Back To Top
JOHAN
LAIKHAK KHATNA
I Johan 1
Thu a hinna
1 Achil a pat a om, ka jaksa uh, ka mit ua ka khoihsa uh hua hinna thu pen. 2 Hua hinna thi pen a kilangta a, huapen ka muta ua, ka theihpih uh, Tualeh hua tangtawn hinna pa kiang a om, ka kiang ua suklat a om pen na kiang uah kung hilhuhi.3 Hua ka muhsa uleh ka jaksa uh pen na kiang uah kung hilh uhi nou zong nung kipawlkhawmpih theihna ding un; Tualeh a taktak koute kipawlkhawmna pen pa tawh Tualeh Tapa Jesu krost tawh ahi. 4 Tualeh na kipakna uh a bukim theihna dingin hih thute na kiang uah kung gelh uh ahi.
Pasian hih vak ahi
5 Hih pen akiang a pat a ka jak uh thupiak ahi, Pasian pen vak ahi a, amah ah mialna mawng aom kei hi. 6 Amah tawh ka kipawlkhawm ichih ua miallak a ivak leh, juaugen ihi ua Tualeh thutak zong ijuikei uhi. 7 Hinanleh amah vak a aom mah bang a ei zong vak a I om leh, khat leh khat kipawlkhawmna inei a, tualeh a Tapa Jesu krist sisan in khialhna jousiah a pat ahung silsiang hi. 8 Khialhna ka neikei ichih uleh, eimah leh eimah kikhem ihi ua, tualeh thutak eiah aom kei hi. 9 I khialhnate i phuankhiat nak leh pen, i khialhnate ngaidam ding leh diktatlouhna jousiah a pat hung silsiang dingin amah pen agin om a, adiktat hi. 10 Kakhialkhakei ichihleh pen amah juaugen isuah ua, tualeh athu zong eimah ah aom kei hi.
I Johan 2
Krist eite gensaktu
2 Ka tanoute aw, na khialhlouhna ding un hih thute na kiang uah kung gelh hi. Tualeh mi kuahiam khat akhialhtak leh, Pa kiang a hung gensaktu Jesu Krist midiktat inei uhi; 2 tualeh amah pen ikhialhnate ding a thupha twaina zong ahi, eite khialhna guak hilouin hinanleh lei tung pumpi thupha twaina zong ahi. 3 Tuin athupiakte ijuih a ahihleh, hih in amah ithei chih ithei hi. 4 Kuapeuh amah ka thei chingal a, athupiakte jiu lou pen, mijuau ahi, Tualeh thutak amah ah a omkei hi. 5 hinanleh kuapeuh athujui taphot pen, amah ah Pasian itna bukim taktak ahi. Hih in amah ah i om chih ithei hi: 6 Amah ah ka om gige hi, chitu in amah zong ama om bang a aom ngeingei ding ahi.
Thupiak thak
7 Unaute aw, thupiak thak na kiang uah kunggelh ahikei a, hinanleh thupiak lui achil a pat a naneih uh kung gelh ahijaw hi; thupiak lui pen achil a pat a najak uh ahi. 8 Thupiak thak khat na kiang uah kung gelh kik hi huapen amah leh nou ah diktak in aom hi, ajiak pen mailna abeita a tualeh vak diktak ahung tangta hi.
9 Kuahileh, vak ah ka om chia, aunau mudah pen tutan in mial ah aom nalai hi. 10 Kuahileh a unau it pen vak ah a omjing a, amah ah kipalpuk theihnang mawng mawng a om kei hi. 11 Hinanleh kuahileh a unau mudah pen mial ah aom a, tualeh mial ah avak hi, mial in amit atawtsak jiak in apaina lam zong athei kei hi.
12 Ka tanoute aw, amin jiak a na khiahnate uh ngaihdam ahihtak jiakin, na kiang uah ka gelh ahi. 13 Pate aw, achil a pat a om amah natheih jiak un, na kiang uah kagelh ahi. Khanglaite aw, giloupa na zohtak jiak un, na kiang uah ka gelh ahi. Tanoute aw, pate natheih jiak un, na kiang uah ka gelh ahi.
14 pate aw, achil a pat a om amah natheih jiak un, Pasian thu nou ah a omjing a, tualeh giloupa na zohtak jiak un na kiang uah ka gelh ahi.
15 Leitung itkei unla, leitung a sil omte zong itkei un. Mi kuapeuhin leitung a it leh Pa itna amah ah a omkei hi. 16 Ajiak leitung a silo m jousiah sa utnate, mit utnate,tualeh damsung kisaktheih nate pen Pasian a kipan ahikei a hinanleh leitung a kipan ahijaw hi. 17 Tualeh leitung pen a utna tawh apaimang a, hinanleh Pasian deihlam bawlte pen tangtawn in a omjing hi.
