MATTHAI

MATHAI

GELH TANGTHUPHA

Mathai   1

Jesu Krist Khangui thu

(Luk. 3.23 – 38)

1 Abraham tapa David, tapa Jesu Krist khangthu bu. 2 Abraham in Isak asuang a, tualeh Jakob in Judah in Tamar tawh Perez leh Zerah asuang a, Perez in Hezron asuang a, tualeh Hezron in Ram asuang a, 4 Ram in Amminadab, asuang a, Amminadab in Nahson asuang a, Nahson in Salmon asuang a, 5 Salmon in Rahab tawh Boaz asuang a, Boaz in Ruth tawh Obed in Jessai asuang a,

6 tualeh Jessai in kumpipa David asuang. Kumpipa David in Uriah zi tawh Solomon asuang, 7 tualeh Solomon in Rehoboam asuang a, Rehoboam in Abhijah asuanga, Abhijah in Asa asuang a, 8 Asa in Jehoshaphat asuang a, Jehoshaphat in Joram asuang a, tualeh Joram in Uzziah asuang. 9 Uzziah in Jotham asuang a, Jotham in Ahaz asuang a, tualeh Ahaz in Hezekiah asuang, 10 Hezekiah in Manasseh asuang a, Manasseh in Amon asuang a, tualeh Amon in Josiah asuang hi. 11 Bebilon sal a puia aomlai un Josiah in Jekoniah leh a sanggam pasalte asuang hi.

12 Tualeh Bebilon sal a puia a omzoh nung un, Jeloniah in Shealtiel asuang a, Shealtiel in Zerubbabel asuang, 13 Zerubbabel in Abiud asuang a, tualeh Eliakim in Azor asuang, 14 Azor in Zadok asuang a, Zadok in Achin asuang a, tualeh Achin in Eiud asuang, 15 Eliud in Eleazer asuang a, Eleazer in Mathan a suang a, tualeh Mathan in Jakob asuang, 16 Jakob in Krist kichi Jesu pianna Mari pasal Joseph asuang hi.

Jesu Krist pianna

(Luk.2.1 – 7)

18 Tualeh Jesu Krist hung piandan ahihleh hihbang ahi. Anu Mari pen Joeph tawh kikham khin ahi a, a omkhawm masang un, khasiangthou a pat nauvop ahi chih ahung kitheikhiata hi. 19 Tualeh apasal Joseph pen midiktak ahi a, Mari pen mipi maiah mualphousak louin; dap tawpsan a sawmta hi. 20 Hinanleh hihbang silte a ngaihsut laiin, ngaiin, amang in Pasian Vantungmi khat akiang ah ahung kilak a, “Joseph, David tapa, nazi Mari neihding lauken, a naupai pen khasiangthou a kipan ahi. 21 Aman tapa anei ding a, amin ding in Jesu naphuak ding, Aman amite akhialhna ua pan a hutdam ding jiak in.”

22 Hihte tengteng Toupa’n Jawlnei kam a anagensa ahung tangtunna ding a hung om ahi, 23 Ngaiin, “Nungak siangthoui agai ding a tapa anei ding a, amin ding in Immanuel “aphuak ding uh, (tuapen, “I kiang uah pasian a om, chihna ahi”). Tuachi’n Joseph ihmu hung thoukhia in, Toupa vantungmi thupiak bangin a bawl a azi akiang ah apuita hi. 25 Hinanleh Tapa masa aneih masiah a luppih kei hi. Tuachi’n Joseph in amin Jesu a phuakta hi.

Mathai 2              

Mipilte Vehna

Kumpi Herod lalhun laiin Judea gam Bethlehem khua a Jesu hung pianzoh in, ngaiin, suahlam a pan mipilte Jerusalem ah a hungpai ua, 2 “Judahte kumpipa hungpiang amah khoisan a om ahia? Suahlam ah a aksi kamu ua, amah biading a hungpai ka hi uh,” achi uhi.

              3 Kumpi Herod in hih a jaktakin, a lungkham mahmah a, Jerusalem a tengteng zong a lungkham chiat uhi, 4 Tuachi’n Herod in siampite leh laigelhmite a samkhawm a, “Krist khoisan a piang kichi ahia?” chi’n a kanchian hi. 5 Tuachi’n amauhte’n a kiangah, “Judea gam a Bethlehem khua ah,  zawlneite’n hihbang in a gelh uh

6 ‘Nang, Judea gam a Bethlehem aw, Judah khuapite lak ah na neupen tuam kei; Nang a kipan ukpa hung piang ding ahihjiak in ka mi Israelte ching ding in.”

7 Tuachi’n hihthu ajak khit in Herod in mipilte a samdap a, bang hun a hih aksi hung kilang ahia chi’n kichiantak in adong hi. 8 Tuakhit in aman, Bethlehem khua ah: “Pai unla hoihtak in nausen vazongkhia unla; amah na muhkhit chiang un kei hunghilh kik un, ken zong kava biaktheina dingin,” chi’n a sawlta hi.

9 Kumpi thugen ajakkhit takun, apaikhiatsan ta ua; ngaiin, aksi suahlam a amuhpen mah uh, nausen omna tung atun a akhawl masiah, amai uah anapai hi. 10 Aksi amuh takun a kipak ua, kipahna in adimta uhi. 11 Tualeh innsung a aluttak un, nausen anu Mari tawh amuta ua, khupbok in amah abiata uhi. Tuakhit in agoubawmte uh ahong ua, kipahna silpiak, Khamte, Chiimte leh Murahte apia uhi.

Izipt gam a taina

13 Tuachi’n amauhte’n apaisan nungin, ngaiin, Joseph mang in Toupa vantungmi ahung kila’k a, “Thou inla, naungek leh anu zohpih inla, Izipt gam ah taipih inla, thu kungpiak masangsiah huamun ah om un, Herod in naungek thahding in zongding ahihman in,” achi hi.

14 Tuachi’n amahzong a thoukhia a, aja’n aja’n in naungek leh anu a zohpih a, Izipt gam juan in ataipihta a, 15 Herod sih masiah huamun ah a omden ta uhi. Tuapen Toupa’n Jawlnei kam a, “Ka Tapa Izipt gam a pan ka samkhia,” chia agen a tangtun theihna ding ahi.

Herod in naupang athahna

16 Tualeh Herod in mipilte’n hungkhem uh ahi chih a theihtak in, aheh mahmah a, Tuachi’n mi asawl a, Bethlehem leh akim a om pasal naupang kumnih a pat anuailam athatsak hi, tuapen mipilte adokna pan a ahun azonkhiat dungjuia asep ahi.

17 Tuachi’n Jawlnei Jeremiah in:

18 “Rama khua ah aw akija,

                        Lusu’nna, kah leh mauna thu

                        Rachel in a tate akah;

                        Amau a om nawnlouh jiak un,

                        hehnepzoh hinawnlou ding chia agen a tangtungta hi.”

        

Izipt gam a pat a kikna

19 Herod a sihkhit in, ngaiin, Izipt gam a om Joseph mang in Toupa vantungmite ahung kilak a 20 “Thou inla, naungek leh anu zohpih inla, Israel gam ah paita in, naungek thahsawmpa a sita hi,” achi hi.

21 Tuachi’n amah zong a thoukhia a, naungek leh anu Mari azohpih a, Israel gam ah ahung paita uhi.

22 Hinanleh apa Herod tang in Arkelaus in Judea gam ah vai ahawm chih ajaktak un, huamun a pai alauta uhi. Tuachi’n Pasian in amanglam ua a taihilh mahbang in, Galili gam ninglam ahung juanta uhi. 23 Tuachi’n Nazareth kichi khuapi ah hungtung in, huamun ah a tengta ua, “Amahpen Nazarethmi akichi ding,” chih Jawlneite’n agen a tangtun theihna ding ahi.

Mathai 3

Baptispa johan thupuan

(Mrk.1.1 – 8; Luk.3.1-18; Jhn .1.19-28)

1 Tuahunlai in baptispa Johan Judea gamdai ah, thugen in a hungpai a. 2 “Kisik un, van gam anaita

3 Amah ahi jawlnei Isaiah in,

“Gamdai a mi kikou aw khat in,

“Toupa lampi sial unla;

a lampi tangsak un!” achi, chia anagen.

4 Tualeh Johan in sangawngsau mul puan in asilh a, savun kawnggak tawh akawng agak a, tualeh a annek pen kauphe leh khuaiju ahi. 5 Tuachi’n Jerusalem khuate, Judea gamte leh Jordan luikim gam a pan mi amah kiangah a hungpai ua. 6 A khialhnate uh a phuangkhia ua Johan in Jordan luiah amauhte ana baptis hi.

7 Hinanleh aman Pharisaite leh Sadukaite tampi akiang a baptisma tang ding a hungpai amuhtak in, aman akiang uah, “Nou, gul suante aw, thangpaihna hungtun ding taisan ding a kuan hung taihilh ahia? achi hi. 8 Tuajiakin kisik chinna gah hungnei khia phot un. 9 Abraham kapa uh ahi chi’n noumauh in ngaihsutna nei kei un. Pasian in suangtang neute zong Abraham tate suaksakthei hi! 10 Tualeh tu mahmah in heipi singzung teng ah kikoihkhin hi; tuajiakin singkung gahhoih neilou jousiah sattan a meilak a paih ahi ding hi. 11 Ken na kisikna uh lahna ding in tui in kung baptis a, hinanleh ka nung a hung paidingpa ahihleh keisang a hatzaw ahi a; akhedap tawi ding a zong taklou ka hi. Aman khasiangthou leh mei in ahung baptis ding hi. 12 A phikphek a khut ah a tawi a, aman a buhphual ngiltak in ajapsiang kilkel ding a tualeh anbuk sungah buhtakte a koihkhawm ding a; hinanleh buhsite pen amittheilou mei tawh ahaltum ding hi.”

Jesu baptisma tanna

(Mrk. 1.9-11; Luk.3.2, 22)

13 Tuachi’n Jesu Johan kianga baptisma tang ding in, Galili gam a pan Jordan luiah a hungpai hi. 14 Hinanleh Johan in kham sawm in “Nang kei nung baptis ding poimoh jaw hi’ng a, kei kiangah Nang nungpai jawsop ding maw!” achi hi.

15 Hinanleh Jesu’n a dawng a hichi’n a kiangah, “Tu’n hithei sak teitei in; hihbang diktatnate tengteng sep tangtun ei a ding a chinna ahi,” achi hi. Tuachi’n aman aphalsak ta hi.

16 Tualeh Jesu’n baptisma a tankhit, tuilak a pat ahung pawtkhiat phet in, ngaiin, amah a dingin van ahung ki hongkhia a, vak in amah a khohsuk a Pasian khasiangthou vakhu bang a hung kumsuk amu hi. 17 Tuachi’n thakhat in van a pan in aw khat in, “Hih Ka Tapa it tak ahi, ka kipahna mahmah ahi,” achi hi.

Mathai 4

Jesu khem a aom na

(Mrk. 1.12, 13; Luk. 4.1-13)

1 Tuachi’n Jesu Setan khem a om dingin gamdai ah kha puiin ahung omta hi. 2 Tuachi’n amah sun sawmli leh ja’n sawmli anngawl a aomzoh nungin, agil ahung kialta hi. 3 Tuachi’n khemtu a kiangah a hungpaitaa, aman a kiangah, “Nang Pasian Tapa nahihleh, hih suangte tanghou suaksak ding in thu pia in,” achi hi.

4 “Hinanleh aman adawng a, ‘Mihing tanghou guak in a hingkei ding a, hinanleh Pasian kam a thuchin pawtte in ahingjaw ding chih gelh ahi, achi hi.’ ”

5 Tuachi’n dawimangpa’n amah khuapi siangthou tung ah a paitoupih a, Tempul tungvum ah akoih a, 6 tuachi’n a kiangah, “Nang, Pasian Tapa nahihleh, nang leh nang ki kiasuksak in,

               ‘Na tungthu ah aman a vantungmite thu a pia ding a:

    Na keng a suang na suihkhak louhna dingin,

                Akhut un ahung dom nading uhi, chih gelh ahi, achi hi.’ ”

7 “Jesu’n a kiangah, “Toupa na Pasian ze-et ken chih zong gelh hi,” achi hi.

8 Tuachi’n dawimangpa’n amah mual sang penpen tungah a paitoupih kik leu leu a, leitung gan tengteng leh a thupina a ensak a. 9 Aman a kiangah, “Kamaia ku’n a nung biakleh, hih silte jousiah nang kung pia ding, achi hi.”

10 Tuachi’n Jesu’n a kiangah, “Setan! Hihsan a kipan in paimang in, Toupa na Pasian na biading a, ama nna guak nasep ding ahi, chih gelh ahi, achi hi!”

11 Tuachi’n dawimangpa’n amah apaisanta a; ngaiin, thakhat in vantungmite a hungpai ua amah nna ahung sepsakta uhi.

Jesu’n Galili ah naswp a pan

(Mrk.1.14, 15;luk.4.14,15)

12 Johan thong ah akikhum chih Jesu’n ajaktak in, Galili lam ah a kihepsanta hi. 13 Tuachi’n Nazareth khua nusia in Zebulun leh Naptali dil geia om, Kapernaum khua ah hungpai in atengta hi. 14 Tuapen Jawlnei Isaiah in anagen a tangtunna ding in,

             15 “Tuipi geia Zebulun gam leh Naptali gam,

                    Tuipi zotna lampi a om, Jordan kantan a,

                     Jentelte tenna, Galili gam a!

              16 Miallak a tou mite’n, va’k thupitak amu ua.

                   Sihna mun leh alim a toute tungah khua ahung vakta, achi hi.”

               17 Tuahun a kipan in Jesu’n thugen a panta a, “Kisi’k un, van gam anaita hi!” achi hi.

Jesu’n nungjui masate asapna

(Mrk.1.16-20; Luk.5.1-11)

18 Tuachi’n Jesu Galili tuipi piau ah avak a, unau pasal nih, Peter zong kichi Simon leh, a sanggampa Andru, amauh ngamanmi ahihjiak un, tuipi a ngen khuhlai amu a. 19 Aman akiang uah, “Hungjui un, mihing man ding in nou kungbawl ding,” achi hi. 20 Amau’n zong kintakin a ngente uh nusia in anung ajuita uhi.

21 Hua a kipan paijel in, unau pasal dang nih, Zebedi tapa Jakob leh a sanggampa Johan, apa tawh gunkuang sunga a ngen uh bawlpha a om amuh in amau tegel a sam a, 22 amau’n zong gunkuang leh apa uh nusia in anung a juipaita uhi.

Jesu’n mi tampi adamsak

(Luk. 6.17-19)

23 Tuachi’n Jesu Galili gam tengah vak kawikawi in, a kikhopna inn uah thu hilh in, gam tangthupha thu gen in mipite lak ah damlouhna chituam tuamte leh natna chituam tuamte a damsak hi. 24 Tuachi’n Siria gam tengah atanchin ahung thangta a, amauhte’n a kiangah achina jousiah ahung paipihta ua, natna chi tuamtuam a damloute leh gimthuakte: dawimatte, kaihveite leh jengte ahung paipih ua, aman ana damsakta hi. 25 Tuachi’n Galili gam a pan, Judea gam leh Jordan gallam a pan mihon tampite’n anung ajuita uhi.

Mathai 5

Mualtung a thugenna

1 Mihonpi amuhtak in, mual tungah apaitou a, atou a. Anungjuite a kiangah ahungpaita ua, 2 tuachi’n thu agen a, hichin a nungjuite thu ahilhta hi:

Kipahna diktak

(Luk. 6.20-23)

3 “Khalam a jawngkhalte a hampha uhi;

van gam amau ua ahihman in!”

4 “Lungkhamte a hampha uhi;

khamuan a om ding ahihman un!”

5 “Mi nunnemte ahampha uhi;

leigou luah ding ahihman un!”

6 “Diktatna lunggulh a gilkial dangtakte ahampha uhi;

taiding ahijiakun un!”

7 “Zahngaitheite ahampha uhi;

zahngaihna mu ding ahihman un!”

8 “Lungsim a siangthoute ahampha uhi;

Pasian mu ding ahihjiak un!”

9 “Lemna bawlte ahampha uhi,

Pasian Tate kichi ding ahihjiak un!”

10 “Diktatna jiaka gawtna thuakte ahampha uhi;

Van gam amauh a ahijiak in!”

11 “Mi’n Kei jiaka ahung housiat ua, ahung gawt ua juau a gilou chiteng a ahunghek hun chiang un na hampha uhi.

12 Nuam unla nakpitak in kipak un, van ah na nuamman uh thupi ahihman in. Tuamah bangin namai ua Jawlnei omte zong ana bawlsia uhi.”

                               

Chi leh meivak a gentehna

(Mrk. 9.50; Luk. 14.34, 35)

13 “Noute lei chi nahi uhi. Hinanleh chi in a alna mansuah taleh, bang chi’n alkikthei ding ahia, Paihkhiat a mite chilgawp ding louhngal in bangmah phattuamna anei nawnkei ding hi.

14 “Noute leitung vak nahi uh. Mualtung a khuapi om pen phualdap theih ahi kei. 15 kuaman a meivak de in lawh nuaiah akoih ngaikei; a tanna khuam tungah akoih a, tuachi’n avak in innsung teng asalhvak jaw hi. 16 Tuachimah bangin, na vak uh mite maiah vak hen, tuahileh mi’n na nasep – hoihte uh mu un chin, van a om na pa uh min aphatthei ding uhi.

Dan thu a hilhna

17 “Jawlneiteh leh danthu beisak ding a hungpai ka hih hung gingta kei un. Beisak ding a hungpai ka hikei a, tangtungsak ding a hungpai ka hijaw hi. 18 Adiktak in na kiang uah kung hilh ahi, lei leh van aman masiah, danthu bu a sut vom khat hiam, laimal neunou khat zong a mangthang kei ding, aun a atangtun masiah. 19 Tuajiakin, kuahileh hih dan thupiakte lak a neupen a kichi ding uhi . Hinanleh kuahileh a jui a mi hilhte van gam ah milian a kichi ding hi. 20 Na diktatna un Laigelhmite leh Pharisaite diktatna akhupzoh keileh, van na lut kei ding uh, chih kung hilh ahi.

Thangpaihna thu a hilhna

21 “Tanglai mite kiangah, ‘Tua na thahlouh ding uh ahi, kuahileh tualthat in thukhenni a dingin lauhhuai takin aom ding chih na jata uhi.’ 22 Hinanleh ken noute kung hilh ahi: Ajiak beia a sanggampa tung a hehmi pen thukhenna thuak ding in alauhuai ding; tualeh a sanggampa sialphou mi pen vaihawmpawl maia dinnding alauhuai ding; hinanleh a sanggampa kiang a ‘Nang mimaw!’ chi mi pen gawtmun meidil a paihding alauhuai ding hi. 23 Tuajiakin maitam a silpiak latding a nungtawi laitakin, na sanggampa’n na tungah banghiam khat lungkim louhna anei hi chih na theihleh, 24 maitam maiah na silpiak nusia inla, pai inla na sanggampa tawh kilem masaphot inla, tuakhit chiah hungpai inla na silpiak lan in.

25 “Na langpa tawh lampi a na pailai un kintakin kileppih in, atuachih keileh na langpa’n vaihawmmite khut ah ahung piakhia kha ding a, tualeh vaihawm mite’n mimanpa khut ah ahung piakhia kha ding a thong ah a hungkhum kha ding uhi. 26 Adiktak in na kiang uah kung hilh ahi, paisasan khat bek napiak masiah hua a pan in an pawtkhia ngaikei ding hi.

Angkawmna thu a hilhna

27 “Tanglai mite kiangah, ‘Ang na kawmlouh ding ahi,’ chia kigen njata uhi. 28 hinanleh ken: kuahileh numei sualpih utna tawh enmi in a lungsim in huanu tawh ang a kawmkhinta ka chi hi. 29 Tualeh na mit jiatlam in ahung khialhsak ding leh, kheikhia inla na kiang a pan paikhia in! Na pumpi gawtmun meidil a paih a aom sangin na chimeng khat mansuah nang a dingin ahoihjaw hi. 30 Tuaban ah nakhut jiatlam in ahung khialhsak ding leh, sattan inla na kiang a pan paikhia in! Na pumpi a gawtmun meidil a paih a na om sangin na chimeng khat mansuah nang a dingin ahoihjaw hi.

Kikhul  thu a hilhna

(Mat.19.9; Mrk.10.11, 12; Luk.16.18 )

31 “Tuaban ah, ‘ Kuapeuh azi khul in, kikhulna lai a kiangah pia hen,’ zong aki chi hi. 32 Hinanleh ken: kuapeuh angkawm jiak hilou a, bangjiak hiam a azi akhul in, amah angkawmsak ahi; tualeh kuapeuh khulsa numei kitenpihte zong angkawm ahi, ka chi hi.

Kichiam thu a hilhna

33 “Tanglai mite kiangah, ‘Juauthu in kichiam kenla, hinanleh Toupa kiangah na kichiamnate tangtung sakjaw in, a kichi chih zong najata uhi.’ 34 Hinanleh ken na kiang a uah kung hilh ahi: kichiam mawng mawng kei un. Van louin kichiam kei un, Pasian Laltouna ahihjiak in; 35 leitung louin zong kichiam kei un, kumpi liantak khuapi ahihjiak in, 36 Na lutang louin zong kichiam kei un, ajiak samzang khat zong na kangsakthei kei a, zong na vom sakthei kei hi. 37 Hinanleh, ‘Ahi’ nachih uleh ahi hihenla, ‘Hilou’ nachih uh ahilou hilel hen, aka’n avalpen gitlouhna a kipan ahi.

Phulak thu a hilhna

(Luk. 6.29, 30)

38 “Mit tang in mit, ha tang in ha aki chi chia kigen na jangaita uhi.’ 39 Hinanleh ken na kiang uah kung hilh ahi: migiloute dal kenla, hinanleh kuahiam in na pheta jiatlam ahung bek leh alangkhat zong dawh in, 40 Kuahiam khat in hung hek a na puan – ak a lakmang utleh na puantual zong lasakvet in. 41 Tualeh mi kuahiam in melkhat pai ding a nang ahung phutleh, amah toh melnih pai in. 42 Na kiang a hungngen kiangah pia inla, tualeh na kiang a leitawi nuamte a pan kihem mang ken.

Melmate it ding

(Luk. 6.27, 28, 32-36)

43 “Na vengte na it ding a, ‘Na melmate na huading chia kigen na ja-ngaita uhi.’ 44 Hinanleh ken na kiang uah kung hilh ahi: na melmate it inla, nang hung gensiate thupha pia inla, nang hung huate kiang ah silhoih bawl inla, tualeh nang hung gawtte leh nang hung nuaisiahte thumsak jaw in, 45 van a om na Pa uh tate na hung hihtheihna ding un. Aman migiloute tung leh mihoihte ni suaksak a, tualeh midikte tung leh midikloute tungah guah a jusak hi. 46 Nou hung itte guak na it uleh, nuamman bang ahia namuh ding uh? Siah dongmite nangawn in zong tuabang in a bawljel uh hilou maw! 47 Tualeh na sanggamte guak na pahtak uleh, midangte sangin bang na bawltamjaw tuan a? Siah dongmite nangawn in zong tuabang in a bawljel uh hilou maw!  Tuajiakin van a om na Pa uh a hoihkim sipsip mah bangin nou zong na hoihkim sipsip ding uhi.”  

