Back To Top
JOHAN
LAIKHAK NIHNA
II Johan
Chibai bukna
1 Upa in-
Numei tel leh atate, thutak a ka it te kiang ah, hinanleh thutak thei jousiah in zong, 2 ei a om tua leh tangtawn a zong I kiang a om ding thutak jiak in.
3 Pa Pasian leh I Toupa Jesu Krist, Pa Tapa, a kipan hehpihna, zahngaihna, khamuanna pen thutak leh itna in na kiang uah om hen.
Itna leh thutak
4 Pa kiang a kipan a thupiak i muh bang a, na tate uh khenkhat thutak a om ka muh jiakin ka kipak mahmah hi. 5 Tualeh tuin, numei hoih, thupiak thak gelh bang pen hilouin, achil a kipat ineih uh gelhjaw in, khat leh khat ki ittuah dingin kung ngen hi. 6 Hihmi ahi itna, a thupiak bang a i om uh; thupiak pen ua-huamah a na om ding uh ahi.
7 Bangjiakin ahia ichihleh, Jesu Krist taksa in a hungpai hi chih gumlou kemtu tampi leitung ah ahung pawttauhi, huachibang mite pen khemtu leh krist doudaltu ahi! 8 I sepkhiatsate mansuah lou a nuamman akim a i muhtheih jawkna ding un noumah leh noumah kiveng un.
9 Mi kuapeuh dan botsia leh, jesu Krist thugin a omgige lou in Pasian a neikeihi, kuahileh Krist thugin dan a omgige mi in Pa leh Tapa anih in a neikhawm hi. 10 Mi khatpeuh hih thugin kenglou a na kiang ua hungpai aom leh na inn uah tungsk kei unla, “Kampha in zong houpih kei un.” 11 Ajiak pen kampha a khatu in amah gitlouhna a kikoppih hi.
Mangpha khakna
12 Na kiang uah thu tampi hung gelh ding ka neih hangin,laipuan leh laitui a gelh ka utkei a; hinanleh hungpaia i kipahna auh a kimtheihna dingin, kimaituah a honggen ka kinemjaw hi.
13 Tel a om na sanggamnu taten chibai ahung buk uhi. Amen.
