 Tualeh ka kiang a omten vak amu ua, alau ua, hinanleh ka kiang a thugentu aw ajakei uhi. 10 Tualeh ken, ‘Bang ka bawldia Toupa/’ kachi a, tualeh Toupa’n ka kiang ah, “Thou inla Damaska khua ah lut in, huasan ah siljousiah na bawldingte ahung ki hilh ding hi,’ achi hi. 11 Tualeh hua vak thupi jiakin khua ka muthei nawn takei a, ka lawite’n khut in ahung kai ua, Damaska khua ah ka lutta hi.

12 “Tuachi’n hua khuapi sung a mi khat Anania, dan lam a Pasian ngaihsak leh huasan a om Juda jousiahin agen phat uh. 13 Ka kiang ah a hungpai a, adding a, “Sanggampa Saul, khua muta in!’ ahung chi a. tuachi’n huahun mahmah in amah ka muta hi. 14 Tuachi’n aman, ‘Ipu leh pate Pasian in nang adeihlam thei ding leh midiktat asila mu a, akam a aw suak ja ding a ahung guat na hita hi. 15 Ajiak namuh leh najak thu ah mijousiah kiang ah amah thu theihpihtu na hi ding hi. 16 Tualeh bangding a khuangai nalai na hia? Thou inla Toupa min loukawm in baptism tang inla, na khialhna sawpsiang in,’ a hung chi hi.

Paul, Jentelte kiang a thu gending a sapna

17 “Tualeh hichi ahung hi a, Jerusalem a ka paikik zoh in Pasian tempul a ka thumlaiin, mangmu bang in ka om a, 18 ‘kinoh inla Jerusalem khua a pat in pawt in, ajiak hihsan a mite’n ka tanchin nagen sanglou ding ahi uh,’ hung chi’n amah kamu hi. 19 Tualeh, ken, “Toupa,’ amau’n, “Nang hung gingtate thong a ka khum a, kikhopna innchin a ka vuakjel athei uhi. 20 Tualeh na thu a lamkai Stephen sisan asuah laiun keizong akiang uah ka ding a, lem ka nasa a, athatte puante zong kana kem hi,’ kachi hi. 21 Tuachi’n aman ka kiang ah, ‘Paiin,’ ‘hihsan a kipat gamlapi ah, Jentelte kiangah kung sawl ding hi, ahung chita a,’ ” achi a.

22 Tualeh amau’n hihtan chiang a ngaikhia ua, tuachi’n aw ngaihtak in, hichi bangmi! Leitung a kipat in, “Hihmang un! Hingtak ahi kei!” achi ua. 23 Tualeh akikou ua, apuante uh a bawtkek ua, vanlam ah leivui atheh uhi. 24 Galkap lamkai lianpa in Paul kulhsung a puilut dingin thu apia a, atung a hizahta a kikouna jiak theihna dingin jep a dokchian ding, achi hi. 25 Hinanleh savun khau a ahenzoh un, Paul in akiang a ding galkpa jalamkaipa kiang ah, “Rommi mawng mawng siamlouh tansakna bei a vuakna ding thu nanei uai le?” achi a.

26 Galkap jalamkaipa’n hih thu ajak takin, galkap lamkai lianpenpa kiangah apai a, “Na silbawl ding pilvang in, hihpa Rommi ahi!” chi’n ahilh a.

27 Tuachi’n galkap lianpenpena a hung pai a, akiang ah, “Rommi namaw? hung hilh in,” achi a,

28 Tualeh galkap lianpen in, “Hih khuami hihna ken sum tampi a kalei ahi,” chi’n adawng a.

Hinanleh Paul in, “Kei Rommi a piang mawng ka hi,” achi hi.

29 Tuachi’n dokchian sawmten amah apaisan pai ua, tualeh galkap lianpenpa in zong Rommi ahi chih a theihchian takin amah mah in akansak ahihjiak in alauta hi.

Paul vaihawmte mai ah

30 Ajingni in Judate’n bang jiakin ahia Paul ahek uh chih theihchian atup jiak un galkap lamkai lianpen in amah aphel a, siampite leh vaihawmte jouisah kikhawm dingin th apia a, Paul ahung paipih ua, amai uah adingsak tau hi.

Nasepte 23

Tuachi’n Paul in vaihawmtute tangtak in a en a, “Ka chipih Israelmite aw! Tuni chiangdong in Pasian mitmuh a hoih a katheih taphot bawl in ka omjing hi,” achi hi. 2 Tualeh siampi Anania in, Paul geia dingte kiangah akam beksak dingin thu apia a. 3 Tuachi’n Paul in akiang ah, nang bang kinuhkangpa, “Pasian in nang ahung bengjaw ding hi, nang dan bang ka thu ngaihtuah dingin na tou a, danlou bang a kei bek ding nung chih maw!” achi a.