Krist doudalte vauna
18 Tanoute aw, hih hun nunug ahita hi! Krist doudalpa ahung [ao ding chih najak bang un, tuin zong Krist doudal tampia omta hi. hih jiakin hun nunung ahita chih ithei uhi.19 Amauhte ilak ua pat apawtkhia ua, hinanleh eilak a mi ahikei uhi; ajiak pen eilak a mi na hitale uh, eilak ah omgige ding hi uh a. hinanleh aun un eilak a mi a hikei uh chih kilatna dingin a paikhia uh ahi.
20 Hinanleh nou misiangthoupa a pat thaunuhnatang ua, sil jousiah nathei uhi. 21 Thutak na theihlouh jiak un na kiang uah ka gelh ahikei a,hinanleh na theihjiak un leh thutak a pat juau mawng mawng apawt ngailouh jiakin ka gelh ahi.
22 Jesus pwn Krist ahi chih nial mi val a mijuau kua aom diai? Pa leh Tapa nial pen Krist doudal ahi. 23 Kuapeuh Tapa nial in Pa a neikei a, hinanleh mi kuahileh Tapa pom taphot in Pa zong anei hi.
24 Tuajiakin achil a pat a najakuh pen noumahah omsak jing un, hua achil a najak uh noumahh a a omjing leh nou zong Tapa leh Pa ah na omjing ding uhi. 25 Tualeh hihmiahi silchiam aman piak ding a ahung chiam pen, TANGTAWN HINNA pen.
26 Nou hung khem sawmte thngthu ahihileh kung gelh ahi. 27 Hinanleh, amah a pat thaunuhna natan uh nou ah a omjing a, kuamah hunghilh na poimoh kei uhi. Hinanleh hua thaunuhna mah in siljousiah nou ahung hilh mahbang in, thutak ahi a tualeh juau ahikei a, huain nou ahung hilh bangbang in na om ding uhi.
28 Tua leh tuin, ta ittakte aw, amah ah om gige un, amah hung kilat chiang a kimuanna I neihtheihna ding leh a hungpai chiang a i jumlouhna ding un. 29 Amah midiktat ahi chih natheih uleh, michih diktatna bawl taphot pen amah a piang ahi chih nathei uhi.
I Johan 3
Pasian tate
1 Ngaiun,bang chibang itna a tazen a pa in eite a hung piak; Pasian tate chih a a I om! Tualeh huami ahi I hihnatak uh.Tu ajiakin leitung in amah a theihlouth jiakin eite zong a hungtheikei hi 2 Ittakte aw, tuin Pasian tate ihi a; tualeh bang chibang in ahia i om ding chih akilang nai tadih kei hi. Hinanleh amah ahung kilak chibang, amah bangin i om ding uh chih pen ithei uhi, amah pen aom bangbang a mu ding ihihjiak un. 3 Tualeh michih amah a hih kinepna nei jousiah amah asianfthou bangin aki hihsiangthou jel hi.
4 Kuapeuh khialhna bawl in dn zong a botsia hi; ajiak khialhna pen dan bohsiatna ahi. 5 Tualeh amah pen I khialhnate uh lamang ding a hungpai ahi chih nathei uhi, tualeh amah ah khialhna mawng mawng aom kei hi. 6 Kuapeuh amah a omjing in khialhna a bawlngai kei; kuapeuh khialhna bawl in amah amukei a, thei zong a theikei hi.
7Ka tanoute aw, kuamah khem in omkei un. Diktatna bawltu pen midiktat ahi, amah adiktat bang in. 8 kialhnbawl mi pen Dawi a kipan ahi; ajiak pen achil a kipat in dawiin khialhna abawl jing hi. Pasian Tapa hung kilatna jiak pen, dawi silbawlte hihsia ding in ahi.
9 Kuapeuh {asian a piang in khialhna a bawlngai kei, ajiak pen achi amah mah ah aom hi; tualeh Pasian a piang in khialhna a bawlthei kei hi. 10 Hihsan ah Pasian tate leh dawi tate akithei thei hi: mi kuapeuh diktatna bawllou pen Pasian a kipan ahikei hi.
Khat leh khat ki ittuah un
11 Ajiak achil a pet thukhah na jak uh pen hihmi ahi, khat leh khat iki ittuah ding uh, chih. 12 Gilupa a pan a sanggam thatpa kaina bang a omlou in,tualeh bangjiak in ahia amah athah tajang? Ama silbawlte ahoih kei aanaupa adiktat jiakin ahi.