Mathai 6

 

Itna silpiak thu a hilhna

1 Mi mai a silhoih nabawlte uh amauhte mitmuh a bawllou dingin pilvang un, a tuachih keileh van a om na Pa uh a pan nuamman na mukei ding uhi.

2 “Tuajiakin silhoih na bawlchiang un milepchiahte’n mite maipha zong a kikhopna inn leh khualai lak a abawl bang un namai ah pengkul mut ken, adiktak in na kiangah kung hilh ahi, amauhte’n a nuamman uh amuta uhi. 3 Hinanleh silhoih na bawlchiang in nakhut jiatlam in abawl nakhut veilam in theihdah hen. 4 Na silhoih bawl pen agu’k in bawl in, tuahileh na Pa uh agu’k a mupa’n amah in langtangtak in nuamman nang a hungpia ding hi.”

Thumna toh kisai a hilhna

(Luk 11.2-4)

5 “Tualeh na thumchiang un milepchiahte bang kei un! Mi muh ding deih in amauhte’n kikhopna inn ah dinsa in a thum ua, tualeh kongjing ninglak ah athum nuam sese uhi. Adiktak in king hilh ahi, amauhte’n a nuamman uh amuta uhi. 6 hinanleh nang na thumchiang in, na inndan sungah pai inla, kot nakhak zohchiah, agu’k a om na Pa kiang ah thum in. Tuahileh agu’k a hungmu na Pa in langtangtak in nuamman nang hung pia ding hi.

7 “Hinanleh nathum chiang in, Lawkite bangin thulimlou pouh ngen kikkik kei un, amaute’n tamveipi genlei i ngetna ja’k in a om ding chi’n a ngaihsun uhi. 8 Tuajiakin amauhte bang kei un. Na ngetma un na poimohte uh na Pa un a theikhin hi. 9 Tuajiakin hihbang in thum un:

                        ‘Ka Pa uh van a om:

                          Na min kizahtak hen;

            10 Na gam hungtung hen;

                        Na deihlam van a kibawl bangin,

                                    Leiah zong kibawl hen.

            11 Nisial a ka nekkhop uh an hung pian.

            12 Ka tung ua khialte ka ngaihdam bang un,

                        Kou khialhnate zong hung ngaidamin.

            13 Khemna ah hung kailut kenla,

                        Gilou lak pan hung hunkhiajaw in.’

                                    Gam leh sil bawltheihna leh thupina,

                        tangtawn a Nang a ahihjiak in.

                   Amen. Chi – in.

14 “Mi tatkhialhna na ngaihdam uleh, van a om na Pa un ahung ngaidam ding hi. 15 Hinanleh mi tatkhialhna na ngaihdam kei uleh, van a om na pa un ahung ngaidam kei ding hi.

Anngawl thu a hilhna

16 Tuaban ah, “An na ngawl chiang un milepchiahte bangin dahmel puakei un. Amauhte’n anngawl ahih uh mi mitmuh a akilat theihna dingin amai uh a nguisak uhi. Adiktak in kung hilh ahi, amauhte’n a nuamman uh a mukhinta uhi. 17 Hinanleh nang an na ngawlchiang in, na lu sathau nuh inla, na mai phiat in, 18 tuachi’n na Pa agu’k a om mitmuh ah loungal midangte mitmuh in anngawl na bangkei ding a, agu’k a hungmu na Pa in alangtang in nuamman a hungpia ding hi.

\

Van ah gou khol un

(Luk.12.33, 34)

19 “Leia leikha leh samek in a neksiat theihna leh, gutate’n a suksiat ua a guktheihna mun hih leitung ah, gou kikhol kei un. 20 Hinanleh, van ah leikha leh samek in aneksiat theihlouhna leh, gutate’n asuksiat ua aguk theihlouhna mun ah, gou kikhol jaw un. 21 Ajiak pen nagou omna peuh uah na lungsim uh zong a om hi.

Taksa a vakna

(Luk.11.34- 36)

22 “Taksapum a dingin mit pen meivak ahi a, tuajiakin namit ahoih leh na taksa pumpi vak in a pumdim ding hi; 23 hinanleh na mit ahoih keileh , na taksa pumpi mialna in a pumdim ding. Tuajiakin na sung a om vakpen mialna a a pumdim ding. Tuajiakin na sung a om vakpen mialna a a pumdimleh, tua mial pen thupi tazen nan chia!

Pasian leh asilneihte

(Luk.16.13;12. 22-31)

24 “Kuamah in tounih nna a semkop thei kei; khat hua inkhat a it ding; ahihkeileh khat ah agin – om ding a, adang khat a simmoh ding hi. Pasian leh dangka nna a semkop thei kei ding.

25 “Tuajiakin na kiang ah kung hilh ahi: bang ahia ka nek ding bang ahia ka dawn ding chi’n na hinna thu uh leh, bang ahia ka silh ding bang ahia ka ten ding chi’n na sapum thu uah lungkham kei un. Na nek ding sang un hinna poimohjaw hilou maw? Nasilh naten ding sangun na pumpi uh poimohjaw hilou maw? 26 Tungleng vasate en un: amauhte’n buh atuhkei ua a atkei uh, anbuk ah a kholkhawm kei uh; hinanleh na Pa uh van a om in ava’k hi! Noute amauhte sangin manphajaw tham hilou nahi uh hiam? 27 Noute lak ah kuan ahia lungkham jiaka adinglam tongkhat behlap thei?

28 “Tuajiakin bangding a silh leh ten a lungkham na hi uh hiam? Gamlak a Lilipakte khandan ngaihsun un: nna asemkei ua, khau zong akhek kei uh. 29 Tualeh na kiang uah kung hilh ahi, Solomon hilhial zong athupina tengteng tawh a kizep in zong hih Lilipakte lak a khat bang a zep in a omzou kei hi. 30 Tuachia gamlak a hampa tunia hing a, ajingchiang a vul a meikhuk a paihmai ding bawn Pasian in huachitan a azep tazen leh! Aw nou ginna tawmte silh leh ten tamjawin hungjem jawtham lou ding maw!

31 “Tuajiakin: ‘Bang ne in, bang i dawn dia? Chi-in hiam, bang i silh dia? Chi-in hiam lungkham kei in.’ 32 (Jentelte’n hihte tengteng a zong uhi). Hihte teng teng na poimoh uhi chih van a om na pa un athei hi. 33 hinanleh pasian gam leh adiktatna pen zong masa phot un, tuahileh hihte tengteng zong ha kiang uah piakbehlap ahi ding hi. 34 Tuajiakin jingchiang a dingin lunghimoh kei un; ajingchiang in amah a ding aki longhihmoh nading hi. Nikhat a dingin nikhat buai ahun hi.

Mathai 7

Midangte tung thukhenna

(Luk.6.37, 38, 41, 42)

1 “Thu khen kei un, tuahileh thu khen in na omkei ding uhi, 2 thukhenna nabawl bangbang in nang zong thu khensak in na om ding; tualeh tehna nazak bangbang in na kiang ah teh in na om ding hi. 3 Tualeh, bangding a, nangma mit a om singtun ngaihtuahlou a na sanggampa mit aom ninthem mu nahia? 4 Ahihkeileh bang chi’n na sanggampa kiang ah, ‘Namit a nintang pen hung lakkhiatsak ning na chithei dia,’ Tualeh en in, nangma mit ah singtun om hilou maw? 5 Milepchiah! Nangma mit aom singtum lakhia masa in, tuahileh na sanggampa mit a kipan ninthem lakkhiat ding a om pen siangtak in namu ding hi.

6 “Uite kiang ah sil siangthou piakei in, vokpi maiah na tuikepsuang uh zong paikei un, amau’n akeng un atuanchil ding ua, tualeh kiheiin nou ahung balnen khading uhi.

Ngen ding, zong ding, kiu ding

(Luk.11.9 – 13)

7 “Ngen un, tuachi’n piakin na om ding uhi; zong un, tuachi’n na mu ding uhi; kiu un, tuachi’n hon in na om ding uhi. 8 Kuapeuh a ngen taphot in a ngah ua, kuapeuh azong taphot in amu ua; tualeh kuapeuh akiu taphot honsakin a om ding uhi. 9 Ahihkeileh kua in ahia a tapa in tanghou ngentaleh suang pia ding? 10 Ahihkeileh ngasa ngentaleh gul pia ding? 11 Ahihleh nou migiloute’n bawn, na tate uh kiang a silhoih piak nadan nathei uleh, na Pa uh van a om in a kiang a ngente kiangah silhoih piak nadan theisiam zawsem lou ding maw!

12 “Tuajiakin sil bangkim mi’n na tung ua bawl ding a na deih bang uh, amauh tungah zong bawl un: tuapen dna bangtak leh Jawlneite thu mawng ahi.

Kong kawchi’k

(Luk.13.24)

13 “Kong kawchi’k ah lut un, manthaina lutna kong a jaia, tualeh a lampi zong alian hi, hihlam a pai mi atam hi. 14 Ajiak hinna a paina kong a kawchi’k a, alampi zong aneu hi. Tualeh amute zong tawmnou khat ahi uhi.

Singkung leh agah

(Luk. 6.43, 44)

15 “Jawlnei takloute apan pilvang un; belam vun silh in na kiang uah ahung paijel ua, hinanleh asunggil uah ngia duhgawl bang ahi uhi. 16 Amauhte pen agah in akithei ding uhi. Mi’n lingbawk a pan grepgah a loungai uh maw. Ahihkeileh pakkung a pan thei a loungai uh maw? 17 Tuachimah bangin singkung hoihte agah zong ahoih a, hinanleh singking siate agah zong asia hi. 18 Singkung hoih in gahhoihlou a suangngai kei a, singkung hoihlou jousiah aphuk ua, meilak ah apai uhi. 20 Tuajiakin, agah ua panin amauhte nathei ding uhi.

Noute king theingai kei

(Luk. 13.25-27)

21 “Toupa , Toupa’, hung chi jousiah van gam ah alut kei ding uh, hinanleh kuapeuh van a om ka Pa deihlam bawlte bek alut ding uhi. 22 Tuani chiangin mi tampi’n , ‘Toupa! Na min in thu ka gen uh hilou maw, Na min in dawite ka hawlkhia uh hilou maw, Tualeh na min in sillamdang tampi ka bawl uh hilou maw! Achi ding uh hi . 23 Tuachiangin ken , ‘Nou sil gilou bawlte aw, ka kiang a pan paimang un. Ken noute kung theingai kei! Ka chi ding hi.

Suangpi tung a inn lamte

(Luk. 6.47- 49)

24 “Tuajiakin ka thugen ja a ajui mite pen, mipil suangpi tung a innlam mite tawh kateh ding hi. 25 Tuachi’n guah ahung ju a, tui ahung khang a, huih ahung la’ng a tua inn ahung mutgawp a, suangpi tung a kiptak a lam ahihjiak in apuk kei hi.

26 “Hinanleh kuapeuh hih ka thugen ja a, juiloute pen, mimaw sehnel tung a innlam tetawh kateh kak ding hi. 27 Tualeh guah ahung ju a, tui ahung khang a, tualeh huih ahung la’ng a, tua inn ahung mutgawp a; apuk a, achimjan dimdem hi!

Jesu thuneihna

28 Tualeh Jesu’n hih thute tengteng a genzoh in mipite’n a thuhilhte lamdang asa mahmah uhi. 29 Laigelhmite banglou a, thuneihna nei khat bangtak a amauhte thu a hilhjiak in.

                                             

Matthai 8

Jesu’n phak adamsak

(Mrk.1.40 – 45; Luk. 5.12 – 16)

1 Mual a kipan a amah ahung kumsuk zoh in, mipi thupitak in anung ajui uhi.2 Tualeh ngaiin, miphak khat a hungpai a, Toupa nang na utleh nung siangthousak thei hi chi’n amah abia a.

3 Tuatakin Jesu’n akhut ajankhia a, amahpa a khoih a, “Ka ut hi, siangthouta in!” achi a, manlangtak in aphakte ahung siangthouta hi. 4 Tuachi’n Jesu’n akiang ah, “Kuamah hilhlou dingin pilvang in, hinanleh pai inla siampu kiang ah vakilak inla; Mosi in sil piak ding achihte valan in, atheichian na ding un,” achi hi.

Jesu’n galkap zalamkai suakpa adamsak

(Luk. 7.1 – 10)

5 Tualeh Jesu Kapernaum khua alut khit takin, galkap zalamkai khat hungpai in a kiangah ahung ngetsak a: 6 “Toupa, ka silapa jengin inn ah alum a, lauhuaitak in a thuakgim mahmah hi,” achi a,

7 Tualeh Jesu’n akiang ah, “Kungpai ding a king damsak ding,” achi a,

8 Galkap zalamkaipa’n, “Toupa ka inn nang hungpaina ta’k ahikei, hinanleh thu tengkhat genlechin ka suakpa adam ding hi.9 Kei zong, mi thuneihna nuai a om ka hi a, kanuai ah galkap a om ua, tualeh khat kiangah, ‘Paiin!’ ka chihleh amah apai a, tualeh adang khat kiangah, ‘Hungpaiin!’ kachihleh amah a hung a; tualeh ka silapa kiangah, ‘Hih bawlin!’ ka chihleh aman a bawljel hi,” achia, a dawng a.

10 Tuachia Jesu’n azaktak in lamdang asa mahmah a a nungjuite kiangah, “Adiktak in kung hilh ahi, Israelte lak ahi zong hihbang a ginna thupi ka mungai naikei, achi hi.11 Tualeh na kiang uah kung hilh ahi, suahlam leh tumlam a kipan mi tampi a hungpai ding ua, van gam ah: Abraham , Isak leh Jakobte tawh a toukhawm ding uhi. Hinanleh gam tate pen pualam mial ah paihkhiat in a om ding uhi. Tua – jah kah leh hagawina aom ding,” achi hi. 13 Tuachi’n Jesu’n galkap zalamkaipa kiangah,”Paita in, na gintat bangin nang a dingin bawl ahi ding,” achi hi.

            Tualeh hihhun mah in a silapa damsak in a om hi.

                  

Peter sungnu leh mi tampi damsakna

(Mrk. 1.29- 34; Luk. 4.38-41)

14 Tualeh jesu Peter inn a a hunglut tak in, asungnu nattun a damloua lum amu hi. 15 Tualeh aman a khut atham a, tuachi’n a nattun pen adamta hi. Tuachi’n amahnu athou a, ana uh a sepsakta hi.

16 Tualeh nitaklam ahung hih takin, dawimat mi tampi a kiangah ahung paipih ua, tualeh aman a kam a thu tawh dawite a delhpawt a, tualeh adamlou jousiah a damsaksiang hi.17 Jawlnei Isaiah in: “Amah in i hatlouhnate ala a, i natnate a puamang,” chia agenpen hung tuntheihna ding in.

Nungjui dingte theihna

(Luk.  9.57 – 62)

18 Tualeh Jesu’n a kimkawt a mipi tampite amuhtak in, galkhat lam a pai dingin thu apia a. 19 Tuachi’n Laigelhmite khat a kiang a hungpai in, “Siapa, Na paina teng ah kungjui ding hi,” a chi a.

20 Tuachiah Jesu’n a kiangah, “Sialte’n kua anei ua, tungleng vasate’n zong bu anei, hinanleh Mihing Tapa – in lu – ngaknang mun khoimah ah anei kei,” achi hi.

21 Tuachi’n a nungjuite lak a khat in akiang ah,”Toupa vapai ningin kapa vavui masaphot ning,” achi hi.

22 Hinanleh Jesu’n a kiangah , “Hungjui in , misi in a misi uh ana kivui nading uhi,” achi hi.

Jesu’n huihpi a daihsakna

(Mrk.4.35-41; Luk 8.22 – 25)

23 Tualeh gunkuang sunga a lutkhit takin, a nungjuite’n amah ajui ua. 24 Thakhat in tuipi tung a kipan huihpi hattakin ahung la’ng a, tuachi’n gunkuang ahung kihotsakta a. Hinanleh amah pen a ihmu lai hi. 25 Tuachi’n  anungjuite a kiangah a hungpai ua, “Toupa koute hung hundam in! Mangthang ding ka hita uh!” chi’n amah ahung phong ua.

26 Hinanleh aman akiang uah, “Nou ginna tawmte aw! Bangding a lau nahi ua?” achi a, tuazoh in amah a thoukhia a, huihpi leh tuipi atai a, tuachi’n ahung daisiang sipsipta hi.

27 Tualeh mite’n lamdang asa ua, “Hih mipa, bang chibang mi ahia? Huih leh tuipi nangawn in athu amn uh!” achi ua.

Dawimat mi nih damsakna

(Mrk.5.1 – 20: Luk. 8.26- 39)

28 Tuachi a Gadara gam langkhat lam a a hungpai takin, dawimat pasal nih han a kipan hungpawt in ahung tuak ua, ahang mahmah ua, tualeh hih lampi ah kuamah a paithei kei uhi. 29 Tualeh thakhat in ahung kikou khia ua, “Jesu, nang Pasian Tapa , nang leh kou bang kisaina nei ihi hiam? Ahun tunma a koute bawlgenthei ding a hihteng a hungpai nahi maw? Achi uhi.

30 Tualeh a kiang ua kipan gamlalou ah voh- hon tampi aom ua. 31 Tuachi’n dawite’n, “Koute nung delhpawt ding ahihleh vok-honte sung a lutding hung phalsak in,” chi’n a kiangah a ngen ua.

32 Tualeh aman a kianguah, “Pai un,” achi a; tualeh ahung pawtkhiat tak un, vok-honte sungah alutpai ua. Thakhat in vok- hon jousiah ken a kipan ahung taisuk ua, tuipi sungah atailut ua, tuilak ah a a mangthangta uhi.

33 Tuatakin ganchingte atai ua khuapi sungah apai ua, dawimat pasal nihte tungtang a sil omdan bangkim a hilhta uhi. 34 Tuachi’n khua a pat mipite hung pawtkhia in Jesu kiangah a hungpai ua, amah amuhtak un, agam uh paisan dingin a ngenta uhi.

Matthai 9

Jesu’n jeng a damsakna leh a ngaihdamna

(Mrk. 2.1; Luk. 5.17-26)

1 Tuachi’n Jesu gunkuang khat ah alut a, agalkai a, ama khuapi ah a hungtungta hi , tualeh ngaiin, lupna tung a lum jeng khat a kiang ah a hungpua uhi. Jesu’n a ginna uh amuhtak in a jengpa kiangah, “Tapa, kipak in om in! na khialnate ngaihdam ahita,” achi hi.

3 Tualeh Laigelhmi amau sung a kua hiam khat in, “Hihpa in Pasian agensia!” achi a.

4 Hinanleh Jesu’n a ngaihsutte uh athei a, “Bangdinga na lungsim ua gilou ngaihtuah nahi ua? Achi hi. 5 Na khialhna ngaihdam hihen,’ chihleh, ‘Thou inla nakeng in paiin chih khoipen agen baihliam pen dia? 6 Hinanleh mihing Tapa in leitung ah khialhnate ngaidam theihna thuneihna anei chih na theihna ding un,” Tuachin aman a kianga, “Thou inla, na lupna la inla na inn ah paita in!” achi hi.

7 Tuachi’n amah ahou a a inn ah apaia hi.8 Mipite’n hih amuhtak un, lamdang asa ua, huachibang bawltheihna mihingte kiang a piapa, Pasian aphatta uhi.

Jesu’n Matthai asapna

(Mrk. 2.13-17; Luk. 5.27- 32)

9 Tualeh huamun a pan Jesu a paizom jel laiin, siah piakna zum a tou mikhat amin Mathai kichi amu a, aman a kiang ah, “Hung juiin,” achi a.

            Tuachi’n amah ong adingkhia a ajui paita hi.

10 Tualeh hichi ahi a, Jesu a innsung a dohkan geia atoulai in, ngaiin, siahdong mite leh mikhialte a hungpai ua, amah leh a nungjuite kiangah a hungtou ua, 11 Pharisaite’n tua amuhtak un, a nungjuite kiangah, “Bangding a na siapa un siah dongmite leh mikhialte tawh an nekhawm ahia?” achi ua.

12 hinanleh Jesu’n tuabang a jaktak in, aman akiang uah, “Mi chidamte’n daktor a poimoh kei ua, hinanleh kithoihna deihlou in zahngaihna ka deih hi, bang chihna hiam chih pai unla vazil un; ‘midikte sam ding a hungpai ka hikei a, mikhialte sam ding a hungpai ka hijaw,” achih hi.

Anngawl thu a dokna

(Mrk. 2.18-22; Luk. 5.33- 39)

14 Tuachi’n johan nungjuite a kiangah a hungpai ua, “Bangding a koute leh Pharisaite’n anngawl jel ung a, hinanleh na nungjuite’n ngawllou uh ahia? achi ua

15 Tuachi’n Jesu’n akiang uah, “Mouneipa amauh toh a omkhawm laiin alawmte’n Mouneipa a su’nngai uh maw? Hinanleh Mouneipa amauh kiangpan lakmang a aom hun a hungtung ding a, tuahun chiangin amauhte’n zong angawl ding uhi, achih hi.

16 “Kuaman puanlui puan thak toh aphawh ngaikei, a phawhna puanthem in ahung kaikek beh ding a, ahung keksia semsem jaw khading hi. 17 Kuaman uain thak savun uain thawl lui sungah a thunngai kei uh, atuachih keileh savun thawlte ahung pokkek ding a, a uainte akibua ding a, savun thawl zong ahung sia ding hi. Hinanleh amau’n uain savun thawl thak sungah uain thak athunjaw uh a, tuachi’n anih in a kemhoih tuaktuak uhi,” achi hi.

Jaira tanu leh numei sipawt damsakna

(Mrk. 5.21-43: Luk.  8.40-56)

18 Hihthute akiang ua agen laitak in, ngaiin, vaihawmpa khat hungpaiin amah chibai ahungbuk a, “Ka tanu tutakin asi a; hungpai inla amahnu tungah nakhut hungkoih lechin ahing ding,” achi a.

19 Tuachi’n Jesu a dingkhia a anung ajuita a, a nungjuite’n zong ajuichiat ua.

20 Tualeh thakhat in, kum sawmlehnih sipawt numei khat a nungah hungpai in a puanmong ahung khoih a. 21 Numeinu’n “A puan vakhoihkha maimai lengzong, kadam ding hi chi’n amah leh amah a kichi hi.”

22 Hinanleh jesu akihei a, amahnu a muhtak in, “Tanu aw, kipaktak in om in! Na ginna in ahung damsakta,” achi a. Tuahun a pat in numeinu ahung damta hi.

23 Tualeh Jesu vaihawmpa inn ah alut a. Theile mutte leh sisu’n a mipi au vengvungte a vamuh in, 24 “Pawt un, numei naupangnu asi ahi kei a ihmu ahi!” chi’n aman akiang uah achi a. Tualeh amauhte’n simmoh takin amah anuihsan ua. 25 Tuachia mipite a pualam a anohkhiat khit tak un, amah asung ah alut a, akhut ah atu a, tuatak in numei naupangnu ahung thouta hi. 26 Tuachi’n hihthu tua gam tengteng ah ahung thangkhiata hi.