4 Tualeh akiang a dingte’n, “Nang Pasian siampi na housie vial a!” achi ua.

5 Tuachi’n Paul in, “Ka chipih Israelmite aw, siampi ahih ka theikei a ahi. ‘Na chihpihte lamkai tung ah thuhoihlou genken,’ “ chih gelh ahi, achi hi.

Paul thah asawm uh

12 Tualeh khua ahung vak takin, Judate lawikhat a kithukim ua. Paul athah masiah ua bangma nelou dawnlou dingin aki chiamta uhi. 13 Tualeh mi thahsawm a kithukimte mi sawmli sang a tamjaw ahi ua. 14 Tuachi’n amauh siampite leh upate kiangah apai ua, “Paul ka thah masiah ua bangmah nelou dingin nasatakin ka kichiam uhi.

15 Tuajiakin nou viahawmte ding kipang in na kiang uah puikhia dingin galkap lamkai lianpen kiangah van gen un. Tualeh aman na kiangah uh ahung phak masanga na that ding a mansa ka hi uhi,” achi ua.

16 Hinanleh Paul sanggamnu tapa in, aguk a ata’ng thu uh anaja a, kulh ah avalut a, Paul ahilhta hi. 17 Tuachi’n Paul in, galkap jalamkai khat akiang ah asam a, “Hih tangvalnou galkap lianpenpa kiangah paipih in, akiang ah gen ut anei hi,” achi hi. 18 Tuatakin aman galkap lianpenpa kiang ah apaipih a, “Paul thong ngakpa’n akiang ah ahung sam a, hih tangvalnou in na kiangah banghiam gen ut aneih jiakin na kiang a hung paipih dingin ahung sawl hi,” achi hi. 19 Tuachi’n galkap lianpenpa’n akhut in atu a, atuam in apaikhiat pih a, “Ka kiang a nagen ut bang ahiam?’ chi’n agu’k in adong hi.

20 Tualeh aman, “Paul thu kichian sem a ngaihtuah sawm bangin, jingchiang a vaihawmtute kiang a puisuk dingin Judate’n hung nget lem asata uhi. 21 Hinanleh athu uh na gingta ken, ajiak alak ua mi sawmli sang a tamjaw in agu’k in ata’ng uhi. Huamite’n amah athah masiah ua bangma nelou ding leh dawnlou dingin a kichiam uhi,” achi hi.

22 Tuatakin galkap lianpenpa’n tangvalnou apaisak a, “Hihthu nung theisakta chih kuamah hilhken,” chi’n thu apia hi.

Paul gam ukpa Felk kiang ah

23 Tualeh aman galkap jalamkai nih asam a, “Jan dakkua chiang a Kaisaria khua a pai ding in gal zanih tawh, sakawl tungtuangmi sawmsagih tawh tei tawimi zanih tawh kimansa in koih un, achi a. 24 Tualeh gam ukpa Felik kiang a bittak a tuttheihna dingin Paul tuanna ding sakol zong guatsak un,” achi hi. 25 Tuachi’n galkap lianpenpa in hichibang in laikhak agelh hi: 26 “Klaudia Lisia in, gam uktu hoihpen Felik: Chibai abuk hi. 27 Hihpa Judate’n amat ua athah ding kuan un, kei galkapte tawh kava pai a, amah pen Rommi ahih ka thei a, ka hunkhiata hi. 28 Tualeh ahekna pen uh theih ka ut a, vaihawmtute kiang ah kapaipih a. 29 Amah pen adanthu uh bang ahiam a kihek ahi chih ka thei a, hinanleh ahekna uh thu ah sihna ding leh kil bulhna ding hial bangmah a om kei hi. 30 tualeh Judate’n amah atang uh chih mi’n a hunghilh takin na kiang ah amah kintakin kung sawlta hi. Tualeh ahektute’n atung a thubuai aneih jousiah uh namai a gen ding in thu kapia hi,” Mangpha, chi in.

31 Tuachi’n galkapte’n athupiak bangin Paul pen jan in apaipih ua, Antipatri atunpih ua. 32 Ajingni in sakol tung tuangmite amah tawh akitonsak ua, amauh kulh ah ahung kilehkikta uhi. 33 Amauh Kaisaria atung ua, gam ukpa kiangah laikhakpen apia ua, Paul zong amai uah a dingsak uhi. 34 Tualeh gam ukpa’n laikhak asim zoh in Paul omna gam adong a, tualeh Silisia gam ahi chih a theihtak in, 35 “Nang hung hekte a hungtun chiang un, na thu ka ngaikhia ding,” achi a. Tualeh Herod vaihawmna innsung a koih ding in thu apia hi.