13 Ka unaute aw, leitung in nou ahung muhdah leh lamdang sakei un. 14 Unaute i it jiakin sihna a pat hinna ah i lutta hi chih ithei uhi. Mi kuahileh a sanggampa itlou pen sihna ah a omjing nalai hi. 15Mikuapeuh a sanggampa mudah pen tualthat ahi, tualeh tualthat kuamah tangtawnn hinna nei aom kei chih nathei uhi. 16Hihmi ah itna I theithei uhi, aman ei a ding a ahinna a piakkhiat jiakin,tualeh en zong unaute ding a ihinna ipiak ding uh ahi. 17 Hinanleh mi kuapeuhin leitung sil hau henla a sanggam tasam in mu in amah lainat tuankei leh, bangchiin Pasian itna amah ah a omthei dia? 18 Ka tanoute aw, athu guak in i it kei ding ua kam guak in zong i it kei ding ua, hinanleh silbawl leh thutak in hijaw hen.
Pasian mai a hangsanna
19 Tualeh hihmi-ah thutak a pat ihi uh chih ithei a, tualeh ama maiah i lungtang i lungtang un i muangsak thei ding uhi. 20 Ajiak pen i lungtang un siamlouh ahung tangsak leh; Pasian pen i lungtangte sang un alianjaw a, siljousousiah athei hi. 21 Ittakte aw, i lungtang un siamlouh ahung tansak keileh, Pasian lam ah muanngamna inei uhi. 22 Tualeh a thupiakte ijuih a amitmuh a sil kipahhuaite ibawl jiak un, inget taphot amah a pat imu uhi. 23 Tualeh a thupiakte pen hih ahi, eaten a Tapa Jesu krist igintat a, tualeh a thupiak bang a khat leh khat iki ittuah ding uh ahi, chih. 24Tualeh mi kuahileh a thupiakte jui tuh Pasian ah a om a, Pasian zong amah ah ahaom hi. Tualeh huami-ah Pasian pen eimah ah a omjing hi chih kha a hungpiak na ah itheui uhi.
I Johan 4
Kha dik leh kha diklou
1 Ittakte aw, kha jousiah ginta keiun, hinanleh khate oen Pasian a pan ahihleh hihlouh enchianjow un; ajiak pen jawlnei taklou leitung ah tampi a pawthiata hi. 2. hinmi-ah Pasian kkha nathei ding uhi: jesu krist taksa ngeiin a hungpai chih na phuangkhia taphot Pasian a pan ahi. 3 Tualeh Jesu Krist ttaksa ngeiin a hungpai chih na phuangkhialou kha taphot Pasian a kipan ahikei hi. Hihpen Krist doudalpa kha, hungpai ding ahi chih na jak uh pen ahi; tuin zong leitung ah a omkhinta hi.
4 Tanoute aw, noupen Pasian a kipan na hi ua, huate na jouta uhi; ajiak amah nou a ompa pen leitung sil thute agen uhi, tualeh leitung in athu uh a ngaikhiajel hi. 6 Eipen Pasian a kipan ihi uhi. Kuahileh Psasian a kipan hilouin i thu a ngaikhia kei hi. hih a pat in kha dik leh diklou ithei uhi.
Pasian itna ahi
7 Ittakte aw, khat leh khat iki ittuah ding hu ahi, ajiak itna Pasian a kipan ahi; tualeh michih itna nei taphot Pasian a piang ahi a Pasian athei hi. 8 Itna neilou mi in Pasian a theikei hi, ajak pen Pasian itna ahi. 9 Hihmi-ah Pasian in eite ahung itna a kilangta: amah jal a ihintheihna ding a Pasian in a Tapa tangkhat neihsun leitung a ahung sawl jiak in. 10 Hih ah itna a om, Pasian i it chih ahikei a, hinanleh aman eite ahung tapa ahung sawl chih ahijaw hi.
11 Ittaite aw, Pasian in hictuk a ahung itleh, ei zong khat leh khat iki ittuah ding uh ahi. 12 Kuaman Pasian a mungaikei hi; eite khat iki ittuahleh, Pasian eiah a omjng a, a itna zong eimah ah abukimh hi.
13 Aman a kha a hungpik tak jiakin hihmi-eite amah ah I om a, amah ah i om a, amah ei ah a om chih ithei uhi. 14 Tualeh Pa in tapa pen leitung hundampa dingin aswl chih imuta ua, tualeh itheisakta uhi. 15 Mi kuapeuh Jesu Pasian Tapa ahi chia phuangkhia taphot tuh Pasian amah ah aom a, amah zong Pasian ah aom hi. 16 Tualeh i tung a Pasian in itna a neihpen i thei ua ging zong i gingta uhi.