Mittaw minih damsakna

27 Tuachia jesu tuamun apat a apawtkhiat laiin, mittaw nih in, “David Tapa , Ka tung uah zahngaiin!” chia kikou in anung ajui ua.

28 Tualeh inn a alut leh mittaw nihte a kiang ah a hungpai ua, Jesu’n akiang uah, “Hihte bawlthei dingin kei nunggingta uh hiam?” achi a. Amau’n a kiang ah,

            “Hi, Toupa!” kung gingta uh! Achi ua.

29 Tuachi’n aman amitte uh atham a, “Na gintat bang un, na tung ua tunghen!” achi a, 30 Tuachi’n amit uh ahung vakta a, tualeh Jesu’n akiang uah, “Kuamah theihlouh dingin pilvang un!” chi’n hahtak in a taihilh a .

31 Hinanleh Pharisaite’n, “Dawite vaihahawmpa jal in ahi dawite a hawlkhiat,” achi ua.

Jesu’n mipite ahehpih

35 Tuachi’n Jesu’n a kikhopna innte uah thu hilh in, van gam tangthupha gen in, damloute tengteng damsak in, natna chiteng damsak in khuapi leh khuaneute ah avak kawikawi hi. 36 Hinanleh mipite a muhtak in , chingding neilou belamte bang a gimthuak leh kithehthang a aom jiak un amauhte a hehpih mah mah a . 37 Tuachi’n aman a nungjuite kiangah, “Buh lakding lah atam mahmah a , hinanleh asemmite atawm uhi. 38 Tuajiakin a buh lading a semdingte sawlding in buh neipa kianga ngen un,” achi hi.

Mathai 10

Sawltak sawmlehnihte

(Mrk. 3.13-19; Luk. 6.12- 16)

1 Tualeh aman nungjui sawmlehnihte a sapkhit in, akiang uah kha-ni’nte tung a thuneihna apia a, amauhte hawlkhia ding leh damlouhna chiteng leh natna chiteng damsak ding in. 2 Tualeh sawltak sawmlehnihti leh  min ahihleh hihte ahi; amasa penin, Simon, Peter zong kichi leh a sanggampa Andru; Jebedi  tapa Jakob leh a sanggampa Johan; 3 Philip leh Bartholomai; Thoma leh siah dongpa Mathai , Alphai tapa Jakob leh Lebbai, amin khem Thaddaite; 4 Kananmi Simon, leh juausan a mansakpa Juda Isakariotte.

Sawmlehnihte sawlkhiatna

(Mrk. 6.7-13; Luk. 9.1-6)

5 hih sawmlehnihte Jesu’n a sawlkhia a, tualeh hichi’n thu apia a: “Jentelte lampi ah paikei unla, Samaria mite khuapi ah lut kei un. 6 Hinanleh Israel nam belam mangte kiangah paijaw un, achi hi. 7 “Tualeh na pailai un, van gam anaita!’ chi’n tangthupha genjel un. 8 Damlue damsak unla, phakte bawlsiangthou unla, misite kaithou unla, dawite hawlkhia unla, athawn a na muh ahi a, athawn in pia un. 9 Na dangka bawm kawnggak uah kham hiam , sumsan hiam , daan dangka hiam kengkei un; nasemmi pen anek mutak ahi.

11 “Tualeh khuapi hi’n khua khat peuhpeuh ah nalut chiang un, nou hungtungsak theiding mi zongkhia unla, na pawtkhiat masiah uh tuamun ah om kinken un, 12 Tualeh innsung a nalut ding chiang un, ‘Chibai buk un.’13 Inn neite khamuanna tangtak ahih uleh, na khamuanna thu uh atung uah tung hen, ahihhang in khamuanna tangtak ahikei uleh na khamuanna thu uh noukiang ah hung keleh kik hen. 14 Tualeh kuapeuh nou hung vaitun nuam loua, nathu uh zong angaihnuam kei uleh, tua inn a kipan hiam, khuapi a kipan a na paichiang un, na kengphang ua leivui thingkhia un. 15 Adiktak in na kiang uah kung hilh ahi, thukhenni chiangin tua khuapite sangin Sodom leh Gomorrah gamte thuak ding adan a omjaw ding hi.

Bawl gentheihna hungtung dingte

(Mrk.13.9-13; Luk.21.12-17)

16 “Ngaiin! Ngia lak a belam om bangin kung sawlkhia hi. Tuajiakin gul bangin pil unla, vakhu bangin poikhoihlou in om un. Hinanleh mihing lak ah pilvang un, denchiah vaihawmmite maiah a hungtun kha ding ua, a kikhopna inn lak uah ahung jep kha ding uhi. 18 Tualeh keimah jiakin gam vaihawmtute leh kumpipate maiah Jentelte leh amauhte dikna lahna dingin nou ahung paipih ding ua. 19 Hinanleh tuachia nou ahung piakkhiat hun chiang un bang chiding, bang gen ding ka hia chi’n lingkham kei un; na gen ding uh ahuntak in na kiang uah piakk in na om ding uhi. 20 A genpa pen noumah na hikei ding ua, hinanleh na Pa uh kha in noumah sung pan in agen nading hi.

21 “Tuin thah dingin a sanggampa’n a sanggampa amansak ding a, pa in a tate a mansak ding a, tate in anu leh apa a dou ding ua; a thatsak ding uhi. 22 Tualeh ka min jiakin mijousiah huat nahi ding ua, hinanleh kuapeuh atawptan a thuakjoute hundam ahi ding uhi. 23 Hinanleh hih khuapi a ahung gawt uleh khuapi dang ah taikhia un . Adiktak in na kiang uah king hilh ahi, Mihing Tapa a hungpai masiah Israel Khuapite na tuansuak kei ding uhi.

24 “Nungjui khat pen a siapa tung ah a omngai kei; sila khat zong apu tung ah a omngai kei. 25 Nungjui khat a siapa banga om, tualeh sila khat zong apu banga aom ahun hi. Innneipa bawn Beelzebul chia asap uleh, a inn kuanpihte bangzah in ahahchih sem tading ua le!

Kua ahia lauding

26 “Tuajiakin amauhte laukei in. A kilanglou ding a phual bangmah a omkei a, tualeh theihlouh ding a im bangmah a omkei hi. 27 Mialnuai a nou kung thuhilh jousiah, vak ah gen unla, tualeh na bilkawm ua na ja’kte uh inntung vum pan in phuangkhia un. 28 Tualeh taksa pumpi thatthei hinanleh kha thattheiloute laukei unla; hinanleh meidil a ataksa pumpi leh kha anih a hihmang theipa , amah laujaw un. 29 Vatou nih daan dangka khat in alak ua khat zong na Pa uh theihlouh in tual ah akiakei ding hi. 30 Hinanleh , na lutung ua samzangte nangawn simsiang ahi. 31 Tuajiakin lau kei un; vatou tampi sang in na manpha jaw uhi!

Krist deihlouhna phuankhiatna

(Luk. 12.8,9)

32 “Tuajiakin kuapeuh mite mai a kei hunggum jousiah, ken zong van a om ka Pa maiah amah ka gum ding hi. 33 Hinanleh kuapeuh mite mai a kei hung kitheihmoh bawl jousiah, ken zong van a om ka Pa maiah ka kitheihmoh bawl ding hi.

Lemna hilou namsau

(Luk.12.51- 53;14.26,27)

34 “Leitung ah lemna tunding a hungpai hungsa kei un. Lemna lengsak ding a hungpai ka hikei a, namsau lengsak ding a hungpai ka hijaw hi. 35 Tapa in apa, tanu in anu, mou in a inpinu dousak ding a hungpai ka hi hi; 36 tualeh mi agalte amah innkuanpihte lak a mi mah ahi ding.

37 “Kuapeuh anu hiam apa hiam kei sang a itjawte pen kami hitaklou ahi uhi. Tualeh kuapeuh atanu hiam atapa hiam kei sang a itjawte zong kami hitaklou ahi uhi. 38 Tualeh kuapeuh a Kross pua a ka nung hungjuiloute pen kami hitaklou ahi uhi. 39 Kuapeuh ahinna mu in ata’n ding a, tualeh kuapeuh kei jiaka ahinna ta’n in amu ding uhi.

Nuamman

(Mrk. 9.41)

40 “Kuapeuh nou hung kipahpihte pen kei hung kipahpih ahi a, tualeh kuapeuh kei hung kipahpihte pen kei hung sawlpa kipahpih ahi uhi. 41 Kuapeuh Jawlneite Jawlnei ahihjiak a kipahpih in Jawlnei nuamman amu ding. Tualeh kuapeuh midiktatte midiktat ahih jiak a kipahpih in midiktat nuamman amu ding. 42 Tualeh kuapeuh hih mineute lak a khat kiang a nungjui ahih jiaka tuivot noukhat mai piate zong, adiktat in kung hilh ahi, a nuamman muh ding ata’n kei ding uhi.”

Mathai 11

Baptistu Johan a pat dthu puatute

(Luk.7.18- 35)

1 Tualeh hichi ahi a, Jesu’n a nungjui sawmlehnihte thu apiak zawzawh in, hua a kipan in hilhding leh a thupuak gen ding in a khuapite uah apaita hi.

2 Tualeh Krist naswpte Johan in thongsung pan a anajak takin, a nungjuite lak a pan mi nih sawl in, 3 a kiangah, “Hung paidingpa nahi hiam, ahikeileh midang na ngaklai ding ka hi uh hiam?” achisak  a.

4 Jesu’n a kiang uah, “Pai unla sil na muhte uleh na jakete uh Johan vahilh un:

5 Mittawte a mit uh avakta, kengbaite a paitheita ua, phakte zong ahung siangthouta ua, tualeh bilbingte’n zong ahung jatheita ua, misite zong kaihthoh in ahung omta ua tualeh mijawngte’n zong akiang ua tangthupha kigen asangta uhi. 6 Kuapeuh ka tung a lung hihmohna neilou mi pen ahampha uhi! Chi’n ana dawng hi.

7 Amauhte apaikhit tak-un, Jesu’n mipite kiangah Johan thu agenta a: “Bang en ding a gamdai a paikhia nahi ua? Pumpeng huihmut ling maw? 8 Ahihkeileh bang en ding a paikhia nahi ua? Puannem silh mi khat maw? Ataktak in, puannem silh mite kumpipate inn ah ahi aom uh! 9 Ahihkeileh kua en ding a pawtkhia nahi ua? Jawlnei en ding in maw? Hitalua kingchi ahi, Jawlnei sang a thupijaw zong.” 10 ‘En in, ka tangkou na maiah ka sawl, namai a nalampi sial ding in, chih a tanchin agelh uh tua mipa ahi.’ 11 Adiktak in na kiang uah kung hilh ahi, numei suan lak ah baptispa Johan sang a thupijaw kuamah asuakkhia kei. Hinanleh van gam a neupen khat zong amah siang in a thupijaw hi. 12 Tualeh baptispa Johan hun a kipan tutan in vangam in hiamngamna atuak jel a, hiamngamte’n hatthu in ala uhi. 13 Jawlneite jousiah leh danthu in Johan ahung om tanpha in ana genkholh jel uhi. 14 Tualeh noute’n na sangnuam ua ahihleh hihpen Elijah ahung paidingpa mah ahi. 15 Kuapeuh, ja’kna ding bilnei jousiahin, ja hen!

16 “Hinanleh, tu-khang bangtawh ka the dia? Naupang vanjuakna mun a tou a, alawite sam a, 17 ‘theile hung tumsak ung a, lamlou uchin a; su’n ung a, lah kaplou uchin a, chihte bang ahi uh.’ 18 Johan hungpai a, a ne- in a dawnkei a, ‘Dawinei ahi! Achi ua, 19 Mihing Tapa a hungpai a, a ne-in a dawn a, amauhte’n, ‘En un, anhaipa, uain haipa, siah dongte leh mikhialte lawm! achi jel ua. Hinanleh pilna pen asil bawlte’n siam atan hi, achi hi.”

Ginglou khuapite tung gikna

(Luk.10.13- 15)

20 Tuachi’n a kisik louh jiak un a silthupi bawkna khuapite atai a. 21 “Korazin, natung agik hi! Bethsaida, natung agik hi! Na kiang a silthupi kibawlte Tura leh Sidon a kibawl hileh, sawtpi a pan la-ip silh a vutlak ah touin a kisik khin tading uhi! 22 Hinanleh na kiang uah kung hilh ahi, thukhenmi chiangin nou thuak ding sangin Tura leh Sidon thuak ding athuak nuamjaw ding hi! 23 Tualeh nang Kqpernaum! Van tan a tawisang, misikhua ah puaksuk in na om ding! Na kiang a silthupi kibawlteSodom a kibawl hileh, tunitan in a omlai ding! 24 Hinanleh na kiangah kung hilh ahi, thukhenni chianga na thuak ding sangin Sodom gam thuak ding athuak nuamjaw ding hi!”

Jesu kiang a tawldamna

(Luk.10.21,22)

25 Tuahun laitak in Jesu’n a dawng a, “Pa aw, leitung leh van Toupa! Nang mipilte kiang leh misiamte kiangah hih thute na im a, naupang noute kiang a na kiphuan jiakin ka kipak hi. 26 Ahi, Pa, tuachibang pen nang ngaih in ahoih hi.

27 “Ka pa’n sil bangkim ahung kemsakta. Pa loungal kuamah in Tapa a thei kei, Tapa-in atheihsak utnate chihlouh ngal kuamah in Pa atheikei.

28 “Nou semgin leh puakgik puate aw, ka kianga hungpai un, keiman tawldamna kung pia ding. 29 Ka hakkol pua unla keia pan zil un. Nunnem leh kingiamkhiat tak ka hi; tuachi’n na kha ua dingin tawldamna na mu ding uhi. 30 Ka hakkol anuam a, apuak zong a jang hi,” achi hi.

Mathai 12

Khawlni thu a dokna

(Mrk. 2.23-28;Luk 6.1-5)

1 Tuahun in, jesu khawlni in buhleilai kan in apai a, tualeh a nungjuite agil uh akial a, buhvuite asiktan ua aneta uhi. 2 hinanleh pharisaite’n hua amuhtak un a kiangah,   “En in, na nungjuite’n khawlni a bawl ding a sianglou abawl uh!” achi ua.

3 Hinanleh aman a kiang uah, “David in agilkaiallai ua alawite tawh abawl uh simkhalou nahi uhiam? 4 Tuachia Pasian inn a lut a, amah leh alawite’n nek sianglou, siampute guak neksiang tanghou koih anek thu uh. 5 Ahihkeileh, khawlni in tempul sung a siampu omten khawlni azahlouh ua zong siamtan in a omjel uh chih danthu ah simkhalou nahi uhiam? 6 Hinanleh hihsan ah Pasian tempul sang a thupijaw khat aom chih na kiang uah kung hilh ahi. 7 Ahihhang in nou, kithoihna deilhlou in zahngaihna ka deih chih a omdan na theikhinta hileuchin , mawhna neiloute mawhpaihlou ding uchin a; 8 Mihing Tapa jaw khawlni Toupa ahi,” achi hi.

Khut jeng damsakna

(Mrk 3.1- 6; Luk.6.6- 11)

9 Tualeh huasan a pan apaikhiat khit takin, a kikhopna inn uah ava lut a, 10 ngaiin, huasan ah khutjeng mi khat ana om a. Amah amohmat theihna ding un, “khawlni a sukdam asiang diam?” chi’n a dong ua.

11 Tuachi’n aman a kiang uah, “Noute lak ah kuahiam in belam khat nei unla, khawlni in kuakhuk ah kiataleh , kua ahia tu a kaikhialou ding? 12 Belam khat sang in mihing khat bangzahtah a manphajaw ahiam! Tuajiakin, khawlni a silhoih bawl asiang hi,” achi hi. 13 Tuachi’n aman hua mipa kiangah , “Na khut jankhia in,” achi a.

       Tuachi’n ajan a, akhut langkhat bangin a damsiangta hi. 14 Tuachi’n pharisaite apawt khia ua amah a thahtheih nang dan ding uh ngaihsun in a kihou ua.

Pasian tel sila

15 hinanleh Jesu’n hih atheihtak in, hua a kipan in aki hemmangta a; tualeh mi tampi’n amah ajui ua, ana damsak siang a, 16 aman a tanchin athansak louhna ding un ataihilh hi. 17 Tuapen Jawlnei Isaiah in:

18 “En in, ka sila, katel,

ka ittak, ka lungsim in apahtat mahmah,

            ka kha a tungah ka koih ding a,

            tualeh aman Jentelte kiangah

            thudik a vaihawmna thu a phuangkhia ding.

19 A selkei ding a, a kikou kei ding,

khualai kongjing lak ah kuaman a aw ajakei ding.

20 Thudik a vaihawmna a gualzoh sak mateng,

       pumpen gaw ahihtan kei ding.

          Meivak kuang leplep ahihmit kei ding,

21    tualeh amh ah Jentelte’n kinepna anei ding uh, chia anagente ahung          tangtun theihna ding in”

Jesu leh Beelzebul

(Mrk. 3.20-30; Luk.11.14-23)

22 Tuachi’n dawimat mittaw leh hamtheilou khat a kiangah ahung paipih ua, aman ana damask a, tuachi’n mittaw leh hamtheilou mipa’n hung mutheiin ahung hamtheita hi. 23 Tuachi’n mipi tengteng in lamdang asa mahmah ua; “Hihpa David tapa hilou amaw?” achi ua.

24 Hinanleh Pharisaite’n ajaktak un, “Hihpa dawite vaihawmpa Beelzebul jiak louin dawite a hawlkhiathei kei ding,” achi uhi.

25 Hinanleh Jesu’n a ngaihsaut uh athei a akiang uah, “Gam khatpeuh kikhen a kidou pen a kisiagawp ding a, tualeh khuapi ahihkeileh innkuan khat kikhen a kidou pen a khuasuak kei ding. 26 Tualeh setan in setanmah a hawlkhiat leh amah leh amah kidou asuak ding a, agam bangchi’n adding tadiai! 27 Tualeh Kei Beelzebul jiak a dawite hawlkhiat ata diai le? Tuajiakin amauhte noute tung a thukhenmite ahi ding uhi! 28 Hinanleh Kei Pasian kha jiak a dawite hawlkhia kahihleh, Pasian gam na kiang uah hung tung ahita hi.

29 “Ahihkeileh, min mihatpa ka’n masa loupi’n bangchi’n mihatpa inn a lut in avante alathei dia? Ka’n masa in tuazoh chiangin a inn asuksiat sak pan ding hi.

30 “Kuapeuh kei lam a pangloute, kei hungdou ahi ua, kuapeuh ahung lakkhawmpih loute athehjak ahi uhi. 31 Tuajiakin na kiang uah kung hilh ahi: mi akhialhna jousiah uh leh Pasian a gensiatna jousiah uh ngaihdam ahi ding a; hinanleh kha hilhial gensiatna pen ngaihdam ahikei ding. 32 Kuapeuh Mihing Tapa kalh a thu gen pen, ngaihdam ahi ding a; hinanleh khasiangthou kalha thu gen pen, tuin zong, hun hungtung ding ah zong ngaihdam ahikei ding hi.

Singkung leh agah

(Luk. 6.43-45)

33 “Singkung ahoih agah zong ahoih; nachih kei ding uleh, singkung asia, agah zong asia, chivanglak un, singkung agah a kithei ahihjiak in. 34 Nou gulsuante aw! Gilou napi’n nou bangchi’n thuhoih na genthei ding ua? Lungsim a dimlet kam in agen jel hi. 35 Mihoih in agoubawm hoih sung a kipan silhoihte ahung lakhia a; migilou in a goubawm hoihlou sung a kipan silhoihloute ahung lakhia jel hi.

36 “Hinanleh na kiang uah kung hilh ahi, mi’n akam ua thuginalou agen jousiah uh, tuathu pen vaihawmni chiangin agen ding. 37 Na thuin siam ahung tangsak ding a, na thu mah in siamlouh ahung tangsak ding hi.”

Chiamtehna a ngen uh

            38 Tuachi’n Pharisaite leh Laigelhmite’n akiang ah adong ua, “Siapa, na kiang a pan chiamtehna kamu ut uh,” achi ua.

39 Hinanleh aman adawng a akiang uah, “Khangthak giloutak leh angkawm hatte’n chiamtehna azong ua, hinanleh Jawlnei Jona chiamtehna chihlouh akiang uah chiamtehna dang mawng mawng piak ahikei ding,” achi hi.

40 Jona nithum leh ja’nthum ngapi gilsung a aom bangin; Mihing Tapa zong nithum leh ja’nthum leigil sungah aom ding hi. 41 Ninevi khua mite thukhenni chiangin tulai khangtakte tawh ahung ding ding ua, siamlouh atangsak ding uh; Jona thugenna a akisktak jiak un. Ataktak in Jona sang a lianjaw hihsan ahi a om hi! 42 Simlam kumpinu thukhenni chiangin tulai khangthakte toh ahung thoukhawm ding ua, siamlouh atangsak ding, Solomon pilna ngaikhia dingin bawn leitawp a kipan a hung pai jiakin. Ataktak in Solomon sang a lianjaw hihsan ah a om hi!

Khan in kinungleh kik

(Luk. 11.24-26)

43 “Tuachi’n khan in mihing a kipan ahung pawtdok a, omna ding zong in mun-gaw lak ah avak a, amukei hi. 44 Tuachi’n aman, ‘Ka pawtkhiatna ka inn mah ah ka nungkik mai ding achi a.’ tuachia a hungpai leh ahawm, phiatsiang leh zepsa a om in amu a. 45 Tuachi’n apai a amah sang a hoihloujaw khan in adang sagih avapui a, huasan ah lut in, atengta ua, tuachi’n hua mipa omdan nunung pen amasapen sang in ahung siajawta hi. Tuamah bangin tulai khangtak giloute tungah ahung om ding,” chi’n adawng hi.

Jesu nu leh a sanggamte

(Mk. 3.31-35; Luk. 8.19-21)

46 mipite lak a thu agen lain, ngaiin, anu leh a sanggamte amah houpih sawm in inn pualam ah adding uhi. 47 Tuachi’n mi khat in a kiangah, “En in, nanu leh na sanggamte nang hung houpih nuam in inn pualam ah adding ding uhi,” achi hi.

            48 Hinanleh aman akiang a vahilhpa kiangah, “Kanu kua ahia? Ka sanggamte zong kua ahi ua?” achi a, adawng a. 49 Tuachi’n aman a nungjuite lam nga in akhut azankhia a, “Hihsan ah ka nu leh ka sanggamte a om uh! achi a, adawng a. 50 Van a om ka Pa deihlam bawlte ka sanggampa, ka sanggamnu leh ka nu ahi,” achi hi.

Mathai 13

Khaichi thehpa gentehna

(Mrk. 4.19; Luk. 8.4-8)

1 Tuani mah in Jesu inn a pat a pawtkhia a tupi geiah atou a. 2 Tuachi’n mipi tampitak a kiangah ahung kikhawm ua, tuachi’n amah gunkuang sungah atuang a, mipte piaugei ah adding uhi. 3 Tuachi’n aman a kiang uah gentehna tampi agen a.