Nasepte 24

Paul ahekna uh

1 Tualeh ni-nga zoh in siampi Anania tawh upate leh amin Tertulla thugensiam tawh ahung paisuk ua, Paul tung a thubuai pen gam ukpa kiangah agen ua. 2 Tualeh Paul asapkhiat tak un, Tertulla in amah ahek panta a:

Felik zah omtak! Nang mah jalin lungmuang takin ka om ua, tualeh nang kepna jal a hih namte a ding a gitlouhna khamhoih a aom jiakin. 3 Bangchik tannin khoimun peuh ah lungkim takin ka kipak uhi. 4 Hitaleh zong nang ding a chimtakhuai talua ka utkei, nang migitna a ka thu uh themkhat hung ngaihkhiatsak dingin kung ngen hi. 5 Ajiak kou hihpa huat huaitak, leitung a Judate jousiah tokbuaitu leh Nazareth pawl a lamkai khat ahih ka thei uhi. Pasian tempul zong sukbuah zong asaw a, amah Kaman ua, ka dan uh bang a atung a vaihawm sawm hi ung a. 7 Hinanleh galkap lamkai lianpen Lisia ka kiang uah ahung pai a, kakhut ua pan in gumtat takin a lamangta hi. 8 Atung a thubuai neite na kiang a hungpai dingin thu pia in, nangmah ngeiin amah dongchian in, ka hekna thute uh na theichian ding hi, achi a. 9 Tualeh Judate’n zong hua thupen huachimah bang ahi, chi’n apanpih uhi.

Felik maiah Paul in adikna agen

10 Tuachi’n gam uktu in Paul thugen ding a khut a ajap takin, Paul in, “Nang, kum tamtak hih namte vaihawmtu nahih kungtheih jiakin kipak takin kadikna thu ka gen ding hi. 11 Jerusalem a Pasian biading a ka paitouh nung ni sawm leh nih val a hinaikei ding chih na theithei ding hi. 12 Tualeh tempul a mi toh ka kinialna ahihkeileh kikhopna inn leh khuasung a mi ka chilsiatna bangmah amu kei uhi. 13 Tuin zong ahung heknate uh kichiantak in abul a zongkhiathei kei uhi. 14 Hinanelh hihthu na kiangah kung pulak hi, amau’n biakdan tuam achih uh lamtuam juiin kapu leh pate uh Pasian kabia a, Mosi dan leh Jawlneite laibu jousiah gingta in. 15 Tualeh midktatte leh mi diktatloute thohkikna aom ding chia mau’n zong apom uh, huapen ken Pasian lam leh mihing lam a asia apha theihkhenna nei a, bawlkhial bei a om kdingin keima leh keimah bangchik lai peuhin kaki engbawl hi.

17 “Tuin kum tampi nungin ka namte uh kiang a sil piak ding leh gan thah ding hung keng in kung pai a. 18 Hua sil ka piaklaiin, Asia gam a hung kipan Judami kuate hiam in, mipi jaulou leh buailou in Pasian tempul a ka kihihsiangthou ahung mu uhi. 19 Huate’n katung a thubuai nei hile uh hiah namai ah om in ahung hek ding uhi. 20 Ahihkeileh hih mite mahmah in vaihawmtute mai a ka dinlaiin, ka bawlkhial muh anieh uleh gen uh hen. 21 Hihthu themkhat jiak houh ahihngal keileh alak ua ding a: ‘Misi thohkikna aom chih thu ah tunin namai uah salh in ka om ahi,” ka chih pen, chi’n adawng hi.

22 Hinanleh Felik in hihthute ajak takin hua lam thute atheichain sem a. Amauh kiangah, “Galkap lianpen Lisia ahung tunsuk chiangin, na thu ka ngaihtuah siang ding chi’n ahun asuan phot hi.” 23 Tualeh aman Paul veng a, hinanleh awngkhah deuh a omsak a, tualeh alawite’n a nna asepsak uh khamlou dingin galkap jalamkai khat kiangah thu apia hi.

Paul Felik leh Drasilla maiah

24 Tualeh ni bangzah hiam nungin Felik azi Judami numei Drasilla tawh ahung pai ua, Paul asamsak a Krist a ginna thu angaikhia hi. 25 Tualeh Paul in diktatna thute, kidekna thute leh vaihawmna hung tung ding thute agen leh, Felik lauin akithing a, “Tu’n paikik phot in. Hunlem kaneih chiangin kung samkik ding,” achi hi. 26 tualeh a khahkhiatna ding a Paul in dangka apiak bang akinem a, asamsak mun sim a, ahoupih thimthem hi.

27 Hinanleh, kum nih nungin Porsia Festa in Felik ahung khekta a, tualeh Felik in Judate kipaksak a ut a, Paul pen kansa in a nusiata hi.

Nasepte 24

Paul in Kaisar kiang ah a ngen

1 Tuachi’n Festa in gam pen a ukta a, Kaisaria a pat Jerusalem ah apaitou a, 2 tuachi’n siampite leh Juda lamkaite’n akiang ah, Paul tungtang thu ahilou lam in atheisak ua. 3 Tualeh lampi h ana tangdap ua, ana thahtheihna ding un akiang ah, Paul Jerusalem a vapuitou sak dingin a ngen uhi. 4 Hinanleh Festa in, “Paul pen Kaisaria a koihding ahi, keizong tomkhat zoh chiangin hualam ah kapai ding hi. 5 Tuajiakin, hihpa in gitlouhna nei ahihleh, nalak ua thuneithei jousiahin hung juisuk uhenla, hek uh heh,” chi’n adawng a.

