Back To Top
JOHAN
LAIKHAK THUMNA
III Johan
Chibai bukna
1 Upa in-
Ka it mahmah Gaia, thutak a ka it kiang ah.
2 Ka itttak, na kha a khantouhjel bang a sil jousiah a na khantouh ding leh na damtheihna dingin ka thumjel hi. 3 Ajiak pen unaute hongpai a thutak a na omdan bang a nangmah a thutak om ahung tak un ka kipak mahmah hi. 4 Ka tate thutak ah aom chih kajak ka’n a kipakna lianjaw ka neikei hi.
Gaia pahtat a omna
5 Ka ittak, unaute tung leh mikhualte tung a nabawl taphot gin-omtak in na bawljel in. 6 Huate’n ahihleh na itna saptuamte maiah a puangta uhi. A khualjinna ua Pasianmi bangtak a na makaihjel leh na bawlhoih hi. 7 Ama min a pawtkhia ahih jiak un jentelte kiang ah bangmah a lakei uhi. 8 Tuajiakin thutak a semkhawmte ihihtheihna dingin huachibang mi pen ingaih ding ahi.
Diotrephe leh Demetria
9 Saptuamte kiangah kagelh a; hinanleh alak ua tungtuan utpa Diotrephes in, kou ahung kipakpih kei hi. 10 Tuajiakin kungpaileh pen, a silbawlte leh: ka tung ua thugilou gen a a kamtam dan ka phuangjak ding hi! Tualeh hua a zong lungkimlou in amh mah in a unaute ana vaitunnuam kei a, tualeh a tungsaknuamte zong a kham a, saptuam sung a pat a notkhia hi!
11 Ka ittak, sil gilou chingkenla hinanleh silhoih chingjaw in. Silhoih bawl mi pen Pasian a kipan ahi; hinanleh silgilou bawl mi inPasian a mukei hi.
12 Demetria in mi jousiah a pat leh, thutak a pat pahtat alawh a. Tualeh kou zong ka theihpih ua, tualeh ka theihpihna uh pen adik ahi chih nathei uhi.
Mangpha khakna
13 Gelh ding tampi kanei a, hinanleh laipuan leh laituiin na kiang uah ka gelh kei ding hi; 14 hinanleh sawtlou nung chiangin kung muding a, kimaituah in thu igen ding chih ka kinem hi.
15 Khamuanna natung uah om hen.
I lawmten chibai ahung buk uhi. I lawmte minlawh chiat in, chibai hung na buksak in.