“Ngaiun, khaichi thehpa khichi theh in a kuankhia hi. 4 Tualeh athehlaiin, khaichi khenkhat lamsik ah atu a, vasate hungpaiin ane siangta uhi. 5 Khenkhat suangsilei lak ah atu a, leitak atamlouh jiakin ahung poupai a. 6 Hinanleh ni ahung suah in haivul in ahung om a; thagui thuklut aneihlouh jiak un a gawsiangta uhi. 7 tualeh akhen ling lak ah atu a, lingte hungkhang in amauhte a depmangta hi. 8 Hinanleh adange leihoih lak ah atu a, hungkhang in gah hungnei in: akhen in zakhat, akhen in sawmguik, akhen in sawmthum bang.”

9 “Kuapeuh ja’kna ding bil nei jousiahin ja heh! achi hi.

Gentehna kizakna

(Mrk. 4.10-12; Luk. 8.9, 10)

10 Tualeh a nungjuite hungpaiin a kiang ah, “Bang ding a amauh kiang a gentehna a thu gen nahia? achi ua.

11 “Aman adawng a akiang uha, ajiak van gam thugu’k pen noute theihding a piak nahita ua, hinanleh amauhte piak ahinai kei. 12 Kuapeuh aneite piak behlap ahi ding a, ahau ding, hinanleh kuapeuh aneiloute, aneihsun zong amah a pan laksak ahi ding. 13 Tuajiakin akiang uah gentehna in thu ka gen ahi, munapi-in a muthei kei ua, zana pi-in a zathei kei ua, a theithei kei uh. 14 tuachi’n Jawlnei Isaiah in ana genkholh atung uah ahung tangtungta hi:

‘Jak jaw naja ding ua, hinanleh na theithei kei ding uh;

Tualeh muhjaw na mu ding ua,

Hinanleh na muthei kei ding uh,

15 hih mite lungtang a nguaigawpta, abilte uh abing a,

tualeh amit asi’ngta uhi.

Atuachih keileh amit un a mukha ding ua,

a bil un ajakha ding ua,

alungtang un a theisiam kha ding ua,

ahung kinungleh kha ding ua,

amauh kana damask kha ding

          achia,’ ana chih pen.

16 “Hinanleh nou mit pen ahampha hi amuh jiak in! Nabil uh zong ahampha hi ajak jiak in. 17 Adiktak in kung hilh ahi, Jawlnei tampi leh midik tampi in zong na silmuhte uh muh a ut ua, hinanleh amukei uh, na silzakte uh zong jak a ut ua, hinanleh azakei uhi.

Khaichi thehpa gentehna hilhchianna

(Mrk. 4.13-20; Luk. 8.11-15)

            18 “Tuajiakin, khaichi thehpa gentehna thu ngai un. 19 Kuahiam khat in kumpi gam thu ajak a, tuapen a theihsiam keileh, migilou khat hungpaia a lungtang a thehsa pen ahung laksak hi. Hihpen lamsik a khaichi tute ahi uhi. 20 Hinanleh kuapeuh suangsilei lak a khaichi tute ahihleh, thu aja a kipaktak in apompai hi. 21 Hinanelh amah ah thagui thuklut aneihlouh jiakin tomnoukhat sung a om a, thu jiak a gimthuakna hiam, gawtna hiam ahung om takin apukpai hi. 22 Kuapeuh ling lak a khaichi tute ahihleh thu ja a, leitung awlmohna leh hauhsakna khemna in thu a dep a, gahlou in ahung omta hi. 23 Hinanleh kuapeuh leihoih lak a khaichi tute ahihleh thu ja a, theisiam ahi: tuachi’n gah anei takpi a, akhen sawmthum bang a hung pungte ahi uh,” achi hi.

Buhtak leh buhkhem gentehna

24 Gentehna dang akiang uah agen kik a: “Van gam ahihleh mi alou a khaichi hoih thehpa tawh the ahi. 25 Hinanleh louneipa a ihmut kal in, agalpa hungpaiin buhtak lak ah buhkhem atheh a apaimangta hi. 26 Tuachi’n buh ahung pou a, ahung vuih takin buhkhem zong ahung kilang a. 27 TGentehna dang akiang uah agen kik a: “Van gam ahihleh mi alou a khaichi hoih thehpa tawh the ahi. 25 Hinanleh louneipa a ihmut kal in, agalpa hungpaiin buhtak lak ah buhkhem atheh a apaimangta hi. 26 Tuachi’n buh ahung pou a, ahung vuih takin buhkhem zong ahung kilang a. 27 Tuachi’n innneipa silate hung pain akiang ah, ‘Pu, lou ah khaichi hoih thehlou nahi hiam; buhkhem ahung om bang chidan ahia?’ achi ua. 28 Aman akiang uah, ‘Melma bawl ahi,’ achi hi. A silate’n akiang ah, ‘Huate vapai a kavalak uh nungphal hiam?’ achi ua. 29 Hinanleh aman, ‘Phallou e, atuachih keileh buhkhem na lakna lak uah buhtak zong na bawtkhawm kha ding uh. 30 Buhlak hun dongin poukhawm phot uhen, buhlak hun chiangin buhlate kiangah, amasa in buhkhemte lakhawm phot masa unla, hal dingin kankhawm un, tualeh buhtakte ka buh inn ah koihkhawm un, kachi na ding achi hi.”

Ankam tang a gentehna

(Mrk. 4.30-32; Luk. 13.18, 19)

            31 Gentehna dang akiang uah a genkik a: “Van gam pen ankam tang chi mi’n alak a alou a atheh tawh kibang ahi. 32 Khaichi tang lak ah neupen ahi a, hinanleh ahung pousang chiangin loupe dang sang in alianjaw a, sing ahung suak a, tuachi’n tungleng vasate a hungpai ua, aba lak ah agiak uh,” achi hi.

Tol a gentehna

(Luk. 13:20, 21)

33 Gentehna dang akiang uah agen kik a: “Van gam ahihleh tol numei in alak a annel tehna thum lak a atheh a, athawh masiah aphum tawh kibang ahi,” achi hi.

Jesu’n gentehnate azakna

(Mrk. 4.33, 34)

34 Hihte tengteng Jesu’n gentehna in mipite kiangah agen a; gentehna louin akiang uah bangma agen kei hi.

35 Jawlnei in gentehna in,

“Ka kam ka kak ding a,

leitung pianchil a kipan sil kisel

    ka genkhia ding,”

chia agen ahung tangtun theihna ding in.

Buhkhem gentehna hilhchianna

            36 Tuachi’n Jesu’n mipite khakhia in innsung ah alutta a, tualeh a nungjuite akiang ah hungpai in, “Lou a buhkhemte gentehna thu kou kiangah hung hilhchian in,” achi ua.

37 Aman adawng a akiang uah, “Khaichi hoih thehpa pen Mihing Tapa ahi a; 38 alou ahihleh lietung ahi a, khaichi hoihte ahih uleh van gam tate ahi uh a; tualeh buhkhemte pen migilou tate ahi uhi; 39 melma athehpa ahihleh dawi gilou ahi a, buhlak hun ahihleh huntawpni ahi a, buh ate ahihleh vantungmite ahi uhi.”

40 Tuajiakin buhkhemte a lakkhawm ua mei a ahal mah bang un, hun tawpni chiangin a om ding: 41 Mihing Tapa in vantungmite asawl ding a, a kumpi gam a kipan in siatna sil bawlte leh mikhialte tengteng a khawmkhia ding ua, 42 haltuina meipi lak ah amauhte apai ding hi. tuamun ah kah leh hagawina aom ding hi. 43 Tuahun chiangin midiktatte ahihleh a Pa uh kumpi gam ah nisa bang in avakta ding uhi, jakna ding bilnei jousuah in ja uhen!

Gou kiphual gentehna

44 Gentehna dang ahihleh, “Van gam ahihleh lou a gou kiphualdap bang ahi, tuapen mi’n amuh a aphualdap a, akipak sengseng jiakin apai a aneih jousiah a zuaksiang a tua lou alei hi.”

Tuikep suang a gentehna

45 Tualeh van gam pen sumsinmi tuikepsuang hoih zong bang ahi kik hi, 46 aman tuikep suang mantam tak khat amu a, aneih jousiah azuak a aleita hi.

Ngen a gentehna

47 “Tualeh, van gam ahihleh ngen, tuipi a khuh a namchin tuamkhawm bang ahi kik hi. 48 Tuapen adim chiangin, apiau ah a kaikhia ua, atou ua: ahoihteng bawm sung ah akhum ua ahoihlou teng apai uhi. 49 Huntawpni chiangin huachi bang in aom ding, vantungmite ahung paikhia ding ua, midiktat lakpan in mikhialte a khenkhia ding ua 50 tualeh amauhte haltuina meidil ah apai ding uh, tuamun ah kah leh hagawina a om ding hi.”

Dikna thak leh alui

51 Jesu’n akiang uah, “Hih silte jousiah na theisiam uai?” achi a. Amauhte’n akiang ah,

“Hi, Toupa,” achi ua.

52 Tuachi’n Jesu’n akiang uah, “Tuajiak in Laigelhmi van gam hilh a om jousiah, innneipa a goubawm a kipan a sillui leh silthak hung pholhkhia bang ahi,” achi hi.

Nazareth ah Jesu nial a omna

(Mrk. 6.1-16; Luk. 4.16-30)

            53 Tualeh hichi ahi a, Jesu’n hihbang gentehna thute agenzoh in tuamun a kipan in a pawtkhiata a 54 tuachi’n a omna khua a hungtung a, a kikhopna inn uah amauhte thu ahilh a, amauhte’n lamdang asa mahmah ua, “Hih mipa’n pilna leh hihbang sil thupi septheihna khoia a akilak ahia? 55 Hihpa sing bawlsiampa tapa hilou amaw? Anu Mari kichi hilou amaw, tualeh a sanggamte jakob, Joseph, Simon leh Judah hilou uh maw? 56 Tualeh a sanggam numeite eite tawh omkhawm hilou maw? Hihpa’n kholsan a kipan a hihte jousiah mu ahia?” achi ua. 57 Tuachi’n a tungah ahehta ua, hihnanleh Jesu’n akiang uah, “Jawlnei jaw ama khualam leh ama innlam ah chihlouh ngal pahtawi louh in a om kei,” achi hi. 58 Tualeh agintat louh jiak un tuamun ah nasep thupi dang atambawl kei hi.

Mathai 14

Baptispa Johan sihna

(Mrk. 6.14-29; Luk. 9.7-9)

1 Huahun laitakin Herod in, Jesu tanchin anaja a. 2 Tuachi’n a silate kiangah, “Hihpen baptispa Johan ahi, sihna a pan thoukik ahitave, tuajiak a hihbang sil bawltheihna ten amah ah nasem ahi,” achi hi.3 Herod in a sanggampa Philip zi Herodia jiakin Johan aman a, ahen a, thong ah akhumta hi. 4 Johan in a kiangah, “Amahnu naneih asiang kei!” achihsak jiak in. 5 Tualeh aman Johan thah utnanleh, Jawlnei a asim jiak un mipite alau hi.6 Hinanleh Herod pianni aloptak un, HJerodia tanu amai uah ahung lam a, Herod a kipaksak mahmah hi. 7 “Tuajiakin amahnu anget taphot piak dingin kichiamthu a chiamta hi!”8 Tuachi’n amahnu’n anu thuhilhna bang in, “Baptispa Johna lutang kuang khat in hiah hungpia in!” achi a.

9 Kumpipa a lungkhamta a, hinanleh zong a thuchiamsa leh touna a atoukhawm pihte jiakin piak dingin thu apiata hi. 10 Tuachi’n mi asawl a, thong sung a Johan lutang ava tansakta hi. 11 tuachi’n Johan lutang kuang khat tawh hungtawiin numei naupangnu kiangah apia ua, aman anu kiangah apaipihta hi. 12 A nungjuite hungpaiin, aluang alakhia ua, avui ua Jesu avahilhta uhi.

Jesu’n mi sangnga avakna

(Mrk. 6.30-44; Luk. 9.10-17; Jhn.6.1-14)

13 Jesu’n huathu ajaktak in, gamdai lam ah gunkuang in atuampaita a. Hinanelh mipite’n tua ajaktak un, khua a kipan keng in amah ajuita uhi. 14 Tuachia Jesu ahung paikhiat takin, mipi tampi amu a; amauhte lainatna mahmah tawh a hungpai a, adamlou uh a sukdamsak hi.

15 Nitaklam ahung hih in a nungjuite a hungpai ua a kiangah, “Hihteng gamgotna mun ahi a, hun azekaita hi. Khuate a pai a amauh a ding chiat nek ding a kileitheihna ding un hih mipite sawlkhiata in,” achi ua.

16 Hinanleh Jesu’n a kiang uah, “Amauhte paikhit angai kei,” “Noute’n amauhte nek ding sil themkhat pia un!” achi hi.

17 Tualeh amau’n a kiangah, “Hiah tanghou phelnga leh ngasa nih ka nei uh,” achi ua.

18 Aman a kiang uah, “hung twi un,” achi hi. 19 Tuachi’n aman mipite loupe tung a tou dingin thu apia a; tanghou phelnga leh ngasa nihte ala a, vantung lam entou in gual ajawl a, abalkek a, nungjuite’n mipite kiang a hawm ding un apia hi. Tuachi’n nungjuite’n mipite kiang ah apia uhi. 20 Tuachi’n aun un ane ua avahchiatta uhi. Anekval nengte uh lawh dim sawmlehnih bang aval nalai hi. 21 Anete numei leh naupang simlouh in piching ngen zong sangnga bang ahi uhi.

Jesu tuitung a avakna

(Mrk. 6.45-52; Jhn. 6.15-21)

22 Mipite a sawlkhiat kal a, anapai a, galkhat lam na galkah masa dingin nungjuite gunkuang ah a tousak a.

23 Tualeh mipite a sawlmang zoh in thum dingin mualtung lam ah amahguak in apaitou a. tualeh nitaklam ahung hih in huamun ah amahguak in a om hi.

24 Hinanleh gunkuang pen tuipi lai ah a omta a, huih in alehlam a asawn jiakin, tuihul in asepta hi.

25 Tualeh phalvak kuan in Jesu tuipi tung a keng a pain, akiang lam uh a hungjuan a. 26 Tualeh nungjuite’n amah tuipi tung a keng a pai amuh tak un, abuaita ua, “Sikha hi ei!” chi’n, lau in a kikoukhia tau hi.

27 Hinanleh Jesu’n amauh a houpihpai a, “Khamuangtak in om un! Keimah ka hi, laukei un!” achi hi.

28 Tuachi’n Peter in a dawng a akiang ah, “Toupa, nangmah nahihleh tuitung a na kiang a kungpaina ding thu hungpia in,” achi hi.

29 Tuachi’n aman, “Hungpai in!” achi a. Peter gunkuang a kipan kumkhia in Jesu lam juanin tuitung ah keng in ahung paita hi. 30 Hinanleh huihlang vengvung a muhtak in, alauta a tuachi’n tum ding in akisa a; “Toupa hung hundam in!” chi’n a kikoukhia hi.

31 Tuachi’n Jesu’n ajamphei paia, aman a akiang ah, “Aw nang ginna tawm! Bangding a ginglah nahia,” achi hi.

32 Tualeh gunkuang sung a atuankhit tak un huihpi ahung daita hi. 33 Tualeh gunkuang a tuangte hungpai in, “Pasian Tapa taktak nahi hi!” chi’n amah ahung bia uhi.

                                                            

Gennesaret a Jesu’n mi adamsakna

(Mrk. 6.53-56)

34 Galkhat lam ahung galkai uleh, Gennesaret gam a hungtung ua, 35 tualeh huamun a mite’n amah a theihtak un, huakim a gam tengteng ah mi asawl ua, damlou jousiah a kiangah ahung paipih uhi. 36 Tuachi’n apuan mong khat bek thamtheih ding a ngen ngutngut ua, athamkha jousiah ahung damjel uhi.

Mathai 15

Khanglui upate thugousiahte

(Mrk. 7.1-13)

1 Tuachi’n Jerusalem khua a om Pharisaite leh laigelhmite Jesu kiangah a hungpai ua, 2 “Bangding a na nungjuite  upate thugousiah banglou tak a om uh ahia?  An anek chiang un akhut uh asilngai kei uh!” achi ua.

3 “Hinanleh aman adawng a akiang uah, bangding a nou zong na thugousiah jiak ua, Pasian thupiak danlou bang tak a om na hi ua? achi hi. 4 Pasian in, ‘Na nu leh napa zaktak in, Kuapeuh anu hiam apa hiam gensiate pen si teitei heh,’ achi hi. 5 Hinanleh nou, kuapeuh anu hiam apa hiam kiang a, ‘Kei a kipan a phattuamna na muh ding jousiah uh Paisna kiang ah piak ahita,’ chi jousiahin, anu leh apa azah ding ahikei na chi ua, 6 Tuachi’n, na thugousiah jiak un Pasian thu pen bangmahlou na suaksakta uhi. 7 Nou lepchiahte! Isaiah in na tungtang thu uh ana genkholh dik mahmah hi!

8 “ ‘Hih mite’n akam un a hungnaih

                  ua, amuk un a hungzah ua,

                  hinanleh a lungtang un ahung

                        gamlat uhi.

9 A thuhilhna uah mihing thupiak      

                            ahilh jiak un,

ahung biak uh pannabei ahi, chi in a   

                            dawng hi!’ ”

Mihing buahsak silte

(Mrk. 7.14-23)

10 Tuachi’n mipite asam a akiang uah, “Ja unla theisiam un! 11 Kam a lut mihing ninsak a pang ahikei; hinanleh, kam a pawt hua in mihing aninsakjaw,” achi hi.

12 Tuachi’n a nungjuite a hungpai ua a kiangah, “Pharisaite’n hua thu ajaktak un aheh uh chih nathei ei?” achi ua.

13 Hinanleh aman a dawnga akiang uah, “Kung tengteng van a ka Pa suanlouh jousiah bawhkhiat in aom ding,” achi hi. 14 “Amauhte awlmoh kei un! Amauh mittaw lak a mittaw lamkaite ahi uh: Mittaw in mittaw mah a lamkaihleh kawkhuk ah a kiakhawm ding uh, achi hi.”

15 Tuachi’n Peter in a dawng a akiang ah, “Hih gentehna kou kiangah hung hilhchian in,” chi’n adong a.

16 Tuachi’n Jesu’n, “Tutan a nou zong theihsiamna neilou a om nalai na hi uh maw. 17 Kam a lut jousiah gilsung ah alut a, dailenna ah paihkhiat in a om chih theinailou lai nahi uh maw? 18 Hinanleh kam a pawtte pen lungtang a kipan-a hungpawt ahi ua, huate mah in mihing aninsakjaw hi. 19 Lungtang a kipan in ngaihtuahna giloute, tualthahnate, angkawmnate; kingaihnate, guktatnate, heknate, gensiatnate hungpawt veu hi.

20 Hihte ahi mihing ninsak, khut silou a annek in mi a ninsakkei,” achi hi.

Kanan numeinu ginna

(Mrk. 7.24-30)

21 Tuachi’n Jesu hua a kipan in apawt a, Tura leh Sidon gam lam ah apaita hi. 22 Tualeh ngaiin, hua gam a kipan Kanan numei khat a hungpawt a, “Aw Toupa, David Tapa! Ka tungah zahngaiin! Ka tanu dawiin aman a agim mahmah,” chi’n a kikou hi.

23 Hinanleh aman kamkhat in zong a dawng kei hi. tualeh a nungjuite hungpaiin a kiangah, “I nungah aki koukou a! Paisak main,” chi’n ahung ngen ua.

24 Hinanleh aman a dawng a, “Israel nam belam mangte kiang chihlouhngal ah sawl ka hikei,” achi hi.

25 Tuachi’n numeinu a hungpai a, “Toupa hung panpih in!” chi’n chibai a hungbuk hi.

26 Hinanleh aman a dawng a, “Tate tanghou laksak a, uinoute kiang a paih akilawm kei,” achi hi.

27 “Toupa, hihjaw ahia, hilehzong uite’n apu an nekna dohkan pan a tanghou them kia anejel ve uale,” achi a.

28 Tuatakin Jesu’n akiang ah, “Aw numei, na ginna thupi na tazen e! Na deih bangtak in na tungah omta hen,” achi a, adawng a. Tuachi’n a tanu huahun mahmah in ahung damta hi.

Mi tampi Jesu’n a damask

            29 Tualeh Jesu hua a pat in a paikhia a, Galili tupi gei a hungtung a. tualeh mual ah a paitou a, huasan ah atouta hi. 30 Tuachi’n mipi tamtak, kengbaite, mittawte, hamtheiloute, piangsualte leh midang tampi tonpih in a kiangah a hungpai uhi. Tualeh Jesu kengbul ah amauhte asial ua; tuachi’n aman amauhte ana damask chiatta hi. 31 Tuachia hamtheiloute ahung hamtheih ua, piangsualte a hunghoih ua, kengbaite keng a pai a, mittawte’n ahung mutheita uh chih amuhtak un; mipite’n lamdang asa mahmah ua, tuachi’n Israelte Pasian a pahtawita uhi.

Sangli vakna

(Mrk. 8.1-10)

32 Tuachi’n Jesu’n a nungjuite a kiangah asam a, “Mipite tuin ka kiangah nithum a omta ua, nek ding bangmah aneihlouh jiak un ka hehpih mahmah a, amauhte anngawl in ka paisak utkei; ahuachih keileh lamkal ah abahsam kha ding uh,” achi a.

33 Tuachi’n a nungjuite’n a kiangah, “Mipi hih zahzah vahna khop tanghou gamdai ah khoiah ila dia?” achi ua.

34 Jesu’n akiang uah, “Tanghou phel bangzah na nei ua?” achi a.

Tualeh amauhte’n, “phelsagih,” leh “ngasaneu themkhat tawh,” achi uhi.

35 Tuachi’n aman tual a tou dingin mipite thu apia a. 36 Tuachi’n aman tanghou phel sagih leh ngasate ala a, kipahthu agen a, abalkek a, nungjuite apia a, tuachi’n nungjuite’n mipite kiangah apia uhi. 37 Tuachi’n aun un ane ua, avah chiatta ua, anekval nen uh zong lawh sagih aluak dim uhi. 38 Anete numei leh naupang simlouh in piching ngen zong sangli ahi uhi.

39 Tualeh mipite a sawlkhiat nung in gunkuang ah a hungtuang a, Magdala gam lam ah a hungpaita hi.

Mathai 16

Chiamtehna agen uh

(Mrk. 8.11-13; Luk. 12.54-56)

1 Tuachi’n Pharisaite leh Sadukaite a hung pai ua, amah ze-etna ding van a kipan chiamtehna amaute ensak dingin a ngen ua. 2 Aman a dawnga akiang uah, “Nitaklam ahih chiangin, ‘khua a pha ding a hinten meisan hung suak na chi uhi. 3 Tualeh, jingsang chiangin, ‘Tuni khua asia ding a hinteh meisan asuak a a ngiamkai,’ na chijel uh. Lepchiahte aw, van omdan na theisiam ngel ua, hinanleh hun chiamtehnate na theisiam theikei uhi. 4 Khangthak gilou leh angkawmhatte’n chiamtehna azongua, hinanleh Jona chiamtehna chihlouh chiamtehna dang mawng mawng akiang uah piak ahi kei ding uh, chi a. Huachi’n a mauhte nusia a, apaisanta hi.”