6 Tualeh alak ua nisawm val a om nung in Kaisaria khua ah apaisuk a, tualeh ajingni in vaihawmna touna ah a tou a, Paul hung paipih dingin thu apia hi. 7 Tualeh Paul ahung tuntak in Jerusalem a kipan a hung paisuk Judate akim ah adding ua, atung ah thubuai tampitak gen in, siatakin ahek ua, a thudiktak a ensakthei tuan kei uhi. 8 Paul in adikna thu agen a: “Judate danthu ah hi in, tempul thu hitalhe, tualeh Kaisar thu hitaleh sil mawng mawng ka bawlkhial kei hi,” achi hi.

9 Hinanleh Festa in Judate deihlam bawl aut a, Paul kiangah, “Jerusalem paitouh a kamai a hihthute ngaihtuah hileh na ut ei?” chi’n adong a.

10 Tuachi’n Paul in, “Kaisar vaihawmna touna mai ah vaihawmsak a om dingin ka ding hi, Judate tung ah bangma ka bawlkhial kei hi, nang chiantak in nathei hi. 11 Migilou ka hih a, siahna khop hial sil bawlkhial ka hihleh sihzong kanial kei hi. Hinanleh hihten ahung hekna uh adiktak aom kei leh kuaman akiang uah ahung piakhia thei kei ding uhi, Kaisar kiangah ka tut ding,” achi hi.

12 Tuachi’n Feta in vaihawmtute a houpih kawikwi zoh in, “Kaisar kiang a tut na ut maw, Kaisar kiang natung ngut ding hi,” chi’n adawng hi.

Agrippa leh Bernisi maiah Paul

13 Tualeh ni bangzah hiam nungin, kumpipa Agrippa leh Bernisi Kaisaria ah Festa chibai buk dingin ahung pai ua. 14 Amauh huasan a ni tampi atam nung un, Festa in Paul tungthu kumpipa kiangah ah agen a, “Felik in mi thongtang khat anusia a, 15 Jerusalem a ka om lai in siampite leh Juda upate’n athu ahung theisak ua, siamlouh tangsak dingin ahung ngen uhi. 16 Hinanleh ken akiang uah, ahekpa uh leh ahekte a kimaituah ua, ahekna thu ua aman adikna thu agenna lemtang aneih ma in, mi kuamah gawt ding a piakkhiat Rommite dan ahi kei hi chi’n ka dawng hi. 17 Tuajiakin, amauh hihsan a hungtun un sawt hallou in ajingni in vaihawmna touna ah ka tou a, hua mipa hung paipih dingin hu kapia hi. 18 Tualeh ahektute adinlai un kagintat bangtak in atung ah gitlouhna thubuai bangma lah agen kei ua. 19 Hinanleh amauh biak dante leh mi khat, Jesu, asisa, Paul in ahing kik chia agen, thu a kinialna nei ahijaw uhi. 20 Tualeh ken, hua chibang kinialna thute khendan ka theihlouh jiakin Jerusalem a pai a huasan a hihthu khen a ut leh a utlouh ka dong hi. 21 Hinanleh Paul in Augasta khen ding a koihphot ding a angetzawk jiakin Kaisar kiang a ka sawltheih masiah veng dingin thu kapia hi,” achi hi.

22 Tuachi’n Agrippa in Festa kiang ah, “Ken zong huapa thugen ka ngaikhia ding,” achi a,

“Aman jingchiang in na ngaikhia ding,” achi hi.

23 Tuachi’n ajingni in Agrippa leh Bernisi pen thupitak in a hung pai ua, galkap liante leh khuasung a miliante tawh mipi kikhopna inn ah a hunglut ua. Festa thu in Paul ahung paipih ua. 24 Tualeh, Festa in, “Kumpipa Agrippa leh hihsan a ka kiang a om jousiahte’n hihpa na mu uhi, amah ahihleh Judate mipi jousiahin Jerusalem leh hihsan ah ka kiangah ahek ua. Hingtak ahikei chi’n a kikou uhi. 25 Hinanleh sihna ding khop bangmah a bawlkei chih ka thei a. Tualeh aman Augasta kiang a thu ut asawm jiakin sawl kasawm ahita. 26 Hinanleh, athu gina bangma ka toupa kiang a gelh ding lah kanei kei a, tuajiakin namai uah kung puikhia a, kumpipa Agrippa aw, nang mai a kung puikhiat ahi deuh hi, ajiak athu dokchian nung a gelh ding themkhat bek ka muhtheih na ding in. 27 Thong tang khat atung a ahekna thu uh theihkham louh khat tawh kumpipa kiang a sawlpen sil mot-huai a katheih jiakin,” achi hi

Nasepte 24

Agrippa maiah Paul in adikna thu agen

1 Tuachi’n Agrippa in Paul kiangah, “Na dikna thu nagen thei hi,” achi a. Tuatak in Paul in akhut ajak a, adikna thu agen a:

2 “Kumpipa Agrippa aw! Judate’n ahung hekna jousiah ah ka dikna thu tunia namai a ka gen ding jiakin kipak in ka kithei hi, 3 ajiak ahihleh Judate lak ah dan thubuai jousiah thu ah nasiam mahmah chih ka theih jiakin ahi.