Pasian itna ahi a, kuahileh itna a om tuh Pasian ah aom a, Pasian zong amah ah aom hi. 17 Hihmi –ah i tung a itna a bukimta hi: vaihawmni chiang a hangsanna i neih theihna ding in, amah om bang a eite zong I omjiak un. 18 itna ah launa a omkei a, itna bukim in launa a delhmangjaw hi; ajiak pen launa in thuak gimna anei hi, ajiak launa neimi penitna ah a bukim nailou ahi.
19 Aman ei ahung it masak jiak in; en jong amah i it uh ahi. 20 Mmi’m Pasian ka it, chin a sang gam huataleh, amah mijuau ahi; ajiak amuh gekguk a sanggam bawn a itkeileh, amuhlouh Pasian bangchin a it thei dia. 21 Tua leh amah apat hih thupiak inei uhi: mi kua hileh Pasian it in a sanggam zong a it ding ahi, chih.
I Johan 5
Ginna in lei tung azou
1 Mi kua peuh Jesu pen Krist ahi chih gingta pen Pasian a piang ahi, tualeh kuapeuh apiangsakpa it in apiansak zong a it hi. 2 Hihmi- in Pasian tate i it uh chihi ithei, Pasian I it a athu piak te ijui chiang in. 3 Ajiak Pasian I itna uh pen, a thupaikte juihna uh ahi. Tualeh a thupak te ahaksa kei hi, 4 Pasian a paing taphot in leitung a zou hi. Tualeh hihmi ahi leitung tung a gualzohna, iginna uh. 5 Jesu Pasian Tapa ahi chih gingta mi loungal kua ahia leitung tung a gualjou?
Jesu tungtang theihpihtu
6 Hih ahi tui leh sisan a hung paipa, Jesu Krist, tuiguak a hilou in, tui leh sisan in ahijaw. Tualeh theihpihtu pen kha ahi, Kha pen thutak ahih jiak in. 7 Ajiak pen vanahtheihpihtu thum aom hi: Pa, Thu, tualeh Khasiangthou, tualeh hih thumte pen khat ahi. 8 Tualeh leitung ah theihpihtu thum aom hi: Kha, tui tualeh sisan, hih thumte pen khat in akituak uhi. 9 Mihing theih pihna bawn ipom uleh, Pasian theihpihna athupijaw hi; ajiak a Tapa tung thu a theihsakna Pasian theihpihna pen hih ahi. 10 Kuahileh Pasian Tapa gingta in amah ah theipihtu hihna anei ahi. Pasian gingtalou mi in pen amah mijuau asuah hi Pasian in atapa ahung piak thu atheihsak agintatlouh jiak in. 11 Tualeh thudik theihsakna thu pen hih ahi: Pasian in tangtawn hinna ahung piata a, tualeh hih hinna pen a Tapa ah a om hi. Kuahileh Tapa nei in hinna anei hi; kuahileh Pasian Tapa neilou in hinna anei kei hi.
Tangtawn hinna
13 Tangtawn hinna naneita uh chih na theihna ding un nou Pasian Tapa min gingta te kiang ah hih thute ka gelh ahi, tualeh Pasian Tapa na gintat theih jing na ding un. 14 Tuin amah a ikimuan na uh ahihleh hih ahi, sil khat peuh amah deih dan a I ngetleh, ahung ngai khia jel hi. 15 Tualeh inget taphot uh ahung ngai khiat sak chih itheih- uleh, a kaing a isil nget uh I muta chih ithei uhi.
16 Mi khatpeuuh in a sanggam sihna khop hilou khialhna bawl amuhleh, a ngetsak ding a, Tuachi’n aman sihna khop hilou khialhna bawlte ding in hinna apia ding hi. Sihna khop khialhna aom a; huami ding in a thumsak ding ka chi ahi kei hi. 17 Diktat louna jousiah khialhna ahi a, tualeh sihna khop hilou khialhna zong a om hi.
18 Kuapeuh Pasian a piang tuh akhial ngaikei chih ithei uhi. Hinanleh kuahileh Pasian a piangpa pen amah akikem a, migiloupan akhoihkhakei hi.
19 Eite pen Pasian a ihi ua, tualeh leitung pumpi pen giloupa thuthu in aom chih ithei uhi.
20 Tualeh Pasian Tapa ahung pai a amah midiktak ahih itheihtheihna ding un theih siamna ahung piata chih ithei uhi; tualeh eite pen amah midiktak, a Tapa Jesu krist ah I om uhi. Amah pen Pasian leh tangtawn hinna ahi.
21 Tate aw, milim a pat kihemkhia un. Amen.