Pharisaite leh Saudkaite tol

(Mrk. 8.14-21)

5 Tualeh a nungjuite’n galkhat lam a tum khit un, thanghou a pua manghilh ua 6 tuachi’n Jesu’n a kiang uah, Pharisaite leh Sadukaite tol lak ah kiveng un la pilvang un, achi hi.

7 Tuachiah a mauhte aki ngaihtuah chiat ua, tanghou ipuakkhak louh jiak ahi, achi ua.

8 Hinanleh Jesu’n hua a thei a akiang uah, “Nou ginna tawmte aw, bangding a tanghou na puakkhak louh jiak ua kingaihtuah nahi ua! 9 Mi sangnga vakna tanghou phel nga leh lawh bangzah hiam dim naluak uh chih tu nasan a theisiam nailou a, na lungsim ua zong theigige lou nahi uh maw? 10 Ahihkeileh, mi sangli tanghou sagih leh lawh tampi na luak uh jong? 11 Na kiang uah tanghou thu gen ka hi kei a, Pharisaite leh Sadukaite tol lak ah pilvang un chih gen ka hijaw chih bang achia theilou nahi ua?’’ a chi hi.

12 Tuachi’n amau’n tol tanghou lak ah kiventg un chi hilou in Pharisaite leh Sadukaite thugin lak a pilvang ding ahijaw chih a hung thei uhi.

Peter in Jesu Krista hi chia agenna

(Mrk. 8.27-30: Luk. 9.18-21)

13 Jesu Kaisaria Philippi gam a hungtun in, a nungjuite kiang ah, “Mite’n kei, Mihing Tapa kua ahi achi ua?’’ chi’n a dong a.

14 Tuach’n a mau’n “Khenkhat in baptispa Johan ahi ahung chi ua, khenkhat in Elijah ahi a chi ua. A dangt’n Jeremiah ahihkeileh Jawlnei kuahiam khat ahi a hungchi uh,’’ achi ua.

15   Aman a kiang uah, “Ahih leh nou, Kei kua ahi nung chi ua? Achi a.

16 Simon Peter in,’’ Krist, Pasian hing Tapa nahi,’’ achi a, adawng a.

17 Jesu’n a dawnga a kiang ah, “Simon, John tapa, hampha chia! Sa leh sisan in na kiang ah hih a hung theisak na kikei a, ka Pa van a om in ahung theisak nahi jaw hi. 18 Tualeh ken zong na kiang ah kung hilh ahi, Nang Peter na hi: hih suangpi tung ah ka saptuam ka lam ding a, misikhua kulh kongkhakte’n hih bangmah a lawhjou kei ding uhi. 19 Tualeh van gam chabi na kiangah kung pia ding a, leitung a nahen jousiah vantung ah zong hen ahi ding a, leitung a naphel jousiah vantung ah zong phel ahi ding,’’ achi hi.

20 Tua khit in amah Krist Jesu ahi chih kuamah hilhlou dingin a nungjuite thu apia hi.

Jesu’n gimthuak leh asih ding genkholh

(Mrk. 8.31-9.1; Luk. 9.22-27)

21 “Huahun a kipat in Jesu’n Jerusalem a apai ding dante, siampite leh laigelhmite pan a sil tampi athuak ding dante, thah a aom ding dante tualeh nithum ni a thoukik ding ahihdante a nungjuite ahilh panta hi.”

22 Tuachi’n Peter in amah atuam in apaipih a,” Toupa, hih in hung gamlat hen! Tualeh hihbang sil na tungah a tungngai kei ding!” chi’n ataihilh hi.

23 Hinanleh amah akihei a Peter kiangah, “Setan! Ka nunglamah om in, Kei a ding in ki pal puk na nahi; Pasian silte ngaihsun louin mihing silte na ngaihsum jawk jiak in. “achi hi.

24 Tuachi’n Jesu’n a nungjuite kiangah, “Mi khatpeuh in ka nung a juih utleh amah ki manghilh in a kross pua in hungjui hen, chi hi. 25 Kuapeuh ahinna humbit in ata’n ding a, kuapeuh kei jiak a ahingna ta’n in a mu ding hi. 26 Mi’n leitung pumpi nei henla, ahinna mansuah taleh, amah a ding in bang aphatuam diai? Ahihkeileh a hinna leinang in bang a paithei dia? 27 Mihing Tapa a Pa thupina tawh a vangtungmite tawh a hungpai ding a, tuahun chiangin michih ana sepna bangbang un nuamman apia ding hi. 28 Adiktak in na kiang uah kung hilh ahi, hihsan a dingte mi khenkhat Mihing Tapa a kumpi lalgam a a hungpai amuh masiah uh sihna chiamlou ding aom uh,’’ achi hi.

Mathai 17

Mellamdanna

(Mrk. 9.2-13; Luk. 9.28-36)

1 Tualeh niguk nung in Jesu’m Peter, Jakob leh a sanggampa Johan tawh a zohpih a, a tuam in mual sangtung khat ah apaipih touh hi. 2 A mai uah a mel a hung lamdang ta a: a mai ni bang in a hung ta’ng a, a puansilh vak bang in a hung em hi. 3 Tualeh ngai in, Mosi leh Elijah akiang ua hungkilak in amah tawh a kihou uhi. 4 Tuachi’n Peter in Jesu a houpih a a kiang ah, “Toupa, ei a dingin hihsan a om ahoih hi! Na ut leh hiah hampheng buk thum ibawl ding a, nang a ding in khat, Mosi a ding in khat, Elijah a ding in khat achi hi.”

5 Agen laitak in, ngaiin, meipi vam in amauh ahung khuhta a, tualeh ngaiin, hua meilak a panin aw khat in, “Hih ka Tapa ittak ahi, amah ah ka kipak mahmah hi; amah thu ngai un!” achi hi.

6 Nungjuite’n  hihthu ajak tak un, khupbok in apuk ua, alau mahmah uhi.

7 Tuachi’n Jesu a hungpai a, amauh akhoih a, “Thou un, laukei un!” achi hi. 8 Tuachia amauh a dakkhiat uleh, Jesu guak chihlouh midang kuamah a mutakei uhi.

9 Tualeh mual a pat ahung kumsuk un, Jesu’n amauhte thu apia a,” Mihing Tapa misilak a pat athoh kik masiah hih nasil muh uh kuamah hilh mawng mawng kei un,” achi hi.

10 Tuatakin a nungjuite’n a kiangah,” Ahihleh bangding a laigelhmite’n Elijah hungpai  masa ding ahi, chi ahi ua?” chi’n adong ua.

11 Tuachi’n Jesu’n a dawng a, “Elijah pen a hung masa ngei ding a, silbangkim a bawlthak ding. 12 Hinanleh kung hilh ahi. Elijah a hung paikhinta, amah atheikei ua, a tungah aut ut un a bawljouta uhi. Tua chimah bang in Mihing Tapa in zong alak uah athuak ding hi,” achi hi.

13 Tuatakin nungjuite’n baptispa Johan thu akiangua gen ahi chih ahung theikhiata uhi.

Pasal naupang dawimat damsakna

(Mrk. 9.14-29; Luk. 9.37-43a)

14 Tualeh mipilak a hung tun un, mi kuahiam khat akiang ah a hung pai a, a maia khupdin in, 15 “Toupa, ka tapa tungah zahngaiin! Amah kaihvei ahi a, agim majhmah hi; khatveiteng meilak ah khatvei teng tuilak ah apukjel hi. 16 Tualeh na nungjuite kiangah kung paipih a, hinanleh a damsak theikei uhi,” achi hi.

17 Tuachi’n Jesu’n a dawng a, ”Ginna neilou leh khangthak genhakte aw! Bangtan ahia kung ompih ding? Bangtan ahia kung thuakzoh ding? Amah ka kinag a hungpai pih un!” achi a. 18 Tuachi’n Jesu’n dawi atai a, a sung a pat in ahung pawtkhiata a, hua hunsing ngeiin naupang ana damnta hi.

19 Tuakhit in nungjuite atuam in Jesu kiangah a hungpai ua,”Bang chidan a kou hawlkhia theilou ka hi ua?” achi ua.

20 Tua chi’n Jesu’n a kiang uah, “Na gintaklouh jiak un ahi, aditak in kung hilh ahi , ankam tang khat bang ginna  na neih uleh, hih mual kiangah,’ hia kipan in huah kisuang in,’ na chi ding ua akisuan mai ding. Tualeh nou a dingin sil bawltheihlouh mawng mawng a omkei ding” achi hi. 21 Bangteng hitaleh hichibang pen thumna leh an ngawlna loungal in hawlkhiathei kei, achi hi.

Jesu’n asih ding a genkholh nihveina

(Mrk. 9.30-32; Luk. 9.43b-45)

22 Tuachia Galili a aomlai un, Jesu’n a kiang uah, “Mining Tapa pen mihingte khut a matsak in a om ding 23 tualeh athat ding ua; a nithumni’n a thoukik ding,” achi a. Tuatakin a lungkhamta mahmah uhi.

Tempul siah piakna

24 Tualeh Kapernuam a hungtun un, tempul sum dongte Peter kiangah a hungpai ua, “Na siapa un tempul sum paijellou maw?” achi ua.

25 Peter in, “Piajel e,” achi hi.

Tualeh peter innsung a avalut leh Jesu’n a kiang ah, “Simon bangchi’n na ngai a? Leia kumpipate’n siah hiam dangka neihman hiam, kuakiang a ahia alakjel uh?” A tate uh lak ah maw, mituam lak ah?” chi’n ana dong masa a.

26 Peter in a dawng a,” Mituan lak a pat in,” achih tak in Jesu’n a kiangah,” Huachi ahihleh tate awl uh ahi velemaw. 27 Hilehzong, nang tuipi ah vapai inla met vakam inla, nga namat masakpen la in, akam kaklechin  dangka namu ding hi. Huapen la in kei leh nang a ding in a kiang uahpia in, ahuachih keileh amaute i hehsak kha ding,” achi hi.

Mathai 18

Lianpen hihna diktak

(Mark. 9.33-37; Luk. 9.46-48)

1 Huahun laitak in nungjuite Jesu kiangah a hungpai ua,” Van gam ah kua alianpendia?” achi ua.

2Tuachi’n Jesu’n naupang neu khat a kiangah asam a, alak uah adingsak a, 3 “Adiktak in kung hilh ahi, na kikhel ua naupang neunou nungbak kei uleh, vangam ah na lut ngaikei ding uhi.

4 Tuajiakin kuapeuh hih naupang neunou bang ki ngaingiam, huami van gam ah alianpen ahi ding hi. 5 Kuapeuh ka min jiak a hichibang naupang neu khat kipahpih in keimah hung kipahpih ahi ding hi.

Khialsakthei khemnate

(Mrk. 9.42-48; Luk. 17.1, 2)

6 “Hinanleh kuapeuh kei hung gingta mineute lak a khat khialhna a puksak pen, a ngawng ah buhgawina suang lianpi awhsakin tuipi thuk sung ah kikhialeh amah a ding ahoih jaw ding. 7 Puknate jiakin leitung tung agik hi! Puknate pen ahun om ding mawng ahi a, hinanleh pukna omsakpa tung agik hi!

8 “Tualeh na khut in hiam, na keng in hiam khialhna a hung puksakleh, tan in la paimang in! Khut nih hiam keng nih hiam nei a tang tawn meidil a paih a na om sangin, piangsual a, ahihkeileh keng beiin hiam hinna a lut nang a ding in ahoihjaw hi. 9 “Tualeh na mit in khialh na a ahung puksakleh kheikhia inla paimang in, mit langnih nei a gawtmun na lut sang in mit langkhat neia hinna a lut nang a ding in ahoih jaw hi.

Belam mang gentehna thu

(Luk. 15.3-7)

10 “Hih mineute lak a khat zong simmoh lou ding pilvang un, ajiak a vantungmite un van a om ka Pa mel amu gige uh chih kung hilh ahi. 11 Mihing Tapa ahihleh mangthangte hundam ding a hungpai ahi jaw hi.

12 “Bangnachi ngaih ua? Mi khat in belam za nei henla, a lak ua khat vak mnagtaleh, sawmkua leh kuate nusia in mual ah pain, a vakmang peh vazong lou ding maw? 13 A diktak in kung hilh ahi, va mukikta henla hileh sawm kua leh kuate tungah sang in, tua belam tungah a kipak jaw ding hi.14 Tuachimah bangin hih mineute lak a khat zong  amanthat ding na Pa uh van a om deihlam ahikei hi.

Sanggamte khialhna thu a houlimna

15 “Tualeh na sanggampa’n na tung a sil a bawlkhialh leh nougel guak theih in a khialh na ah hilh in, nathu angaihleh na sanggam na zou ahi. 16 Hinanleh na thu angaih nuam keileh , ‘theihpihtu mi nih hiam thum hiam kam a hihkip a aom theih na ding in, mi khat hiam nih hiam tonpih in.’ 17 Tua chia amau te thu angaihnuam kei laileh saptuamte kiang ah tun in. Hinanleh saptuam thu zong angaihmuan keilai leh amah peh nang a ding a lawki leh siahkhonmi bangin koih in. ^p

18 “Adiktak in kung hilh ahi, leitung a na hen uh khatpeuh, van ah hen ahi ding. Tualeh leitung a naphel jousiah uh van ah zong phel ahi ding hi.

19 “Adiktak in kung hilh kik ahi: leitung a nalak ua mi nih asilnget lam ua a kithutuak uleh ka Pa van a om bawlsak in aom ding uhi. 20 Mi hih hiam thum hiam ka min a akikhopna teng uah ka omjel hi,” achi hi.

Sila ngaihdamlouh thu a gentehna

21 Tuachiang in Peter a hungpai a akiang ah,” Toupa, ka sanggam ka tung ah khialhleh bangzahvei ahia ka ngaihdam ding? Sagihvei tanin ahi diam?” achi a.

22 Jesu’n a kiang ah, “Sagihvei tan in king chi kei, sagihvei mun sawmsagih tan in kung chi jaw ahi. 23’Tuajiakin van gam pen kumpipa kuahiam a silate kiang a dangka thu hihchian tum tawh kibang ahi.’ 24 Ahihchian pat takin, mikhat talent sangsawm ba a kiang ah ahung paipih ua. 25 Hinanleh piak ding a neihiouh jiahili apu in amah tawh, a zi tawh a fate tawh tualeh aneih jousiah tawhjuak a dit ding thu apia hi. 26 uachi'n silapa'n khupbok in abia a, 'Pu aw, ka tungah zahngai tadih inla, A un in kungdin ding achi a. 27 Tuachi'n tua silapa pu-in ahehpih mahmah a, a khahkhia a, a batteng a ngaihdamta hi.

28 "Hinanleh hua silapa apawt a, asila hihpih lak a khat amah dangka zakhat ba avamu a. 'Nabat hungpian' chi'n a ngawng ah amek a. 29 Huachi’n asila hihpihpa'n akeng bulah khupbok in, 'Ka tuJigah zahngai tadih lai in, aun in kungdin dingi' chi'n angen ngutngut a. 30 Hinanleh amah a utkei a; abat adit zoh masiah thong ah akhurnta hi. 31 Tuachi'n asila hihplhte'n asilbawl amuhtak un adah mahmah ua; tualeh hungpalin asilbawl teng apu uh a hunghilhta uhi. 32 Tuatakin apu un amah asam a, a kiang ah, 'Aw sila giloupa! Nung nget ngutngut jiak a na batteng hung ngaihdam ing a. 33 Ken nang kung hehpih bang a, nangzong na sila hihpihte na hehpih sawm ding hilou maw,' achi a. 34 Tuachi'n apu ahehta a, a batteng apiakzoh masiah migawtte kiangah apiata hi." 35 "Michih in na lunggiltak ua na sanggarnte uh tatkhialhna na ngaihdam kei uleh, ka Pa van a om in zong tuachimah bang in natung uah abawl ding," achi hi. 

Mathai 19

Kitenna leh khulna

(Mrk. 10.1-12)

1 Tualeh hichi ahung hi a, Jesu’n hih thute agen khit in, Galili gam a pat apawt a, Jordan luigal a Judea gam lam ah a vapaita hi. Mihon tampi in amah ajui ua, huamun ah ana damsakta hi.

3 Pharisaite zong a hungpai ua, amah ze-et nang in, "Bang jiakpeuh in mi’n azi akhul asiang diam?" achi ua. 

4 Aman adawng a akiang uah, “A tu’ng a kipan amauhte siampa'n numei leh pasal ana siam hi chih Laisiangthou simkhalou nahi uh hiam? 5 ‘Hihjiakin pasal in anu leh pa nusia in azi atu ding, tuachi'n nih pen taksa pumkhat ahung hita ding uh,' achi hi, chih sim khalou nahi uh hiam? 6 Tuachi'n amau nih ahi nawn takei ua, taksa pumkhat ahita uhi. Tuajiakin Pasian gawmsa mihing in khen kei hen," achi hi.

7 Amau' n a kiangah, "Ahihleh bangding a Mosi in khulna lai piak a khulding ahi chia thu pia ahia?" achi ua.

8 Aman a kiang uah, "Mosi in na lungtang uh khauh jiak a na zite uh khul ahung phalsak ahi, hinanleh atu'ng a kipan hihbang ahi-ngai kei hi. 9 ‘Kenjaw kung hilh ahi, kuapeuh midang tawh kingaihjiak hilou a, zi khul a midang tawh kiteng tuh angkawm ahi; kuapeuh khulsa tawh kiteng zong angkawm ahi," achi hi.

10 A nungjuite'n a kiangah, "Pasal azi tawh tungtang thu huachi ahihleh kiten ahoih kei," achi ua. 

Zi, Pasal neihiouh thu a Jesu'n sinsak

11 Hinanleh aman akiang uah, "Hih thu kigen pen akiang ua piak a om mite loungal kuaman a pomthei kei ding uhi. 12 Michilgehh khenkhat anu uh gilsung a kipan-a huachi bang a piang mawng a om ua; michilgeh khenkhat mihing gehthuh a om a, tualeh michilgeh van gam jiaka chilgeh a kibawl tawm zong a om uhi. Kuapeuh a pomthei in pom uheh," achi hi.

Jesu'n naupang neute a guaijawl

(Mrk. 10.13-16; Luk. 18.1 S-17)

13 Huahun laiin atung ua akhut nga a athumsak dingin a kiangah naupang neute ahung paipih ua; hinanleh nungjuite'n anatai ua. 14 inanlehh Jesu'n, "Naupang neute ka kiang a ahung pai ding uh phalsak un, amauhte kham kei un; van gam pen hichi bang mite a ahi," achi hi.

15 Tuachi'n atung uah akhut a nga a, hua a pat in apaita hi. 

Tangval hausa Jesu’n thu ahilh

(Mrk. 10.17-31; Lvk. 18.16-30)

16 Tualeh ngaiin, mikhat hung paiin a kiang ah) "Siapa hoih, tangtawn henna ka neihtheihna dingin silhoih bang ka bawl dia?" achi a.

17 Tuachi'n aman a kiang ah, "Bang ding a mihoih hungchi na hia? Pasian chihlouh mihoih dang a om kei hi. Hinanleh hinna a nalut ut leh, thupiakte juiin," achi hi.

18 "Aman khoipen la?" achi a,

Jesu'n adawng a, "Tual nathahlouh ding ahi; ang nakawmlouh ding ahi; naguklouh ding ahi, juauthu in mi naheklouh ding ahi; 19 na nu leh na pa zahtak in; chihte leh nangmah na ki it bangin na innvengte na it ding ahi," chih, achi a.

20 "Tangvalpa'n hihte jousiah kaneu a pat ka juijingta hi, bang kasam nalai a?" achi a.

21 Jesu'n a kiang ah, "Hoihbukim a om na utleh, pai inla naneih juak inla mijawngte kiangah pia in, tuachi'n van ah gou nanei ding; tuakhit chiang in hungpai inla hungjui in," achi hi.

22 Hinanleh tangvalpa'n huathu azaktak in, lungkham takin a paimangta hi, sil tampi nei ahihjiak in.

23 Tuachi’n Jesu'n a nungjuite kiangah, "Adiktak in kung hilh ahi, mihausa a ding in van gam lut a haksa ahi. 24 Tualeh kung hilh kik ahi, mihausa Pasian gam a alut sang in, sangawngsau phinbil vang a alut-paisuak abaihiamjaw ding hi," achi hi.

25 A nungjuite'n hihthu ajaktak un, lamdang asa mahmah ua. "Ahuachihieh

kua hundam in a omjou dia?" achi ua.

26 Hinanleh Jesu'n amauh a en a akiang uah, "Hihpen mihing a dingin sil hitheilou ahi a, hinanleh Pasian a dingin sil bangkim ahithei hi," achi hi.

27 Tuachi’n Peter in a kiang ah, "Ngaiin, kou bangkim nusia in kungjuita ua, bang kamu ding ua le?" achi a, adong a.

28 Tuaci’n Jesu’n a kiang ah, "Adiktak in kung hilh ahi, gamthak ah, Mihing Tapa a thupina laltouna a atouchiang in, nou kei hungjuite, Israel nam sawmlehnihte vaihawm in laltouna sawmlehnih ah natou ding uhi. 29 Tualeh michih kamin jiaka a inn hia, a sanggampa hiam, a sanggamnu hiam, apa hiam, anu hiam, azi hiam, atate hiam, gamte hiam nusia in alehja amu ding ua, tangtawn hinna atang ding uhi. 30 Hinanleh mi tampi masapen a omte nunung pen in aom ding ua, nunung pen a omte masapen ahi ding uhi," achi hi.

Mathai 20

Grep huan nasemte gentehna

1 Van gam pen huan neipa a grep huan a nasern ding mi chial ding a jingsang baihtak a pawt bang ahi. 2 Aman nasernte tawh nikhat a makhai lawh ding a akihou zawh un, a grep huan ah asawita hi. 3 Tualeh dak thumna ding vel in ava pawtkhia a, midang vanjuakna mun a mawkdinte amu a, 4 akiang uah, 'Nou zong grep huan ah vakuan un) akilawm hun kung pia ding,' achi a. Huachi’n amauhte apaita uhi. 5 Tualeh dak gukna ding leh dak kua na ding vel in a pawtkik a, tuachimah bangin ava bawl kik a: 6 Tualeh dak sawm leh dak sawmlehkhat ding vel in avapawt kik a, midang mawk dinte ava mu a, 'Bangding a sunnitum a hihteng a mawk dindin nahi ua?' achi a. 7 Amau'n a kiangah, 'kuamah in ahung chiallouh jiakin ahi, achi ua. Aman akiang uah, 'Nou zong grep huan ah vakuan un, akilawm bangbang namu ding uh,' achi hi.