4 “Ka naupanlai a kipan, a maspen a ka chipihte lak ah leh Jerusalem khua a ka om dan Judate jousiahin athei uhi. 5 Atu’ng a pat in ka tanchin athei uh ahi. 6 Tualeh tuin kapu leh pate uh kiang a Pasian thuchiam pen kineppihna jiakin hihsan ah vaihawmsak in ka ding hi. 7 Hua thuchiam pen kanam uh sawm leh nih in sun leh jan a Pasian nna kuhkaltak a sem in muh akinem uhi. Kumpipa Agrippa, hua kinepna jiakin Judate’n ahung hek uh! 8 Pasian in misite akaithou chih bang ding a gintat huailou a ngai na hi ua?

9 “Ken zong Nazareth Jesu min kalhlam in sil tampi bawl leng hoih ding in kana gingta a. 10 Huabang Jerusalem khua ah ka bawl jel a. Tualeh siampite kiang a pat phalna kamu a, misiangthoute lak a mi tampi thong ah ka khum a, tualeh amauh athahlai un lemsa lam ahi kana pang hi. 11 Tualeh kikhopna inn tengah amauh ka gawtjing a, Jesu min gensiatsak katum hi. Tualeh atung uah ka gilou mahmah a, gam dang khua tanpha in kagawt jel hi.

Paul in apianthakna thu agen

(Nst. 9.1-19; 22.6-16)

12 “Hauchibang bawl dingin, simapite thu mu in leh asawlna lai uh tawi in, Damaska khua ah ka pai a. 13 Kumpipa aw, sun laitak in van a kipan in, vak, ni sang a vakjaw keileh kajawkpihte kim ah vak in ka mu a. 14 Tualeh ka un un leiah kapuk ua, Hebrai ham in, ‘Saul, Saul! Nang bang ding a hung bawl genthei na hia? Vuakna chiangjumte pek nang a ding in ahaksa hi,’ chi’n aw khat kaja a. 15 Tualeh ken, ‘Toupa, Nang kua na hia?’ ka chi a. Tuachi’n aman, ‘Na bawl gentheih Jesu ka hi. 16 Hinanleh, thou inla, na keng in dingin, hih nasil muhte leh na kiang a kung kilakna dingte tawh, hua nna sem ding leh theihpih ding a nang hung sawl ding in na kiang a hung kilak ka hi hi. 17 Judate leh tu a kung sawlna Jentelte khut a kipan ka hung hunkhia ding. 18 Amit uh vaksak ding leh mial a pat vaklam ngasak ding in, tualeh setan thuneihna a pat Pasian lam a akihei theihna ding uleh khial ngaihdamnna amuh theihna ding un, tualeh kei ahung gintat jiak ua ki hihsiangthoute lak a gou aluah theihna ding un,’ achi hi.

Paul in anasep agen

19 “Tuajiakin, kumpipa aw, vanlam kilakna thu juilou in ka om kei hi. 20 Hinanleh a masa in Damaska khua a mite kiang ah, tualeh Jerusalem khua a mite kiangah, tualeh Judea gam pumpi a mite kiang ah leh Jentelte kiangah zong, a kisik ua, Pasian azot ua, kisikna tawh kituak nna asepna ding un, ka theisakta hi. 21 Hihte jiakin Judate’n Pasian tempul ah ahung man ua, thah ahung sawm uhi. 22 Hinanleh Pasian a Kiapn panpihna ka muh jiakin, tuni tan in mineute kiang leh miliante kiangah thu theisak in ka om nalai hi. Jawlneite leh Mosi in hung tung ding achih uh thu chihlou ngal thudang genlou in: 23 Krist in gim athuak ding a, tualeh misite lak a thoukik masapen ahi ding a, tualeh Judate leh Jentelte kiangah vak amusak ding, achih thu uh,” achi hi..

24 Tualeh, huachi a adikna thu agen lain, Festa in, aw ngaihtak in, “Paul! Amaw hiteh, Na simtamna in ahung motsak ahi!” achi a.

25 Hinanleh aman, “Milianpen Festa, Amaw ka hikei hi! Thudiktak leh pilna thu agen ka hijaw hi. 26 Hih thute kumpipa in athei hi! Tuajiakin akiang ah laulou a ka gen ahi. Hih silte a kiangah bangma im ahikei chih ka thei hi, hih silte ningkawm khat a bawl ahihlouh jiak in. 27 Kumpipa Agrippa aw, Jawlneite thu na gingta ei? Na gingta chich kathei hi!” achi hi.

28 Tuachi’n Agrippa in Paul kiang ah, “Thu themkhat a khem a Kristian suak ding in nungjou dektak hi,” achi hi.

29 Tualeh Paul in, “Thu htenkhat hi in, thu tampi in hitaleh, nang guak hilouin tuni a ka thu jajousiah keimah bang a om ding in Pasian kiangah ka ngen hi, hih sikkolte bulhlou in!” achi hi.

30 Tualeh Paul in huachi a agenzoh in, kumpipa tawh, gam ukpa tawh, Bernisi tawh tualeh akiang a toute tawh adding chiat ua, 31 tuachi’n apaikhia tuam ua, aki hou ua, “Hihpa in sihna leh sikkol bulhna ding khop hial in bangmah a bawl kei hi,” a chi ua. 32 Tuachi’n Agrippa in Festa kiangah, “Hihpa in Kaisar kiangah athu tut sawmlou hileh khahkhiat theih mai ding hiven,” achi hi.

Nasepte 27

Paul Rom khua ah

1 Tualeh Itali gam a long a kapai ding uh thupukna a om takin, Paul leh thong tang dang kuate hiam pen, “Augasta pawl a mi galkap jalamkai amin Julia kichi akemsak ua.” 2 Tualeh Asia gam tuipi geia khua omte tawn ding Adramitim long ah ka tuang ua, ka kitawlta ua. Thessalonika khua a om Mesidonia gammi Aristarkha ka kitonpih uhi. 3 Ajingni in Sidon katung uhi. Tualeh Julia in Paul a hoihbawl a, ki hihhalh dingin alawite kiang ah apawtsak hi. 4 Hua a pat in ka paikik ua, huih alehlan jiakin Kupra gam liahlam ah ka kitawl uhi. 5 Tualeh, Silisia gam leh Pamphilia gamjul tuipi kakhen nung un, Lisia gam a Mira khuapi katung ua. 6 Huasan ah galkap jalamkai in Itali gam juan ding Aleksandria long amu a, hua ah ahung tuangsak hi.

7 Tualeh awl awl in mi tampi ka kitawi ua, haksatak in Knida lak katung hamham ua, huih in ahung nan jiakin Salmoni juanin Krit gam liah ah ka kitawl ua. 8 Tualeh haksatak a paisuak in long khawlna kialwm achih mun uh katung tau a, huasan ah Lasia khua aom hi.

9 Tuachi’n ni tampi apaitak jiakin leh long a pai alauhuai jiakin an ngalni abeita a, Paul in amauh a thuhilh a: 10 akiang uah, “Pute aw, hih long a paina ah tuahsiatna manna thupitak tung ding ahi chih ka thei a, van puakte leh along guak hilou in, I hinna uh nasan in alauhuai hi,” achi hi. 11 Hinanleh galkap jalamkai pa’n Paul gen sangin longpute leh long neipa thugen agingtajaw hi. 12 Tualeh phalbi hun a omna ding long khawlna mun akijenlouh jiakin atamjaw in huapan a kitawlkhiat a Phoinik tun teitei a, huasan a phalbi sung om asawm ua, Phoinik ahihleh Krit gam a long khawlmun khat ahi a, mal tumlam leh sim tumlam ngattuah ahi.

Tuipitung a huihpi leh guahpi

13 Tualeh simlam huih awl awl a ahung lan tak in, adeihdan uh mu kisa in long asut ua, Krit gamning juljul ah akitawl uhi. 14 Hinanleh tomkhat zoh in hua a pat in “Eroklidon” achih uh huihpi hattk ahung langsukta hi. 15 Tualeh long ahung phukhata a, tualeh huihlam a ngattheih louh tak in ka khahta ua, ahung lam lehlehta hi. 16 Tualeh Klauda achih uh tuikulh gam khat ah katai ua, haksatak in longneu pen ka bitsak hamham uhi. 17 Akaihkhiat zoh un apanpihna khaute azang ua, long nuailam ah avail ua, tuachi’n denchiah sirti sehnel lak ah kileng lutkha in the chi’n puanjakna jousiah apuksak ua, tuachi’n ahung mawk toh kawikawita hi. 18 Tualeh tui kinawk in ahung hahphuk jiakin ajingni in long a avanpuakte tui ah apaikhia uhi, 19 tualeh a nithumni in ka khut ngei un long vante ka paikhia uhi. 20 Tualeh ni tampi nil eh aksi a kilang kei a, huihpi nadan maimai in ahung nuai ahikei a, hing dingin ka kinem nawn kei uhi.