8 "Nitak ahung hih takin grep huan neipa'n asum kempa kiangah, 'nasemte sam inla, a nunungpen a kipan in amasapen tan in a nitha uh pia in,' achi hi. 9 Dak sawmna leh dak sawmlehkhat na ding vel a achialte ahung paitak un, makhai khat chiat amuta ua. 10 Hinanleh a masapente a hungpai un, muh tamdeuh a kinem ua, hinanleh amau'n zong makhai khat chiat mah amuta ua. 11 Adangka alak khit tak un, huan neipa tung ah aphunta ua. 12 “Hih a nunungpen te'n dakkal khat sung mai asem ua, kou sun haksa leh khua-ul thuakte tawh kibang in nabawl a!’ chi-in. 13 Hinanleh aman alak ua mikhat kiang ah, 'Lawm, na tung ah bangmah ka bawlkhial kei hi. Makhai lawh ding a kihoutuak hilou imaw? 14 Nang a pen kilak inla paita in; hih anunung pente kiangah zong nang kung piakzah mah kapia ut hi. is Ka neih- sa ka ut ut a ka bawitheih hilou maw? Ka hoih jiakin na thangsia maw?’ ”

16 "Huachi bangin a nunungte a masa ding ua, tualeh a masate a nunung ding uhi; ajiak tampi sap ahi a, hinanleh tawmnou khat tel ahi," achi hi.

Jesu'n asihna ding a genkholh thumveina

(Mrk. 10.32-34; Luk. 18.31-34)

17 Tualeh Jesu Jerusalem a ahawhtouh laiin nungjui sawmlehnihte lampi ah azohpih tuam a akiang uah, 18 'Ngai un, Jerusalem juan in ipaitou uhi, Mihing Tapa Siampite leh Laigelhmite khut ah matsak in a om ding a, tualeh amau'n siding in atung ah siamlouh atan ding uhi, 19 Tualeh amah chiainnuih bawina dingin lehjep ding in tualeh kross a kilhden dingin Jentelte kiangah apia ding uhi. Tuachiah nithum ni in a thoukik ding," achi hi. '

Anu'n a ngetsakna

(Mrk. 10.35-45)

20 Tuachi’n Zebedi tapate nu atate tawh a kiangah a hungpai ua, ahung bia ua, akiang a pan bang hiam silkhat a ngen a.

21 Aman a kiangah, "Bang ahia na deih?" achi a.

Amahnu'n a kiangah, "Na lalgam ah hih ka tapa tegel khat na jiatlam ah khatna veilam ah a toutheihna ding un thu pia in," achi hi.

22 Hinanleh Jesu'n a dawng a akiang ah, "Na nget uh theilou hi uteh, ka nou dawn ding na dawnthei ding uh maw?" Ka baptisma tan ding na tangthei ding uh maw? achi a, adawng a, Amau'n a kiang ah, "Hithei e," achi ua.

23 Aman akiang uah, "Ka dawn ding na dawnthei ding ua, ka baptisma tan ding zong na tangthei ngut ding uhi, hinanleh ka jiatlam leh ka veilam a tou ding pen kei piak ding ahikei, ka Pa'n  aguatsakte kiang a piak ahijaw ding," achi hi.

24 Tualeh sawmte'n hihthu anajak un, unau nihte tungah ahehta uhi. 25 Hinanleh Jesu'n amauhte a kiangah asam a, "Jentelte vaihawmtute atung uah alal mahmah ua, a miliante un atung ah thu anei mahmah uhi chih zong nathei uhi. 26 Hilehzong nou lak ah hichibang hikei hen, kuapeuh nalak ua milian hih ut tuh na na uh sem in aom ding uhi. 27 Tualeh kuapeuh nalak ua lamkai pen a pan ut tuh na sila un apang ding hi. 28 Mihing Tapa hilhial zong na sepsak a om ding a hungpai ahihJouh a, nasem ding leh mi tampi tatna ding a ahinna pia ding a hungpai jawk mahbang in," achi hi.

Mittaw nih in mit vakna amu

(Mrk. 10.46-52; Luk. 18.35-43)

29 Tualeh Jeriko a kipat apawt un mihon tamprn amah ajui ua. 30 Ngaiin, mittaw nih lamgei a tou tegel in Jesu lampi ah apai chih ajaktak un; "Aw Toupa, David Tapa! katung uah zah- ngaim!" chi’n a kikou ua.   .

31 Tualeh mipite'n dai dingin atai ua; hinanleh amau’n, “Aw Toupa, David Tapa! katung uah zahngaiin” chi’n ngaihjawsem in a kikou ua.

32 Tuachi’n Jesu adinkhawl a amau asam a, "Nou a dingin bang bawlleng na ut ua?" achi a,                                                                                                                                                           33 Amau'  a kiangah, "Toupa, mitvak ka ut uh!" achi ua.

34 Tuachi’n Jesu'n ahehpih mahmah a, amit uh akhoih a; tuachi'n amuthei paingal ua, amah ajuita uhi.

Mathai 21

Jesu Jerusalem a guaijou a lutna

(Mrk. 11.11-11; Luk. 19.28-40; Jhn. 12.12-19)

1 Tualeh Jerusalem khua atun ding kuan un, Olive mual a Bethphage khua a hungtun un, Jesu’n a nungjuite nih asawl a zakiang uah: "Na mai ua khua ah vapai unia, sabiltung kikhih anou tawh na vamu ding uhi. Sut unla ka kiangah hungkal un. 3 Tualeh mi kuapeuhin na kiang ua banghiam agenleh, Toupa’n apawimoh a ahi chi un'; tuachi'n aman ahungsawl pai ding," achi hi.

4 Hihte tengteng Jawinei kam a gensa ahung tuntheihna dingin ahi:

5 "En un,

   Na kumpipa uh ki ngiainicliiat tak in

   sablltung tung ah,

   sabiltung nou tung ah tuang in

            na kiang ah a hungpai chi’n

             zion tanu hilh in,"

achih.

6 Tuachi'n nungjuite avapai ua, Jesu'n akiang ua thu apiak bangbang in avabawita ua: 7 Sabiltung leh anou a hungkaita ua, atung ah apuante uh aphah ua, atung ah Jesu atuang sakta ua. 8 Tualeh mipi lak a tamjawte'n apuante uh lampi ah aphah ua. 9 Tuachi' n mipi a mailam a paite leh a nunglam a paite’n, "David Tapa kiang ah, Hosanna! Toupa min a hungpaite ahampha uhi! Tungnung pen ah Hosanna!" chi'n a awng juajua' uhi.

10 Tualeh Jerusalem khuasung alut takin, "Hihpa kua ahia?" chi'n a khuajangpi un akiling hial ua.

11 Tuachi’n mipite'n, "Hihpa Jawlnei Jesu Galili gam a Nazareth khua a mi ahi," achi uhi.

Jesu" n tempul a suksiangna

(Mrk. 11.15-19; Luk 19.45-48; Jhn. 2.13-22)

12 Tuachi'n Jesu Pasian tempul ah avalut a, tempul sung a van juakte leh aleite jousiah a hawlkhia a, dangka khekte dohkan leh palva juakte touna a sawnpuksak hi, 13 mann akiang uah, "Ka inn thumna inn achi ding uh, chih gelh ahi; hinanleh nou suamhatte kulh in nabawl uh!" achi hi.

14 Tuachi’n Pasian tempul ah mittawte leh kengbaite a kiangah a hungpai ua, aman ana damsak hi. 15 Hinanlehhh siampite leh Laigelhmite'n a sillamdang bawite leh tempul a, "David Tapa Hosanna, chia kikoute amuhtak un aheh mahmah ua!" 16 A kiangah, "Hihte'n bang ahia agen uh naja ei?" achi ua,

Jesu' n akiang uah, "Jamah ing, 'Naungekte leh nawi nelaite kam a pawt in pahtawina na hihkimta, chih simkhalou nahi uh hiam?' " achi hi.

17 Tuachi’n amauh nusia in khuapi a pat apawt a, Bethani ah apai a huasan

ah agiakta hi.

Jesu" n theipi kung atai

(Mrk. 11,12-14,20-24)

18 Tualeh ajingni a, khuapi lama a kilehkik in, agil ahung khialta a. 19 Lampi gei ah theipi kung amu a, abul a avapai leh, ateh chihlouh ngal bangmah amukei a. Tuatakin theipi kung kiangah, "Kumtawn in nagah nawn kei in!" achi a. Tuatakin theipi kung avulpai hi.

20 Tualeh nungjuite'n hih amuhtak un, "Bang chidan ahia theipi kung avulpai in?" chi’n lamdang asa mahmah ua.

21TuachVnJesu'n adawng a akiang uah, "Adiktak in kung hilh ahi, ginna naneih ua naginlelh kei uleh theipi tung a bawl bang guah nabawl kei ding uh a, hinanleh hih mual kiangah zong) 'Kisuan inia, tuipi ah kipai in chile uchin,' na chihbang un ahung om ding hi. 22 Tualeh sil khatpeuh gingta tak a na thum uleh namu ding uhi," achi hi.

Jesu thuneihna tung a dokna

(Mrk. 11.27-33; Lvk. 20.1 -8)

23 Tualeh amah tempul a lut a thu ahilhiaitak in, siampute leh vantang upate a hungpai ua a kiangah, "Kua thu in ahia hihbang silte nabawl? Kuan hihbang thuneihna nang hungpia ahia?" achi ua.

24 Hinanleh Jesu'n a dawng a akiang uah, "Ken zong thukhat kung dong ding a; nung hilh uleh ken zong kua thu in ahia hihbang sil kabawl kung hilh ding.

25 Johan baptisma hih khoia hung kipan ahia: van a kipan maw, ahihkeileh mihing a kipan maw?" achi a, adong a,

Aki ngaihtuah ua, " 'Van a kipan,’ chileilah, 'achihleh bangding a gingtalou?'

Hung chi ding a. 26 Tualeh, 'Mihing a kipan,' chileilah, mipite laujel hang a, mi jousiahin Johan Jawlnei a asim jiak un," a kichi ua. 27 Tuach’n amau'n Jesu kiangah, "Ka theikei uh," chi'n adawng ua.

Tuachi'n a man akiang uah, "Ken zong hih kua thu in ahia kabawl chih kung hilh kei ding," achi hi.

Tapa nih gentehna

28 “Hinanleh, nou bang nachi ngaih ua? Mi kuahiam khat in tapa nih anei

a; tualeh akhatnapa kiangah a hungpai a, 'Tapa tuni'n ka grep huan ah nna vasern in,” achi a. 29 Aman adawng a, 'Ka utkei,' achi a; hinanleh tomkhat zoh m alungsim akhek a, akuanta hi. 30 Tuazoh in anihnapa kiang ah amah a hungpai a tuachimah bangin achi a; tualeh aman adawng a, 'Pa,' vakuan ning achi a; hinanleh akuan kei a. 31 Amauhgel kuapen in apa deihlam abawl ua le?" achi a.

Amau'n a kiang ah, "Amasa pa in," achi ua.

Jesu'n akiang uah, "Adiktak in kung hilh ahi: siah dongte leh kijuakte'n Pasian gam ahung Jutsan ding uhi. 32 Ajiak Johan diktatna lampi kawkmuh dingin na kjang uah ahung paia, amah na gingtakei ua; hinanleh siah dongte leh kijuakte'n amah agingta uhi; tualeh noute'n hih namuh nung un zong amah na gintattheihna ding un na kisik nuam na giniartneinna aing un na kisik nuam tuankei uhi.

Grep huan ngak giloute gentehna

(Mrk. 12.1-12; Luk. 20.9-19)

33 "Gentehna dang ngaikhia un, mi khahiam gamnel khat aom a grep-huan abawl a, dai in a umkimkual a, grep sukna khuk khat atou a, innsang alam a. Tuachi'n grep-huan bawlmite kiangah asa'n in apia a, gamtuam ah ahawhta hi. 34 Tualeh agah lak ahun ding kuan in agah lading in a huan ngakte kiangah asilate asawl a, 35 Tualeh grep-huan bawlmite'n asilate ana man ua, khat ajep ua, khat athat ua, adang suangin adeng ua. 35 Aman asila dang, amasate sang a tamjaw asawl kik a', amauhte tung ah zong huachimah bangin anabawl ua 37 Tuachi’n atawp in, 'Ka tapa azahtak khading uh chi'n a tapa asawl a. 38 Hinanleh grep-huan bawlmite' a tapa amuhtak un, 'Hihpa gou luahdingpa ahi; hungpai un, ithat ding ua, a gouluah ding i kitan ding uh" achi ua. 39 Tuachi'n amah aman ua, grep huan pualam ah apai ua, athatta uhi.

40 "Huajiakin, grep-huan neipa a hung pai chiangin, grep-huan bawlmite bang alawh dia ie?" achi hi.

41 Amau'n a kiangah, "Hua migiloute pen gentheitak in a hihmang ding i grep-huan pen huanbawitu dang, alawh hun teng a agahte akiang a piajel din kiangah asa'n in apia ding," achi ua. 

42 “Jesu'n akiang uah: Laisiangthou a,

Innlammite suang deihlouh pen,

hua suang penmah aning a suang

poimoh pen ahung hita;

hihpen Toupa bawl ahi,

i mitmuh in alamdang hi, chih,

sim kha ngaiou nahi uh

hiam!”

43 "Huajiakiakin, Pasian gam pen na kiang ua kipan laksak ahi ding a, agahsuah ding nam dang kiang ah piak ahi dng chih kung hilh ahi." Tualeh kuapeuh hih suang tung a puk pen akekjak ding a; hinanleh anetkhakte jousiah aguaijan ding hi, achi hi.

45 Tualeh siampite leh Pharisaite’n gentehna thute ajak un, amau tungthu gen ahi, chih a kitheita ua, 46 hinanleh amah mat asawm uleh mipite alau ua, Jawineia asim jiak un.

Mathai 22

Kitenna anKuang gentenna

(Luk. 14.15-24)

1 Tualeh Jesu'n  a dawng a akiang uah gentehna thu agen kik a 2 "Van gam pen kuahiam kumpi khat a tapa a ding a kitenna ankuang lui tawh kibang ahi. 3 Tualeh kitenna ankuang luina a chialte sam dingin asilate asawl a amauh ahung painuam kei uhi. 4 Aman asila dangte asawl dok kik a: 'chialte kiang ah vapai unla, ngaiun, ka an kuang kamanta; ka bawngtalte leh ka gan vakthaute kagou a, bangkim amanta hi; kitenna ah hungpaita un!' vachi un achi hi. 5 Hinanleh amau’n ana limsak kei ua, khat alou ah, khat asum bawlna ah a paimangta ua, 6 Tualeh midangte'n asuakte aman ua, musittak in abawl ua, athatta uhi. 7 Hinanleh kumpipa in huabang thu ajaktak in aheh mahmah a, a galkapte a sawl a, hua tualthatte a hihmang a, tualeh akhuapi uh zong a hal sakta hi. 8 Tuachi’n aman asilate kiangah 'kitenna ankuang amanta, hinanleh ka chialte anetak ahikei uh, achi a 9 Tuajiakin kongjing ah pai unia, mi namuh taphot uh anne dingin hungchial un,' achi hi. 10 Tuachi'n hua silate apawt ua, kongiingte ah vapaiin amuh taphol uh misia mipha aun un a sarnkhawm ua; tuachi’n kitenna inndan sung michialte in ahung dimta hi.

11 "Hinanleh kumpipa a michialte en ding a a hunglut leh, kitenna puan silhlou mi khat amuta a. 12 Tuachi'n aman a kiang ah, 'Lawm, bangchidan ahia kitenna puan silhlou a hihsan a nunglut? achi a. Tuatakin amah adai dide a. 13 Tuachi’n kumpipa'n asilate kiangah, 'Akhut leh akengte kan unla, puakhia unla, pualam mial ah paikhia un, hua ah kahleh hagawina a om ding.' "

14 Ajiak, "Tampi sap ahi a, hinanleh tawmnou khat tel ahi uh," achi hi.

Siah thu a dokna

(Mrk. 12.13-17; Luk. 20.20-26)

15 Tuachi'n Pharisaite apai ua, athugen a mattheihna ding dan a kikum ua. 16 Tualeh amau'n a nungjuite uh leh Herod pawlte a kiangah asawl ua, huate'n a kiangah, "Siapa, midiktak nahi a, diktak in Pasian lam thu nahilh a, mi kuamah khawksak tuam na neikei chih ka thei uh; kuamah khentuam na neikei hi. 17 Huajiakin bangchi nasa a? Hung hilh in. Kaisar kiang a siah piak asiang hiam, sianglou?" achi ua.

18 Hinanleh Jesu'n a lungsim uh gitlouhdan pen athei a, "Milepchiahte aw! Bangding a hung ze-et nahi ua? 19 Siah dangka hung ensah un!" achi a,

Tuachi’n a kiangah makhai khat a hung tawi ua, 20 tuateh aman akiang uah, "Hih kualim leh kua laigelh ahia?" achi a.

21 Amau'n a kiangah, "Kaisar a," achi ua.

Tuachii’n aman akiang uah, "Kaisar silte Kaisar kiangah pia unla, Pasian silte Pasian kiangah pia un," achi hi.

22 Hih thute ajak un lamdang asa mahmah ua, amah apaisan ua, a paimangta uhi.

Thohidkna thu a dokna

(Mrk. 12.18-27; Luk. 20.27-40)

23 Huanimah in Sadukaite thohkikna a omkei chite a kiangah a hungpai ua. 24 "Siapa, Mosi-in mi taneilou a asihleh a sanggampa in azi aluah ding a, asanggampa a dingin chi akhahsak ding ahi, achi hi. 25 Tuin, kalak uah sanggam pasal sagih a om ua, a upapen in zi anei a, asita, chi akhahlouh jiakin azi asanggampa anutsiat a. 26 Huachimah bangin anihna zong taneilou in asi a, athumna in aluah a, sagihna tan in aneichiat ua. 27 Atawp in numeinu zong ahung sita hi. 28 Tuajiakin, thohkikna ah amahnu pen kua zi ahita diai? A un un lah a neichiat ngal ua," chi'n a dong ua.

29 Jesu'n a dawng a akiang uah, "Pasian Laisiangthou leh Pasian sil bawltheihna na theihlouh jiak un na hihkhialjel uhi! 30 Thohkikna ah kitenna a om nawnkei a, teng zong a kitengsak nawnkei uh, van a vanmite bang ahita uhi. 31 Hinanleh misi thohkikna ah: Pasian in na kiang ua agen simkha ngailou nahi uh hiam? 32 'Keimah Abraham Pasian, Isak Pasian, Jakob Pasian ka hi,' achih, chi in. Pasian jaw misi Pasian ahikei a, mihing Pasian ahi jaw," achi hi.

33 Tualeh mipite'n hih ajaktak un a thuhilhdan lamdang asa mahmah uhi.

Thupiak lianpen thu a dokiia

(Mrk. 12.28-34; Luk. 10.25-28)

34 HinanJeh Jesu'n Sadukaite aseljou chlh ajak un amau akikhawm ua, 35 tuachi'n alak ua dansiammi khat in amahze-et in thukhat a dong a, 35 "Siapa, danthu ah khoipen ahia thupiak lianpen?" chi in,

37 Jesu'n a kiangah, "'Toupa na Pasian na lungtang tengteng in, na kha tengteng in, na lungsim tengteng in na it ding ahi,' chih. 38 Hih thupiak masapen leh thupiak lianpen ahi. 39 Tualeh anihna zong hihbang mah ahi; 'Nangmah na kiit bangin na innvengte na it ding ahi,’ chih. 40 Hih thupiak nihte tungah danthu leh Jawlneite thujousiah a kikhaikhawm siang ahi,” achi hi.

Messiah thu a dokna

(Mrk. 12.35-37; Luk. 20.41-44)

41 Pharisaite akikhop lai un, Jesu'n amauh thu a dong a, 42 Krist hi bang chi'n na ngaihsun ua? Amah kua tapa ahia?" achi a, amau'n a kiangah,

"David Tapa," achi ua.

43 Aman akiang uah, "Ahihleh," bang chidan a "David in kha a amah, Toupa achih?"

44 “ ‘Toupa'n ka Toupa kiangah:

na melmate na kengphang

nualah kakoih masiah,

ka jiatlam ah tou in,'

chia Toupa achih ahia? 45 David in amah ‘Toupa’ achihleh, a tapa bang achi hihthei dial?" achi a.

46 Tuachi'n  kuamah  in  amah kamkhat in zong a dawngthei takei ua, huani a kipan in kuaman thudang mawng mawng a dong ngam nawn takei uhi.

Mathai 23

Jesu'n Laigelhmite leh Pharisaite a demna

(Mrk. 12.38, 39, Luk. 11.43, 46; 20.45,46)

1 Tuachi’n Jesu’n a nungjuite kiang leh mipite kiangah thu agen a. 2 "Laigelhmite leh Pharisaite Mosi touna ah atou uhi. 3 Huajiakin juihding chia hunghilh tapphot uh jui unla, bawljel un, hinanleh amauh silbawl bang bawlkei un; amau'n agen ua a bawltuan kei uhi. 4 Puakgik haksa taktak abawl ua mi liangkou ah, asuan ua, hinanleh amau'n lah akhut meleng khat un zong a khoihnuam kei uhi. 5 Hinanleh a silbawl jousiah uh mi muhding in ahi, abawl uh, a silbulhte uh leh a khipte uh abawl lian ua apuan mawngte uh atualsak uhi. 6 Tualeh ankuang luinate ah mun sangpente, kikhopna inn ah touna hoihpente bang adeih uhi; 7 tualeh van juakna munte lak a mi'n chibai abuk uh bang, tualeh mi’n Rabbi Rabbi, chia asap bang aut uhi. 8 Hilehzong noujaw 'Rabbi,' chih in om kei un, ajiak Siapa khat nanei ua, Krist ahi, tualeh nouteng sanggam khat nahi uhi. 9 Leitung ah kuamah 'pa,’ chikei un, na pa uh khat mai ahi, amah van ah a om. 10 Tualeh, ‘Siate’ chih in om kei un, sia khat nanei ua, amah Krist ahi. "Hinanleh nalak ua lianpenpa na sila un aom ding hi. 12 Tualeh kuapeuh a kiliansak tuh sukngiam ahi ding a, kuapeuh aki ngiamkhiat tuh tawisang in aom dine hi.

Jesu’n a lepchiahna uh siamlouh

(Mrk. 12,40; Luk. 11.39-42,44, 52:20.47)

13 "Hinanleh nou Laigelhmite leh Pharisai lepchiahte aw, na tung uh agik hi! van gam lampi mi dingin na khaksak ua noulah na luttuan kei ua. Mi alut dingte lah na lutsak kei ua. "Nou Laigelhmite leh Pharisai lepchiahte aw, na tung uh agik hi! Meithaite inn na negam ua, mi khemna in sawtpipi nathum ua, tuajiakin mawhna liansern natuak ding uhi.

15 "Nou Laigelhmite leh Pharisai lep- chiahte aw, na tung uh agik hi! Mi khat Juda biakna a siam ding in zong tuipi leh gam ah napai kimvel ua, tualeh na siam zoh chiang un, amah pen noute sangin alehnih in gawtmun ta in na bawljel uhi!