21 Tualeh sawttak an nelou a aom nung un, Paul alak uah adding a, “Pute aw, Krit tuikulh a ka thu man a long sutlou a, hihbang siatna leh manna tuahlouh ding hinapi a. 22 Hinanleh tuin lungmuang tak a om dingin kung ngen hi, ajiak nalak ua kuamah in hinna ata’n kei ding ua, long pen sia ding ahi.

23 Ajiak amah a ka hih a, a nna zong kasep Pasian vantungmi tujanin ka kiang ah hung ding a 24 ‘Lauken, Paul! Kaisar maiah nading ngei ding hi. Tualeh ngaiin, long a natuanpihte jousiah zong Pasian in a hung piak ahita,’ ahung chi hi. 25 Tuajiakin, pute aw, lungmuang tak in om un! Pasian ka gingta a ahung hilh bangin a om ding hi. 26 Bangteng hileh tuikulh gam khat ah ahung lekdok ngei ding hi,” achi hi.

27 Hinanleh Adria tuipi a huih in adung avai a ahung mutleng uh ajan sawm leh li janin jankim lai dingin longmiten gamkhat tung ding bangin a kitheita ua. 28 Tualeh tui litdan ateh ua, lam sawmnih hi in athei ua, tualeh themkhat kitawl gamla deuh in ateh kik ua, lam sawm leh nga hi in athei ua. 29 Tuachi’n suanglak ah lenglutkha in the chih alau ua, long nunglam ah sikka li akhia ua khuavak angakta uhi. 30 Tualeh long mite’n long mailam ah sikkate khia kipang in long neupen tuipi ah akai khia ua, long taisan asawm uhi. 31 Tualeh Paul in, galkap jalamkai leh galkapte kiangah, “Hihte long a aom kei uleh nabit kei ding uhi,” achi hi. 32 Tuachi’n galkapte’n longneu khaute a sattan ua, akhahta uhi.

33 Tualeh khua vak kuan in, Paul in aun un an ne ding in asawl a, “Tuni, anngawl a na-ngak ua, bangma nelou a na omna uh ni sawmlehli ni ahita. 34 Tuajiakin, an ne ding in kung sawl ahi; hihpen na damna ding uh ahi. Na lak ua kuamah a samjang khat zong a mang kei ding,” achi hi. 35 Tualeh, hua thu agenzoh in, tanghou ala a, amai uah Paisna kiang ah kipahthu agen a, tualeh abalkek zoh in a ne panta hi. 36 Tuachi’n, aun un zanih leh sawmsagih leh guk ka hi uhi. 38 Tualeh an anekkham zoh un buhpen tuilak ah apai ua, long ajangsakta uhi.

Long siatna

39 Tualeh khuavak takin khoigam ahia chih atheikei ua, hinanleh long khawlna piautak neukhat amu ua, huasan ah ahihtheihleh chi’n long tawllut asawm uhi. 40 Tualeh sikkate akhahkhia ua, tuipi ah anusia ua, long kanna aphel ua, tualeh long puanjak huih lanna lam ngat in akaitou ua, piautak ajuanta uhi. 41 Hinanleh tuipi nih kisuktuahna mun ah ka lutkha ua, long lei asunsakta ua, tuachi’n long mailam akiphutdetta a, hihling zohlouh in omta a, anunglam tui kihot ahat jiakin akekta hi.

42 Tualeh galkapte’n thong tangte tuipek a taimang khat omkha unteh achi ua, thah asawmta ua. 43 Hinanleh galkap lamkaipa’n Paul hutkhiat a utta a, asiltup uh akham a, tuipeksiam jousiah tui napek a gam nakai masa ding leh; 44 midang khenkaht long tung ah, khenkhat long phelkek tung bang a galkai ding thu apia hi. Tuachi’n a un un gam ah bittak in agalkai siangta uhi.

Nasepte 28

Malta ah

1 Tualeh amauh asuahtak tak un, hua tuikulh gam pen Malta ahi chich atheita uhi. 2 Agammite’n ahung na hehpih mahmah ua, guah ajuk jiak leh avot jiakin mei atawh ua, ka un un kipaktak in ahung na vaidawn uhi. 3 Tualeh Paul in sing lomkhat atom a, mei a avakleh meisa hu jiakin gul khat ahung pawtkhia a khut atu a, a kikhaidenta hi. Tualeh agammite’n gul akhut a kikhaiden amuh un, “Hihpa pen tualthat hiding ahi tuipi a pat suakta nanleh phuba latu in ahin ding phal nanwlou ahita,” achi ua. 5 Hinanleh Paul in gul pen meilak ah athingkhia a, bangma achi kei hi. 6 Amau’n pen ahung pom hiam, ahihkeileh thakhat a puk a sipai ding a gingta in a ngak ua, hinanleh sawtpi a ngak ua bangma achihlou takin, alungsim uh akhek ua, “Amah pen pasian ahi!” a chijawta uhi.