16 "Nou mittaw lamkaite! Kuapeuh Pasian tempul lou a kichiam bangmah ahikei a; 'hinanleh kuapeuh Pasian tempul a kham lou a kichiam in a tangtunsak ding ahi, chite aw, na tung uh agik hi!' 17 Nou mimaw leh mittawte! Kham leh kham siangthousak Pasian tempul khoipen thupijaw ahiam? 18 Tualeh kuapeuh maitam lou a kichiam bangmah ahikei a, hinanleh kuapeuh atung a silpiak om lou a kichiam in a tangtunsak ding ahi,’ na chi uhi. 19 Nou mimaw leh mittaw! Silpiak leh silpiak siangthousak maitam khoipen thupijaw ahiam? 20 Tuajiakin kuapeuh maitam lou a kichiam tuh, maitam leh atung a om tengteng lou a kichiam ahi; 21 kuapeuh Pasian tempul lou a kichiam tuh, Pasian tempul leh asung a tengpa lou a kichiam ahi; 22 tualeh van lou a kichiam jousiah, Pasian laltouna leh atung a toupa lou a kichiam ahi.

23 "Nou Laigelhmite leh Pharisai lepchiahte aw, natung uh agik hi i lou namsiate, lengmaselte, zirate sawm a khat napiajel ua, danthu poimoh jawte, diktatnate, hehpihnate, gin-omnatena limsak kei ua; hinanleh hihte ahi nabawl ding uh, adangte zong bawllou hituanlou in. 24 Nou mittaw lamkaite  aw! Thouvai khisiang a sangawngsau apum a valhmangte aw!

25 "Laigelhmite leh Pharisai lepchiahte aw! Na tung uh agik hi! Nou leh kuang pualam na silsiang ua, hinanleh asung lah nekgukna leh kisu'mlouhna in adim hi. 26 Nou Pharisai mittaw! Nou leh kuang sunglam silsiang masa un, apualam zong ahung sianthou theihna ding in!

27 "Laigelhmite leh Pharisai lepchiahte aw! Na tung uh agik hi! Han kinuhkang apualam kilawm tak a lang, asunglah misi guhte leh nin chiteng a dim bang nahi uhi. 28 Huachimah bangin nou zong pualam ah mihing mitmuh in diktattak in nalang ua, hinanleh na sunglam ulah lepchiahna leh gitlouhna in adim hi.

Jesu'n  athuakding thu a genkholhna

(Luk. 11. 47-51)

29 "Nou Laigelhmite leh Pharisai lep chiahte aw! Na tung uh agik hil Ajiak nou Jawineite han nabawl ua) tualeh midiktatte han zong najem uhi; so apu apate uh damlaia na om hile ung, Jawl neite sisan asuahna uah panglou ding hi ung a nachi uhi. 31 Huajiakin Jawlneite thatte tate nahi uh chih noumauh na kitheisak uhi! 32 Na pu na pate uh mohna tehna dan sungdim vanglak un! 33 Gulte aw, gulsuante aw! Bang chi’n ahia gawt mun siamlouh tanna na pelhtheih ding uh? 34 Huajiakin, ngaiun, na kiang uah Jawlneite, mipilte, Laigelhmite kung sawl ding; khenkhat nathat ding ua, kross ah na kilhden ding uh, tualeh khenkhatte na kikhopna inn uah najep ding ua, khuateng ah na soisa ding uhi. 35 Tuachi’n, midiktat Abel sisan kisuah a pat, Pasian tempul leh maitam kikal a Barakia tapa Zakaria nathah ua a sisan suah tanpha in leitung a midiktatte sisan kisuah jousiah na tung uah ahung tunlawh ding hi. 36 Adiktak in kung hilh ahi: hihsilte jousiah tulai

Jesu'n Jerusalem akahkhum

       (Luk. 13.34,35)

37  “Aw Jerusalem, Jerusalem, Jawlneite thattu, na kiang a kisawlte suang na denglumtu! Akpi'n anoute akhanuai a opkhum bang a ken zong natate uh bangzah vei opkhum ka turn a, hinanleh na utkei uhi! 38 En un! na innte uh ahawm a taisan in a ornta hi. 39 Kung hilh ahi, 'Toupa min a hungpaite ahampha nachih masiah uh, tuban nung munawn takei ding uhi,’ ”  achi hi.

Mathai 24

Tempul siatna ding Jesu'n a genna

1 Tuachi’n Jesu tempul a pat pawtkhia in apaita a; tualeh tempul kibawldante ensak dingin a nungjuit akiang ah ahung pai ua. 2 Tualeh Jesu' akiang uah, "Hih silte tengteng namu uh maw? Adiktak m kung hilh ahi: sukchi louh a suang kichiang mawng mawn hihsan ah nutsiat ahi kei ding," achi; adawng a.

Buaina leh gunthuakna

(Mrk. 13.3-13; Luk. 21.7-19)

3 Tualeh Olive mualtung a atoulai ii a nungjuite aguk in a kiangah a hungpa ua, "Hih silte bangchik chiangm ahun; om dia, nung paikik nang leh leitun; tawpna ding chiamtehna bang ahi dii hunghilh in," achi ua.

4 Tuachi’n Jesu'n adawng a akiang ual "Mi kuamah in ahung khemlouhna dingil pilvang un. 5 Mi tampi’n, 'Krist ka hi" chi’n ka min in a hungpai ding ua, mi tampi akhemjou ding uhi." 6 Tualeh kidou leh kidou thuthang naja ding ua, na mangbatlouhna ding un pilvang un, hih silte ahung om ding mawng ahi; hinanleh atawpna ahinai kei ding. 7 Namtuam leh namtuam gamtuam leh gamtuam, a kidou ding ua tualeh mun tuamtuam ah kial atung ding a; natna hi aleng ding a, mun tuamtuam ah jin aling ding. 8 Hihte tengteng nausuak nat bang a gentheihna kipatna ahi nalai hi."

9 Huahun chiang in gimthuak dingin ahung mansak ding ua, ahung that ding uh; tualeh kamin jiakm namjousiah huat nahi ding uhi. 10 Huahun chiangin mi tampi apuk ding ua, a kimansak tuah ding ua, a kihua tuah ding uhi. 11 Tuachi' n Jawlnei taklou tampi a hungpawt ding ua, mi tampi a khemjou ding uhi. 12 Tualeh gitlouhna a hungpung ding jiakin mi tamjaw itna ahung dai ding. 13 Hinanlehh kuapeuh atawp dong a thuakjoute pen hundam in aom ding. 14 Tualeh hih kumpi gam tangthupha nam jousiah theihsakna dingin leitung pumpi ah hilh in aom ding; tuazoh chiangin tawpna a hung om ding hi.

Gimthuakna thupi

(Mrk. 13.14-23; Luk. 21.20-24)

15 "Tuajiakin buahsaktu 'kihdakhuai' Jawlnei Daniel in anagen mun siangthou a ding na muhchiang un," (asimkhajou- siahin theisiam uhen!) 16 "Huachih hun chiangin Judea gam a ornte mual ah tai uhen. 17 A inntung a ornte a innsung a banghiam lading in hung kumsuk kei uhen. 18 Tualehh loua om zong apuante lading in hungkik kei uhen. 19 Tualeh huani chiangin agaite leh naungek neite tung agik hi! 20 Hinanleh na taimang hun ding uh phalbilai hiam nipilai hiam ahihiouhna dingin thum un! 21 Huahun chiangin gimthuakna thupitak ahung om ding a, hichibang gimthuakna thupi leitung pianchil a kipan tunitan in a omngai kei a; om zong a omnawn kei ding hi. 22 Tualeh hih nite suktom hikeileh, mihing kuamah dam in asuakta kei ding; hinanleh telte jiakin huani suktom ahi ding."

23 "Huahun chiangin kuapeuhin na kiang uah, 'En in! hiah Krist a om!' ahihkeileh 'Huah a om!' achih uleh taksan kei un. 24 Krist taklou leh Jawlnei takloute a hungpawt ding a, mikhem nang in chiamtehna thupi leh sillamdang taktak ahung ensak ding ua, ahihtheih liai leh telte nangawn zong ahung khem ding uhi. 25 Ngaiun!! Ama in kung hilhkholhta ahi.

26 "Tuajiakin, na kiang uah, 'En un! gamdai ah a om" achih uleh, pawt kei un; ahihkeileh, 'En un, inndan ah a om!' - achih uleh taksan kei un. 27 Suahlam a kipan a tunphe ahung a tumlam tan a asalh bangin, Mihing Tapa a hungpai chiangin zong huachi bangding ahi."

28 “Sapul omna teng ah langta a om ding hi”.

Milling Tapa hungpai na

(Mrk. 13.24-27; Luk. 21.25-28)

29 "Hua gimthuakna nite zoh chiangin, ni ahung mial ding a, kha avak nawn kei ding a; van a pat in aksite hungkia ding a, tualeh vantung silbawl theihnate a kiling ding hi. 30 Tuahun chiangin Mihing Tapa chiamtehna van ah a hunglang ding a, tuatak chiangin leitung a nam jousiahin asu'n ding tualeh Mihing Tapa sil bawlltheihna leh gualzohna thupi tawh van meipi tung a hungpai amu ding uhi. 31 Tualeh aman vantungmi pengkul ging ngaihtak tawh sawlkhia ding a, amau'n atelte lei ningli a kipan, van tawp a kipan alehlam tanpha in akhawm ding uhi.

Theipi kung a gentehna

(Mrk. 13.28-31; Luk. 21.29-33)

32 "Tuin theipi kung a kipan hih gentehna jil un: aba ahung meng a, ateh ahung ahungsel chiangin, doupi anai chih nathei uhi. 33 Huachimah bangin, nou zong hi silte tengteng na muhchiang un, anaita a, kotbul mahmah ah a omta chih thei un. 34 Adiktak in kung hilh ahi, hih sil atunkim masiah tulai khangthakte amang. 35 Van leh lei amang ding a hinanleh ka thu amang kei ding hi.

Kivengjing a om akulna

(Mrk 13.32-37: Luk. 17.26-30,34-36)

36 "Hinanleh huani leh hun ding pen van a vantungmite in zong theilou, Tapa in zong theilou, ahihhang in Pa bek in athei hi. 37 Hinanleh Noah damlai bangin mihing tapa hung paikikna zong ahi ding hi. 38 Tuijin tun mateng in, Noah gunkuang a alutni tan in ane un, adawn ua, zi leh pasal in akinei uhi. 39 Tualeh tuijin atun a, aun ua atawhmang masiah bangmah atheikei uhi. Mihing Tapa hung paikikna zong huachimah bang ahi ding hi. 40 Huahun chiangin lou ah pasal mi nih a om ding ua, khat lakmang in a om ding a, khat nutsiat in a om ding.  41 Numei nih sumphung ah ansu in a om ding ua, khat lakmang in a om ding a, khat nutsiat in a om ding hi. 42 Tuajiakinn kiging un, bang hun in ahia na Toupa uh a hungpai ding chih na theihlouh jiak un. 43 Hinanleh hih thei un: inn neipa'n guta hungpai hun ding theileh, aveng ding a, a inn aluhsak kei ding hi. 44 Tuajiakin nou zong kiging zingin om un, na gintatlouh laitak un Mihing Tapa a hungpai ding hi.

Sila gin'orn leh gin-omlou gentehna

(Luk. 12.41-46)

45 "Tualeh apu in ahunteng a atan ding uh hawmsak ding a a inkuanpihte tung a vaihawm a akoih sila muanhuai leh piltak kuapen ahita diam le? 46 Apu a hungpai chiang a sila huachibang a bawl ahung muh, hua silapa ahampha hi! 47 Adiktak in kung hilh ahi, aman aneih jousiah tung a thunei dingin abawl ding hi. 48 Hinanleh sila gilou in a lungsim in, Ka pu ahung paizok kei ding chi in, 49 a silapihte na vuata henla, uain kharnte kiangah ne-in dawn in na om taleh. 50 Hua silapa pu agintat louhni, a kivenlouh laitak in a hungpai ding a. 51 Tualeh amah tunnih asuah ding a, milepchiahte tan bangbang a tangsak ding a, huasan ah kahleh hagawina aom ding hi.

Mathai 25

Moulawm nungak sawm gentehna

1 “Huahun chiangin van gam pen nungak siangthou sawm a meivak uh tawia mouneipa dawn ding a pawtkhiate tawh teh ahi ding. 2 Alak ua mi-ngate apil ua; adang ngate amaw uhi. 3 Amawte'n ameivak uh akeng ua, thautui a kengkop kei uhi, 4 Hinanleh apilte'n ameivak utawh abawm ah thautui zong a kengkop uhi. 5 Mouneipa ahung zekai jiakin aun un a lusu ua, ana ihmuta uhi,

6 "Tualeh ja'nkim laiin, 'Ngaiin, mouneipa hungpai hi! A dawn ding in pawtkhia un! chia kikou ging a omta a. 7 Tuatakin nungak siangthoute athou ua, ameivak uh adeta ua. 8 Tualeh amawte'n apilte kiangah, 'Na meivak tui uh themkhat hung hawm un, ka meivakte uh mit ding ahita,' achi ua. 9 Hinanleh apilte' n adawng ua, 'Kou leh nou dingin a kiching kei ding, ajuakte kiangah pai unla leijaw un,' achi ua, 10 Tualeh amauh alei ding a apaikhiat kal un mouneipa a hungpaita a; tualeh kigingsa a na omte amah tawh moulopna inn ah a lutkhawmta ua; tuachi'n kot a kikhakta hi.

11 "Huanung in nungak siangthou dangte zong a hungpai ua, "Toupa, Toupa! kot hunghon in!' achi ua. 12 Hinanleh aman adawng a, 'Adiktak in kung hilh ahi!' Nou kungthei khakei, achi hi."

13 Tuajiakin, "Kiging un mihing Tapa hungpai ding ni leh ahun na theihlouh jiak u."

Talent gentehna thu

(Luk. 19.11-27)

14 Van gam pen mi khat in asilate samkhawm a asilneih jousiah akiang ua kemsak a, khual gamlapi a zinmang tawh kibang ahi. "Tualeh aman asila khat kiang ah talent nga, adang khat kiang ah talent nih, tualeh asila dang khat kiang ah talent khat apia a, amau bawltheih khom chingchiat tawh kijui in apia a, amah khual azinta hi. 16 Tuachi'n talent nga ngahpa paiin summet avabawl a, talent nga dang ava metsak beh hi. 17 Tuachimah bang in talent nih ngahpa in zong talent nih dangmah ametsak beh a. 18 Hinanlehh talent khat mupa apai a lei atou a, apu dangka avaphualta hi.

19  "Hun sawtpi nungin hua silate pu a hungtungta a, amauh tawh sum a sutuakta hi. 20 Tuachi'n talent nga ngahpa a hungpai a, talent nga dang ahung tawi a, 'Pu, nang talent nga nung kemsak a, En-in! Talent nga dang ka munbeh hi,’ achi a. 21 Apu in a kiang ah, sila hoih leh gin-om, na bawlhoih hi; sil tawmnoukhat tung ah na gin-orn a, sil tampi tung a thunei in kung bawl ding 'hi; napu kipahna ah lut in! achi hi. 22 Talent nih ngahpa zong a hungpai a, 'Pu, nang talent nih nung kemsak a, En-in! Talent nih dang ka muhbeh hi,' achi a. 23 Apu in a kiang ah, 'Sila hoih leh gin-om, na bawlhoih hi! Sil tawmnoukhat tungah na gin-om, sil tampi tung a thunei in kung bawl ding, napu kipahna ah lut in!' achi hi. 24 Tuachi’n talent khat ngahpa a hungpai a, 'Pu, mi giloutak nahi chih kungthei a; na tuhlouhna ah na at a, na thehlouhna ah zong na khawm khawm hi. 25 Tuajiakin kunglau a, ka vapaia na talent leinuai ah ka vaphual a; En-in! Hiah nang a mah na muldkta hi,’ achi hi. 26 Hinanleh apu in a kiang ah, 'Nang, sila gilou leh thadah! Ka tuhlouhna ah ka at a, ka thehlouhna ah ka lakhawm jel hi, chih nathei maw? 27 Tuachi’n ka dangka sumsinte kiangah na vakoih ding a, kungpai chianga kei a pen amet tawh ka muh ding hilou maw. 28 Tuajiakin a talent a kiang a pan laksak unla, talent sawm neipa kiang ah pia un. 29 Kuapeuh aneite piakbeh ahi ding a, tamsern a hungnei ding; hinanleh kuapeuh aneiloute aneihsun nangawn laksak ahi ding hi. 30 Tualeh sila phatuamlou tuh pualam mial ah paikhia un, huasan ah kah leh hagawina aom ding hi,’ achi hi.

Vaihawmna nunung

31 "Mihing Tapa a vanmi siangthoute tengteng tawh a thupina a kivon a a hungpai hun chiangin, a thupina laltouna ah atou ding a, 32 amai ah namchih a kikhawm ding ua; belam chingpa'n kei lak a a belamte a khenkhiat bangin, amauhte a khenkhia ding. 33 Tualeh belamte ajiatlam ah akoih ding a, hinanleh kelte aveilam ah akoih ding. 34 Huahun chiangin kumpipa'n ajiatlamate kiang ah, 'Nou ka Pa deihsakte aw, hungpai unla, leitung kisiam chil a pat a noua ding a gam bawlsa luah un. 35 Ka gil akial in nek ding nung pia ua, ka dang atak in dawn ding nung pia uh, mikhual ka hih in nung jintun ua, 36 guaktang ka hih in puan nung silhsak uh; ka damlouh in nungveh ua, thong a ka om in ka kiang ah nungpai uh,' achi ding. 37 Huahun chiangin mi diktatte'n, 'Toupa bangchik in ahia gilkial a kungmuh ua an kung piak uh, bangchik in ahia dangtak a kungmuh ua dawn ding kung piak uh? 38 Bangchik in ahia mikhual nahih kungmuh ua kung zintun uh? Guaktang a kungmuh ua puan kung silhsak uh? 39 Bangchik in ahia china in hiam, thong ah hiam kungmuh ua na kiang a kungveh uh?’ achi ding ua. 40 Kumpipa'n akiang uah, 'Adiktak in kung hilh ahi, hih ka sanggamte lak a neupen khat tung a nabawl uh keitung a bawl nahi uh, achi ding!'

41 "Tua zohchiang in aman aveilama omte kiang ah, 'Nou hamsiat thuakte kakiang a pat paimang unla, tangtawn mei, dawi leh a sawltakte ding a bawl ah lut un! 42 Ka gil akial in an nung piakei ua, kadang atak in dawn ding nung piakei uh; 43 mikhual kahih in nung zintun kei uh; guaktang kahih in puan nung silhsak kei ua; china leh thong a ka om in nungveh kei uh,’ achi ding. 44 Tuachiang in amau'n zong adawng ding ua, 'Toupa, bangchik in ahia gilkial in hiam, dangtak in hiam, khualzin in hiam, guaktang in hiam, damloua na om in hiam ahihkeileh thong a na om kungmuh ua, kung donlouh uh?' achi ding uhi. 45 Tuachiang in aman adawng ding a akiang uah, ‘Adiktak in kung hilh ahi, hih mineupente lak a khat tung a na bawllouh uh katung a bawllou na hi uh,' achi ding. 46 Tualeh hihte tangtawn gawtmun ah alutta ding ua, midiktatte tangtawn hinna ah alutta ding uh," achi hi.

Mathai 26

Jesu thah ding sawmna

(Mrk. 14.1, 2, Luk. 22.1, 2; Jhn. 11.45-53)

1 Tualeh hichi ahung hi a, Jesu'n hihthu tengteng a genzoh in a nunjuite kiang ah 2 “Ninih zoh chiangin paikan ankuang luina ahung om ding ahi, tualeh Mihing Tapa kilhden ding a matsak in aom ding hi, chih nathei uhi," achi hi.

3 Tuatakin siampite leh Laigelhmite, vantang upate siampi lianpen Kaiapha achih uh inn ah a kikhawm ua, 4 tualeh Jesu lungsim a bawl a, man a a thahtheihna ding un akihou ua. 5 "Hinanleh ankuang lui ni-in hihdah heh, ahuachih keileh mipi lak ah buaina ahung om khading," achi uhi.

Bethani a Jesu thaunuhna

(Mrk. 14.3-9; Jhn. 12.1-8)

6 Tualeh Jesu Bethani khua a miphak Simon inn a aom lain, 7 Numei khat Alabastar bawm a sathau namtui mantam tak tawiin a kiangah a hungpai a, dohkan a atoulai in, a lutung ah a hungbuak hi. 8 Hinanleh a nungjuite'n hih amuhtak un, aheh ua, "Bangding a namawk sukthelthang a hiam?" 9 "Hih sathau mantam juak a mijawngte kiang a piaktheih ahi!" achi ua.

10 Jesu'n hih atheih in akiang uah, "Bangding a hih numei subuai nahi ua? Amahnu'n ka tung ah silhoihtak abawl hi. 11 Mijawngte na kiang uah a omjing ua, hinanleh kei na kiang uah omjing ka hikei hi. "Hih thau namtui katung a abuak pen, vuia ka omni a ding a abawl ahi, 13 Adiktak in kung hilh ahi, khoirnun peuh ah, leitung pumpi ah hih tanghupha akigenna teng ah hih numeinu silbawl zong amah theihjingna dingin agen jel ding uhi,’’ ach hi.

Juda gin-omlouhna

(Mrk. 14.10, 11; Luk. 22.3-6)

14 Tuanung in sawmiehnihte lak a khat Juda lskariot achih uh siampite kiang ah avapai a "tualeh akiang uah "Amah na kiang uah hung piakhia leng nou kei bang nung pia ding ua?" avachi a, tualeh amau'n dangka sawmthum piak akharnta ua. 16 Huanung siah amah matsak nang lemtang a zongta hi.

Jesu'n a nungjuite tawh paikan an ane uh

(Mrk. 14,12-21; Luk 22.7-13,21-23; Jhn. 13.21-30)

17 Tanghou tol sawhlouh ankuang luini masapen in, nungjuite Jesu kiang ah a hungpai ua, "Paikan ankuang lui nekna dingin khoiah hung bawlsak le ung na ut ei?" achi ua.

18 Tuachi'riaman, "Khuapi ah pai unla, mi khat kiangah: 'Siapa'n ka hun anaita a, ka nungjuite tawh na inn ah paika'n ankuang ka nekhawm ding uh achi hi, vachi un,' " achi a.

19 Tuachi'n a nungjuite'n Jesu'n akiang ua ahilh bangin abawl ua, paikan ankuang a bawljouta uhi.

20 Tualeh nitak lam a hunghih in nungjui sawmlehnihte tawh an a im ua. 21 Anek laiun aman, "Adiktak in kung hilh ahi, nalak ua mi khat in kei ahung mansak ding hi," achi hi.

22 Tuatakin amauh a lungkham mahmahta ua, aban ban in akiang ah, "Toupa kei kahi hiam?" a chichiat ua.

23 Tualeh aman adawng a akiang uah, "Ankuang hung sawkpihpa in kei ahung mansak ding hi. 24 Mihing Tapa a tanchin kigelh bang jel in apai ding hi, hinanleh Mihing Tapa mansak ding pa tung agik hi! Huapa piang kei leh amah a dingin ahoihjaw ding hi!" achi hi.

25TuachFn amansak dingpa Juda in adong a, "Siapa keimah ka hi hiam?"

achi hi.

Aman a kiangah, "Nang man na chita hi," achi hi.

Toupa nitak an

(Mric. 14.22-26; Luk. 22.14-20; I Kor. 11.23-25)

26 Tualeh anek laiun, Jesu'n tanghou ala a, gual ajawl a, abalkek a; tuachi'n

nungjuite kiangah apia a, "La unla ne un, hih ka taksa ahi," achi a.

27 Tuazoh in aman nou ala a, kipahthu agen a, a kiang uah apia a, "Na un un, dawn un," 28  “Khialhnate ngaihdamna ding a mi tampi a ding a pawt, hih ka sisan a thukhunthak ahi," achi hi. 29 Hinanleh kung hilh ahi, ka Pa gam a nou tawh ka dawnni  atun masiah tuban hih grepgah tui ka dawnnawn kei ding, achi hi. nil KB aawimawn Kei Qing, acni

30 Tualeh la asak zoh un apawt ua, Olive mual ah apaita uhi.

Peter kitheihmoh bawl nang genkholhna

(Mrk. 14.27-31; Luk. 22.31-34; Jhn. 13.38)

31 Tuachi’n Jesu’n akiang uah, "Tu chiangin na un un ka tungthu ah lungkia in na omsiang ding ua; 'Belampu ka ding a, belam honte a kithehjak din; chih gelh ahi.' 32 Hinanleh ka thokhkik zohnung chiangin, Galili gam ah na namai uah ka pai ding," achi hi.

33 Peter in adawng a, akiang ah, "Mi jousiah na tungthu ah lungkia in om nanle uh, kei pen lungkia in ka om kei ding!" achi hi.

34 Jesu'n a kiangah, “Adiktak in kung hilh ahi, tuja'n chiangin, ak khuan ma in thumvei nung kitheihmoh bawl ding” achi hi.

35 Peter in a kiang ah, "Nang tawh sikhawm ding hinanleh zong kung kitheihmoh bawl kei ding hi!" achi a.

Huachimah bangin nungjmte jousiahin zong a chichiat uhi.

Jesu'n Gethsemani huan ah athum

(Mrk, 14.32-42; Luk. 22.39-46)

36 Tuazoh in Jesu amauhte tawh munkhat Gethsemani achih un atung ua, tualeh a nungjuite kiangah, “Pa'm a ka vathum kal in hiah nanatou un,” achi a. 37 Tualeh aman Peter leh Zebedi tapate nih azohpih a, lungkham in ahung mangbang mahmahta hi. 38 Tuachi’n aman akiang uah, "Ka kha a lungkhai mahmah a, sihna khop hial ahi. Hiah om unla hung venpih un," achi hi.

39 Aman themkhat avapai gamla deuh a, khupbok in a thum a, "Pa aw ahihtheih liaileh hih nou in hungpel hen! Ahihhangin kei deihna bang hilou in nang deihna bang hijaw hen," achi hi.

40 Tuachi’n amah nungjuite kiangah a hungpai a, amauhte ihmu in amu a; Peter kiangah, "Bangchi, nou dakkal khat sung zong hung venpih zoulou nahi uh maw? 41 Khemna a na lutlouhna ding un kiveng gige in thum un; kha injaw a ngap a, hinanleh taksa pen ahatkei hi," achi a.

42 Anihveina ding in ava paikhia kik a, athum a, "Pa aw, hih nou ka dawn louh a, hung peltheilou ahihleh, nadeih lam kibawl hen," achi a. 43 Tualeh amah a hungpai a, amauhte ihmu in a mukik a, a ihmut uh asuak sengseng jiak in.

44 Tualeh amauhte nusia in avapai kik a, athumveina ding in ava thum kik a, agen ngaiteng mah agen hi. 45 Tuakhit in amah a nungjuite kiangah a hungpai a, akiang uah, “Noute ihmu lailai a tawlnga lailai nahi uh maw? En un! Ahun a hungtungta, Mihing Tapa mikhialte khut a matsak in aom ding. 46 Thou un, ipai ding uh; En un, kei hung mansak dingpa a hungtungta hi!" achi hi.

Jesu mat a omna

(Mrk. 14.43-50; Luk 22.47-53; Jhn. 18.3-12)

47 Tualeh aman hihthu agen laiin, en-in, sawmlehnihte lak a khat, Juda; siampite leh upate kiang a kipan mipi thupitak namsau leh khetbuk tawite tawh a hungpai a. 48 Tualeh amansak ding pa in amauh chiamtehna ahilh masa a: "Ka tawp penpen amah ahi ding hi. Amah man un!" chi-in.

49 Tuachi'n amah kintakin Jesu kiangah avapai a, "Chibai, Siapa," chi’n atawp a.

50 Tualeh Jesu'n a kiangah, "Lawm, bang ding a hungpai nahia!" achi a. Tuahi'n Jesu tungah khut akha ua, amanta uhi. 51 Tualeh ngaiin, Jesu ompihte lak a mi khat in akhut in asawk a a namsau adokkhia a, siampi silapa asat a, abil a satkhiatsak hi. 52 Tuachiah Jesu'n a kiang ah, "Na namsau akoihna ah koih in, Namsau zangmi namsau in asi ding hi, 53 Tuin zong vanmite sangguk mun sawmlehnih sang a tamjaw hung sawlsak dingin ka Pa kiang a ngen theilou hungsa nahi uh hiam? 54 Hinanleh tuabang hitaleh Laisiangthou bangchi'n ahia ahung tangtuntheih ding?" achi hi.

55 Tuahun mah in Jesu'n mipite kiangah, "Guta man ding bangin namsau leh khetbuk tawiin kei man dingin nung pawt uh maw? Niteng in tempul ah noutawh thuhilh in katou a nungman kei ua. 56 inanleh Jawineite Laisiangthou thute ahung tangtun theihna ding a hihte jousiah hung om ahi," achi hi.

Tuakhit in nungjuite tengteng in a nusia ua, a taimangta uhi.

Vaihawmpawl mai ah Jesu

(Mrk. 14.53-65; Luk. 22.54, 55, 63-73; Jhn. 18.13,14,19-24)

57 Tualeh Jesu mante'n amah siampi Kaiapha inn a Laigelhmite leh upate kikhopna ah apaipih ua. 58 Hinanleh Peter in siampi inn dong in gamlatak in amah ajui a, avalut a, atawptan theihsawm in silate lak ah avatou hi. 58 Tuachi'n siampite leh upate leh vaihawmmite jousiahin Jesu a thahtheihna ding un, theihpihtu diklou a zong ua; 60 hinanleh arnukei uhi, theihpihtu diklou tampi hungpai nanle uh amutuan kei uhi. Atawp in theihpihtu diklou nih a hungpai ua 61 "Hihpa'n 'Pasian tempul hihsia in nithum sung in lamthakthei ka hi achi hi,' " achi ua.

62 Tualeh siampi a dingdok a, "Nang bangmah a dawnglou ding maw? Hihte hung hekna bang chidan ahia?" achi hi. 63 Hinanleh Jesu daidide in a om a, tua tak in siampi in a kiang ah, "Pasian hing min in kungvau ahi: Pasian Tapa Krist nahihlleh hihlouh hunghilh in," achi hi.

64 Jesu'n a kiang ah, "Na chita hi. Hinanleh kung hilh ahi: tunung chiangin Mihmg Tapa silbawltheihna jiatlam a tou leh van meipi tunga hung pai na mu ding uhi!" achi hi.

65 Tuachi'n siampi in apuan a botkek a, "Pasian agensia hi! Theihpihtu dang bang i poimoh lai dia! Ngaiun Pasian agensiatna tuin naja uhi! achi hi. 66 Bang na chingaih ua?" achi a.

Amauhte'n adawng ua, a kiangah “Sitak ahi,”  achi uhi.

67 Tuachi’n amaiah chil aphih ua; a khuttum un atum ua, khenkhat in a khutphang ua beng in,  68 Nang Krist! Hunghilh in kua ahia hungbeng!" achi uhi.

Peter in Jesu a ldtheihmoh bawina

(Mrk. 14,66-72; Luk. 22.56-62; Jhn. J8.J5-J6,25-27)

69 Tualeh Peter pualam ah huangsung ah atou a; nungak khat a kiangah a hungpai a, "Nang zong Galilimi Jesu tawh lawikhat nahi," achi a.

70 Hinanleh aman, "Na thugen ka theikei chi'n a un ua amai uah theimoh akipang a." 71 Tualeh innlim a avapawt khiat tak in nungak dang khat in amah ana mu a, huamun a omte kiangah, "Hihpa zong Nazareth Jesu kiang a om ahi," achi a.

72 Hinanleh aman, "Hihpa ka theingai kei achia, kichiam in a kitheihmoh bawl kikta hi!"

73 Tualeh tomkhat zoh in huamun a dingte a hungpai ua Peter kiangah, "Nang zong alak ua mikhat hi ngel teh, na ham in akithei hi!" achi ua.

74 Tuachi'n aman, "Hihpa ka theingai kei! chi’n hamsia kiloh in a kichiarnta hi!"

Tuatakin ak ahung khuangpaita hi. 75 Tuatakin Peter in Jesu thugen, "Ak khuanma in nang thumvei nung kitheihmoh bawl ding, achih ahung theikhiata a." Tuachi’n pualam ah apawt a, akap ngutngutta hi.

Mathai 27

Pilat khut a Jesu piak khiatna

(Mrk. 15.1; Luk. 23.1, 2; Jhn. 18.28-32)

 1 Jingsang ahunghih in siampite leh vantang upate jousiah Jesu thahna dingin a kihoukhawm ua. 2 Tualeh amah ahenkhit un apaipih ua, gam ukpa Pontia Pilat kiangah a piakhiata uhi.

Juda sihna

(Nst.1.18,19)

3 Tuachi’n Juda, a mansakpa in Jesu siamlouh a tangsak uh chih a theihtak in a kisik a, daan dangka sawmthum pen siampite leh vantang upate kiangah ahung nungtawi a. 4 "Midik sisan kakhok pen sil kana bawlkhial hi!" achi hi.

"Tua koutawh bang kisai ahia? Na  lawhlawh kilawh ve!" achi uhi.

5 Tuachi'n aman daan dangka sawmthum pen tempul sung ah apailut a, apawt a, paiin ava awklurnta hi.

6 Hinanleh siampite'n daan dangka pen ala ua, "Sisan man ahihjiak in hihpen thohlawm bawm a koih asiang kei," achi ua. 7 Tualeh amauh a kihoukhawm ua, khualzinmite vuina dingin hua sum in bel khengpa lou aleita uhi. 8 Tuajiakin tuamun pen tunitan in sisan mun achi uhi.

9 Tuachi’n Jawlnei Jeremiah thugen: "Israeltate lak a kuate hiam in ana saksa uh amah man ding daan dangka sawmthum pen alata ua, 10 Toupa'n a hunghilh bangin belkhengtu mun man dingin apia uh," chih ahung tangtungta hi.

Jesu Pilat mai ah

(Mrk. 15.2-5; Luk. 23.3-5; Jhn. 18.33-38)

11 Tuachi’n Jesu gam ukpa maiah ading a, tualeh gam ukpa' n, "Judate kumpipa nahi hiam?" chi-in adong a.

Jesu'n a kiangah, "Na gen bangbang m himah ing," achi hi. 12 Tualeh siampite leh vantang upate'n amah aheklai un, aman bangmah in adawng kei hi,

13 Tuachi'n Pilat in a kiang ah, "Ahung hekna tengpi uh zalou nahi maw?" achi hi.

14 Hmanleh aman karnkhat in zong a dawng kei a, tuachi’n gam ukpa' n lamdang asa mahmah hi.

Jesu thah ding in thu atan uh

(Mrk. 15.6-15; Luk. 23.13-25; Jhn. 18.39-19.16)

15 Tualeh paikan ankuang luini chiang a gam ukpa'n thongkia khat mipite'n atel penpen uh a khahkhiat jel ahihdan ngaina ahi hi. 16 Tualeh huahun laitak in Barabba kichi thongkia minthang tak khat a om hi. 17 Huajiakin amauh ahung kikhop tak un, Pilat in akiang uah, "Kua hung pawtsak leng na ut ua? Barabba maw? Jesu Krist kichi?" achi hi. "Ajiak hazat man a Jesu ama khut a pia uh ahi, chih aman athei hi.

19 Tualeh vaihawmna touna a atoulai in, azi-in a kiangah mi asawl a, "Hua midik tung ah bangmah bawlken, tunin amah jiakin kamang in sil tampi kathuak hi," ava chisak hi. '

20 Hinanleh siampite leh vantang upate'n Barabba nget a Jesu hihlum ding a ngen ding in mipite akhem ua. 21 Gam ukpa'n adong a akiang uah, "Hih nih tegel lak a kuapen hung khahkhia leng na ut ua?" achi a. A mau'n, "Barabba!" achi uhi,

22 Pilat in akiang uah, "Ahihleh Jesu Krist kichi bang kalawh diai?" achi a, aun un akiang ah, "Kross ah kilhden in om hen!" achi ua.

23 "Bangding inla? Aman bang bawlkhial anei a?" achi a. Amau'n, "Kross ah kilhden in om hen!" chi-in ngaihjaw sem in akikou uhi.

24 Pilat in bangmah lawh theihlouh leh buaina semsem hiding ahi chih amuhtak in, tui ala a, mipi mai a akhut sil in, "Hih midik sisan ah mawhna ka neikei! Nou na lawhlawh kilawh un!" achi hi.

25 Tuachi'n mipijousiahin adawng ua, "A sisan mawh koute tung leh ka tate uh tung ah om hen!" achi ua.

26 Tuakhit in aman Barabba akiang uah a khahkhiata a, tualeh Jesu ajepzoh in kross a khailup dingin a piakhiata hi.

Galkapte'  Jesu anuihsan tih

(Mrk. 15.16-20; Jhn. 19.2, 3)

27 Tuakhit in gam ukpa galkapte'n Jesu kikhopna innpi sung ah alutpih ua, galkap jousiah akim ah ahung kikhawm ua. 28 Tualeh amauhte'n apuan asutkhiat sak ua, puan sandup asilhsak uhi. 299 Tualeh linglukhu aphan ua, akhusak ua, akhut jiatlam ah pumpeng chiangkhut atawisak ua, tualeh amai a khupdin in akun ua, "Chibai Judate kumpipa!" chi'n chiamnuih bawlnan anei uhi. 30 Tualeh atung ah chil asiat ua, pumpeng chiang alaksak ua, alu satnan anei uhi. 31 Tualeh amah chiamnuih bawlna a aneihzoh un, puansandup asutkhiat sak ua, ama puante asilhsak ua, kross a kilhden dingin a paipihta uhi.

Jesu kilhden a omna

(Mrk. 15.21-32; Luk. 23.2&-43; Jhn. 19.17-27)

32 Tualeh ahung pawtdok uleh Kurini mi amin Simon kichi mikhat amu ua, amah kross puading in aman uhi.  33 Tualeh Golgotha kichi mun a hungtun un, "Hua pen luguh mun chihna ahi." 34 Amauhte'n uain silkha tawh kihel dawn ding in apia ua, aman achep takin a dawnnuam kei hi.

35 Tualeh kross a akilhden khit un, aisan in a puansilhte akihawm ua; Jawlneiin, Amau'n ka puante a kihawm ua, ka puan-ak tual tung ah ai asan uh, chia anagen atangtun na ding in. 36 Huamun ah atou ua, avengta uhi. 37 Tualeh ahekna, "HIH JUDATE KUMPIPA JESU AHI," chia gelh alutung ah atak uhi. 38 Tualeh amah tawh suamhat nih zong akilhden ua, ajiatlam ah khat aveilam ah khat.

39 Tualeh mi vaklehte'n  alu uh lawhkhum in a enghou uhi. 40 'Nang tempul hihsia a nithum sung a lamkik dingpa! Nang leh nang kihunkhia tanla Pasian Tapa nahihleh! Kross a pan hung kumkhia in!" achi ua.

41 Tuachimah bangin siampite'n enghou in Laigelhmite leh upate tawh: 42 "Aman midangte a hundam a; amah leh amah a ki hundamthei kei. Israelte kumpipa ahihleh kross dawn a pat hungkumta henla? Tuahileh igingta mai ding uh! 43 Aman Pasian amuang vele: ama deih ahihleh tuin hunkhiata henla, Pasian Tapa ka hi achi vele!" achi ua.

44 Hua suamhatte aman tawh cross a akilhdente un zong huachimah bangin a enghou uhi.

Jesu sihna

(Mrk. 15.33-41: Luk. 23.44-49; JhiL 19.28-30)

45 Dak gukna pan dak kuana dongin gamsung pumpi ah khim ahung ji'nga. 46 Tualeh dakkua tuam in Jesu aw ngaihtak in akikou a, "ELOI, ELOI, LAMA SABAKTHANI?" achi hi, tuapen "Ka Pasian, ka Pasian bangding a hung taisan?" chihna ahi.

47 Akiang a ding mi khenkhatte'n tua ajaktak un, hihpa'n, "Elijah sam ahi!" achi ua. 48 Alak ua mikhat kintakin avataipai a sponzi ala a grep tuithuk ah adiah a, pumpeng dawn ah atak a, adawnsak tou hi.

49 Midangte'n, "Huachisak in, amah hundam dingin Elijah a hungpai ei enni!" achi ua. 50 Jesu aw ngaihtak in a kikou kik a, akha akhahta hi.

51 Tualeh ngaiin, tempul puanjak a tunglam a pan in a nuailamtan in keknih ahung kisuah a; jin ahung ling a, suangpite ahung pokkek a, 52 tualeh hante ahung kihong a; misiangthou sisate pumpi tampi kaithoh in a ornta uhi. 53 Tualeh ama thohkik nung in hante a pat hung pawtdok in khuapi siangthou ah alut ua, mi tampi kiang ah akilak uhi.

54 Tuachi'n galkap zalamkai leh akiang a Jesu veng a omten jinling leh sil hung omte amuh tak un alau mahmahta ua, "Hihpa Pasian Tapa ahi taktak na hi!" achi uhi.

55 Tualeh Galili gam a pat a ana sepsak jel kawm a Jesu hungjui numei tamtak huamun ah a om ua, gamlatak a pat a en uhi. 56 Huate lak ah Mari Magdalini, Mari Jakob leh Joseph nu, Zebedi tapate nu Mari a om uhi.

Jesu vuina

(Mrk. 15.42-47; Luk. 23.50-56;Jhn. 19.38-42)

57 Nitaklam ahunghih in Jesu nungjui hive Arimathai khua a om amin Joseph mihausa khat a hungpai a. 58 Amah Pilat kiangah apai a, Jesu luang a ngen a, tuachi'n Pilat in pia dingin thu apia hi. 59 Tuachi'n Joseph in aluang ala a, puan maingat siangtak in atuam a, ahanthak, suang akhuak hawm ah asial a, han kongkhak ah suang lianpi khat aliklut a, apaita hi. 61 Mari Magdalini leh Mari dangte han mai ah touin a om uhi.

Han kongkhak ngakte

62 Tualeh ajingni in, hua hi kiginni jingni ahi a, siampite leh Pharisaite Pilat kiang ah ahung kikhawm ua. 63 "Siapa, hih mikhemhat pa'n adamlai in, ‘Nithum zohchiang in ka thoukik ding achih ka theigige uhi.’ 64 Tuajiakin han pen nithum tan hoihtak a veng dingin thu pia in, atuachih keileh jan kal in a nungjuite paiin amah avagu kha ding ua, mipilak ah, misi lak a kipan a thoukikta hi, achi khading uhi; tuachi’n khemna masa sang in khemna nunung pen asiajaw sem ding." achi ua.

65 Pilat in akiang uah, "Vengmi galkapte nanei ve ua le," "Pai unla na hihtheih bang un veng hoihsak ta unla, " achi a.

66 Tuachi’n apai ua han a enchian ua, asuang achiamteh ua, vengtu akoihta uhi.

Mathai 28

Han guak

(Mrk. 16.1 -10; Luk. 24.1 -12; Jhn. 20. 1-10)

1 Khawini kbit nipi kal a ni masa- pen phalvak in Man Magdalini leh Mari dangte han en ding in a hungpai ua. 2 Ngaiin jin thupitak ahung ling a, Pasian vantungmi van a pat in ahung kumsuk a, tualeh hungpai in hankong a pat suang ahung likkhia a, atung ah atouta hi. 3 Amel kilatdan ahihleh tunphe bang mai ahi a, a puansilh ahihleh vuk bang a ngou ahi. 4 Tualeh amah alaujiak un vengtute a kithing ua, misi bangin ahung omta uhi.

5 Hinanleh vantungmi-in numeite a houpih a akiang uah, "Laukei un," "A kilhden uh Jesu nazong uh chih kathei hi. 6 Hihsan ah a om nawn kei aman agensa mahbang in a thoukikta hi. Hungpai unla alupna mun hung en un. 7 Tualeh kintakin pai unla, a nungjuite kiangah ‘Misi lak a kipan a thoukikta; ngaiun! Galili gam ah namai uah apai!' Huasan ah amah namu ding uh, chi-in vahilh un ngaiun kung hilhta ahi," achi hi.

8 Tuachi'n amauh lau leh kipak kawm in han a pat in manlang takin apaita ua, a nungjuite hilh dingin ataita uhi.

9 Tualeh nungjuite hilh ding a apailai un, ngaiun, Jesu’n amauhte aki muhpih akiang uah, "Na kiang uah khamuanna om hen," achi a, Tuachi'n amau'n a kengte tuin abia uhi. 10 Tuachi’n Jesu'n akiang uah, "Laukei un, pai unla ka sanggamte Galili gam a pai dingin vahilh un, huasan ah ahung mu ding uhi," achi hi.

Vengtute thugen

11 Tuachia amauhte apailai un, ngaiun vengtu khenkhat khuapi sung ah avapai ua, siampite kiangah sil orndan jousiah avahilh ua. 12 Tualeh upate tawh akikhop ua akihou zoh un galkapte sum tampitak apia ua 13 akiang uah, "Ka ihmut kal un, a nungjuite a hungpai ua amah ana gumangta uh, chi un, achi uhi. 14 Tualeh gam ukpa’n hihte anajak ta'kleh zong, kouman ka khem lungdam ding ua, nou kung hunkhia nading uh hi," achi uhi.

15 Tuachi'n dangka ala ua, amauh ahilh bangbang un abawlta ua; Judamite lak ah hihthu tunitan in akigen nalai hi.

Nungjuite kiang ah Jesu aldlak

(Mrk. 16.14-18; Luk. 24.36-49; Jhn. 20.19-23; Nst. 1.6-8)

16 Tuachi'n nungjui sawmlehkhatte Galili gam ah Jesu'n amauh a ding a aguatsak mual ah apaita ua. 17 Amah amuhtak un abia ua, hinanleh khenkhat in aginglel uhi. 18 Tuachi’n Jesu akiang uah hungpai in amauh a houpih a, "Van leh lei a thuneihna ka kiangah piak ahita, 19 Tuajiakinn pai unia, namchin a mi nungjui in bawl unia, Pa leh Tapa leh Khasiangthou min in baptis un, 20 thu kungpiak jousiah juiding in thu hilh un, tualeh ngaiun, kei bangchik tan in leitung tawpdong in na kiang uah ka omgige ding," achi hi. Amen.