7 huamun pen hua tuikulh hausapa amin Pablia achih uh gam ahi a, huapa in kipaktak in ahung vaidawn a, ngainatak in nithum ahung jintungsak hi. 8 Tualeh hichi ahung hi a, Pablia pa pen nattun leh santen in ana lum a, Paul akaing ah avalut a, a thum a, atung ah akhut a nga a, a damsakta hi. 9 Tuachibang a abawl zoh in hua tuikulh gam a midang natna nei jousiah zong ahung pai ua, adam chiatta uhi. 10 Amau’n thupitak in ahung pahtawi ua, tualeh ka pai ding un ka poimoh jousiah uh longah ahung koihsak uhi.

Malta a pat Rom ah

11 tualeh kha thum nungin Aleksandraia long, phalbi sungteng tuikulh a tam alulam, “Unau peng,” lutang lim suang ah kapai uhi. 12 Tualeh Siraka ah ka ki-nga ua, hua ah nit hum ka ta’m uhi. 13 Tualeh huasan a pat ka paikual ua, Ghegium katung ua. Tualeh ni khat zoh in simhuih ahung lang a, ajingkik in Puteoli katung uhi. 14 Huasan ah unaute kamu ua, akiang uah ni sagih ta’m ding in ahung khouh ua, tuachi’n Rom lam juanin kapai jel uhi. 15 Tualeh unauten ka tanchin uh ajak tak un, huasan a kipan in Appia vanjuakna mun leh jinbuk thumte chiang a hung dawn ding in a hung pai ua, Paul in amauh amuh in, Pasian kiangah kipahthu agen a, a khmuangta hi.

Rom khua ah

16 Tualeh Rom khua katun un, galkap jalamkai in thong tangte pen avengtu galkap lamkaipa kiangah a piakhia a, hinanleh Paul pen avengtu galkap khat guak tawh a om aphalsak hi.

17 Tualeh hichi ahung hi a, nit hum nungin Paul in Juda lamkaite asam khawm a, amauh ahung kikhop tak un akiang uah, “Unaute aw, Juda nam leh ipu leh pate uh dan tungah bangmah ka bawlsiat a omlouh hang in, Jerusalem a Rommite kiangah thong tang a piakkhiat ka hita hi. 18 Ahung etdik zoh un sihna khop hial katung a bangma a omlouh jiakin khah ahung sawm ua. 19 Hinanleh Judate’n hua anial jiak un Kaisar kiang a kathu tutlou theilou ka hitakei hi, ka chipihte hekna a bawl hilou in. 20 Hih thu jiak a nou tawh ki mutuah a ki houlim dingin kungsam ahi. Israelte kinepna jiak a hih sikkhau a kan a om ka hi,” achi hi.

21 Tuachi’n amau’n akiang ah, “Na tanchin Judea gam a kipat laikhatk in ka mukha kei uh, unaute kuamah in zong hihsan a hungpai in, natung thubuai bangma ahung ensak kei ua, gen zong ahung gen ngai kei uhi. 22 Hinanleh na ngaihdan nang a pat ka januam uhi, ajiak hih pawl pen gamchin a gensiat a aom uh ka thei uhi,” achi ua.

23 Tualeh ani aguat ua, aniguat uh a hungtun in mi tampi ahung pai ua. Jingsang a kipat nitaklam dongin Pasian gam thu ahilhchian in atheisak a, Mosi dan laibu leh Jawlneite laibu thu in Jesus lam ah amauh a jawljawl hi. 24 Tualeh khenkhat in thu kigen agingta ua, khenkhat in agingta kei uhi. 25 Tualeh amauh aki thulual theihlouh phet un, Paul in thukhat a gen khit in a paikhiata uhi. A thugen ahihleh hih ahi: “Khasiangthou in Jawlnei Isaiah kam a, ipu leh pate uh kiang a agen pen adik mahmah hi!

26 Aman hichi’n agen a,

‘Pai inla hih mite kiangah va gen in:

Jak pen na jading ua, hinanleh angaihna na theikei ding uhi;

Muhpen na mu ding ua, hinanleh na theikha kei ding uhi,

27 ajiak hih nante a lungtang uh akhengta a,

Abil uh abingta a,

Amit uh asingta uhi.

Atuachih keileh, amit un amukha ding ua,

Abil un ajakha ding uh,

A lungsim un atheikha ding uh,

Tuachi’n a hung kiheikik kha ding ua,

Ken kana hihdam kha ding,’ ” achih pen.

            28 Tuajiakin, “Pasian hundamna pen Jentelte kiang a sawl ahita chih thei un, amau’n pen ngiazong a ngaikhia ding uhi!” achi a. 29 Tualeh hih thu Paul in agenzoh in Judate apawtkhiata ua, amauh lak ah nasatak a kinialna naie uhi.

30 Tuachi’n Paul kumnih sung vingveng ama innluah ah aom a, aking a pai taphot aki pakpih a. 31 Pasian gam thu agen a, Toupa Jesu Krist thu hangsan takin ahilhjel a, kuaman amah akham kei uhi.